ورجعنالكم اعزائنا المشاهدين بعض الفاصل
وبنستقبل ضيفنا اللي منورنا انهاردة عايزين تسقيف جاااااااااااااااااااااامد
:cv35::cv35::cv35::cv35:
ونبدأ الاسئلة
كول / عايزين نعرف الاسم الثلاثي ؟
سيلفر/ طارق محمد عباس
كول / السن ؟ الوزن ؟ الطول ؟
سيلفر/ 21 الوزن في السبعينات تقريبا و الطول 100 و حاجه و سبعين مش فاكر بصراحه
كول / لو مفيهاش غلاسه يعني عايزين نعرف افراد اسرتك كاااام ؟
سيلفر/ أنا و أخين ذكور (3 سيلفرات في البيت ههههه)
كول / عايزين نعرف كلنا بقه انت جبت كام في الثانويه العامه ؟
سيلفر/ 97 و نص تقريبا
واخدها من ****************** مش من مصر فالتنسيق بيختلف
يعني مش زي هنا في ناس بتجيب 101
بتكون النسب نازله شوية دا طبعا على ايامي (أيام النظام القديم) الجديد دا ما أعرفلوش حاجه
كول / ودخلت كليه ايه ؟؟
سيلفر/ طب اسنان المنصورة
كول / وياترى دخلتها بمزاجك ولا غصب عنك ؟ ( المجموع يعني ) ؟
سيلفر/ تقدري تقولي الإتنين
يعني كنت عايز أجيب مجموع كبير عشان أخش طب اسنان
لكن شخصيا مش غاوي طب
كنت بحب الرياضة و الهندسه أو الفنون
كول / نحب نعرف كمان ايه هي هواياتك ؟
سيلفر/ السباحة...صيد السمك و تسلق الجبال ههههه
كول / مين أكتر المطربين اللي انت بتحب تسمعلهم ؟
سيلفر/ كلمة مطربين دايما بتكون كناية عن الزمن القديم
^_^
ماليش في القديم بصراحه
و العربي بصفة عامة مش بديله اهتمام
الأجنبي ليه كتير
في فرق روك كتير بسمعلها
كول / وايه اكتر اغنيه بتحس ان هي بتأثر فيك ؟
سيلفر/ شوفي أنا بسمع الأغنية فترة و بعدين بمل منها
غير إني زي ما ذكرت قبل كدا اني مش بسمع الأغنية عشان كلماتها
لأني لو بدور على الكلمات يبقى أحسنلي اسمع شعر
أنا بسمع عشان المزيكا
عشان كدا بحب الروك لأن الأغنية بتكون مليانه موسيقى و جيتارات
و دا الي بيأثر فيه
كول / ادام دخلنا بقه في حوار الاغاني والكلام ده عايزين نعرف بقه ايه هي نغمه موبايلك حالا ؟
سيلفر/ نغمة عادية من النغمات الي بتيجي مع الجهاز
مش بهتم أنا بالحورارات دي
كنت زمان و أنا صغير بقى نغمات و لقطات و اشتغالات
دلوقتي موبيلي فاضي عليه بقايا مالتي ميديا بس
و شوية أغاني
كفاية علينا الكمبيوتر
^_^
كول / ايه هي اكتر اكله بتحبها ؟ وايه اكتر اكله بتكرهها ؟
سيلفر/ بحب حاجات كتير المكرونه بأنواعها و بكره الكوارع
كول / ممكن اتطفل عليك واسألك بتعرف تطبخ ولا لأ ؟
سيلفر/طول تتطفل زي ما هي عايزه
^_*
طبعا لأ مش بعرف
اخري بسلق بيض ^_^
وايه اكتر اكلة بتعرف تطبخها؟
سيلفر/ البيض هههههه
كول / مين اكتر الاعضاء قربا ليك؟
سيلفر/ بكلم ناس كتير هيثم محمود سيد بس أكثرهم ضياء
كول / الحياة بنمر فيها بمواقف صعبه كتير فيها اللي بيعدي في سلام وامان وبينتهي وخلاص وفيها اللي بيأثر فينا وبيسيبلنا ذكرى سيئه عايزين نعرف منك ايه اكتررر موقف محرج حصلك في حياتك؟؟
سيلفر/ و الله ياما حصلتلي مواقف كتير
بس خليني أحكيلك عن موقف جه في بالي يمكن أول مره أحكيه
كنت و أنا صغير و عندي 5 سنين
كنا لسه معزلين لعمارة جديده
