منذ /07-01-2019, 01:18 PM
|
#1 |
| النهايه سيبي الدموع ترسم ملامح النهايه
وتقولنا ان دي نهاية الحكايه
ومهما قولنا أو عاتبنا مش يفيد
خطوة وداعنا النهارده شئ أكيد
كل واحد مننا في طريق وحيد
كتبنا النهايه .. لأجمل حكايه
****
حاولت أبعد عننا فكرة وداع
واخدك واهرب من ظنوني
واهمس بشوق الدنيا دي
ملقيتش غير قلبك وفكرك ودعوني
وانكسر فينا الامل والحب ضاع
واتقفلت كل الطرق حتي الأماني
إيه اللي باقي مننا يجمعنا تاني
كتبنا النهايه .. لأجمل حكايه
****
سيبي الدموع تكتب نهاية حبنا
ما اتكسر فينا الأمل وحلمنا
والحب ضاع وعمرنا
واللي باقي مننا
شوية آهات
هي ونيسي في وحدتي والذكريات
مبقاش يفيد كتر الكلام
علي مين يكون بس الملام
هكتب نهايتي والحكايه
ونسيت أقول .. إنها أجمل حكايه
****
بقلم / عاشق ولهان
التعديل الأخير تم بواسطة عاشق ولهان ; 07-02-2019 الساعة 05:49 AM |
| |