 كلمة
تفرق في الإحساس تفرق كتير
تقربنا تبعدنا تعمل فراغ كبير
كلمة طيبة تحنن قلوبنا
كلمة قاسية تفرق دروبنا
في كل العلاقات هي كلمة بتعمل التغيير
مفيش بين القلوب مسافات سهل ليها المسير
كلمة وجعتني وبينت إنها ما وجعتنيش
كلمة قتلتني وعملت إني عادي وبعيش
كلمة ف عز حزني ضحكتني
كلمة من اليأس خدتني لأحلام ما تنتهيش
لسه للكلمة الحلوة أثر جميل ما يتنسيش
ما تجاملش من البداية
وتيجي تجرح في النهاية
قول اللي جواك ليا
عشان اقدر أقولك اللي جوايا
الحبايب تجرحهم كلمة
تراضيهم كلمة بس مش كفاية
خلي بالك من كلامك
قبل ما تتكلم خليك فاهم الحكاية
ش . ح
|