حـــب من طــرف خــــايب

[Mo chahin]

السلام عليكم اعضاء منتدانا الغالى
بنـــــــــات مصر

موضوعى انهارده هيكون عن الحب
وهيكون الاتجاه لنقطه الحب من طرف واحد




هو احنا ليه بنعذب نفسنا و نحب من طرف واحد



هو ليه دايماً عندنا كرم في مشاعرنا ؟!!!!!!!!!!!!!!!!!!



ليه لما نقابل شخص و نعجب بيه و نحبه نكون مستعدين ندي له عمرنا ، حتى لو مش حاسس بينا و لا واخد باله مننا و

لا فارقين معاه أصلاً ؟! و مع ذلك بنفضل مستمرين في تضييع مشاعرنا ، و مستمرين نوظف إحساسنا في المكان



الغلط ، و مع الشخص الغلط ؟! ليه نفضل حاطين عنينا عليه طول اليوم ، مع إنه مااهتمش حتى يقول لنا صباح الخير

ليه لما نشوفه جسمنا يتنفض و نسمع دقات قلبنا حققت رقم قياسي ، و هو واقف قدامنا و كأنه مش شايف حد



ليه يشغل بالنا ليل نهار و احنا مش متأكدين حتى إنه فاكر اسمنا ؟!!!!!

ليه نفضل سهرانين طول الليل في البلكونة مستنين منه طلة أو نشوفه داخل أو



خارج و هو كل مرة بيخرج يقفل البلكونة بعد ما يقول لنا مساء الخير بعد اذنك

ليه نفضل طول اليوم بنفكر له إزاي يطور شغله و إزاي يبني مستقبله ، و هو عمره ما سألنا و لا عاملين إيه

في شغلنا ؟!!!!!!!!!!!!!!!



ليه دايماً عندنا إحساس إن عدم اتصاله بينا عشان رقمنا ضاع منه ، و هو هيموت و يلاقيه ؟! ليه بنطير من الفرح أول ما

بنشوف اسمه ظهر على الموبايل و هو عمره ما اتصل بينا غير عشان يسألنا عن حاجة ؟! ليه بنعتبر نظرته لينا دي أكبر

أمنياتنا ، و يا سلاااااااااام لو ضحك !!!!!!!!



ليه عمره ما علق على لبسنا أو شكلنا الجديد ، و مع ذلك بنحضر لليوم اللي هيشوفنا فيه قبلها بيومين ؟!!!!!!!!!

ليه دايماً نشكر و نمدح فيه ، و هو عمره ما قال لنا كلمة حلوة ؟! ليه دايماً هو أول واحد نفكر نبعت له رسالة في كل

مناسبة ، و هو نادراً ما بيرد عليها ؟! ليه كل ما بيغلط في حقنا بنخلق له ألف عذر و سبب من غير ما هو حتى يتكلم ،



و كأننا مش عايزين نتعبه بالاعتذار ؟!!!!!!!!!!

ليه احنا دايماً شايفينه نازل من السماء و هو على طول شايف كل تصرفاتنا غلط ؟! ليه دايماً بنقدم سعادته على

حسابنا ؟! ليه بنحاول دايماً نهرج معاه و هو مصمم يخلي كلامه رسمي ؟! ليه مابننساش أي لحظة أو موقف بينا ، و

هو مش فاكر اتعرفنا على بعض ازاي ؟!!!!!!!!!!

ليه دايماً نكون أول حد يجيب له هدية في عيد ميلاده و هو عمره ما سألنا عن عيد ميلادنا إمتى ؟! ليه بيتأخر عن



مواعيدنا و احنا بنكون جايين قبلها بساعة ، و بمجرد ما بنشوفه بننسى الوقفة لساعات في الشمس ؟! ليه دايماً

بنكون مش عايزينه يعيب عن عنينا لحظة ، و هو دايماً شغله و التزاماته أهم ؟!!!!!!!!!!!

