كل امتحان وانت طيب

[احمد صلاح محمود]

كل امتحان وانت طيب
خلاص يا كابتن شهر ديسمبر فاضل له يومين ويلم هدومه ويروح ويهل شهر يناير طبعا انت عارف انا اقصد ايه طبعا لا اقصد احتفالات رأس السنة والفرحة التقليدية بقدوم عام جديد والكلام الطيب ده انا ناوى اتكلم مع حضرتك عن شهر يناير من منظور تانى خالص ومنطلق اخر حاد شويتين وهو ان شهر واحد شهر الامتحانات
طبعا فى ناس عارفة ان اليوم ده جاى جاى ولا مفر وبتستعد له من زمان وبتذاكر وكل شئ تمام وفى ناس بتفتكر الامتحان يوم ما تشوف الجدول بتاعها متعلق على لوحة الاعلانات فى الكلية ساعتها بس يحس ان الزمن جرى والوقت ضاع ويارب الحق
اتذكر هذه الايام جيدا
كنت بحس ان اليوم مختلف فى ايام الامتحانات عن الايام العادية الواحد يبقى دايما زهقان روحه على اطراف انفه ومش طايق كلمة من حد وسايب دقنه طويلة وعامل معسكر مذاكرة طول الوقت قال يعنى فاضل وقت طبعا والموبايل على الوضع صامت او مقفول احسن واريح الحكاية مش ناقصة وجع دماغ وطبعا فى الوقت ده لا عاوز تشوف حد ولاحد يشوفك والسؤال الوحيد الذى يتجول فى رأسك هو متى تنتهى هذه الايام اه لو الواحد يغمض ويفتح يلاقى الامتحانات خلصت وطبعا تنزل لوم وعتاب فى روحك كان يجرى ايه لو الواحد كان ذاكر كل يوم ساعتين كان زمانه مستريح شوية بدل ما انا قاعد بعيط واذل نفسى لواحد عشان محاضرة والتانى عشان مذكرة ما انا لو كنت بطلت استهتار شوية بس الامتحانات دى تعدى و بعد كده مش ح يحصل اللى حصل تانى ابدا كل يوم لازم اذاكر ساعتين على الاقل ومش ح اسيب ولا محاضرة هما يعنى كام محاضرة فى الاسبوع يبقى الواحد يلم نفسه شويه وكفايه لحد كده
وطبعا كل الكلام ده بيروح فى الهواء الطلق مع تسليم اخر ورقة اجابة فى االامتحانات
ياااه اخيرا الواحد يشوف نفسه دى كانت ايام صعبة عدت بطلوع الروح مين اللى اخترع الامتحانات والله حرام عليه المفروض يبقى فيه ثقة متبادلة
وفورا تفتح جنابك الموبايل المغلق من اول الامتحانات وهات يا مكالمات ايوه يابنى بتقول ايه فى افلام جديدة فى السينما قشطة يامان بس عاوزين نطلع رحلة الاول الواحد محتاج يغير جو وتنسى ما قطعته على نفسك لنفسك من عهود ووعود
احمد صلاح محمود

[الحياة]

ههههههههههههههههههههههههههههه فعلا واللة دة انا مجرباة الوقتى وشغالة لوم وعتاب وخاصة انى اول سنة ومانى فاهمة شى وخايفة جدااااااااااااااااااااااا من الامتحانات وربنا يسترهااااااااااااااااااااااا يسلمووووووووووووووووووووو على الموضوع

[mr.mo7amed]

بجد الكلام ده صحيح وبيحصل معايا دلوفتى بس انا اول سنه قى الكليه ومش عارف فيها حاجه

بس ربنا يستر وانجح واجيب تقدير علشان ادخل القسم اللى انا عاوزو

شكرا ليك على الموضوع

[H&H]

ربنا يوفقنا كلنا يا رب

انا كمان في السنه اللي قبل الاخيره

و دي اصعب سنه في سنين الكليه ربنا يستر



ارق التحيه

[دموع ف نهر الحب]

انا بقى تانية ثانوى ازهر وعندى مواد كتير
واول سنة اخاف من الامتحانات السنة دى
ربنا يستر

[elaf]

احنا بندلع طول السنه ولازم نفوق لكن علي ما بنصحي بنلاقي جدول الامتحانات اتلق في الكلية كل دكتور ومذهبه
وربنا يستر