مذكرات رجل مهزوم

[Mo chahin]

بسم الله الرحمن الرحيم ..


نفــــاق .. تمثيل .. وقاحه !


فى ناس بنقابلهم فى حياتنا اليوميه بيعملوا نفسهم فاهمين كل حاجه ..

وفى الاخر بتكتشف انهم ( أبو العـــربي ) .. وعجبـــي !

كمان فى نوعيه بنقابلها بتحسسك انها بتحبك وبتحب مصلحتك ..

وهى اول من يتمنوا لك غير الخير وبيحقدوا عليك !

وفى نوعيه تالته بتفضل تنصحك وتقولك كلام رزين وعاقل وجميل ..

وهما اول ناس بيخالفوا النصايح دى ومبيعملوش بيها ..

وفى نوعيه رابعه بتفضل تعيش عليك دور المسكنه وتتسهوك عليك لحد ما تتمكن منك ..

حقيقي دول ملهومش غير تعليق من كلمه وحده عليهم ..

عجبــــــــــــــــــي !!!


حكمـــــــــــه ..

ان اردتم ان تحسنوا من الناس .. فا ابدأوا بأنفسكم أولا .. !


حقيقه ..

يجب على الرجل ان يأخذ صفه الولاء من الكلب .. لا شك فى ذلك ..

كذلك المرأه .. وحط هنا مليون خط وعلامه تعجب ..

ولكن ..

الكلب سيظل دائما كما هو ( مجرد حيوان ) ..

وتشبيه الرجل بالكلب هو وصف من شيمه ( النســاء ) !









لكى وحــــــــــــــدك ..




ورغما عنهم جميعا سنظل كما نحن .. فا هذا ما عهدنا أنفسنا عليه امام الله ..

رغم أنف الحاقدين والقذرين ..

[Mo chahin]

بسم الله الرحمن الرحيم ..


عــلامات تعجب ..


اتعجب من بعض الكتابات بل واشمئز منها !


نقطــــــه ..


لا تحاسبوا انسان عامل آخر بقسوة الا بعد ان تتأكدوا كيف كان يُعامل أولا ..

فا الغضب احيانا يُعمينا عن أشياء حتى ان كانت ظاهره لنا ..


حقــيقه ..


ليه تخلى الدنيا تعيشك بمزاجها .. لما انت ممكن تعيشها زى ما تحب ؟ !











لكى وحــــــــدك ..



قد تكون هذه نقطه التحول .. فا رفقا سيدتى ..

[Mo chahin]

بسم الله الرحمن الرحيم ..


بعض المواقف تُثبت لك ما لك وما عليك ..

وتغير نظرتك فى بعض الأناس الذين كانوا لا يستحقون حتى مجرد ( احترام )

لذا وجب علي تصحيح بعض الاخطاء التى من شأنها ان تغير الكثير والكثير ..

كما وجب علي التأمل فى بعض التعاملات ولن ابالغ ان قلت ( الحد ) منها ..


حكمــــه سأبدأ بالعمل بها دائما ..


احسن الظن فى الناس كأنهم كلهم اخيار ..

واعتمد على نفسك كأن لا خير فى الناس ..





بالنسبه للناس اللى بتسأل عن حظرى كان ايه سببه ..

معنديش سبب الحقيقه مقنع لحظرى ..

لكن عرفت ان دا تم عشان قلت لعضوة هنا ( بكرهك )

دا كان سبب حظرى ..

او بمعنى اصح عشان انتقدتها فى موضوع !!




لكى وحــــــــــدك ..




اعلم يا فرح اننى بتُ غير جدير بالثقه ولكن ..

سأعمل جاهدا على ان استرجعها شيئا فا شيئا حتى وان كلفنى ذلك ( عُمرى ) ..

أحبك دائما فى الله ..

[Mo chahin]

بسم الله الرحمن الرحيم ..


يتوجب على المرء الدرايه الكامله لما لديه من نعم وأشخاص قد يخسرها فى غمضه عين ..

ويتوجب علينا اكثر واكثر الحفاظ عليها بكل ما اوتينا من قوة ..

حتى لا نندم فى وقت لن يشفع فيه ندمنا ..


نقطـــه ..

ما زال القادم مجهــولا .. والحاضر مشلولا .. والماضى مسكونا ..


تعجب !!

تعجبت قبل كده لما اعتذرت لحد وقالى باللفظ انه مبقاش حاسس بأى حاجه ..

انا دلوقتى فى مكان الشخص دا .. وحقيقي مبقتش حاسس بأى حاجه ..


شىء غــريب ..


اللإخوة والصداقه والمحبه مش بالعافيه ..

واُكرر .. مش بالعافيه !