ليه دايماً بنكون حريصين نسمع صوته و نتطمن عليه كل شوية ؟! ليه بنفضل على كده لحد ما يجيي يوم يقابلنا في



الشارع ، و يقولنا " إن شاء الله هتبارك لي قريب " فنرسم على وشوشنا ابتسامة مفضوحة و نقول له " بس ابقى

اعزمنا " .

هو احنا ليه بنعذب نفسنا و نحب من طرف واحد



حب من طرف خايب

]

[Lemo]

كلام يتعب بجد
سورى على التعبير

[yooomi]

لو كان الحب بأيدينا مكنش حد تعب .......<<بس لان احيانا كتير مش بنتحكم في مشاعرنا
ومش بنقدر نسيطر عليها......
وفي الاغلبيه بيكون اللي بيحب من طرف واحد اضعف من انو يصدق ان حبيبو مش واخد بالو منو اصلا....
يسلموووووو
تقبل مروري
yooomi

[Dr. A walk 2 Remember]

صح

لو كان بايدينا ما نحبش

كنا ما حبناش خاااااااااااااالص


ths

[احلى وهم]

موضوع بجد راااااااااااااااااااااائع
بس المشكلة ان مشاعرنا زى الارزاق محدش ينفع يعترض عليها
موضوع مؤلم ويوجع بس تسلم ايديك

[MISS AYA]

مش بيقولو مراة الحب عمياء والحب دة حاجة مش بالوقت دى بتكون عاملة زى الرصاصة اللى بتدخل من غير ما الواحد بيكون عارف هىجاية امته وازاى وبجد دة كلام اكيد الكل مجربة والواحد دايما يقول انا ايه اللى غاصبى انى افكر فى الشخص دة وبعدين يقول خلاص انا هنساة واوال ما تقع عينك فى عينه تنسى كل قراراتك وترجع تانى تلومنفسك بجد كلام جميييييييييييييييل

[Mo chahin]

اقتباس المشاركة الأصلية كتبت بواسطة lemo كلام يتعب بجد سورى على التعبير

ولا يهمك يا جميل
وتسلم لمرورك الكريم

[Mo chahin]

اقتباس المشاركة الأصلية كتبت بواسطة yooomi لو كان الحب بأيدينا مكنش حد تعب .......<<بس لان احيانا كتير مش بنتحكم في مشاعرنا ومش بنقدر نسيطر عليها...... وفي الاغلبيه بيكون اللي بيحب من طرف واحد اضعف من انو يصدق ان حبيبو مش واخد بالو منو اصلا.... يسلموووووو تقبل مروري yooomi

نورتى يا قمر وتسلمى لمرورك

[Mo chahin]

اقتباس المشاركة الأصلية كتبت بواسطة dr. A walk 2 remember صح لو كان بايدينا ما نحبش كنا ما حبناش خاااااااااااااالص ths

اكيد طبعا
تسلمى لمرورك

[الطفلة البريئة74]

حقيقى الحب مش بادينا ومبيحسش بده الا اللى مجربه انا مثلا كنت بحب من طرف واحد ومكنش يعرف غير اسمى وكان بيعاملنى عاااااااااااادى جدا كنت بتعذب لما بشوفه ماشى ادامى ولا معبرنى ولا كانه شيفنى اصلا ساعات كتير كنت بقول كفاية كده وبمجرد بس مبشوفه بنسى اى حاجة واقعد افكر فيه ع طول كنت بسال عليه جارته واعرف اخباره كانت فيه عيوب كتير ومع ذلك مكنتش بشفها او بقول ربنا يهديه لما تعبت ورقدت ف السرير اخواته كلهم سالوا عليا الا هو وسعتها عرفت انه ولا يستاهل اصلا وخدت قرار بجد انى عمرى مهفكر فيه وعملت حاجات كتير عشان انساه والحمدلله ربنا قدرنى ونسيته انا بفتكر الموضوع بضحك وبقول ده الواحد مكنش ف وعيه انه يفكر في واحد زى ده اسفة انى طولت عليكوا بس حقيقى موضوع جميل وفكرنى بالذى مضى