[شاعر الحب الحزين]

مش مثالي واحد م الناس وبغلط عادي ما انا إنسان

بس عمري ما غلطت ف حد من غير ما يكون غلطان


غيرتهم الدنيا بس أنا صعب أتغير

كبرتهم الدنيا وخلت عقلي منهم أكبر

نفس أطباعي وانا كبير من وانا صغير

قد ما اشوف ف الدنيا بضحك قد ما اقدر


مش مثالي بس راضي بحالي وعاجبني

مش مثالي بس صاحب بجد للي يصاحبني

أما الحب ف ده بكتبه وما اخليهوش يكتبني

أحب إني أحب الكل من غير ما حب يقيدني


مش مثالي بس هاتلي حد يقول إني مش مثالي

دي ثقتي بنفسي وحبي عمرها ما كانت غرور يا غالي



شــــــــــــــــــ . حــــــــــــــــــــ