[شاعر الحب الحزين]

افتكرتك وانا بكتب عن نفسي

مسحت الكلام وغيرت العنوان

كتبتلك انتي ونسيت نفسي

وأجلت كل مواعيدي كمان

تاهت حروفي قلت اسلم وامسي

مع اني والله من الدنيا زعلان

انتي دنيا تانية بتخليني اهزم يأسي

بتقويني على كل هم وأحزان



أفديكي بمكاني وزماني مش بس بكلام

ما انتي ف الحياة عنواني وكل المنى والأحلام

اهديكي من الأغاني بعتلي نظرة لأنغام

انا كلي بحبي وحناني عشانك وليكي يا أجمل غرام



كنت بكتب عن نفسي ولما افتكرتك

مسحت كل الكلام وانتي لوحدك كتبتك

أجلت كل مواعيدي المهمة

ما انتي عندي الغالية المهمة

غيرك بينزل وبتفضلي في القمة

زي ما انتي جميلة وطيبة من يوم ما عرفتك

قبل كل كلام وبعد كل كلام الخلاصة إني بحبك



شــــــــــــــــــــــ . حـــــــــــــــــــــــ