كان في حلاق في العماره الي جنبنا
كان بيجيلي مزاج أجيب واحد صاحبي و نعد نشتم فيه ( مش عارف قلة الأدب الي كنت فيها دي هههههه)
كنا نعد نشتم و الراجل كان بيعمل عقله بينا و كان يطلع كل شوية يزعق و احنا نجري و احنا مبسوطين
المشكلة بقى في ايه؟
إن شعري لما كان بيطول كانوا أهلي بيدوني الفلوس عشان أحلق عند الحلاق الي أنا كل يوم بشتمه
^_^
كنت بقى رايحله و أنا في نص هدومي
قولت بقى هعمل نفسي واحد تاني ما تسأليش ازاي ( عيل صغير بقى هههههههه)
بس و الله الراجل ما عملش حاجه بالعكس كان بيعاملني كويس و ولا جابلي سيرة الشتايم
و شالي شعري و دقني هههههههه
كول / و ايه اكتر موقف صعب مريت بيه في حياتك احكيلنا كده ؟
سيلفر/ مره في العيد كان في بتاع كدا بنولعها و بتفرقع 5 مرات خليت واحد صاحبي يولعها و روحت راميها لفوق على اتنين شباب كانوا أكبر مني ب3 سنين تقريبا
المهم انها دخلت في أفا واحد فيهم و قاعدت تفرقع و هو يلف حوالين نفسه
بجد كان موقف صعب و الواد بيولع أدامي
هههههههه
هدوم العيد بتاعته اتحرقت و افاه احمر و ورم
كول / لو حطيناك في موقف انك تحكم على نفسك وتقيمها بالكويس اللي في شخصيتك والوحش فيها برد وببساطه اكتر عايزين نعرف ايه العيوب اللي انت شايفها في نفسك و بتحاول انك تصلحها او تعدل منها ؟؟
:detective2:
سيلفر / صعب اني أحكم على نفسي يا كول
يعني مثلا هقولك المشكلة اني طيب زياده عن اللزوم
طب ما غيري هيشوفني شرير اصلا!!
^_^
انتي و غيرك الي يقولي ايه هي العيوب الي شايفها فيه عشان أقدر أصححها
ممكن تقولي مثلا أحيانا بنفعل بزياده في موضوع نقاشي
مش عارف و الله
كول /ايه اكترر نقد اتوجهلك وانت مقبلتهوش من اللي بينتقدهولك؟
سيلفر/النقد الي بيخرج عم مضمون الموضوع الي بتناقش فيه و بيتحول لنقد شخصي أعمى مبني على التهم الي مالهاش مبررات
دا النقد الي مش بيعجبني
لكن طالما بيناقشني في الموضوع نفسه و بينقد الكلام فقد فدا النقد الي استجيب معاه
و ممكن نوصل لفكرة أو نافذة جديده ماكنتش مدركها
كول /ايه العيوب اللي انت شايفها في نفسك ؟؟والعكس ؟
سيلفر/دا سؤال أوجهه ليكم مش ليه
شوفوا عيوبي و مميزاتي ايه و أنا الي هسمعكم
عموما الناس ما قصرتش في موضوع قول رايك الصريح
^_^
بس و الله أنا فرحت لأن الناس قالت رايها بدون مجاملات
ما حدش كان خايف
هههههههههه
و دا الي أتمناه فعلا إن الناس تشوفني شخصية قابله للنقد
مش شخصية جامده لا تقبل النقد
كول /ندخل شوية في الاسئلة الجريئة دا انت حتتهرى اسئلة من ديه
اصبر بس عليا :vb8:
سيلفر/كل دا عشان السؤالين بتوع امبارح
أمال لو كنت فايقلك يا بتاعت التورته الي ترجعيها التلاجه
ههههههههه
كول /تفتكر ممكن تحب بنت من المنتدى ؟
سيلفر/يعني ايه أحب بنت من المنتدى!!
يعني مثلا ممكن أحب بنت من التليفون!!
ممكن أحب بنت من الكافيه
ممكن أحب بنت من النادي!!
ايا كانت طريقة تعرفك على البنت
المهم بعد كدا ايه
مش مهم هتعرف عليها ازاي
الموضوع مش بالبساطه دي
اني مثلا افتح ميلي و لا رسايلي الخاصه و أعد أحب في البنات!!
