مذكرات رجل مهزوم

[Mo chahin]

بسم الله الرحمن الرحيم ..


راحه نسبيه الحمد لله عن ذى قبل ..

عندى أمل كبير فى ربنا ان اللى جاى افضل ان شاء الله ..


خيـــر وشـــــــــر ..

كل انسان فينا جواه الخير والشر .. واحنا اللى بنقرر ازاى يعاملنا الانسان دا .. بأفعالنا ..












لكى وحـــــــــــــــــــدك ..





حقيقي مبشوفش غيرك حتى لو حواليا مليون حد ..

ولا يملى عيني غيرك ..

[Mo chahin]

بسم الله الرحمن الرحيم ..


فــــــرحه هيستيريه تنتابنى الآن ..

الواحد كل ما يفقد الأمل فى الدنيا دى ربنا يبعتله انذار .. ويقوله ربك موجود ..

وربنا ديما عند حسن ظننا مهما اتاخر .. فى الاول والاخر بيكون امتحان ..

يعنى مثلا من يوم كان عيد ميلاد فرح .. ودا فى حد ذاته فرح ..

وانهارده بقيت اتنين فى واحد ..

يعنى مدير مكتب سيارات ومدير كافيه

الحمد لله على كل حال .. وحاجه بتسند حاجه واهى ماشيه ..

حقيقي كان خبر جميل بالنسبالى خصوصا انى كنت محتاجله ..

لانى محتاج اشتغل 24 ساعه فى 24 ساعه ..

عندى طاقه غريبه ومحتاج اطلعها فى شغلى الجديد ..

أرجع فى الاخر واقول المثل الشهير بتاعنا ..

ما ضاقت الا ما فُرجت .. والحمد لله ..












لكى وحـــــــــــدك ..



يا وش السعد ..

[Mo chahin]

بسم الله الرحمن الرحيم ..


مفيش حظر تجول !!

خلصت شغلى ومنهك جدا ومرهق جدا جدا ورجلى مش قادره تشيلنى .. الحمد لله ..

المهم رغم كده الا انى قررت اروح ميدان المطريه عشان كنت شوفت كافيه جديد عجبنى ..

قعدت عليه والمنظر تووووووووووحفه

تخيلوا كده .. انا قاعد ع الكافيه .. وورايا دبدابات الجيش والمدرعات .. وجنبى كمان برده ..

يعنى انا بكتب دلوقتى حالا وخايف تقوم اى مسيره تبوظ القعده العثل دى

جيت بصور العساكر بتوع الجيش الواد قالى يا باشا ( ميمنوووووع )

زى فيلم جواز بقرار جمهورى بتاع هانى رمزى

الجو هنا جنان ويشجع ع القعده بصراحه .. بس لو فى حد قاعد معاك ..


من كــافيه ( مونديال ) ميدان المطريه أحدثكُم ..

وربنا فى ضرب نار دلوقتى .. اجرررى يا فااااااااااااوزى












لكى وحــــــــــــــدك ..






لو انتى معايا دلوقتى هسيبك واطلع اجرى .. الكدب خيبه

[Mo chahin]

بسم الله الرحمن الرحيم ..


الصبر .. ديما مفتاح الفرج .. وديما بنقول اصبر تنول ..

احيانا من استعجالنا بنخسر كتير اوى ..


مصــــــر ..


هى الميزان الحقيقي للعالم العربى .. فا حافظوا عليها ..












لكى وحـــــــــــــــدك ..




ربنا ما يحرمنى منك ويخليكي ليا ..

[Mo chahin]

بسم الله الرحمن الرحيم ..


نظـــره كـــامله ..

لا يجب ا ننظر للموضوع او المشكله او حتى الاشخاص من اتجاه واحد فقط ..

فا هذا سيُسبب لنا الكثير من المتاعب .. والخساير ..

فا يجب ان ننظر للمشكله او الشخص من جميع الجوانب والنواحى ..

حتى تتبين لنا الصورة كامله وقتها يكون الحكم اعقل وافضل ..


بعض الأوقات يكون اختيارك هو .. ( انك تعمل عبيط ) ..







لكى وحــــــــــــدك ..




لو عاد بى الزمن لأُقرر من أختار .. لاختارتك انتى واحببتك انتى وتمنيتك انتى ..

[Mo chahin]

بسم الله الرحمن الرحيم ..


عندما يتملكك شعور التشويش وبأن كل شىء امامك مُشوه ..

فا يجب عليك الوقوف لحظه وانك ترسخ بعض من وقتك للتفكير فقط فى كل ما يجرى حولك ..

حقيقي كل ما يجرى حولى يُستدعى للتفكير الممل ..


نقطــــــــه ..

