تعدى الدنيا فى عيونك.
وترسم عمري بجفونك
وتزرع ورد كله ضيا
وتخلق جنه فى كفوفك
وآه من حلا روحك
دا روحى تروح فدا روحك
ياضي العين فداكى العين
وفوق العين كمان روحي
عشانك هزرع الايام
بدمي لو يوفيكي
وهكتب ع السما اسمك
يا نبض القلب وحنيني
أنا فى الدنيا زى الطير
وضلعك بيت بيأويني
ولو مره بعدنا فى يوم
فى بعدك تنطفى عيني
دانا لو عايشه عايشه عشان
مكتوب عليه أموت فيكى
فتعالي وخطي على راسي
ياكل الكون يا نبراسي
يا تاجى وسكتى وناسي.
يهيم القلب لو سمعك
ومهما الدنيا تطفيكي
هكونلك نور يرسيكي
هكونلك ضحكه لو مره
ينوح الحزن من دمعك
هكونلك غيمه فوق راسك
هكون الرملة فى مداسك
هكون سندك وعكازك
يروح نعشي فدا نعشك
ولو طال المرار بيكي
هكون حصنك هخبيكي
ولو مره يزورنا الموت
يا محلاه الممات فيكي
يا أمى يا أغلي ما ليه
تدوم أيدك مابين ايدي
#aya_ibrahem