لا تصحيح و لا حاجه
دا اقتراح انتي قدمتيه و واجب علينا كإدارة نسمعه
نقتنع بيه أو لأ
فشخصيا مش مقتنع بيه بالمره لأني بحب أحكم عقلي في كل الأمور
أما البنسبة للنت
فغرضي هو ضرب المثال
لكن في ناس بتشوف حتى التلفزيون حرام بشكل تعميمي
شكرا على الاقتراح و أتمكنى ما تكونيش اتضايقتي من ردة فعلي لأن الموضوع نرفزني لأني بكره الفكر التشددي
و للاسف كل يوم بلاقي كلام منقول مالوش أي منطق سواء بافتاء أو باشاعه
الحاجات دي بتضايقني لأن الناس بتنقل و خلاص
من غير ما يفكر أو يحاول يبص للموضوع
هما قالوا انها بدعه..يعني حرام
لأن كل بدعه ضلاله و كل ضلاله في النار
لكن الموضوع أبسط من كدا بكتير
يعني العضو بيفتح الكمبيوتر الصبح و اول حاجه بيعملها انه بيدخل الموضوع دا و يشارك (باسم الله)
ايه الحرام في كدا
ما احنا لو هنفكر يبقى هو دا التفكير
واحد تاني دخل و صلى على النبي
بدعه يعني انت كدا بتبتكر صلاة جديده مثلا أو عادة جديده
دي لا هي عاده و لا هي شكل جديد للعباده و لا أي حاجه
و بقولك تاني...أنا عن نفسي مش بدخل المواضيع دي
لكن الي عايز يدخلها مش شايف فيها مشاكل أو داعي يستدعي اني أحذفها
بالتوفيق.....
و أهلا بيكي يا مريم قي المنتدى
المهم ما تضايقيش من ردي لو كان جامد شوية