مش لاقي كلام أقوله
مش لاقي كلام أقوله
وجودي وحده مش كفاية
تملي أسهر الليل بطوله
بس ينام الإحساس جوايا
غيابك هو العذاب ع أصوله
خايف عليكي ودي كل الحكاية
مش لاقي أي كلام عشان أقوله
ولا طايق حتى اشوفني في المرايا
مش عارف أعيش وانتي مش معايا
وحدي بين الزحام
تايه مني الكلام
انتي الغايبة الحاضرة
بأخلاق وأدب واحترام
انتي عملة نادرة
صعب تكررها الأيام
إزاي أبقى مش مطمن
وأقدر أهدى وأرتاح وانام
خوفي عليكي ألم ملوش مسكن
ميروحش غير لما ترجعيلي بسلام
ساعتها بين أحضاني عليكي بأمن
ساعتها ألاقي نفسي واحساسي والكلام
ش . ح
|