العراضة الشامية .....

عاشقة البحر · منذ /08-07-2008, 08:54 AM

هي العراضة لاحلى شباب وبنات المنتدى

صلوا على محمد مكحول العين
........... نير وغضير وعادلا وهي

أول مانبدا منقول
........... صلوا على طه الرسول

أول ما بدينا
........... على النبي صلينا

يا صلاتك يا محمد
........... والصلاة بالصوت صلوا

والصلاة والصوم صلوا
........... وبالصلاة صلوا عليه

وعلينا وعليه
........... وعلى من زار قبره

وعلى من حج إليه
........... حجيت الحجاج لاجله

انشق القمر بنص الليل
........... من هيبة رسول الله

لا إله إلا الله
........... محمد رسول الله

وادللي ياعيني
........... على عريس الزيني

وادللي يا غالية
........... لاطلع لك العالية

لالاعبك لعب البنات
........... يا بنات ويا بنات

يم الشعور المجدلات
........... يلي شعرك شعر الخيل

مسا الخير ومسا الخير
........... الله يمسيكم بالخير

الله يمسي حارتنا
........... ياللي مشملة حملتنا

حملتنا عالشيخ رسلان
........... شيخ رسلان يا شيخ رسلان

يا حامي البر والشام
........... مسا الخير جمعية

إسلام ومسيحية
........... إسلام توحد الله

والشب يولف صاحبة
........... لاصاحبه لالاعبه

لالاعبه بالجودلح
........... جودلح يا جودلح

زيزفون يا زيزفون
........... زيزفون خيم علي

ما بناخد إلا الصبية
........... ما بناخد إلا الغلام

يا غنيم يا غنام
........... لا تروح درب الشمال

بياخدك التركملي
........... يعمل فيك شال مال

يعمل فيك العجايب
........... يعمل فيك كان مان

يعمل من جلدك رباب
........... للشيوخ والشباب

للشباب التايبة
........... والشيوخ الشايبة

يلي ع ربها تايبة
........... تايبة ومتوبة

تايبة عالشيخ رسلان
........... شيخ رسلان يا شيخ رسلان

يا حامي البر والشام
........... يا سباع البر حومي

اشربي ولا تعومي
........... اشربي من بير زمزم

زمزم عليها السلام
........... يا سلام اضرب سلام

علي مظلل بالغمام
........... والغمامة غامتو

غامتو ما لامتو
........... غامتو خوفاً عليه

وعلينا وعليه
........... وعلى من حج إليه

محمد زين محمد زين
........... محمد يا كحيل العين

هدهد هدهد ياطير
........... عنا الك خبر بالليل

يمكن شر ويمكن خير
........... واللي يعادينا نحاربو

بالسيف نقطع شواربو
........... بنتك يا خال أخذت عقلي

والعزابي يا دلو
........... ما في مين يغسلو

صابونتو بجيبتو
........... الله يخليلو ميمتو

حامل بقجة قمصانو
........... وداير على جيرانو

روح تجوز روح روح
........... حاجة تبصبص عالأسطوح

لاتاخد بنت البلكون
........... لو لبست لك كل يوم لون

خود البنت المستورة
........... ولو كانت فكحة وعورة

اسمر يا بو الجديلة
........... دخيل عيونا الكحيلة

وأنا ميت على عيونا
........... مدفعنا عيارو تسعين

ست عشر بطارية
........... بيرقنا بثلاث شكال

وحكومة عربية
........... وعلينا الخيل من روس الجبال طلعت

ما منهاب الموت لو كترت ولو قلت
........... وين الخال يشوف ابن اختو

محلا الشايب بين ولادو
........... دلي دلوك يا بنية

عريس الزين يتهنا
........... يطلب علينا ويتمنى

عريس الزين يا غالي
........... ويا مسهرني الليالي

عريس الزين ما بيعو
........... لو جبلي الدهب غالي

شن كليلة شن كليلة
........... شن كليلة شو هالليلة

شو هالليلة ما أحلاها
........... للحبايب بنتمناها

من هالليلة من هالليلة
........... من هالليلة صرلو عيلة

طقي وجني حيص بيص
........... نحنا في معنا عريس

اضرب واجرح لا تخاف
........... وين السبعة يجاوب تسعة

وين ستندر وين ستار
........... يا ستندر مالك خرسان

ويا فشك ما لك غليان
........... سمعني الصوت الرنان

وان هلهلتي هلهلنالك
........... حطينا البارود قبالك

وان هلهلتي يا نشمية
........... واحد منا يقابل مية

Karamela · منذ /08-07-2008, 10:28 AM

مارو2000 · منذ /08-07-2008, 01:53 PM

انا مش شامية بس بموت فى العراضة الشامية فى المسلسلات
وحبيت موضوعك كتير و عقبال كل بنات و شباب المنتدى
وياريت تكون مسجلة صوت و صورة
بالتوفيق

عاشقة البحر · منذ /08-07-2008, 04:14 PM

ميرسي الك كرميلا على مرورك

وميرسي الك مارو2000 على هاالحكي الحلو ويسلمو ايديكي

dr.nody · منذ /08-07-2008, 04:18 PM

ميرسي يا احلى قمر على الموضوع الرائع

عاشقة البحر · منذ /08-07-2008, 05:29 PM

الف شكر لالك حبيبت قلبي نودي على مرورك وتعليقك

عاشق الأحزان · منذ /08-10-2008, 09:24 AM

اختى الغالية/¨°o.O (عاشقة البحر) O.o°¨

الله عليكي يا عاشقة كم انتى رائعه
فعلا انا بحبها العراضة الشاميه
لما بشوفها بالمسلسلات بموت عليها
سلمت اناملك يا غالية

يسلموووو يسلموووو يسلمووو

موضوع راااائع ومتالق وراقي
قلمك مميز ودمتى مبدعة

دمتى بود

"¨°°o°°¨]§[° عا الأحزان شق°]§[¨°°o°°¨"

عاشقة البحر · منذ /08-13-2008, 12:42 AM

ميرسي الك ياعشوووق على ردك وتعليقك بها الحكي الحلو

امير الحب · منذ /08-13-2008, 01:28 AM

مشكورة على الموضوع الحلو دة تسلم ايدك
ميرووووووووووووووو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
{{مصر الشامخة و الخالدة}}	bouchaala19	مواضيع عامة - ثقافة عامة	2	02-10-2011 12:20 AM
الصحبة الصالحة	نور الايمان2010	قسم مناقشة المواضيع المتداوله والمنقوله	1	11-14-2009 03:25 AM
فضل الأعمال الصالحة ...	Mohammed ali	منتدى الاسلاميات والقرأن الكريم	2	02-10-2009 06:20 PM
المرأة الصالحة	Mohammed ali	منتدى الاسلاميات والقرأن الكريم	4	02-10-2009 12:47 AM
من هي الزوجة الصالحة	LiLi	زواج - ثقافة زوجية - مشاكل الزواج	11	10-03-2008 11:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

العراضة الشامية .....

مواضيع عامة - ثقافة عامة