مذكرات رجل مهزوم

[Mo chahin]

بسم الله الرحمن الرحيم ..


بداخلى كلام لو نطقت به لجرحت غيرى ..

وجوايا كميه غضب لو صبتها على حد ممكن اقتله ..

عشان كده خير لى ان اسكت ومتكلمش مع حد ..

خوفا منى على غيرى ..

ربنا يستر ويارب هونها عليا ..











لكى وحــــــــــدك ..


الأيام وحدها ستثبت من كان على حق ..

أحبك ..

[Mo chahin]

بسم الله الرحمن الرحيم ..


ديما لازم نرضى بما قدره لنا الله ..

لان شئنا ام ابينا هو دا اللى مقدر لينا .. فا نقبل بكل رضا احسن ..


الاحترام المتُبادل ..


ﻓﻴﻪ ﻓﺮﻕ ﻛﺒﻴﺮ ﺑﻴﻦ ﺍﻟﻨﺎﺱ ﺍﻟﻠﻲ ﺑﻨﺤﺘﺮﻣﻬﻢ ﻋﺸﺎﻥ ﻫﻢ ﻣﺤﺘﺮﻣﻴﻦ ..

ﻭ ﺑﻴﻦ ﺍﻟﻨﺎﺱ ﺍﻟﻠﻲ ﺑﻨﺤﺘﺮﻣﻬﻢ ﻋﺸﺎﻥ ﺍﺣﻨﺎ ﻣﺘﺮﺑﻴﻦ !!


نقطــــــــه ..


كن انت الرجل الذى يثُبت لها انه ( ليس جميع الرجال مُتشابهين ) ..











لكى وحــــــــــدك ..



افتقدك فى أحـــــــلامى ..

[Mo chahin]

بسم الله الرحمن الرحيم ..


يظهر لما الواحد بيفضل يتهيء له حاجات وبيصدقها .. بتحصله !!

يعنى انك توهم نفسك بأنك مُجهد .. فا تلاقى نفسك مجهد بجد ..

انك توهم نفسك بأنك تعبان ومخنوق .. فا تتعب وتتخنق بجد ..

لكن انك تفكر بأن شىء قوى قد يحدث .. ويحصل بجد ؟؟ .. اهو دا اللى كتير !

فى المشاركه اللى قبل قبل دى تقريبا قلت كده فى فقره ( لكى وحدك ) ..

مش عارف ان كان دا خير او شر .. ورغم انى مش شايف ادنى خير .. لكن هتفائل ..

او هوهم نفسى انى مُتفائل لحد ما يجي الخير بجد .. لعل وعسى ..

وهو الواحد عايز ايه اكتر من ان يكون باله مرتاح ؟

والله لو راحه البال بتُشترى لكنت اشتريتها ..

الحمد لله على كل حال ..











لكى وحــــــــــــدك ..



السمك لو خرج ثوانى برا المياه .. بيموت

[Mo chahin]

بسم الله الرحمن الرحيم ..


الحاله النفسيه زى الزفت لدرجه مش كويسه ..

هاتها جمايل يارب ..

انا نفسى دلوقتى ع الصبح كده لا لينا ولا علينا امسك حد اضربه ههه

وحد اكون بكرهه او مش قابله وانزل فيه ضرب لحد ماتعب .. واريح واقوم اضربه تانى ههههه

او امسك فاس وافضل اكسر فى اى حاجه زى الصعايده بتوع البنا كده ..

ماهو لو مكانش فى حظر تجول دلوقتى كنت نزلت جريت حوالين قصر القُبه لحد ما يتقطع نفسى ..


بالمناسبــــــــه ..

فى عز حاله الملل قلت اتفرج على فيلم فاست 6 بتاع فان ديزل ..

وانا بدور عليه لاقيت الفيديو دا ..

اردوغان وهو بيقع من على الحصان .. سبحان الله زى ما يكون الحصان حاسس ان اللى راكبه عبيط هههه




نقطـــــــه ..


