مذكرات رجل مهزوم

[Mo chahin]

بسم الله الرحمن الرحيم ..


نقطــــــه ..


احيانا بنشوف ناس من بعيد فا بنآمن بيهم من غير ما نعرفهم ..

بنآمن بأقلامهم وانتمائاتهم وكل حاجه بيعملوها ..

مجرد ما بنقرب منهم بنكتشف عكس كل دا ..

زيف مالوش نهايه .. وتصنع بلا حدود ..

علاجهم حاجه واحده بس ..

انك ترجع تتجاهلهم وتشوفهم كده من بعيد .. لكن .. وحط تحت لكن دى خطوط عريضه ..

نظرتك ليهم بتتغير وبتبقى للأسوأ ..

فى فئه كده بكرهها جدا وبحتقرها جدا جدا ..

الفئه اللى مش ثابته على موقف ومبتعرفش تاخد قرار وتطلع فى الزيطه ..

يعترض للاعتراض ليس إلا .. !!

المشكله هنا بقى اننا اللى بنساعدهم على انهم يصدقوا نفسهم ..

وعشان احنا اللى ساعدناهم فى دا .. لازم احنا اللى نوقفهم عند حدهم ..

وطبعا الفئه دى بنقابلها فى حياتنا عامتا ..






لكى وحــــــــــدك ..






الحب زاد اكتر واكتر ..

والقلب حاله متخضر ..

شايف جناينك حواليه ..

والورد مايل يتمختر ..

[Mo chahin]

بسم الله الرحمن الرحيم ..


نقطـــــــــه ..


ساعات بنسكت عشان الموقف ميحتملش الكلام !

وساعات بنسكت لان الموقف اقل من اننا نتكلم عنه .. ودا لضعفه !

واحيانا بنسكت .. لان السكوت فى حد ذاته .. إحتقــار ..

واحيانا بنسكت لان كلامنا مش هيعجب غيرنا وهيوجعه .. !

وأخيرا ..

أحيانا بنسكت لان السكوت والتجاهل .. أفضل إجـــابه ..


وعجبـــــــى !





لكى وحـــــــــدك ..




لو كل روح فى مكان .. لينا حبيبي مكان ..

ديما بيجمعنا ..

[Mo chahin]

بسم الله الرحمن الرحيم ..


صباح جميل على عيون كل من مر هنا ..

صباح يحمل الكثير والكثير من الامنيات الممكنه جدا .. رغم صعوبتها ..

جوايا كلام كتير نفسى اخرجه ..

جوايا فرحه نفسى تشاركونى فيها ..

وفى نفس الوقت .. جوايا حزن كبير اوى ..

اقولكم على جزء من فرحتى اللى نفسى تشاركونى فيها ؟

انهارده بليل ان شاء الله مستنى مفجأه من سفير السعوديه هنا ..

اتمنى ان الموضوع يأتى بثماره ..

السفير السعودى واللى هيجيبلى الخبر من عنده .. اتمنى انهم ميخذلونيش ..

ادعوا معايا وقولوا يارب ..

لان لو السفير طلع ابن حلال وبعتلى خبر حلو .. حقيقي هيكون خبطه حياتى ..

اللى ممكن تغير مجرى حياتى تماما ..

يـــــــــــــارب ..






لكى وحـــــــــــدك ..




لسه الآمانى ممكنه .. مهما بلغت درجه صعوبتها ..

ادام بنقول يارب ونوايانا كويسه ..

يبقى ربنا معانا ..

يــــــارب ..

[Mo chahin]

بسم الله الرحمن الرحيم ..


صباح الخير ..

نقطـــــــه ..


بتيجي علينا اوقات بنكون عايزين نتخلص من كل حاجه وكل حد حوالينا ..

طهق او زهق او اختناق او اى شعور مش كويس بيكون ناتج عنه دا ..

لدرجه اننا مبتفرقش معانا الدنيا بما فيها وما عليها ..

بنكون عايشين ومش عايشين بمعنى ادق ..


نقطــــه معاكسه ..

بتيجي علينا اوقات مش كويسه اطلاقا ..

لكن مع دقيقه فرح بننسى كل الكلام دا .. وبنفكر بس ازاى نفرح ..





لكى وحــــــــــدك ..




قد نكون اخطأنا فى أناس نكن لهم كل الاحترام ..

ولكن كما عودتيني .. الاعتذار من شيم الكُبار ..

[Mo chahin]

بسم الله الرحمن الرحيم ..


بمناسبه السفير السعودى .. واللى كان بيهمه الموضوع دا ..

خصوصا عبده احضان الحبايب ..

ان شاء الله انهارده هيجيني الخبر الاكيد .. بعد شويه .. بتليفون ..

خليكوا على دعواتكم الله يباركلكم ..

عبده ..

اشكرك جدا على جميل اهتمامك .. ووربنا يباركلى فيك ديما يا عبده ..





لكى وحــــــــــــدك ..




ما بين الكلمه والكلمه .. أنفاس تحكى الكثير والكثير ..

اعشقك واكثر سيده عمــرى ..

[Mo chahin]

بسم الله الرحمن الرحيم ..


بمناسبه موضوع السفير . تانى

الحمد لله الخبر السعيد جانى يا جماعه ..

وقريب جدا هكون بكلمكم من السعوديه ..

بس انتوا قولوا يارب ..

الحمد لله الموضوع دا كان شاغل تفكيرى كل الوقت ..

