مذكرات رجل مهزوم

[Mo chahin]

بسم الله الرحمن الرحيم ..


فتاه تجرى خلف رجل .. فالتفت إليها وسألها عن السبب ..

قالت الفتاه .. لقد رأيت فيك جمل وروعه وعقل متزن وثقل طبيعي وذكاء ..

لقد أحببتك ..

فابتسم وقال لها .. انظرى خلفك .. صديقي موجود .. انه افضل منى فى كل شىء ..

فا سئلته بعد ان التفتت خلفها .. اين هو ؟ .. لا يوجد أحد ..

فا ابتسم وقال .. لو كنتى أحببتيني لما كنتى نظرتى خلفك تبحثين عن غيرى !


الحكمه فى كده ايه بقى ؟؟

اننا لما بنحب حد عشان جميل او وسيم فا دا مش حب بل .. شهــوه

لما نيجي نحب حد عشان ذكى .. فا دا إعجـــاب مش حب

لما نيجي نحب حد عشان غنى وعنده فلوس .. فا دا معناه اننا ماديين مش حب

ولما نيجي نحب حد لانه جديد فى نظرنا .. دا معناه شكر لاحاسيسنا مش حب

لكن لو حبيت حد عشان متعرفش انت حبيته ليه ..

فا هو دا الحب الحقيقي فعلا ..


نقطــــــــه ..


لا تخلط بين شخصيتي واسلوبى ..

فا شخصيتي هى انا .. وأسلوبى يعتمد عليك !






لكى وحـــــــــــدك ..




الحياه روعه بوجود من نحب ..

فا هل تعلمى انكى روعه الحياه ؟

[Mo chahin]

بسم الله الرحمن الرحيم ..


من قلب الحدث ..


على قهوة دعاء الكروان .. ضرب نار وخناق ومولوتوف ..

المشكله مش هنا ..

المشكله ان انا مش خايف من ضرب النار وروحت ألم الرصاص الفارغ هههه

وكمان عمال بشجع كورة والضرب شغال قدامى وكل الناس بتجرى وانا عمال اضحك ..

حقيقي بقينا فى زمن زفت كل واحد شايل آلي وطبنجه ..





لكى وحـــــــدك .




الشغل حلو مفيش كلام ..

[Mo chahin]

بسم الله الرحمن الرحيم ..


الحمد لله المشكله اياها لحد الآن خلصت .. وربنا يستر

لان حصل ضرب نار من شويه برده ( طلقه واحده بس )

الحمد لله على كل شىء .. وديما فى المواقف اللى زي دى .. مقدمناش غير اننا نقول ( يارب )

بصرف النظر عن دا كله بقى ..


اوقات بنشوف حاجات ومواقف منقدرش نعمل حاجه فيها غير اننا نضحك وبس ..

نضحك عشان المواقف دى وصلت لقمه التفاهه والقذاره فى نفس الوقت ..

نقطــــــه ..

لو فوجئت بواحد كنت بتحترمه .. عمال يتريق عليك او يجيب سيرتك من وراك ..

اوعى تندهش او تستغرب وتفضل تندب الحظ انه عرفك عليه ..

بالعكس .. خليك ريلاكس خالص ..

لاننا فى زمن اصبح كل شىء فيه مُباح .. بقى دا العادى والطبيعي ..

ان اللى تحترمه ميحترمكش .. واللى تقدره ميقدركش ..

واللى تكبره يصغرك .. وغيره !!











لكى وحـــــــــــدك ..







مش ذنبك انك متعلمه وبتتكلمى ديما بحسن نيه ..

حاكم فى ناس بتبقى فرحانه بجهلها ..

زى اللى كلمتيني عنها فـ المدرسه مثلا

[Mo chahin]

بسم الله الرحمن الرحيم ..


اتعجب كثيرا ممن يتصنعون !

بضحكاتهم وكلامهم المعسول وزيفهم ..

واتعجب كثيرا من صداقات بائت عداوات !

ولما التعجب .. فا نحن فى زمن العجب .. وعجبـــى !

من السهل جدا ان اقول لك اننى اتمنى لك كل الخير .. ومن الخلف اطعنك !

وعندما يسألوك عن هذه الصداقه التى كانت فى يوما ما ..

تُرى النميمه حاضرة .. والاساءة فى الغيب متواجده بشطل غبى ومتوحش متوحش ..

لما كل هذا ؟ .. ولما السؤال من الاساس ؟

فا كما قلت .. نحن فى زمن العجب .. زمن الخســــه والندالـــه ..

أصبحنا فى زمن كل شىء .. بالعكس !

حقا هذا قمه الاستخفاف والاستغلال والقذاره ..



لكى وحـــــــــدك ..




من السهل جدا ان تردمى صداقاتهم ..

فا من كان يُريد ان يكون فى السماء عاليا .. سيفعل ما يجب عليه فعله ..

والعكس صحيح ..

فا لكل منهم مكانتهم التى يستحقها ..

[Mo chahin]

بسم الله الرحمن الرحيم ..


الحاله الحمد لله مستقره إلى حد ما ..

نفسيا ومعنويا وعضويا .. الحمد لله أفضل كثيرا ..

وهذا ناتج عن الاجتهاد الجاد والشاق وعدم الالتفات إلى أمور صغيره ..

من شأنها ان تصغرنا معها ..

بتُ اتذكر دائما المثل الذى يقول ..

( لا تُجادل الأحمق .. فقد لا يُفرق بينكم الناس ) .. انها حقيقه ..