مع إنها سهله جدا اني أعملها
ههههههههه
بس ايه الفايده من كدا
يعني ايه الي هوصله
بالعكس كل الي هتكسبه هو السمعة السيئة
في ناس تكلمهم و ممكن توصل لدرجات عالية من الاعجاب
اعجاب مش يعني تغازل فيها
اعجاب شخصي
يعني تعجبك شخصيتها فكرها طريقة كلامها
دا الي المفروض أحبه في المنتدى
لكن أحب يعني أعد أغازل بنات في المنتدى لشخصيات أنا اصلا ماشوفتهاش و لا عرفتها في الحقيقة... يبقى أنا كدا معتوه
^_^
كول /ومين اكتر بنت بتشدك في المنتدى ؟
سيلفر/أي بنت بحسها بتفكر و ليها قلم رائع في المنتدى بتشدني
كول /امته حسيت انك كاره نفسك ؟
سيلفر/ساعات لما حد يفهمني غلط
كول /اشمعزة اختارت اسم SILVER spectra؟
سيلفر/و الله ما أنا عارف جه منين
بس اسم سيلفر دا كان داخل دماغي من زمان
تركيبة silver spectra جت من منتدى تاني كان أول منتدى أتفاعل فيه
iron soul
كنت هسجل فيه باسم silver soul
و بعدين جه في دماغي spectra اسم لأغنية كنت عاملها
و spectra بمعنى الأطياف اسم لفت انتباهي و أنا الoptic أو الفيزياء الضوئية ايام اعدادي أسنان
فالقصة معقدة جدا
ههههههههه
كول /لو طلبنا منك تدينا قدوة للأعضاء في المنتدى تقولنا مين ??
سيلفر/noona بنت محترمة و ما بتغلطش في حد ...فعلا مثال رائع لأي بنت معانا تكون بنفس أخلاقها و عقليتها
كول /لما بتبقي مخنوق مين اول شخص بتفكر تتكلم معاه؟؟
سيلفر/أي حد من صحابي
كول /قولنا بتحب اسامي ايه للاولاد والبنات؟
سيلفر/بحب الاسماء المميزه لأن أغلب الاسماء عندنا نمطية
طارق..عمرو..محسن
ان شاء الله أول ما هخلف هسمي ابني اسم مالوش وجود في مجرة درب التبانه
ممكن اسميه درب التبانه
ههههههههههه
شوفي زي ما قولت قبل كدا :
الإسم تحبه من الشخص الي حامله
كول /لو لقيت فيه خناقة في الشارع واحد صاحبك بيتضرب ياترى ايه موقفك حتروح تساعده ولا حتقول يستاهل كملوا عليه وانا جاي:vb8:ولا حتمشي ولا كأنك شوفت حاجة؟
سيلفر/هفصل مابينهم
دا في حاله كان في خلاف مابينهم
لكن لو بينضرب من غير سبب الموقف هيختلف
مش هعملك فيها سوبر مان بقى و هقولك هخش اشرحهم
^_^
يعني هحاول أتدخل بالعقل..ندي زقه و نطلع نجري ..كدا يعني
ههههههههه
كول /نفس الموقف لو كان اخوك؟
سيلفر/برضو نفس الي قولته
كول /عايزين نعرف اسامي اخواتك واعمارهم ؟
سيلفر/تامر 27 سنة (طب) متجوز
أحمد 25 سنة (صيدلة) أعزب
طارق 21 سنة (طب اسنان ) متجوز
كول /وردة حمرا لمين تهديها؟
سيلفر/خديها يا كول و خفي عني شوية هههههههههه
كول / ههههههههههههههه حخدها بس مش حخف ^^
كول /وردة بيضا لمين تهديها؟
سيلفر/لواحده في دماغي مش هقولكم عليها
(عايزكم تفكروا و تحتاروا و تلفوا حوالين نفسكم ههههههههه)
كول /وردة سودا لمين تهديها؟
سيلفر/و ليه نهدي ورد اسود في خلاف بيني وب ين واحد مش ههديله حاجه
^_*
كول /اتكلم عن نفسك شوية .
سيلفر/هقتبس ردي من موضوع (قل لنا من أنت) بتاع ألحان الورد
مافيش إنسان يقدر يعرف نفسه ببضع كلمات...
فقط الآخرين هما إلي يقدروا يعرفوك
من أنا؟
طالب جامعي....
شاب عادي....21 سنه
قد يصفني البعض...بالواثق من نفسه....و آخرين بالمتحرر ثم بالمصدق نفسه!!!
و أنا في الحقيقة اقل من هذه الأوصاف
قد أحاول الوصول لدرجه عالية من الثقة
أحاول الظهور بشكل مختلف
أحاول كسب محبة الجميع
و لكن الحكم في النهاية ليس لي.....
فقط لمن يراني
أنا فقط أنظر للمرآه لأرى نفسي من الجهة الأمامية!!
الناس هي من تراني من الخلف و من الزوايا المختلفة
قد اشعر أحيانا بأني متأخر عن الآخرين....
و لكني أراه شعور ايجابي يدفعني لبذل المزيد
عن طموحي
فهي كطموح أي شاب عادي.....إنهاء الدراسه
الإلتحاق بوظيفة ميسورة الحال و مستقرة
أما حياتي عن العاطفية
فهي أكبر طموح لي....
تعلمت في الماضي أن بؤبؤ العين لا يرى إلا المظاهر
فالعين خداعه...
