مذكرات رجل مهزوم

[Mo chahin]

بسم الله الرحمن الرحيم ..


رغم ان اليوم مكانش زى ما كنت اتمنى .. لكن اهو عدى زيه زى غيره

أى نعم معظم اليوم كنت مخنوق وزهقان ..

لكن برده منساش انى ضحكت وهزرت .. حتى لو عشر دقايق بس .. المهم انى ضحكت


نقطـــــــــــه ..


لما تشوفوا واحد بيبكى اعرفوا انه ضعيف

ولما تشوفوا واحد مبيتكلمش ولو اتكلم بيتكلم بسرعه .. اعرفوا انه كتوم

ولما تشوفوا واحد بينام اكتر من نص يومه .. اعرفوا انه بيتألم

ولما تشوفوا واحد بيضحك كتير وعلى اتفه شىء .. اعرفوا انه حزين

وغيرها من الأمور المُتناقضه ..

فقط .. لا تحكموا بالظاهر ..



لكى وحـــــــدك ..




لما شوفتك بتتخانقى معايا ديما .. عرفت انك بتغيرى عليا بجد وبتحبيني ..

عشان كده واكتر .. بحبك ..

[Mo chahin]

بسم الله الرحمن الرحيم ..


صباح الخير على الجميع ..

هو فــى إيــه ؟؟

هو دا كان حالى لما فتحت المنتدى انهارده .. لانى نايم من امبارح !!

ناس بتتكلم عن نتيجه الاستبيان .. وكمان معاهم شهاداتهم .. طب وانا ؟

شوفت كمان ناس كانوا مراقبين مباقوش مراقبين !! .. هو فى ايه .. برده مش فاهم !!

لما صحيت .. صحيت دايخ جدا ومش متمالك .. هو فى ايه ؟

حقيقي مبقتش فاهم اى حاجه فى اى حاجه ..

محتاج حد يفهمنى .. هو فى ايه ؟؟؟؟؟؟


نقطـــــــــه


يجب ان تتحكم فى نفسك وليس العكس !


لكى وحــــــــــــــدك ..




صباحك انا ديما

[Mo chahin]

بسم الله الرحمن الرحيم ..


بمناسبه هو فى ايه !!

بقالى اكتر من ساعتين بدور على موضوع عرض النتايج دا ( الاستبيان )

لانى شايف دا بيقول انا ناجح ودى تقول دا ساقط .. طب انا مش فاهم .. لحد ما فهمت بقى ..

والمفهوميه دى جت عن طريق غريب جدا .. ألا وهو ( الفضـــول ) ..

وانتوا عارفين لما الفضول بيمسك فى الواحد

اخدت المنتدى من تحت لفوق لف ودوران وبدأت من صوت الاعضاء للمشرفين وانا طالع بقى ..

المهم لاحظت عنوان ( اعرف نتيجتك من الكونترول ) .. مع انى شوفت العنوان دا اول ما دخلت ..

لكن قلت اطنش .. هلاقيه موضوع عادى .. بس برده الفضول أكلنى اوى

دخلت الموضوع وفوجئت انه عن الاستبيان .. وجت اللحظه الحاسمه ..

عملت كل اللى قال عليه طارق .. واذا بـ نتيجتي ( .... ) اعرفوها انتوا بقى

المهم خلصت الموضوع فى تقريبا اكتر من ساعه ونص .. 24 صفحه ..

ما بين مشاحنات وخناقات وكلام كتير من دا .. والحمد لله ان الواحد مكانش موجود ..

لان كان ممكن اتصرف تصرف مش لطيف من بعد الكلام اللى شوفته وقريته !!

نيجي للمهم بقى ..

طارق قال فى الموضوع دا ( تورته كبيرة لرحـــــــال وميرو ) ..

تقصد ايه يا طارق ها ؟ .. تقصد ايه

على فكرة انا مكنتش متوقع نتيجتى اوى .. لكن كان فى توقع ليها بنسبه 50/100

والحمد لله على كل حــال .. وحقيقي مش هزعل من النتيجه النهائيه اىا كانت ..

وملحوظــه ..

انا فى ناس مختلف معاهم فى مواقف شخصيه ومش على وفاق معاهم ..

لكن حطيت ضميرى قصاد الكلام دا .. واديت لكل واحد حقه اللى يستاهله بجد ..

مش شويه خلافات هتخلينا نتغاضى عن تقديرنا الحقيقي لبعض !!









لكى حـــــــــــــدك ..







