 بعد الغيبه
واحد
وحد اللي خالقنا
اتنين
انا وانتي وقصتنا
تلاته
انا واخواتي وشوقنا
اربعه
ده كان رقم بيتنا
وخمسه
دي عيله ربتنا
الاوله ابويا وامي
وعيالي و اخواتي وعمي
و التانيه اصحابي وسندي
وبعد كده كان في همي
اول ما فتحنا بكينا
والدنيا هدت خطوينا
بس احنا سمينا وبدينا
وهمومي ع المولي رميتها
اللمه ولعبنا الكوره
وفرح واحد صحبي وصوره
ودفعتي ف الجيش دولا
حاجات ولا عمري نسيتها
وحاولنا في مكاننا نعافر
دورنا علي حلمنا .. فاكر؟!
وملقناش قلنا نسافر
و خدتنا الدنيا ف دوامه
وحلفنا من بعد الغيبه
نرجع عشان بعدنا خيبه
الدنيا دي حاجه غريبه
مجتش مره علي هوانا
لكن مسيرنا تاني راجعين
نعمر الطين والرمله
و احلف بالقسم والدين
ما هسيب عيونك السمرا
انا قلبي كله شوق وحنين
و في ناس كتير أوي واحشانا
#بقلمي
#محمد سعد
|