اسألوني أنا
عن الوجع عن الألم تعالوا اسألوني أنا
خبير في الحزن مصاحبني من كام سنة
عن خيانة الحبايب وغدرهم
اللي شفت العجايب في قربهم
عن حزن وويل ودمعة ف نص الليل اسألوني أنا
عن جفا الحب وكسرة في القلب بردو اسألوني أنا
هتلاقوا إجاباتي سابقة لكل سؤال
قبل ما تبقى واقع كانت مجرد خيال
اللي كانت ثقتي فيها قد الكون
كانت بتمثل الشرف على كل لون
ولما سألتها كان جوابها ليا بردو سؤال
أي وجع أي ألم أي تعب والله فوق الإحتمال
أيوة مش بخير ونفسي حد يفهمني
والأيام كل مرة ف حد جديد تصدمني
عني مش هتكلم ومهما اتألم انا صابر على كل حال
أنا دوا علتكم وإجابات أسئلتكم
حبايبي ياللي ف سكتكم ماشي ف رحلتي ورحال
اه من قولت اه ده اللي يسمعها يتألم ما بالك باللي قال
ش . ح
|