فا لو دققنا فى كل التفاصيل وكل المشاكل وكل الناس .. لتعبنا بكل ما تحمله الكلمه من معنى ..


نقطـــــــه ..


كونوا كما الجبل .. لا يتأثر بالرياح ..





لكى وحــــــــــدك ..




اشتقتُ حبيبتى لهمسك وكلامك وعتابك وخناقك وضحكاتك ..

[Mo chahin]

بسم الله الرحمن الرحيم ..


صباح جميل اتمناه للجميع ..

من كتر حاله الملل والزهق اللى صابتنى ..

قررت انى اعمل حاجه انبسط منها ..

قررت اكرر زيارتى لدار الايتام اللى روحتها من اسبوع واكتر ..

يمكن وقتها فعلا الواحد بجد ينبسط ..

لانى هقابل اطفال البراءه ديما فى عيونهم .. والضحكه طالعه من قلوبهم بجد ..

هروح انهارده العصر ان شاء الله ..


نقطـــــــه ..


مش ذنبى انى مش منافق مش مُجامل مش مبالغ .. دوغرى .. محبش اللف والدوران ..

مش ذنبى انى بقول الحق ديما .. مبخافش من حد او من حاجه .. عايش ومسلمها لله ..

مش ذنبى انى احب الصرامه والحزم .. مبعرفش ادادى واطبطب ..

عشان كده مبزعلش لما حد يقول عنى ( مش كويس او مغرور او متكبر ) عشان انا كده ..

بالعكس .. لو كل اللى قلته دا عباره عن ( شىء وحش ) يبقى أهلا وسهلا ديما وما احلاها من وحاشه ..







لكى وحـــــــــدك ..




يكفى رضاكى عن نفسك ورضى المولى عنك ..

[Mo chahin]

بسم الله الرحمن الرحيم ..

الحمد لله جيت من الدار من شويه ..

رغم انى مقعدتش كتير .. لكن حقيقي الساعتين تلاته دول كانوا اجمل تلات ساعات فى الاسبوع كله ..

انبسط جدا وضحكت من كل قلبى ..

اكتر بنت لفتت انتباهى .. اسمها دهب ..

عاقله جدا وهاديه جدا جدا .. لما بتضحك بتبتسم .. مش ضحكه عاليه ..

هى اكبر واحده فى الدار .. عندها عشر سنين !

بنت اسمها نورا .. وبنت اسمها مروة .. دول بقى أشقى اتنين ..

يجروا وانا اجرى وراهم .. كنت عايز اضرب نورا بس المديرة كانت بصه عليا هههه

موقف بقى معجبنيش ..

لما جيت اسأل دهب دى نفسك فى ايه .. فى البدايه مكانتش هتقولى .. وفضلت تقولى شكرا وبتاع ..

لكنا لما حست انها ارتاحتلى .. راحت قالت نفسى فى دبدوب ولبس ولعب ..

قامت المشرفه بنت اللذينا بصتلها كده بطريقه مستفزة وقالتلها نفسك فى ايه ؟

قامت البنت قالت مفيش مفيش دانا بهزر هههههههههه

هروح بكرة ان شاء الله ابص على كام محل كده لعب ودباديب وملابس ..

وبعد بكرة هروح الدار تانى ..

ربنا يبارك فيهم ويصلح احوالهم ويريح بالهم ديما ..





لكى وحـــــــــدك ..




ما اراه دائما هو انكى الافضل .. أيكفى هذا ؟

[Mo chahin]

بسم الله الرحمن الرحيم ..


إعتـــراف ..

لا اعتقد ان تواجدى هنا سيطول .. بل أشعر بنهايه وجودى ان شاء الله ..

وبالطبع فى ناس هتفرح بكده ..

ان شاء الله افرحهم ويارب ديما يفرحوا واشوفهم مبسوطين ..

مكنتش احب اقول دا .. وكنت أفضل انى امشى بهدوء تام .. لكن اهو مجرد احساس وبسطره ..

نقطــــــــه ..

مهما اختلفت الاماكن ومهما طال الزمن .. بعض الصداقات الحقيقيه لا تمـــوت ..











لكى وحـــــــــــدك ..









بعض الاحيان نحتفظ بأشياء .. رغم انها لا تهمنا فى شىء ..

ولكن لمجرد انها لها ذكرى طيبه فقط .. !

[Mo chahin]

بسم الله الرحمن الرحيم ..


حاسس انى مش حاسس بأى حاجه خالص ..

كل شىء بقى مُمل وزهق وطق ..

صحيت انهارده مخنوق .. معرفش من ايه .. لكن مخنوق وخلاص !!

الحمد لله اولا واخيرا ..


نقطـــــه ..


كلما زاد الشىء عن حده .. انقلب ضده






لكى وحـــــــــــدك ..




رغم كل دا .. الا انى حاسس انك وحشانى جدا .. حتى وانتى معايا

[Mo chahin]

بسم الله الرحمن الرحيم ..


صحيت مخنوق كالعاده .. ومعرفش من ايه !

الحمد لله ديما ..

كان مفروض اروح الدار انهارده .. لكن أجلتها لبكرة ..

خايف اروح تطلع خنقتى ع الاطفال اللى هناك .. وقتها هكره نفسى جدا ..

يـــارب ..

فا هل يا سيدي فـــرجُ قريب ؟





لكى وحــــــــــدك ..




مقدرش ابدا انكر الدور البارز اللى بتعمليه ..

ربنا ما يحرمنى من وجودك ديما ..