ما نحتاجه هو التكاتف من جديد ..

واعلم كم انا مقصر جدا فى حقك ..

سامحيني ..

[Mo chahin]

بسم الله الرحمن الرحيم ..


قبل اى شىء احب اننا نشكر دكتور علاء ماضى صاحب الفكرة دى والمجهود كله ..

إختصار لليوم الجميل دا ..

روحت الدار وجهزنا عشان ننزل نشترى ملابس وحاجات للاطفال ..

ودى صور من قلب الدار ..



ودى دهب .. فاكرينها ؟



[/IMG]


دى نورا ..




كله كوووووم والصور دى كوم تانى ..

روحنا المحل .. ويارتنى ما روحت

شوفتوا فيلم الداده دودى ؟ .. شوفتوا لما العيال انتشروا ؟

بالظبط دا اللى حصل وحاجات كده اتكسرت وحاجات وقعت ع الارض وشقلبات وحركات

بس الحمد لله جت سليمه ..












هنا اللى فوق دى كانت بتلعب ( أ ب ت ث )

ودى بقى مروة .. حكايه ولا مليون حكايه .. تركيبه كده غريبه جدا من كل حاجه !!

هبقى احكيلكم حكايتها فى النهايه ..




دى بقى البت السهتوته بتاعتهم ( ألا يعنى ايه سهتوته دى )

لا بجد دى اللى بتكهربهم وبتوريهم الويل .. حاجه كده استغفر الله العظيم .. بس عثل اوى اوى

وبقول استغفر الله العظيم عشان بتطير ف الجو وبتعمل حركات وحاجات غريبه كده

بجد تعبتنى جدا وفضلت اجرى وراها تطلع وراها تنزل برده وراها فى كل حته وراها ..




دى بقى مُــنى ..

شوريرة اوى برده وبتحب تلعب فى اى حاجه وتوقع فى اى حاجه


احكيلكم بقى حكايه مروة دى ..

مروة دى تسبق سنها بمراحل كتيره اوى !!

قالتلى جملتين خليتنى ازعق فيها واقولها .. ليييييييييه انتى عندك كام سسسسسسنه

أول جمله ..

( اصعب احساس انك تتعلق بحد ويسيبك ويتخلى عنك ) !!

قلتلها وانا مستغرب جدا .. طب ماهى ممكن تكون ظروف يا مروة ..

قالتلى ايه تخيلوا ؟ .. قالتلى ( الظروف ممكن تكون شهر شهرين ماشى .. انما اربع شهور ؟ )

وانا بقى آخــــر اندهاش ..

الجمله التانيه .. كنت قلتلها لو نجحتى هجيبلك لعبه حلوة .. قامت قالت ايه بقى ؟

مش شرط تقولى هجيبلك لعبه ومتجيبهاش .. عشان كده انت بتكدب والكدب حرام !!

زعقت فيها وقلتلها يابنتى عندك كام سنه ؟

قالتلى ( سبعه ونص ) .. روحت باصص لها بطريقه غريبه وقلت ( يا دين النبى ) !!

حقيقي اتعلقت بالبنت دى اوى وحبيتها اوى وجبتلها اللعبه اللى عاوزاها ..

لا وكمان طلعت عندها أى باد .. وعندها اكاونت ع الفيس باسم البرنسيسه مروة

ربنا يحميها بجد ويحميهم كلهم ويكرمهم ديما ..

الحمد لله كالعاده انبسط اوى اوى ..

بس كده ..











لكى وحــــــــــــــدك ..









اكيد مينفعش انساكى بدعوة حلوه .. خصوصا انها من حد زي الاطفال دى ..

[Mo chahin]

بسم الله الرحمن الرحيم ..


صحيت مخنوق من تانى ومتدايق ومش طيق نفسى !!

الحمد لله كالعاده ..


نقطــــــــه ..


من الصعب جدا ان نثق فى أحد .. لذلك عندما نثق فى احد ويخذلنا ..

يكون من المستحيل ان يسترجع هذه الثقه مرة أخرى ..









لكى وحــــــــدك ..






ينتابنى شعور قاسى وغبى .. اتمنى ان يكون غير صحيح ..

[Mo chahin]

بسم الله الرحمن الرحيم ..


المشاركه دى مخصوص عشان اقول للجميع .. مبروك عليكم ( قـــاعه صفحات مكشوفه )

http://forums.banatmisr.com/msryat413893/#post3924287

اتمنى ان شاء الله ان الفكرة تنول استحسان الجميع ..

