مذكرات رجل مهزوم

[Mo chahin]

بسم الله الرحمن الرحيم ..


مش لازم نخون حبايبنا عشان نثبت اننا جرحناهم ..

مش لازم نوجعهم عشان نثبت اننا جرحناهم ..

مش لازم ندوس عليهم ونفرح فيهم ونتفرج عليهم وهما بيتوجعوا ..

عشان نثبت اننا وجعناهم !

فى حاجات كتير بنعملها بدون قصد بتوجع اكتر من الخيانه نفسها ..

فى كلام بيطلع مننا على سبيل الهزار او على سبيل الخير حتى .. لكن بيجرح وبيوجع ..

فى مليون طريقه بتجرح .. ومش واخدين بالنا ..

ويريت ناخد بالنا عشان منجرحش حد بيحبنا ..











لكى وحــــــــــــدك ..







أيقنت تماما ان جرح المشاعر اكبر من جرح الخيانه نفسها ..

احبك جدا واسف جدا ..

[Mo chahin]

بسم الله الرحمن الرحيم ..


نقطـــــه ..


مهما عملنا ومهما كانت خطواتنا موديانا .. اكيد فى نهايه مكتوبه ..

كل واحد مننا فاكر ان عدوه هو المسيحي او المسلم او اليهودى ..

وميعرفش ان اقوى اعداءه هي نفسه !

بقينا بنحب اى شىء لينا ومن وجه نظرنا ..

وعايزين كل حاجه لصالحنا .. وغيرنا مش مهم !!

كل واحد بقى متلخبط وبيخبط فى غيره .. وبقينا بنفرط فى كل شىء حتى ان كان غالى ..

والمهم عندنا والاهم ناخد .. ومش مهم ندي !

مش مؤمنين ان كان فى ناس هنا قبلينا .. واننا كمان هنسيبها زيهم تماما ..

الطمع زاد اوى فينا وعمينا عن الحق ..

ولو بصينا حوالينا هنعرف ان كل شىء مهما كان حجمه كبير .. فى ثانيه بيتهد ..

عفوا أيها الساده .. الدنيا مش سايبه ..











لكى وحــــــــــــــدك ..









مع مرور الوقت .. الوحش بيتنسى .. والحلو ديما بيفضل فى الذاكره معشش ..

[Mo chahin]

بسم الله الرحمن الرحيم ..


اوقات بتعدى علينا واحنا مشتاقين لناس معينه ..

رغم اننا عارفين ومتأكدين ان دا ميفرقش معاهم ..

لكن بنهتم ولو من بعيد عشان كان بنا حاجات جميله مينفعش تتنسى ..

او على الاقل كان في بنا عشرة وعيش وملح ..


بعيد عن دا كله بقى .. عايز اسأل سؤال وجيه جدا ..

هل يجـــــوز أكل هذا الشــــىء ... ؟؟











لكى وحـــــــــــدك ..








بحبطك انا مش كده . ؟ ماهو يا نجيب واد زى دا يا منجيبش بقى

[Mo chahin]

بسم الله الرحمن الرحيم ..


قمه الحب ..

انك تقول لحد .. انا مش محتاجلك .. وانت فى اشد الحاجه ليه !

انك تقوله مش عايز اشوفك تانى .. وانت هتموت لو يوم عدى من غير ما تشوفه ..

قمه الألـــم ..

انك تعمل نفسك مش عايز تتكلم .. وانت جواك بركان ..

انك تبقى زعلان جدا .. وعامل نفسك فرحان عشان متزعلش غيرك ..

ان غيرك يشوفك بتهزر ويحسدك .. وميعرفش انك بتهزر عشان تنسى الهم اللى انت فيه ..

انك تمد ايدك لحد محتاجلك .. وتخاف احسن يُعضها ولا يقطعها او يكسفك ..

ان يكون جواك مليون حاجه عايز تقولها .. ومتبقاش عارف تبدأ منين .. فا تقوم تسكت وتكتم ..

انك تيجي على نفسك وتجرحها عشان متجيش على غيرك ..

انك تبقى مستنى الفرحه .. ويوم ما تجيلك تخاف تقربلها !

انى لما اكتب كل الكلام دا .. احس انى مكتبتش اى حاجه ..






لكى وحـــــــــدك ..





ميجراش حاجه لو خبطنا شويه دلوقتى .. بعدين نرتاح

[Mo chahin]

بسم الله الرحمن الرحيم ..


بعض الامور مهما كانت تافهه .. الا انها تحزن جدا وتترك أثر سلبى داخلنا ..

وبعض الامور الجيده مهما كانت صغيره .. الا انها تفرحنا جدا جدا ..

فا دعونا لا نستقل بالامور مهما كان حجمها صغير ..

فا كل شىء يترك انطباعا سواء كان ايجابيا او سلبيا ..




لكى وحـــــــــدك ..




ما زال امامنا الكثير فلا تتعجلين ..

[Mo chahin]

بسم الله الرحمن الرحيم ..


مهما كانت الحياه متأزمه خنقاك ..

ممكن حد يقولك كلمه بسيطه تفُك عنك ..

ومهما كانت علاقتك بالناس اللى بتحبهم مسدوده ..

