[ahmed 22]

والله يا عم مارد احنا دماغنا تعبت من التفكير في كل حاجة
انا عن نفسي مش فاهم احنا فين من العالم ده
بكل المعطيات الموجودة عالساحة ...
وده يظهرلك اد ايه بقينا ضعاف .. عشان الايمان مش موجود
كلامك هو جزء من الحقيقة واكيد مافيش حاجة صدفة
بس الحقيقة دي بتتشكل من زمن طويل ...
مش لسا النهاردة ..

بس انا متأكد من حاجة ان احنا الدراما عندنا بقت عالية بدرجة كبيرة
بفعل السوشيال ميديا وكدا ...

يعني انا متخيل ان حالنا حاليا لا يقارن ب 100 سنة فاتوا
لما الانفلونزا الاسبانية خدت بتاع 50 ولا 60 مليون شخص
وماكنش فيه بقا اياميها الاحترازات والحاجات الموجودة حاليا
ولا حتي اصلا لحد النهاردة حد عارف ايه سببها ولا انتهت ازاي
وماجتش بلاد العرب علي فكرة ..

ولا الحروب العالمية اللي حصلت وخدت ملايين برضه ..
ولا المستعمرين اللي موتوا ملايين في افريقيا والعرب
ولا السارس والمارس من كام سنة
ولا لما ماو بتاع الصين لما
قرر يقضي علي حاجة كدا مش فاكر هي ايه لعبت في ميزان الطبيعة
خلت المحاصيل الزراعية تموت وحصلت مجاعات موتت ملايييين من الناس من 40 او 50 سنة
كل ده حصل اخر قرن بس .. في الصين وغيرها

يا ريس ده احنا عاطول في حالة تصفية كدا
مش عارف .. هي اكيد اشارات .. واكيد كل ما الزمن بيمر
بيقترب من نهايته .. وكل يوم البرواز بينضاف ليه تفصيلة كدا
عشان يشكل بقا نهاية العالم ..

وبعدين بقا لما تقرأ تقارير مؤامراتية كونية
ممكن تكون معقولة لما تفكر فيها ..
ان الصين مثلا هي اللي عملت الفيروس ده في معاملها وسربته
عشان المستثمرين الاوربيين والامريكان الاسهم بتاعتهم تنزل في البورصة الصينينة
فالحكومة الصينينة تشتريهم ... وبيقولوا ده حصل ..

ولا التقرير التاني اللي عكس الاولاني
ان امريكا هي اللي تكون عاوزة تقضي عالصين اقتصاديا
فبتحاربها بالفيروسات .. عشان توقعها اقتصاديا ..

الواحد بقا بيقول بين وبين نفسه ان والله ما في حاجة بعيدة ..
ده احنا بقينا عايشين في عالم ما يعلم بيه الا ربنا

هي مش هتخلص غير بغزو فضائي خارجي علي طريقة الافلام الامريكاني كدا
يدمر العالم ويحتله
عشان العالم يتحد ضده ويلاقوا اللي يجمعهم بقا وياخدوا عبرة ..