مريض نفسي لما في يوم ميلادك
تبقى أكتر حد حزين
وبدل ما يتقدملك هدية
تقدم هدايا لناس تانيين
أيوة صحيح إن أنا بتنفس
لكن ميت نفسيا من سنين
عمري ما قابلتك غير بضحكة
وأنا جوايا غصات وأنين
المرة دي مش هرتب سطوري
هتكلم عادي زي البنيئدمين
مكنتش بشرب سجاير وأنا بكتب
بس المرة دي شربت سيجارتين
قالوا عني مريض نفسي
ضحكت قدامهم وقلت مجانين
شافوا ضحكتي مسمعوش حسي
قالوا لبعض دلوقت إحنا متأكدين
قالوا تحب نوديك لطبيب نفسي
قلت بسخرية تودوني عند مين
قلت روحوا انتوا أنا طبيب نفسي
مشيوا كلهم وهما قال زعلانين
مع إني مريض نفسي قتلني يأسي
بس لو كانت من قلبهم كنت قلت آمين
كنت هروح عشانهم مش عشان نفسي
بس أقول إيه دول شمتانين كدابين
الطبيب والدوا هيبقى مفعولهم عكسي
أنا دائي ملوش دوا إلا رب العالمين
الكلمة الحلوة حباية مسكن
تسكن آلام الفكر والحيرة
الكلمة الحلوة حضن حنين
أحلى من حضن سهى وأميرة
ولو إني معرفهمش أصلا
خلاص اسمهم جه في السيرة
تفتكروا إني مريض نفسي
ولا دي مجرد كلمات حقيرة
أحبكم لو قلتوا مريض نفسي
وأزعل لو قلتوا كلمات حقيرة
ش . ح
|