لكى وحـــــــــدك ..




اعتذارى لكى حبيبتى على ما سببته لكى من احراج وخذلان ..

والحمد لله ان اى شىء حصل مهزش اللى ما بنا ..

واحمد الله على نعمته علي وانك ديما موجوده معايا بأذن الله تعالى ..

ومكملين ديما رغم انف الحــــاقدين .. والمستضعفين ..والخائنين .. والخاذلين ..

أحبك ديما فرحتى وفرحه عمرى ..

وادعو الله ان يجعلك دائما سبب سعادتى ويجعلنى سبب سعادتك ..

وعفوا حبيبتى ان كنت انانى ذات مرة او مرات ..

ادركت تماما كم ظلمتك وكم أتعبتك ..

وبأذن الله سأسعى دائما وابدا لتعوضيك ..

اشتقت لكى جدا واشتاق لكى جدا جدا ..

أحبك فــــــــرح ..

[Mo chahin]

بسم الله الرحمن الرحيم ..


عـــــادى ..

الظروف مخبطه معاك شويه ؟ .. عادى

ان شاء الله ربنا يفرجها ويعدلها ..

كنت مستنى حاجه من حد وخذلك ؟؟

مصيرك تعرف ان دا بقى شىء طبيعي ..

حسيت انك فى مكان ما .. لوحدك ؟

مصيرك تتعود ..


حاله لا مبالاه غريبه تسيطر علي من فترة ..

مفيش احساس بأى شخص او اى شىء او حتى كلمه !!

مبقتش اعتب على حد عزيز لو اخطأ فى حقى ..

لانى ايقنت ان العتاب مبقاش يجيب نتيجه ..

فا افضل حل هو التجاهل واللامبالاه ..


ارجع واقول ..


الشكوى لغير الله مزله ..





لكى وحـــــــــدك ..




علميهم كيف هو الوصال .. والامان .. والحب

علميهم كيف هو الاشتياق .. والأمل .. وصون القلب

علميهم .. لعلهم يستفيدوا

[Mo chahin]

بسم الله الرحمن الرحيم ..


الاستنســاخ ..

مبحبش الناس المُستنسخه اللى تقولهم شمال يقولوا حاضر .. يمين برده حاضر ..

من غير ليه ولا ازاى .. حتى لو اليمين او الشمال دا ( مش صح ) ..


نقطـــــــه ..


مش هتاخد اكتر من اللى ربنا كاتبهولك تماما .. فا متحاولش تقوم بدور مش دورك ..


السُلطه ..

ربنا ما يكتبهالى ابدا .. لانى مبحبش السُلطه ..

مش عشان بس صاحبها بيكون ديما فى موضع شائك ..

انما ليها اثار سلبيه عده .. منها الغرور والتكبر الزايد ..

ودا بتنتج عنه افعال مكنتش يوم تتخيل انك تعملها .. كـ الظلم مثلا .. وخلافه ..

وانا مش من النوع اللى بيحب الظلم اطلاقا ..

وعشان كده ( تباً وسُحقا للسُلطه ) ايا كان موقعها ..











لكى وحــــــــــدك ..





ما فى القلب اكبر واكثر كثيرا مما تراه عينك وما يشعر به قلبك ..

احبك سيده عــُمرى ..

[Mo chahin]

بسم الله الرحمن الرحيم ..


بمناسبه الذكريات الخاصه ببنات مصر ..

دخلت مدونه فى كل دقيقه شخصيه لـ ( احضان الحبايب )

هذه المدونه التى احبها وافضلها على الكثير والكثير من المدونات هنا ..

فكرت منذ قليل فى مواضيع قديمه وأناس كنت اكن لهم كل الاحترام والتقدير ..

وأناس كنت اعزهم واحبهم فى الله كـ اخوة واصدقاء .. ولكن ..

شاء القدر ان يتغير كل هذا للعكس ..

لله الحمد اولا واخيرا .. ولست نادما اطلاقا على معرفتى بأحد هنا ..

لانى اعتبر نفسى مبتدأ هنا لا اعرف احد ولا احد يعرفنى ..


نقطـــــه ..


قد يكون السير عكس الاتجاه مفيدا فى بعض الاحيان ..









لكى وحـــــــــــــدك ..





اشتفت جدا لـ ( كلمــــــات )

طالما كانت دائما تحييني وتبنى داخلى كل الأمل ..

[Mo chahin]

بسم الله الرحمن الرحيم ..


ما اجمل ان يكون امامك هدف مُحدد تُريد تحقيقه ..

او امر ما تريد اتمامه ..

لذلك اتمنى من الله ان يوفقنى فى امورى واهدافى واحلامى ..


