ابتسم وخلاص

[احمد صلاح محمود]

ابتسم وخلاص

كام مرة حسيت انك مضايق مخنوق مش قادر تقاوم حزنك ومش طايق كلمة من حد حتى من روحك
كام مرة حسيت انك عاوز تهرب من العالم -العالم كله- تغمض عينيك وتفتح تلاقى نفسك فى جزيرة لوحدك
كام مرة حسيت ان دمعك ساكن عينيك من غير سبب ونفسك تصرخ تبوح تقول
الف مرة لا
والف مرة حرام
والف مرة ليه
انا زيك ياصاحبى تأتينى هذه الحالة كثيرا وتمتد احيانا ايام وليالى طويلة دون سبب منطقى ودون مبرر معقول واظل ابحث لها عن سبب عن دافع عن او مبرر ولا اجد
اخيراً اكتفى بأن اردد على نفسى الاجابة المعتادة التى اهرب بها من بحر الحيرة المجنون لشاطئ الهدوء المؤقت واقول لنفسى كلما داهمتنى هذه الحالة
اكيد سحب الاحزان المخزونة فى عقلك الباطن قامت بعملية تجميع وقالت تخرج مرة واحدة اكيد حست ان كفاية كده جواك وقالت تخرج تشوف اكل عيشها بره فى اى حته تانية
يا صديقى اذا جاءتك هذه الحالة ثانية قوم واخرج واغسل دماغك المليانة بالذكريات الحزينة فى زحمة الطريق ساعتها هتلاقى حزانى زى حضرتك كتير ماشيين ومش حاسين او حاسين ومكبرين
ساعتها بس يا صاحبى حزنك هيروح فى زحمة حزنهم وستجد نفسك اخيرا تبتسم وحين تفاجئ الابتسامة ملامحك لن تسألها عن سر مجيئها المفاجئ ده انت ما صدقت انها رضيت عليك وجت يبقى بسرعة الحق ابتسم وخلاص حد لاقى وبعدين انت هتتأمر ما انت كنت بتعيط من شوية

كلمات الى حبيبتى
اليك وحدك
تسافر كلماتى وترحل حروفى وتغنى العصافير على الاغصان
احبك اود لو قلتها الف مرة يا امرأة يغير منها الزهر والريحان
احبك جدا ابقى معى انت طوق نجاتى وسط الطوفان
احمد صلاح محمود

[لى لى المنياوية]

بجد انا مش عارفة اقولك ايه انت وضعت ايدك ع الجرح وضغط بكل قوتك
بجد ميرسى ليك على كلامك لانى حاسه انو طالع من قلبك لانه دخل فى قلبى على طول ميرسى ليك بجد

[سحر الماس]

هههههههههههههههههه حلوه كتير كتير