وديما ربنا بيقول اتعب وانا اتعب معاك .. والحمد لله ياما تعبنا ..

وشكر خــاص لأحمد ماجيكو .. على اهتمامه ودعواته الطيبه ..




لكى وحــــــــــدك ..




هى الدنيا ايه غير شويه هبل فوق بعض كده هههه

[Mo chahin]

بسم الله الرحمن الرحيم ..


هفضفض معاكم فى حاجه .. بما انى هسيب مصر ان شاء الله ..

فانا بعمل المستحيل عشان اوصل لوالدتى .. نفسى اطمن عليها ..

غريب اوى الموضوع دا ..

والغريب اللى فيه .. انى اول مرة ابقى عايز اوصلها باى طريقه وباى تمن ..

مش هكدب عليكم واقول بحب والدتى .. وربنا ابدا .. مبحبهاش ويمكن بميل اكتر لكرهى لها ..

لكن نفسى ولو مرة واحده فى حياتى اعمل بصله الرحم .. واحس الاحساس دا ..

ويانا يا هى .. وهوصلها ان شاء الله ..

ان شاء الله هروح دار المحفوظات فى القلعه واجيب شجرة العيله واخلص من الموضوع دا ..

حد يسألنى ويقولى عايزها ليه وانت كارهها ؟

اقول بسيطه .. انا عايز اعمل بكلام الرسول صلى الله عليه وسلم .. صله الرحم ..

واطمن عليها وعلى ولاده اللى هما اخواتى .. واشوف حياتها ماشيه ازاى ..

وان كانوا محتاجين حاجه ولا بتاع ..




مش عارف ايه اللى خلانى اتكلم هنا ولسانى يفلت منى .. بس اهو اتكلمت بقى وخلاص ..

دعواتكم معايا الله يخليكم ..

الكام اسبوع اللى جايين .. هيكونوا نقله تانيه فى حياتى .. وهيغيروا ملامحها تماما ..





لكى وحـــــــــدك ..




انا عمرى ما احتاجت لامى او ابويا او اخواتى وانتى موجوده ..

يكفى انى حاسس بامان الاب وحنان الام وطيبه الاخت وجدعنه الاخ .. وانتى معايا ..

ربنا ما يحرمنى منك ويجعل يومى قبل يومك ..

[Mo chahin]

بسم الله الرحمن الرحيم ..


مبسوط جدا جدا من كام خبر كده ..

والحمد لله فى كام نقطه تمت على خير .. عقبال الباقى ..

الواحد مبيدورش غير على الراحه النفسيه اللى اهم من اى راحه فى الدنيا ..

ادعولى بقى كمان مرة كده ان ربنا يتم الباقى على خير ..






لكى وحـــــــــدك ..




لما لا نلتفت سوى لانفسنا ؟

الحمد لله ان رزقنى اياكى ..

[Mo chahin]

بسم الله الرحمن الرحيم ..


اولا .. الحمد لله على كل شىء ..

ثانيا .. ردا على ما قيل فى حقى .. وشتيمه بأمى وابويا وكلام كتير قذر من دا ..

حسبى الله ونعم الوكيل .. وربنا يسامح اللى قال ..

وديما .. حقى عند ربنا .. ودا يكفيني ..

مش هتكلم عن الموضوع .. لان الموضوع سخيف جدا ..

ولو اتكلمت .. هنزل للمستوى المتدنى دا ..

مش خوف منى .. لانى الحمد لله مبخافش ابدا طول مانا على حق ..

لكن .. ثقه بالله وفى الله .. انه ديما مع الحق .. والعدل من اسماءه ..

لكل واحد غلط فيا وفى شخصى .. شكرا لك ..



عبده .. احضان الحبايب ..

جزيل الشكر ليك .. ونعم الاخ والصديق

محمود ساد ايز ..

شكرا ليك ونعم العقل والحكمه ..

تيتشر ..

اشكرك جدا على كلامك فى حقى ..

طــارق ..

ونعم الادارى يا طارق .. اشكرك جدا ..

مـــورشو

ربنا ما يحرمنى منك ..



كلمه أخيرة للمنشــاوى ..

الله يسامحك



بفكر اخد كام خطوة هنا فى المنتدى .. وربنا يسهل





لكى وحـــــــــــدك ..




ونعم الانسانيه والجمال الروحى يا فرح ..

بحبك جدا .. وربنا يتم زواجنا على خير ..

[Mo chahin]

بسم الله الرحمن الرحيم ..


بعض الاوقات يتوجب علينا اختيار ما هو امامنا .. لانه لا يوجد بديل ..

وكم اعشق التحديات .. احب جدا ان اختلق هذا البديل بنفسى ..

فا عفوا ايها الزمن .. انا مؤمن جدا بك .. وبالقدر الذى قدره لى المولى ..

ولكن قا الله .. اسعى وسأسعى معك ..

لذا .. توجب علي المكافحه والمحاربه .. فى سبيل ان اختلق هذا البديل ..

وسيتوجب علي دائما وابدا .. المُكافحه فى هذا السبيل ..

ولن ارضى ابدا بان اكون فى ( خانه اليك ) ..

أحب جدا الاثاره الحياتيه والصعوبات التى واجب التعلم منها ..

الصبر ديما مفتاح الفرج ..

اللهم فرج كرب كل مهموم وزيح عنا جميعا ..





لكى وحــــــــــــــدك ..





كل منا له دوره البارز فى حياه الاخر .. وان كان دورك ابرز للحقيقه ..

وهنا بنكمل بعض ..