[ملك جبال الاحزان]

السلام عليكم ورحمه الله وبركاته

غايب بقالى كتير اوى عن المنتدى فقولت ارجع بحاجه من ريحة زمان

(بس للاسف من غير تنسيق بقا اعذرونى )

المنتدى هنا ياما قضينا فيه ايام حلوة بجد لمه وسهر مسابقات جوايز اصحاب وكمان احباب كل حاجه عشناها هنا بجد

دخلت مدونات كتيير لاعضاء معانا من زمان وقولتت ادور على ذكرى حلوة سايبنها فى المنتدى
منهم مبقاش موجود ومنهم بيختفى ويرجع ومنهمبيحاول يبقا موجود
ديه اقتباسات ليهم
وهرجع باقتباساات لاعضاء كتير تانى وتالت علشان نجاول نرجع نفس الروح تانى

نبداء علشان ورانا شغل

اقتباس

اقتباس الأميرة رودي مراقبة عامة سابقه ياااه على ذكرياتنا ف المنتدى ده وخصوصا المرتبطة بالشهر الفضيل. سهرات رمضان ومسابقات وجوايز بالهبل كنا بنديها للناس كده ونضحك ع الاداره . لو مفرحناش ف شهر زي ده واستعبطنا عليهم هنفرح امتى يعني.كا أجمل مافيها اللمه والضحك والسهر لحد السحور. كتير اوي م الأعضاء كانو بيشاركو ويبقى الموضوع واقف فيه عدد مش قليل من الأعضاء والزوار. ناس منهم مشيو وسابو المنتدى بس يابو كمان ذكريات حلوة.. فاكراهم بالخير دايما. وناس منهم لسه موجودين ويارب دايما كده. الحاله النفسيه والمود عموما ايامها كان مشجع على عمل سهره يوميه وكان فيه طولت بال وتحفيز م الكل الوقتى الوضع اتغير تماما بالنسبة لي. بس لسه بحب المكان وبحب اللى فيه كلهم حتى اللى غابو وسابونا لهم فى قلوبنا كل الحب وكل الذكريات الجميله والدعاء ليهم بالتوفيق والسداد ف حياتهم. #ياريتها_ترجع_ايام_زمان

اقتباس

اقتباس احضان الحبايب مشرف صفحات مكشوفة سابقا اهل الصفحات الكِرام .. ازيكم انا عديت هنا بالصدفه .. فقولت ادخل اقولكم ان المنتدى ده شاهد على كتير من ذكرياتنا الحلوه و الوحش .. الصفحات هنا بالذات جزء من ذاكرتنا .. احتفظوا بمكانكم هنا .. و مهما غبتم عنه .. ارجعوله تانى و افتكروا حاجات عدت فى حياتكم .. و المنتدى كان شاهد عليها . بس لعلكم بخير كلكم

اقتباس

اقتباس الرحــاال المٌتَمرد مٌشرِف سابق المنتدى بأه كئيب ،، ركود ،، وتقريبا فقد 95٪ من الأعضاء النخبه رغم ذلك الواحد بيحتاج كل فتره يمر هنا .. هنا لحظات و ذكريات و مواقف لا تنسى هنا عرفنا ناس و كملنا معاهم وناس بعد ماعرفناهم غابوا وناس غبنا عنهم ،، لكن ذكرى الناس الطيبه بتدوم في صفحات المدونه دى انا عشت لحظات كتير حلوه من خلال التقييمات محتوى التقييمات و تشجيع المتابعين ليا انا كنت بكتب كانوا هما الدافع و المحرك الرئيسي ليا ك كاتب و دا يمكن أحد أهم الأسباب انى شبه بطلت اكتب بتمنى الزمن يعود و ترجع تانى الناس اللى كانوا سبب لتواجدى هنا و لكتابتى و للذكريات اللى مش بتتنسى بتمنى ع ارجع من تانى اكتب ،، و ترجع تانى ليا روح غايبه عنى 00000000000000

اقتباس ♥SaRa .مشرفة النقاش سابقا آككيد بقالي كتيررررر اويمدخلتش هنا وحشتوني اووي بجد وعآرفة اني مقصرة مع ناس كتير ومش بسألعليهم بس انا بحاول عـ قدر الامكان اطمن عـ بعض الناس عن طريق الفيس طبعاانا مش عارفة اقول اية والله يعني فجأة حياتي خدت منحدر غريب بعدت عن ناس علشاناركز فـ دراستي وحلمي وتقريبا فـ النهاية نجحت بـ 15 درجة !! انا مستغربة مننفسي بس الحمد لله لأني تعبت جامد فـ الفترة الاخيرة ومازالت بس# الحمدلله مخلصالتعب مهدءات بتـنيمني بالساعااااات و سافرت علشان تغير مكان وجو هه #الحمد_لله مشعارفة قد تكون دي اخر مرة ادخل فيها قد تكون لا وارجع لو ربنا كتب ليا عمر . وانشاء الله هيكون لوني أسود عما قريب بتنفيذ طلبي لأنة يليق بيا ويكون مفروض لونيلاني مقصرة 100% . وبجدالسايت هنا كانت فية ذكريات جميلة وشخصيات راقية اتعرفتعليها بتمني ليهم كل خير وبتمني اكون ماشية ومحدش زعلان مني ، دة لو لسة حدفاكرني #أستودعكم الله .

