حكاية صوت
قاعد في الليل في غرفته لوحده
كل حاجة عايزها موجودة عنده
قافل على نفسه وسرحان
وفجأة سمع صوت غريب
فز وقام يدور في المكان
والفكر بقى يودي ويجيب
يفتح شباكه يبص ع الجيران
لا ف عقله صاحب ولا حبيب
طفى النور ورجع وقعد بهدوء وساكت
بس سمع الصوت تاني
أتاريها تلجة في قزازة وقعت ودابت
عرف إن ده صوتها ف ثواني
العبرة من الحكاية دي
القزازة كانت جنبه وكان الصوت منها
بس صاحبنا قعد يدور ويدور ويفكر
لحد ما سمع الصوت كمان مرة ساعتها عرف مصدر الصوت
وجعك من القريب منك متدورش بعيد
هتحس ب ده مع الأيام
مش كل قريب منك حبيب
ولا كل صاحب يتصاحب
ش . ح
|