مذكرات رجل مهزوم

[Mo chahin]

بسم الله الرحمن الرحيم ..


أصدقــاء مـــذكراتى الدائمين ..

ليهم حق عليا من خلال متابعتهم وتشريفهم الدايم لى ..

فا كان لا بد ولو كلمه شكر لكل من ..


فـــــــــرح ..

أسمــــاء ..

دكتورة سمــا ..

محمود محي ..

والاداريه السابقه .. التى منذ تواجدها مؤخرا ..

الا انها دائمه التواجد ها هنا ..

ميشــــو ..


حقيقي شكرا لكم ..

ولكل صاحب لايك او تقييم او تواجد صامت ..

اشكركم جدا ..




لكى وحـــــــــــدك ..



الحياه رغم كل ما يوجد بها من شوائب ..

الا انها مليانه حاجات جميله ..

أحبك ..

[Mo chahin]

بسم الله الرحمن الرحيم ..


رســــــــــــاله ..

مش معنى انى اتعصبت فى موضوع وكنت هادى فى موضوع تانى ..

انى بوشين .. وعجبـــــــى !

لكل فعل .. رد فعل ..

ومن يريد ان يشكك فى اخلاقياتى انا الآخر .. فا ليفعل ..

فا يكفى ان الله وحده يعلم ما بى .. والله على كل شىء شهيد ..

وكفى بالله شهيد ..




لكى وحــــــــــدك ..



أحبك سيدتى حد اللا نهايه ..

ووالله لا أمل اطلاقا من قول كلمه بحبك ..

فا أعلم انكى تشعرين بها وتشعرين بى حينما اقولها ..

[Mo chahin]

بسم الله الرحمن الرحيم ..

لسه صاحى من شويتين كده .. يدوب تابعت كل المدونات ..

وشربت قهوتى .. وفوقت الحمد لله ..

محضر حاجتين كده ..

مقال بعنوان .. عفوا لقد خابت نظرتك ..

وحاجه تانيه هتعجبكم كلكم .. وهى عباره عن مسابقه صغيره كده ..

تحت شعار .. لا للمنقول ..

هظبطها وهنزلها هنا فى القسم ..

واتمنى التوفيقـ يكون حليفكم جميعا ..




لكى وحـــــــــدك ..


أفتقدك حبيبتى ..

[Mo chahin]

بسم الله الرحمن الرحيم ..


من خمس ايام وانا بطلع البيت يشيكولاته كتير اوى ..

تقريبا بجيب يوميا بتلاتين جنيه شكولاته او اقل او اكتر ..

بجيب كل الانواع .. والمشكله انى ماليش فى الحلويات ..

لكن مش عارف ليه مش بقاومها .. مع العلم انى اول مرة باكلها من فترة كبيره ..

يمكن مباكلش الشيكولاته دى من وانا فى ثانوى ..

المهم جاتنى معلومه دلوقتى بتقول ان الشيكولاته فيها ماده بتزيل الاكتئاب ..

وبتخلى الواحد سعيد وفرحان .. هههه طب والله كويس ..

هو الواحد فعلا عنده اكتئاب ولو نسبى وعدم راحه .. بالنسبه للشغل ..

وبالنسبه للشارع وحياتى اليوميه عامتا ..

لكن فى استقرار وراحه من جوانب تانيه الحمد لله ..

امبارح بقى بليل اتكلمت مع الواحد انفزيل .. رائـــــــــــــد ..

شخصيه جميله الحقيقه ومتزهق من الكلام معاه ..

احب اقوله بس ربنا يبارك فيك يارب ..

ويحفظك ويسلمك من كل شر ..

أحبيبي أرائـــــــــــد



لكى وحــــــــــــدك ..



اكاد اجزم بأنه لا توجد راحه بدونك سيدتى ..

[Mo chahin]

بسم الله الرحمن الرحيم



قررت أن أقوم بتصحيح بعض المسارات التى أراها تسير على العكس


وسأقوم بتصحيح بعض الأخطاء التى ارتكبتها فى حق نفسى والآخرين


لعل وعسى أن يرضى عنى المولى ومن اخطات فى حقه


الحمد لله على كل حال








لكى وحدك




افتقدتك اليوم كثيرا حبيبتي


فا لحظه فى بعدك بمقدار سنه


وهذا قمه العذاب

[Mo chahin]

بسم الله الرحمن الرحيم ..


عبد الحليم حافظ .. رحمه الله .. قال

ان كنت حبيبي ساعدنى كى ارحل عنك ..

وان كنت طبيبي ساعدنى كى أُشفى منك ..

عفوا يا حليم .. لقد خانك تعبيرك هنا ..

كيف لحبيب ان يطلب من محبوبته ان تبتعد عنه ؟

الحب يا حليم ليس داء .. بل دواء ..

دواء يخلصنا من مشاعر قاسيه عشناها نبحث عنه ..

عبد الحليم حافظ ..

بأمر الحب .. اقولك لك على رأيك .. حاجه غريبه

عبد الحليم حافظ ..

بالفعل انت لست تدرى .. ومغرور وموعود بالعذاب ..

عبد الحليم حافظ ..

هل جربت حقا .. ومشيت على الأشواك ؟

ام انك عشت وتوفيت .. خلي القلب ..