اقتباس dяєαм..|♥ مشرفة قسم الاتيكيت سابقا وحشنى المنتدى جدا وبجد مفتقده الناس الجميله اللى اتعرفت عليهم هنا ووحشونى وللأسف مش قادرة اوصلهم وحشنى الكتابة هنا جدا . فاكرة ان اى حاجة كانت بتحصلى حتى لو كانت تافهه ومش مهمة كنت بكتبها هنا كل فترة تقريبا بدخل اتفرج ع المنتدى واشوف الجديد وادخل بروفايلات الاعضاء ع امل انى اقدر اوصلهم بس مش بعرف يمكن اكتر حاجة مستغرباها جدا هى الحاجات اللى انا كنت بحكيها وبتكلم عنها هنا. طريقة كلامى والحاجات اللى كنت بتكلم عنها فكرة انى كنت بعرف اتكلم وافضفض اصلا غريبة بالنسبالى ! انا الوقتى فعلا مفيش اى قابليه للكلام والفضفضة . حاجات كتير اوى اتغيرت . يمكن فيه مشاركات ليا كنت فعلا ببقى مخنوقة وتعبانة بس لما بقارن بين حالتى ف الفترة اللى كنت بكتب فيها الكلام ده ودلوقتى . فعلا تغيير كبير اوى . ع الاقل كنت بقدر اتكلم واعبر عن اللى جوايا .حاليا الموضوع بقى فعلا صعب بس الحاجة اللى انا متأكده منها ان فعلا المنتدى ده كان بيخفف عنى كتير ومكنش مجرد منتدى بالنسبالى كان حاجة اكبر بكتير ^^

اقتباس Ŗăήćy مشرفة الديكورسابقا الزيارة السنوية للصفحات بمناسبة رمضان بقى وكده بقالى 5 سنين هنا فى المنتدى 5 سنين اتغير فيهم حاجات كتير جدا..ناس راحت وناس جت ناس مكانها وذكرياتها معانا لسه محفورة جوانا مش هتتنسى بالنسبة للمنتدى يعنى اشتقت جدا والله للاوقات اللطيفة الى كنا بنقضيها هنا مع بعض وفرحانه انى طلعت منه بناس جدعة وطيبة كل سنة والكل طيب،يارب الايام تعود علينا بالخير

اقتباس big bốss مشرف الخزعبلات والنقاش وحشنى المنتدى و الاعضاء الى فيه وحشتنى الايام الى كنت بقضيها هنا مفتقدها جداً هدخل الايام دى و على الله مش ازهق و ارشق لكم هنا زى زمان

اقتباس Arco Baleno اداري سابق انا لم ادخل هذا المكان من اجل الاستمرار والعودة كما كنت في الماضي!! بل دخلت من اجل ان اخرج عن صمتي واكتب لي اخر كتابه في هذا المكان لأني ابتعدت بشكل مفاجئ ويحق للمكان الذي عشت بداخله سنوات طويله ان اعطيه جزء قليل من الوقت حتى اكتب به المكان هذا انتهى بنسبه لي. مشغولة في حياتي الخاصة وفي حب نفسي وتحقيق ذاتي التي دفنتها تحت الاحزان واخترت الهروب بدل من الوقوف ومعالجه احزاني تعلمت من جميع الأخطاء وأصبحت أكثر نضج في حياتي واقل تعامل مع البشر وأكثر تسطيح العلاقات لان لا أحد يستحق التعمق الا الخالق الذي اوجدنا انا منشغله في عالمي الخاص الذي كونته لنفسي ولا ارغب ان أكون ناكره للجميل لذلك أقدم شكري لهذا المكان الذي جعلني اكتشف مواهبي في الفوتوشوب التي توقفت تماما. وأقدم شكري لجميع الناس هنا التي تعلمت منها أشياء ايجابيه وافادتني في حياتي واشكر كل الناس التي اعطتني أشياء سلبيه جعلتني اعيد النظر في نفسي وافكاري واعمل فرمته أتمنى للجميع حياة سعيدة وان يصلو الى مرادهم فأنتم اخواني واخواتي في الله دعواتي للجميع بسعادة وأقدم عفوي لكل نفس أقدمت على جرح قلبي او اذيتي بكلمه او بعمل واخر الكلام وأفضله في امان الله

اقتباس ❀ ЯeRōŎō ❀ OopSs عضوية التميز لما الواحد بيغيب كتير عند المنتدي وفجأه يدخله بيحس بالغربه المنتدي ده عامل زي الدنيا بيتغير ع طول بس بنفضل نشتقلو بردو ونشتاق لزكريتنا