الحاجة اللى بتحسوا من خلالها بوطنيتكم ( مصريتكم )

[لى لى المنياوية]

السلام عليكم ورحمة الله وبركاته
مساء الخير والجمال
فى الماتش الاخير بتاع مصر ومزمبيق كنت قاعدة فى البيت وباسمع الماتش عادى كان فى واحدة جيرانا
ست كبيرة يعنى مالهاش فى الكورة المهم كل مايجى جول اعمل زى ما اى واحد مصرى بيعمل
بفرح وبصوت وبزغرط وبعمل حاجات كتيرة
بعد المباراة ما خلصت اكيد انا كنت طايرة من الفرح زيكم تمام
راحت الست بتقولى :
انت هاتكسبى ايه من الكورة يعنى انتى هاتا خدى الكاس معاهم؟؟؟!!!
فانا جاوبت عليها وقولتلها انا بحب الكورة لأنها الحاجة الوحيدة اللى بحس من خلالها انى مصرية وبحب بلدى
انا عايزة اعرف من حضراتكم :
1\ لو السؤال ده موجه ليكم هاتكون اجابتكم ايه؟
2\ وايه الموقف اللى لو حصل قدامك تحس انك مصرى وممكن تعمل اى حاجة علشان الغالية؟
ارجو التفاعل وانى ما اكونش طولت عليكم
مصرية وافتخر

[العفريت]

يا لي لي الموضوع مش محتاج اسئلة يعني اللي بيحصلك اكيد بيحصل لكل مصري ، للأسف الدول الآن ما بتعترف بالتاريخ والحضارة لكن الدولة بتظهر ويعرف اسمها من خلال كرة القدم ، سبحان الله دا الوضع الطبيعي دالوقت ، خلينا واقعيين مثلا احنا نسمع ايه عن نيجيريا أو زامبيا أو مالي ومعظم الدول الافريقية ؟ ما نسمع عنها ولا نعرف أي شيئ عنها غير في الكرة ، احنا بالنسبة لأفريقيا نفس الوضع ، لكن بالنسبة لبعض الدول العربية هما اللي قاصدين ما يعرفوا تاريخ مصر ، ودايما الشجرة المثمرة تلقى بالحجارة ودا نصيبنا هنعمل ايه ؟ فوطنيتنا تحتم علينا وبطريقة لا إرادية إننا لما نشوف علم بلدنا في اي مكان لازم نرفعه ونخليه عالي وخفاق لأننا الكبار اللي عندنا حضارة 7000 سنة رغم عن اللي بيزوروا التاريخ ورغم عن الحاقدين ، تحيا مصر

[لى لى المنياوية]

مشكور جدا لمرورك
نورت الموضوع

[أنثـے مًنْ الّخٍـْيـِالْ→♀]

و الله يا لىلى عمرى ما بنسى انى مصرية فى اى موقف

رغم كرهى لكتيييييييير من الانظمة جوة البلد

لكن البلد نفسها ملهاش ذنب

بحس ببالوطنية اوى زى كل الشعب المصرى وقت اى مبارة للمنتخب

بحس بالوطنية لما اسمع عن اى اشتراك مصرى فى الخارج سواء رياضيا علميا فنيا ... الخ

بحس بالوطنية لما الاقى ولاد بلدى اخدوا جايزة نوبل

بحس بالوطنية لما اسمع اغنية عن مصر

بحس بالوطنية لما اشوف علم بلدى

بحس بالوطنية .......

موضوع جميل يا لىلى

و محدش فينا مش بيحصل له نفس مشاعرك دى وقت مبارة للمنتخب

[لى لى المنياوية]

شكرا لمرورك على موضوعي وهذا شرف لي ووسام على صدري

[عيون مصريه]

بصي يا لي لي يا حبيبتي
السد دي لازم تقول كده بحكم سنها
يعني هي عارفه ان فوز مصلر عادي بالنسبالها
علشان كده هي قالت
لانها مش فارق معاها
اما انتي باه روح الشباب وكده دا طبعا له عامل في حياتك
وكلنا طبعا بنسمع من جدودنا احيانا كده
عموما انتي طبعا فرحك عندك حق فيه
وربنا ينصر مصر
وتقبلي مرور ي يا جميل

[سعووودي]

ميررررررررررررررسي على التوبيك الرائع

[عز عزيز]

للاسف اصبح غالبيتنا يكره نفسه ويكره بلده واصبحنا بندور على اى حاجه تقنعنا ان احساسنا ده صحيح وبقينا نكره اى حاجه ممكن تثبت ان احنا كويسين يعنى بدل مايطلع علينا فى وسائل الاعلام وغيرها مثل مقوله هذه السيده احنا حناخد ايه من الكوره ولا شخص يقول الكوره اللى منسيانا مشاكلنا ليه منقولش ان ده مجال نحن ناجحين فيه وعلشان كده احنا بنشجعه وبنشوف فيه مجال ناجح فى بلدنا اللى بندور على اى حاجه تخلينا نحبها وبدل مانحارب الكوره ونقول حناخد منها ايه او نقول هناك من هو اهم من الكوره طب ليه منقولش ياريت كل مجالات بلدنا ناجحه زى الكوره ونقول ياريت كل المسؤلين فى مصر يشتغلوا زى المسؤلين عن الكوره يعنى بدل مانهدم مجال احنا ناجين فيه ليه لم نطبقه فى كل المجالات وشكرا يا اختاه غيرتك وحبك لبلدك تحياتى واحتراماتى لكى

[فتاه من الزمن الجميل]

مصيبتنا اننا نقيس الوطنيه بالكوووره !!

الوطنيه اكبر واعمق من كدا !!

[حياتي ذكريات]

بصي أنا عشان مغتربة بحب بلــــــــدي جداا
وأول ما بسمع اسمها بحس اني عايزة أعيط وأرجعلها
يعني انا بحس بالوطنية كتير
في ماتشات الكورة بحس بالوطنية
اما بشوف ناس مصريين زي ومعايا في الغربة بحس بالوطنية
بحس بالوطنية لما أشوف أمثال زويل والطفل وائل وأمثالهم
وحسيت بالوطنية وافتخرت بيها جداا عارفة امتى
أما كان ماتش مصر في النهائي 2006 وفزنا 1-0 لقيت الشوارع
اتملت ناس مش مصريين وراسمين على وشهم علم مصر وبيغنو
لمصر وفرحانين علشان فزنا