ماسكات من مطبخك لشعر كله جمال وحيوية ماسك الخيار
ابشري الخيار، واضربيه في الخلاط مع كمية قليلة جدا من الميه، وبعد كده وزّعي عصير الخيار ده على الشعر من الجذور وحتى الأطراف، وسيبيه من 30 : 60 دقيقة.
وممكن تدوّبي كرة الحنة مع عصير الخيار، وتوزّعي الخليط على شعرك، وتسيبيه نفس المدة، وبعد كده تشطفي شعرك بالميه العادية.
وطبعا مش محتاجين نقول أد إيه الخيار مفيد جدا لكل أنواع البشرة والشعر.
ماسك الفراولة للشعر الدهني أو المركّب
عصير الفراولة مفيد جدا للشعر الدهني والمركب، وفي حالة الشعر الجاف ممكن تضيفي البلسم على العصير ومعاه ملعقة كبيرة عسل أبيض، وتقلّبيهم مع بعض، وبعد كده تفردي الخليط على شعرك بنفس الطريقة اللي قلنا عليها، وتسيبيه نفس المدة من 45 : 60 دقيقة.
|