[عاشق ولهان]

في عالم الأحلام

بنينا قصتنا

عشناها شوق وهيام

غنينا غنوتنا

كنا في يوم ماشين

جمعتنا دي الصدفه

ع الحب متواعدين

نرسم في سكتنا

مشينا مش عارفين

آخر طريقنا فين

والشوق متوهنا

****

ومع بداية القصه

تقوللي إن النهايه قريب

ورغم إن الفراق أصعب

هتفضل إنت أغلي حبيب

تفوت أيام ونتفرق

نقول قسمه وبرضو نصيب

واهي دايره تدور بينا

بقينا غريب يناجي غريب

****

أنا مقدرش يوم أبعد

وادينا بعدنا تاني سنين

نسينا إن الوعود حلوه

معاها دنيا من حرفين

بنرسمها يا ناس أسعد

وحلم جميل بين حبيبين

وادينا بعدنا من تاني

رجعنا نبكي تاني يا عين

****

ورغم إن الوعود صعبه

بقينا نرسم الأحلام

وتحلي يا ناس حكاوينا

ونرسم ذكري للأيام

كأن اللي اتولد فينا

حلم جميل من الأوهام

صحينا فاجآه وحدينا

كأن اللي ما بينا كلام

مشينا السكه ودموعنا

وحلم تكسره الأيام

وادي اللي انكتب لينا

علي الجبين فراقنا دام

****

بقلم
/ عاشق ولهان