 عملنا اللي علينا
عملنا اللي علينا بكل ما فينا حبينا
جبنالهم التذاكر وأتاري الحفلة علينا
صدقناهم وسلمنالهم نفسنا بإيدينا
خدعونا بحبهم وهمونا وف الآخر اتنسينا
خلونا ف حيرة نسأل عن اللي فات
مواقفهم الحلوة الماضي والذكريات
كانوا بجد ولا تمثيل وقصص وحكايات
زي الحب مليان القلب أسئلة ومفيش إجابات
عملنا اللي علينا انا وقلبي ومش ندمانين
ما بنندمش ع الحب حتى لو حبينا مين
بنندم ع ثقتنا الكبيرة لقلوب وعقول خاينين
نقدر نحب ألف مرة بس فين الثقة والحنين
عملنا اللي علينا وزي ما اتمنوا نحبهم حبينا
جبنالهم التذاكر ومكناش نعرف إن الحفلة علينا
ش . ح
|