عندما اقول ان الطيبون اكثر فا هذه حقيقه ..

فا كل واحد طيب بميت واحد سىء .. وهذا يكفى ..


عجبــــــــــــى !

عجباً على زمن فيه القاهرة تحترق و دمشق تدمر والقدس تسرق ..

وتل أبيب تعيش فى سلام !!

وعجبـــــى !











لكى وحــــــــــــدك ..





الطيبون للطيبات وانتى اجمل الطيبات ..

[Mo chahin]

بسم الله الرحمن الرحيم ..


دماغى هتنفجر ..

بكلمكم وسط الافتتاح بتاع الكافيه اللى انا استغلت فيه من يومين ..

مدير طبعا

اللى مضايقنى الواد بتاع الدي جي دا مشغل اوكا واورتيجا هههه وانا لله فى لله بكرههم

اللى عاجبنى بقى ان الجو تحفه بجد ..









لكى وحــــــــــــدك ..




بتتفقوا عليا انتى وعيلاء يا فرح ؟ مااااشى

[Mo chahin]

بسم الله الرحمن الرحيم ..


انت بقيت اخوانـــــى ولا ايه ؟

انت بزمتين .. انت بوشين .. انت ببطختين !!

دى كلها ردود افعال ناس اعرفها منهم على ارض الواقع منهم من ع النت ..

واستغربت جدا لما لاقيت حد بيقولى انا كـ محمد شاهين الكلام دا !!

وفى النهايه اكتشفت ان الغلط من عندى انا مش من عندهم .. بس دا ميمنعش انهم استعجلوا ..

حد يسألنى الغلط فين ؟ .. اقوله ..

ان انا ادمن على صفحه للإخوان المسلمون .. وانا كنت ناسى دا ..

والصفحه دى اسمها ( لا لحم العلمانيين والليبراليين مصر )

https://www.facebook.com/Egypt.Palestine108?ref=hl


طبعا الاشعارات بتروح للناس دى مع انى مبعملش حاجه اساسا ولا بكتب حاجه ..

لانى اول مرة اعترض ع الناس فى الصفحه دى اكتشفت ان كلهم متعصبين جدا ..

وفى ناس بتغلط كتير .. فـ بقيت اطرد فيهم واحد ورا التانى ..

وعلى فكره ..

انا لما وافقت اكون ادمن على البيدج دى .. عشان كان عندى خلفيه انها مش للاخوان ..

مش بس الاخوان .. لا كان عندى خلفيه انها مش تابعه لاى حزب ايا كان ..

وحريه التعبير مكفوله للجميع .. انما اكتشفت غير كده خالص ..

الصفحه فيها تقريبا 90.000

وتلات ترباعهم كلهم اخوان ..

عشان كده بطلت اتابع الصفحه او اكتب حاجه فيها .. لكن اللى بيغلط بشوطه على طول

وفى الاخر اكتشفوا انى .. لا بمزمتين ولا بوشين ولا حاجه والحمد لله ..

بطلوا بس تستعجلوا عشان حكمكم ميكونش غلط ومبنى من زوايا ضعيفه ..


ملحوظـــــه ..

انا لا اخوانى ولا علمانى ولا ليبرالى ولا كنباوى ولا اى حاجه اطلاقا ..

انا واحد بيحسبها بالعقل وبسيب الباقى على الله ..

وتحيا دماغى حره مستقله ..









لكى وحــــــــــدك ..



كله بالهداوة يهون ..

[Mo chahin]

بسم الله الرحمن الرحيم ..


نقطــــــــه ..

مش عيب ان الواحد يعيد حساباته من البدايه ..

صحيح هتتعب فى الأول لكن هترتاح بعد كده ..

ربنا بيقول ( اعقلها وتوكل ) ..


مثل شعبـــــى ..

تعرف فُلان ؟ .. ايوة اعرفه ..

طب كلمته فى السياسه ؟ .. لا

يبقى متعرفوش


ودى حقيقه للأسف كلنا شوفناها على مدار الاسابيع اللى فاتت ..











لكى وحـــــــدك ..



ايوة عايش بدعوتك .. وعايش عشان احبك ..

ايوة بموت فى رقتك .. وحنيه وطيبه قلبك ..

[Mo chahin]

بسم الله الرحمن الرحيم ..


أرى احلامى باتت قريبه جدا ..

ورغم ذلك عندى كلمه لأحلامى ..

أحـــلامى .. ستتحققين رغم انفك .. بأذن الله ..

نقطـــــــه ..

الرغبه القويه تُطيح بأى أمل ضعيف وتقوى منه .. ليصبح أمل قـــوى ..











لكى وحـــــــــــدك ..




انتى التى قال عنها نذار قبانى .. ( أميرة النساء )