[ايمان طلعت]

السلام عليكم

هعمل النهاردة اكلة جميلة وسهلة وسريعه
لعشاق البطاطس
هنجيب بطاطس مسلوقة ونهرسها
نحط عليها 2 بيضة
ومعلقه كبيرة من
بقسماط دقيق نشا
والتوابل
ملح فلفل اسود كاري كركم بصل و توم بودر
ممكن اضافه بقدونس
نخلط كله كويس
بعدين ناخد قطعه نفردها على الايد نحط جواها قطعه جبنة نستو
او اى جبنه و ممكن لحمه مفرومه
ونقفلها كويس ونشكلها شكل قرص
نخلص كله بعدين نحط الاقراص في بيض مخفوق
بعدين في دقيق عليه بقسماط ونحمر
هتطلع كدة
و بالهنا والشفا



اكله كمان سريعه
بيتزا البيض بالسجق
في طاسه كبيرة نحمر كميه من السجق المتقطع قطع صغيرة
في طبق نحط اربع بيضات عليهم زتون وفلفل الوان وملح وفلفل اسود نقلب كويس
نحطهم في الطاسه على السجق ونفردها كلها جوة الطاسه
بحيث تاخد شكل الطاسة الدائري
نهدي عليها النار ونغطيها دقائق
نحط على الوش موتزريلا ونغطي تاني دقيقتين
انا حطيت عالوش صوص باربيكيو
ممكن اضافه كاتشب او من غير حاجه
نحطها في طبق ونقطعها زي البيتزا وبالهنا والشفا



و دي قطعه بعد التقطيع