[شاعر الحب الحزين]

أحلام بنحمد ربنا إنها كانت أحلام

وأحلام بنتمناها تبقى حقيقة

أحلام تراودنا مش بنشوفها مهما ننام

وكتير أحلام بنشوفها ف غفوة دقيقة

أحلام توصللك صور ورسايل وكلام

وتبقى تحذير لو اتكررت بنفس الطريقة

وقت ما الصمت يإسرك وتمل العيشة والأيام

دور في أحلامك هتلاقي الجواب والحقيقة

لما ما تفهمش الدنيا فتش في كل الأحلام

هتكشفلك حقايق ناس كانت عاملة بريئة

متزعلش لما حد يقولك روح حط راسك ونام

لما يتجاهلك واقعك خلي أحلامك صديقة

وانتا مفتح عيونك بتشوف حب ودلع واحترام

ولما تغمضهم تكتشف إن ده كله مش حقيقة


نحلم بناس وناس بتحلم بينا
في الأحلام تاخدنا بعيد خطاوينا
ياريت لو كانت أحلامنا الحلوة حقيقة
وحقيقت حياتنا حلم ننساه أول ما نفتح عنينا


ش . ح