وعجبـــــــــــى !!





لكى وحــــــــــــــدك ..



ان كنتُ أعزُ عليكي .. فا خذى بيدي ..

فأنا مفتون من رأسي حتى قدمي ..



هنا صدقت يا حليم ..

[Mo chahin]

بسم الله الرحمن الرحيم ..


بفكر اكتب مقال عن الحب .. وعن العشرة .. وما ينتج عنها ,,

عن أى ملل وازاى نهرب منه ونقتله ..

عن ضحكايه بتسعدنا حتى لو مخنوقين ومالناش نفس نضحك ..

عن أمل شايفينه كبير حتى لو كل الناس شايفاه ضعيف ..

بفكر اكتب عن الاطمئنان الحقيقي اللى مفروض نعيشه ..

عن تدميرنا لعلاقات طيبه قد نندم عليها يوما ما ..

عن تشويه صورتنا تجاه بعضنا البعض لمجرد اختلافات طبيعيه ..

بفكر اكتب عن نقطه سعاده فى بحر قهر وحزن ..

بفكر اكتب عن اللا مبالاه والبرود وقسوتهم على نفسنا ..

قبل ما يكونوا قاسيين على غيرنا ..

بفكر اكتب عن اثر سلبى عشش جوانا من مواقف كتير مرينا بيها ..

بفكر اكتب عن شىء تاه وسط الزحمه ..

بفكر اكتب عن ضعفنا الشديد فى عز قوتنا الكبيرة .. والعكس صحيح ..

بفكر اكتب عن شىء من الصعب تحقيقه .. لكن مش مستحيل ..

بفكر اكتب عن السخريه ومفهومها الخطأ لدى البعض ..

بفكر اكتب مليون حاجه .. ومش فاكر منهم ولا حاجه ..

مع انى كتبت كل حاجه .. بس حاسس انى مكتبتش ولا حاجه ..

يا الله ..

اغمرنى براحه تسكن قلبى وكل قلب طاهر ناصع البياض ..

يا الله ..

اهديني واهدى الجميع لما تحبه وترضاه ..





لكى وحــــــــــدك ..



حقيقي مش مجرد كلام ..

رغم كل الناس اللى حواليا .. الا انى مش شايف غيرك ..

[Mo chahin]

بسم الله الرحمن الرحيم ..


كتبت موضوع من شويه ..

واتمنى تشريفكم ..

http://forums.banatmisr.com/msryat404456/

احتمال يكون اخر موضوع ليا .. محدش عارف ..



بتيجي علينا اوقات لازم نراجع نفسنا كويس ..

قبل ما يفوتنا قطر الحياه ونلاقى نفسنا متأخرين اوى ..





لكى وحـــــــــدك ..


بحبك ..

[Mo chahin]

بسم الله الرحمن الرحيم ..


اعلان النتيجه الخاصه بمشاعر مكشوفه .. تعبنى جدا حقيقي ..

كله يهون عشان خاطر نرتقى باقلامنا بجد ..

كله يهون فى سبيل كل واحد عنده موهبه حقيقيه وميعرفش عنها ..

يخرجها ويثبت انه مش اقل من اى قلم بيكتب ..

تصبحوا على خير بقى ..



لكى وحــــــــــــدك ..



اعتذر لكى حبيبتى فا ليس لى سواكى بعد الله ..

[Mo chahin]

بسم الله الرحمن الرحيم ..

هعتبر المشاركه دى الأخيرة .. لحين إشعار آخر ..

لان الواحد ديما بيحتاج فترة نقاء واسترخاء ..

خلونى اقولكم كلمتين .. قبل ما استودعكم الله ..

دائما ما نحتاج لتكاتف لاظهار مدى قوتنا فى مواجه اى شىء ..

اى شىء قد يهدم حياه ايا كانت هذه الحياه .. وطن .. عيله .. صداقه .. اي حياه كانت ..

مطلوب دائما التكاتف والتكاتف لا يأتى الا من خلال ..

التسامح والاخلاص والوفاء والحب ..

أخطأت فى حق نفسى كثيرا .. وحق الآخرون أكثر ..

لذلك توجب علي اعاده ترتيب بعض الاوراق ..

لا يعلم بالنيات سوى الله عز وجل .. فا يعلم ما فى الخفى والعلن ..

هذه رســـالتى لكل من أخطأت فى حقه ..

اقسم بالله اننى لم اكن اقصد اطلاقا ان اخطأ فى حق أحد او أسيء إليه ..

بأى نوع من انواع الاساءة ..

واننى احببتكم لله وفى الله ..

ارجو قبول اعتذارى من قبل الجميع ..

عسى ان تكون هناك .. عــــوده ..

ان اراد الله وان كان فى العُمر بقيه ..

اشكركم جميعا ..




لكى وحـــــــــــــدك ..



أخطأت فى حقك انتى ايضا .. وارجو ان تسامحينني ..

واقسم اننى لم ولن أحب غيرك اطلاقا ..

فا نادره انتى فى زمن كا هذا ..

وقد يكون غباء منى ان ابدلك بغيرك ..

فا لا أحد يستحق المُعاناه ولا احد يستحق تقديرى .. غيرك ..

سامحيني حبيبتى على تقصيرى ..

بحبك .. وماليش غيرك بعد ربنا ..