ممكن موقف صغير يرجع كل شىء زى ما كان وافضل كمان ..

كل اللى محتاجينه شويه صبر مش اكتر ..



معلومه ..

اول مرة اخد بالى ان مشاركاتى تخطت عشر آلاف مشاركه ..

على رأى تقى سمباتيكا .. الواحد مبقاش ياخد باله من الكلام الفاضى دا ..

وعلى رأي نفس السمباتيكا برده .. ياراجل .. كبر مُخك هههه






لكى وحــــــــــــدك ..




كلمه منك تسعدنى ..

[Mo chahin]

بسم الله الرحمن الرحيم ..


بنعيش عمرنا ندور على حاجه تكلل مجهودنا وتشرفنا ..

ولما نلاقيها .. بنعترف بيها .. لانها تشرف ..


نقطـــــه ..

انا ضد مقوله ( الفرصه لا تأتى سوى مرة واحده فى العُمر ) !

لان كل يوم بنعيشه بتجيلنا فيه الفرص ..

بس احنا اللى مبنعرفش نستغل الفرص دى صح ..

ودا بيكون غباء او استعجال او كسل او تجاهل .... إلخ






لكى وحـــــــــــدك ..




سعوديه .. واجمل بنت كمان سعوديه

سعوديه .. لكن بمليون مصريه

أصيله وجدعه وقلبك كبير

وروحك ياروحى دى اجمل هديه

[Mo chahin]

بسم الله الرحمن الرحيم ..


مش عيب ان الواحد يكون طيب وبيسامح .. لكن غلط انها تتفهم ضعف وقله حيله ..

نقطـــه هــــــامه ..

لما قلت انا اتربيت فى ملجأ قدام الكل هنا .. فا عشان سببين مهمين جدا ..

اول سبب ..

ان دا شىء يشرفنى جدا وانا فخور بكونى كده .. وديما هقولها بأعلى صوت وفى كل مكان ..

والحمد لله مش محتاج اكسب تعاطف حد ..

تانى سبب ..

ان احنا هنا بقالنا مع بعض عشرة عُمر .. وخلاص بقينا كُتب مفتوحه لبعض ..

يبقى وجب انى اكون صريح جدا لابعد الحدود مع نفسى قبل ماكون معاكم ..

وعشان بقينا واحد هنا وبنقعد مع بعض اكتر ما بنقعد مع اقاربنا ..

بقينا بناخد بعض حبايب واصدقاء واخوات ..

يبقى ليه اخبى لو انا شايف انكم سترى وغطايا ؟

ليه اخبى وانا شايف ان فيكم عيلتى ؟ .. وهنا بقصد فرح ومحي وماجيك وغيرهم من حبايبى !!

مش عارف اقول ايه !!

انا مش هدعى على حد ظلم فيا .. لكن هقول وانا بصلى الفجر دلوقتى ..

كل واحد منه لله ..

وشكرا ..











لكى وحــــــــدك ..







مش عارف اقولك ايه يا فرح .. بس حقيقي انتى ست الناس كلهم ..

لما تروحى تحجى تانى ابقى فكريني اخليكي تدعى دعوتين حلوين كده ..

اهو بالمره ربنا يزيح عنى وعنك اى هم وقرف ..

وبحبك بقى

[Mo chahin]

بسم الله الرحمن الرحيم ..


أحيانا بنعمل تضخيم لمشكلات من مفيش !

ممكن تكون المشكله صغيره جدا واقل ما يقال عنها صغيرة ..

لكن باهتمامنا الزايد وتحاملنا اوى على نفسنا .. بتكبر المشكله ..

عشان كده قررت الآتى ..

اكبر دماغى .. اتجاهل ..

ماهو حقيقي .. ليه اتعب نفسى لما ممكن اتجاهل ؟












لكى وحـــــــــــدك ..









لا تشعرين بالندم والأسف تجاه الآخرين ..

فا هم من يجب عليهم الندم .. والايام بيننا ..

[Mo chahin]

بسم الله الرحمن الرحيم ..


قد أحزن كثيرا عندما اجدنى وثقت فى أناس لا يستحقون ..

ولكن هذا لا يجعلنى آسفا ونادما ..

لاننى لا انتظر منهم شىء مقابل احترامى وتقديرى ..

بل انتظر من الله عز وجل شىء اقوى واكبر من اى شىء ..

لذلك .. ما افعله افعله عن قناعه تامه .. ولا يهمنى اطلاقا الاطراف الأخرى .. او انطباعاتهم ..

فا يكفى اننى واثق تماما فى نفسى .. ويكفى انه يوجد هناك من يثق بى ..

ويكفى ان الله عز وجل يعلم ما بداخلى .. وكفى بالله شهيدا ..

فا كل شخص يفعل لنفسه فقط لا للآخرين .. ان كان جيد أم سىء ..

نقطــــــه ..


لا تنظرون لتفاهات البعض .. فقد تكون هذه التفاهات هى التى ترفع من شأنهم !







لكى وحــــــــــــدك ..




أحيانا نضطر ان نتخذ من الصمت والتجاهل عنوانا لنا .. ردا على البعض