[مارد الغضب]

انا على لحم دماغى
و زميلى مجابش المونة
و البفرة اتبلت مية
و الطاسة بقت مجنونة
ابعد يا ابو زمل شوية
اخلاقى مهيش مضمونة
او شوفلى سيجارة محشية
و ياريت حتة افيونة
لإما حقطع نفسى
و حتشتغل الزربونة
مضمنش الدم يطرطش
انا اصلى دماغى هربانة
و الحالة يا زملى قحيطة
و جيوبى بقت نشفانة
و ابويا خبا فلوسه
نشفها يا صاحبى معانا
و فلوس امى و مصاغها
عيناها عند فلانة
حتى الانبوبة يا صاحبى
ربطوها بالجنازير
وجيوبى بقت معطوبة
وبقيت ضمن الاشافير
و دماغى بقت مخروبة
و انا على لحم دماغى