نقطــــه ..

الحمد لله ان جعلنى واثق خُطوتى ..

اعرف نفسى جيدا .. وراضى بحالى وما انا عليه والحمد لله ..

ســـؤال ..

هل يستطيع الانسان ان يُغير من قدره ؟

نعم يستطيع الانسان ان يُغير من قدره ان اراد ذلك ..









لكى وحــــــــــــــدك ..





لا توجد اطلاقا ملكه غيرك حبيبتى ..

فا انتى بحق ..

الملكه الأم ..

[Mo chahin]

بسم الله الرحمن الرحيم ..


كلما زاد الشىء عن حده .. انقلب ضده ..

وما نراه هذه الايام بل الشهور .. قد يكون اسرافا ومبالغه قد يصلوا احيانا الى (غباء وقذاره )

اقصد الساحه السياسيه ..

فتنه عنصريه وحرب اهليه ..

لا يصح اطلاقا ان نشبه أنفسنا من خلال اعمالنا .. باليهود القتله والسفاحين ..

لا يصح اطلاقا ان نشبه انفسنا بالبهائم والخرفان من خلال عقولنا المستنسخه ..

شمال شمال .. يمين يمين ..

خلق لنا الله عز وجل عقل وميزنا عن سائر الخلق به ..

لنتأمل ونتأنى ونقرر القرار الصحيح فى النهايه ..

ما رأيناه امس فى الجيزه ما هى الا جريمه بشعه وقذره من اصحاب العقول الضعيفه ..

من الذين لا يأبهون بدينهم الحنيف الذى يحث على السماحه والتسامح ..

من الذين ليس لديهم ايمان وانعدم ضميرهم ..

السؤال هنا ..

ما الفرق بين الذين قتلوا الشيعه من المسلمين وبين الذين يقتلون المسلمين فى انحاء العالم ؟

لا حول ولا قوة الا بالله العلى العظيم ..

ايصح ان نقتل هذا وذاك لانه ليس على ديننا او ملتنا ؟

ما يحدث الآن شىء لا يُصدق ولا يُحتمل ..


شىء عجيـــب ..


سألت اخواني .. هتنزل يوم 30 ؟ .. قالى ايوة هنزل

ويريت انت متنزلش لانى خايف عليك .. الخ الخ الخ !!

وبعدين قلتله طب هتنزل تعمل ايه ؟

قال هنزل اقول لا للعنف ..

قلتله هتنزل تقول لا للعنف بـ ( الطبنجه دى ) .. قال ايوة

عشان لو حصل حاجه ادافع عن نفسى !!!!

قلتله يبقى منين نازل تقول لا للعنف ومنين نازل بطبنجه ؟

طب وايه دلوقتى الفرق بينك وبين البلطجى والمخرب ؟

ماهو متقنعنيش انك الملاك البرىء لحين اشعار اخر !!

ياللا ..

عموما نهايتهم قربت ان شاء الله ..

واللى بيشيل اربه مخرومه بتخر على دماغه ودماغ عشيرته ..








لكى وحـــــــدك ..





عندما يكون للحب عنوان ..

فا تأكدى انه سيكون ( فــــرح )

[Mo chahin]

بسم الله الرحمن الرحيم ..


البعيد عن العين .. بعيد عن القلب ..

هذا المثل الذى طالما كدبته منذ ان سمعته .. لان النتايج كانت تأتى بالعكس ..

ولكن أثبت مع مرور الوقت انه يصح فى اوقات ولا يصح فى اوقات ..

وان جاز التعبير على حسب نوعيه الاشخاص البُعاد عن عينك ومدى قربهم منك ومصداقيتهم ..

لذلك اطبقه احيانا ولا عجب فى ذلك اطلاقا ..

نقطــــه ..

الحياه خد وهات .. مش خد ديما او هات ديما ..

لذلك يتوجب علينا معرفه ما لنا وما علينا حتى لا نخسر اناس هم الاعزاء لدينا ..

غريبــه ..

اتعجب دائما من أناس يقولون ما لا يفعلون ..

وعندما تواجههم يُبررون بكلام وامور تافهه جدا الى ابعد الحدود ..


رســـــــاله ..


لو بالنسبالكم عادى تخسروا واحد او اتنين ..

فانا بالنسبالى عادى واقل من العادى انى اخسر مليون ..

طالما وجب علي ذلك ..










لكى وحـــــــــدك ..






مش مهم تستفزيني .. ومش مهم تزعليني .. ومش مهم تخنقيني

المهم انك حبتيني وبتحبيني .. ودا كفيل بانه يمحي اى زعل ..

هـــــانت ان شاء الله ..