 ما باكلشي حرام
انا لو هموت من الجوع
ما باكلشي ابدا من حرام
اهون عليا أموت موجوع
ولا اعيش لحظة من حرام
ياللي على نفسك بتقبله
قوللي انتا إزاي قادر تنام
مرة تحرمه و20 مرة تحلله
تحلله بالفعل وتحرمه بالكلام
مجروح ورافض أي دوا
قبل ما اعرف هو منين وبكام
انا والحزن في الهوى سوا
حالفين ما نضعف يوم من الأيام
ما باكلشي حرام إن كان صعب ولا سهل
اتعودت أرضى بنصيبي وبكده حكم العقل
ما افرحشي ان زاد وما ازعلشي لو قل
انا مش مستعد اندم عمر عشان لحظة جهل
اسعى لرزقك بالحلال هتحس بطعمه أجمل
ومهما يكون صعب الحال إياك إنك بالحرام تقبل
يقولوا فقير يقولوا مسكين ولا يقولوا يوم عنك حرامي
هيقولوا عاش شريف عاش نضيف تستحق احترامهم واحترامي
شـــــــــــــــــــــــ . حـــــــــــــــــــــــ
التعديل الأخير تم بواسطة شاعر الحب الحزين ; 02-17-2019 الساعة 04:43 PM |