بليييييز ادخلوووووو

[ميما وبس]

السلام عليكم يا بنات مصر انا عضوه جديده فىالمنتدى الجميل ده وسعيده بتسجيلى فيه
وحبيت اسألكم عن حاجه تهم البنات واشوف رأيكم فيها.... اكيد فى كتير منكم اتقدملها عريس ومردش عليهم
واكيد ده بيضايق البنات اوى لانه احساس سخيف جدا حتى لو كان العريس مش عاجبها لكن الاصعب من كده ان
العريس يكون عاجبها جدا ...وسؤالى هو لو اتقدم لواحده منكم عريس وعجبها جدا وبعدين مردش عليها تانى يوم
على طول ورد بعدها بكام يوم ياترى هتوافق عليه ؟؟؟ وتفتكروا معنى انه مردش من تانى يوم انها معجبتوش اوى ؟ ولا انه متردد؟؟ ولا ده شىء طبيعى انه ميردش على طول ولا ايه ؟؟؟ وهل حصل مع حد منكم الموقف ده قبل كده؟؟ وسورى على اسئلتى الكتيره واتمنى تردو عليه بسررررعه

[الفراشه]

ميما وبس
طبعا انتي نورتي المنتدى واحنا اسعد بيكي يا قمر
هو الحقيقه الموقف مامرش عليا قبل كدا
بس انا بقول لو العروسه معجبتهوش مش هيرد اصلا
او ممكن يرد ويقول مثلا كل شئ قسمه ونصيب
يعني مش هيجبر نفسه على حاجه دا جواز يعني حاجه كبيره
انا بقولك دا شئ عادي هو اخد راحته في التفكير
والله لو جه تاني ورد عليا انه موافق وكان انسان كويس ليه مش اوافق اكيد هوافق
بس ياسيتي الموضوع بسيط
ومش تقلقي انه اتاخر يعني

يارب اكون افادتك في سؤالك
تحياتي

[Karamela]

بصي ياعسل موضوع جميل

اسجل حضوري فيه

و لي عودة بالاجابة

[فتاه النيل]

ميما وبس

بصراحه انا محصليش الموقف ده معايا بس انا من رايى ان ده شى عادى ممكن كان مشغول فنسى يرد عليكى وانتى عارفه ان الدنيا مشاغل ممكن تساليه هو ليه اتاخر عليكى فى الرد لكن متعمليهاش مشكله لانها ابسط من كده بكتيرومتضيعهوش من ايديكىو مدام رجع تانى يعنى شريكى فمتبعهوش ...... وبقولك شقى طريقك بابتسامه خير من ان تشقيها بالسيف
ويارب يوافقك وتاخدى القرار المناسب

تقبلى مرورى
اختك /فتاه النيل

[ميما وبس]

انبسطت جداااا بردودكم...
الفراشه ..المنتدى منور بيكى ياقمر وميرسى على ترحيبك بيه وردك عليه ويارب ميحصلكيش الموقف ده ابداااااا
كرميلا..حضورك نور موضوعى ومنتظره عودتك بس متتأخريش عليه
فتاة النيل..ميرسى ياحبيبتى على ردك ونصيحتك ليه وكمان على الحكمه الجميله عجبتنى اوى
ومنتظره ردود باقى العضوات وياريت لوفيه اعضاء شباب يشاركونا بردودهم وهما اكيد هيفيدونا فى الموضوع ده اكتر
وياريت يقولولنا هما لما بيشوفو عروسه وتعجبهم بيردو عليها بعد كام يوم؟؟ ولما بيتأخرو فى الرد بيتأخرو ليه ؟؟

[احلى بنوتة]

موضوع جميل انا اسجل حضورى هنا لا اكثر
لانى لسة لم اخد هذه المرحلة تاحياتى