وان القسم يكون اضافه جميله للجميع وخصوصا قسم صفحات مكشوفه ..

وان شاء الله بيكم هنرتقى ديما ..

الواحد للكل والكل للواحد ..

تحياتى ليكم جميعا ..


شكر خاص لأميرة رودى .. وطارق









لكى وحــــــــدك ..




ما زلت فى قمه اشتياقى لكى ..

[Mo chahin]

بسم الله الرحمن الرحيم ..


صباح جميل هادى يحمل من الامنيات المُحققه الكثير والكثير .. اتمناه على الجميع ان شاء الله ..


نقطــــه ..


فى البدايه نعتقد اننا صح .. ومن ثم يحدث شىء يقلب الدُفه .. وتنقلب الآيه ..

ونكتشف اننا كُنا على خطأ .. بل وخطأ فادح بالمرة ..

ونقوم بتصحيح المسار ومن ثم نخطأ ونصحح ونخطأ ونُصحح !!! .. وعجبــــــــي !

كم أكره الغباء والضعف ..


حكمــــــه ..


عندما يتجاهلك أحد كنت تتقول عليه ( هذا صديقي ) .. !!

لا تعاتبه .. واتركه لأمره ولحال سبيله ..

فا سيأتى اليوم الذى يعيد حسباته فيه ويُيقن وقتها انه أخطأ فى حقك ..

فا الزمن مدرسه بل واكبر وافضل مدرسه .. يعلم ويُعاقب أيضا ..






لكى وحــــــــدك ..




لا تقلقى عزيزتى .. فا اقسم بربى ( هــــــانت ) .. بأذن الله هانت ..

أحبك فى الله دائما وابدا ..

[Mo chahin]

بسم الله الرحمن الرحيم ..


قد نرى الاشياء من بعيده اجمل واطهر وارقى .. وعندما نقترب .. نكتشف عكس ذلك تماما !!

نقطــــــه ..

قد اكون مكروها لدى البعض بسبب صرامتى وحزمى !!

ولا انكر اننى لا اريدنى مكروها من البعض .. فلا احد يحب ان يكون مكروها .. ولكن

ان كان كُره البعض لى ناتج عن كونى على حق .. فا اهلا بكُرهُهم لى ..

انا لا آبه إطلاقا .. وعفوا .. هذا انا ولن اتغير .. واُكرر .. طالما كُنتُ على حق ..

قد يعترضنى البعض .. ولكن من يحب الحق ويعشق العدل .. سيتفهم كلامى جيدا ..

ولستُ مجبرا على ان ابرر افعالى .. ولكن من باب العلم بالشىء !


حكمــــــــه ..


انا لا أُحب ان أُنافق أحد .. لذا .. لا أحب ان يُنافقنى أحد .. فا كما تُدين تُدان ..











لكى وحـــــــــدك ..








لا أحب الانتظار .. فا فى الانتظار اشتياق .. وفى الاشتياق عذاب ..

أحبك وكم اشتقتُ لكى سيده عُمرى الفاضله ..

[Mo chahin]

بسم الله الرحمن الرحيم ..


صعب جدا انك تعيش دور الأب والأُم ..

امبارح من كتر القلق والاختناق وقله الحيله والاستسلام للانتظار ..

حسيت بذره احساس ابوى غريب ويُكاد يكون قاتل ..

عشر ساعات من اقسى الساعات اللى مرت عليا .. احساس مجنون متمناش انه يرجع تانى ..

حقيقي من اجمل النعم التى انعم بها الله عليكم جميعا .. نعمه الوالدين ..

ربنا يخليلكم والديكم والعكس ..





لكى وحــــــــــدك ..




الحياه بدونك قاتله قاسيه تُكاد لا تمضى ..

ادعو الله ان لا يحرمنى منك دائما ..

[Mo chahin]

بسم الله الرحمن الرحيم ..


داخل فى تحدى عجيب وغريب من نوعه ..

انا وايمن الرحال يا جماعه بنتراهن على 1000 مشاركه

والرهان على جمع كلمه ( جبنه )

انا بقوله ( جِبَن ) .. وهو بيقولى ( أجبان )

حد يقوله حاجه يا جماعه والنبى اصلى هتنقط

ولا انا غلط ولا ايه حد يفهمنى برده يمكن اكون غلط












لكى وحـــــــــــــدك ..






قد نحب الحياه لمجرد وجود أناس معينه فيها ..

وحبى للحياه نابع من حبى لكي سيدتى الجميله ..