قد تكون طريق الإعجاب بشخص....
ولكنها تظل في النهاية بؤبؤ!!
و أنا لا أحب التلاعب و إثارة مشاعر و عواطف للتسلية و التفاهه
فإذا كان للحب معنى سامي و بريق.....فهو عندي أغلى من التظاهر بيه و إفقاده بريقه
و أغلى من التعبير عنه بكلمات الأغاني و الاشعار...
فقد ظلمناه في ربطه ببعض حالات الشباب و البنات الذين شوهوا معاني الحب الحقيقية تحت نيران التسلية و التعارف
لا أنظر لنفسي و لا لغيري كملاك
نظرتي للحياة
قد يراني البعض بالشخص السعيد....المرح....و آخرين بالمتشائم و الناقم على المجتمع
تناقض في النظرتين...
شيء طبيعي ...إذا كانت حياتنا عباره عن سلسلة تناقضات
النظره السعيده....إنطباع يأخذه عني بعض الاشخاص لكثرة مزاحي أحيانا...
فأنا على يقين بأن المزاح هو أساس المحبة بين الأشخاص....أو رباط تقريب قلوب الأشخاص
في حدود معينه....
و سيف يمزق العلاقات إذا تعدى حدوده و إلتصق بالتفاهه و الإستفزاز
أما نظرة التشاؤم
يراني بها البعض عندما أتناقش أحيانا في مواضيع إجتماعيه...
يراني ناقم على فكر المجتمع
غير راضي بالوضع الثقافي - العادات - المفهوم الفكري للناس!!!
التي أنظر إليها دائما بالسبب الرئيسي وراء تخلف المجتمع و تأخره و إمتلاءه بالأمراض
أما ما حققته في حياتي
فللله الحمد..حققت الكثير مما كنت أطمح به
و إن تبخرت بضع الأحلام مع الزمن
ولكن الأهم هو الجزء المملوء من الإناء كما يقولوا
فأنا لا أتسرع في الإختيار......و لا أتردد عند الإختيار
الأهم عندي هو كسب محبة الناس...تكفيني لأعيش ما بقي من عمري في سعاده
كول /هل تصف نفسك بانك انسان شيك؟؟
سيلفر/مافيش أشيك مني
ههههههههههه
ايه السؤال دا يا كول!!
كول / ههههههههههههههه حلو صح؟
كول / لما تكره حد اوي بتتعامل معاه ازاي ؟
سيلفر/عادي جدا...لأني ببقى عارف إن كرهي له نفسية مش أكثر
كول /وعايزن نصيحه تحب تنصح بيها اعضااء المنتدي؟؟
سيلفر/ردوا يا جماعة على مواضيع بعض ما تستنوش المشرف يرد عليها
الأعضاء تتبادل الردود في مواضيع بعض
و دي رسالة لكل عضو حاسس إن مواضيعه مش بتاخد حقها في الردود و بقوله حاول ترد على مواضيع غيرك عشان غيرك يرد عليك
كول /اهدي كلمه حب؟؟
سيلفر/ماليش و الله في الشعر و الخواطر مع إن الي يدخل دماغي بدلعه على الآخر
ههههههههه
كول /اهدي كلمة عتاب؟
سيلفر/هما دايما بيعاتبوا الزمان و الدهر
أنا حابب أغير و هعاتب المستقبل
^_^
الله يخربيت سنينك يا مستقبل يا الي هتلحس عقولنا بتكنولوجيتك أكثر من ماهي ملحوسه
الله يخربيت و يخربيت الي يعيشوا فيك و الي يعاتبوك
^_^
كول /لو معاك ورقه فاضيه ايه اكتر حاجه تحب ترسمها فيها ؟ وليه ؟
كول / يا سلام على ارانيبك كول / ليه؟
سيلفر/كدا عشانه ارنوب ابن حلال
كول /وفي النهاية عايزينك تقولنا وبكل صراحة
ما هي نقاط ضعفك ؟
سيلفر/لأ بصراحة مكسوف
هههههههههه
مافيش حاجه في دماغي و الله
دي عايزه واحد بروفسور فلسفة يعد كدا و يدرس سلوكي و يشوف نقاط ضعفي
كول / وخلصت معانا اول فقرة
اعزائي المشاهدين راجعينلكم مرة تانية
بعد الفــــــــــــــــاصل
ومـــــع فقرة الاتصالات الهاتفية
اوعى تغير المحطة
>> لمشاهدة فقرات البرنامج <<
ادخل هنا
*تنويه: برجاء عدم المشاركه بالردود في موضوع الحلقه الاولي و ترك تعليقاتكم لفقره الاتصالات الهاتفيه عن طريق ارسال رساله خاصه للمذيعة و تقوم هي بعرضها علي الضيف.