عرض مشاركة واحدة
قديم منذ /05-30-2009, 05:53 PM   #1

marwoo
عضوية التميز
 

 رقم العضوية : 20071
 تاريخ التسجيل : May 2009
 العمر : 38
 المكان : Alexandria
 المشاركات : 1,914
 النقاط : marwoo is on a distinguished road
 درجة التقييم : 48
 قوة التقييم : 0

marwoo غير متواجد حالياً

أوسمة العضو
افتراضي عشان انت مصرى (ربنا يجعل كلامنا خفيف على !!!)

:vb29:

بسم الله الرحمن الرحيم

اخدت حباية شجاعه وقولت ابعتلكم قصيده ياااااااارب تعجبكم :shiny01:


هذه قصيدة للشاعر الكبير أحمد فؤاد نجم

والقصيدة بعنوان عشان انت مصري

عشان انت مصرى عشان انت مصرى

لازم تعانى وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سيبلك كومة ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعك

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى يا ناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك ..........




ومتنسونيش بالعيش والحلاوه بقى هاااااا ميسدات يا شباب:752::vb29:







  رد مع اقتباس