[Aya 7ekaya]

السلام عليكم ~

الزمان بيتغير و العرف بيتشكل حسب المكان و الوقت لكن ديماً كان فى أسس ثابتة بتتوارثها الأجيال .. أسس اتربينا عليها و كانت بتمثل عاداتنا و تقاليدنا اللى جانب منها كان مرتبط بالدين اللى كنا مرتبطين بين بشكل تلقائي ، بشكل مؤثر فى تعاملاتنا مع بعض و فى و عينا اللى بيتحكم ديما فى أفكارنا
لكن مؤخرا و بشكل سريع و مفاجىء لقينا أجيال جديدة بأفكار مختلفة تماماً و أفعال تتعارض بشكل كبير مع ماضينا البسيط
و الغريب أن الاجيال دى مفروض أنها نتاج تربية اجيال سابقة عاشت ظروف وزمن مختلف ! زمن كان بيحتفظ ببعض القيم حتى لو قليل ..
لكن لأن مصادر تربية دلوقتى متعدده مش مقتصرة بس على الأهل و كام برنامج ف التلفزيون لا يمثلو اى تهديد على ثقافة وتفكير الطفل
دلوقتى الموضوع بقا أوسع كتير و صعب السيطرة عليه و كمان مع البحث العلمى ظهرت طرق جديدة للتربية و اللى غالبا يتمنع الضرب اللى كانت معظم البيوت المصرية بتعتبره وجبه أساسية يومية
مع الطفرة السريعة اللى عنده اطفال بيعانى من معرفة الطريقة السليمه اللى يتبعها لتربية أولاده
من وجهة نظركم ازاى نواجه الخطوة دى ؟