قمه الخنقه والضيقه انك تحس بالعجز .. ايا كان عجز فى ايه ..











لكى وحـــــــــــــدك ..



مشلكتى اصبحت انتى ..

[Mo chahin]

بسم الله الرحمن الرحيم ..


من كتر التخبط والتشويش اللى بيسيطر ع الواحد ..

احيانا بيخلونا عايزين ناخد فتره نقاهه وراحه حتى من نفسنا !


نقطــــــــــه ..


الحياه لا يُقدرها سوى من يفهمها ..











لكى وحــــــــــدك ..



وبات الشوق دليلى ..

[Mo chahin]

بسم الله الرحمن الرحيم ..


شىء بيعوض شىء .. وشعور ييعوض شعور ..

ومكسب بيعوض خساره .. وانسان بيعوض انسان واكتر ..

باختصار شديد ..

ربك لما بيقطع من هنا بيوصل من نحيه تانيه ..

واهى ماشيه والحمد لله ..


نقطـــــــــــه ..


أحيانا نندم فى وقت لا ينفع فيه الندم ..











لكى وحـــــــــــدك ..



غالبا ما تأتى الرياح بما لا تشتهى السُفن .. فصبرا جميلا ..

ولنستعن بالله ..

......

مبروك ع الوظيفه الجديده يا سياده مساعده المديره

ويارب عقبال ما تكونى مديره قد الدنيا ..

[Mo chahin]

بسم الله الرحمن الرحيم ..


من شويه كنت بلعب بيس .. ملقتش حد يلعب معايا قلت العب مع نفسى ..

وفضلت اغلبنى واكسبنى واتعصب عليا وازعقلى

فريق تشيلسى دا ابن لذينا معقدنى حتى فى البيس ههه


ملحوظــــــــه ..

امبارح بليل لاحظت انى العضو الوحيد اللى فى صفحات مكشوفه


حد يفكرنى يا جدعان انى سبت الاشراف عليه












لكى وحـــــــــدك ..



الجمال يكمن فى طهاره قلبك وصدق شعورك ..

[Mo chahin]

بسم الله الرحمن الرحيم ..



يا من هواه اعزه وأذلنى .. كيف السبيل الى وصالك دلنى ..

مش فاكر شوفت الاغنيه او الفيديو دا عند مين فى الاعضاء هنا ..

لكن بجد عجبتنى وفعلا من اجمل الاغنيات اللى سمعتها على الاطلاق ..

ودا لأنى من محبى القصايد اللى زى دى ..

اسيبكم مع الاغنيه وكلماتها كمان ..

يا من هواه أعزه وأذلني
كيف السبيل إلى وصالك دلني

أنت اللذي حلفتني وحلفتلي

وحلفت أنك لا تكون فكنت لي

وحلفت أنك لا تميل مع الهوى

أين اليمين؟ وأين ما عاهدتني؟

ولأقعدن على الطريق وأشتكي
وأقول مظلوم وأنتظلمتني

ولأدعون عليك في غسق الدجى
يبليك ربي..مثل ماأبليتني

تركتني حيران صبّاهائما
أرعى النجوم وأنتفي نوم هني

هبّ النسيم ومالغصن مثله
أين الزمان وأين ماعاهدتني

جاد الزمان وأنت ماواصلتني
يا باخلاَ بالوصل أنتقتلتني

واصلتني حتى ملكت حشاشتي
ورجعتمن بعد الوصال هجرتني

لما ملكت قياد سري بالهوى
وعلمت أني عاشق لك خنتني













لكى وحـــــــــدك ..



كم اشتقت لـ ( كلمات ) ..

[Mo chahin]

بسم الله الرحمن الرحيم ..


بقالى كتير مغنيتش .. ومسمعتنيش بغنى ..

احتمال كبير اسجل ع الراديو ان شاء الله قريب ..

يارب يتمها على خير .. اهى فرصه نستغلها بقى ..


نقطـــــــــه ..


مش شرط يكون ديما غيرك اللى غلطان وعلى خطأ .. ممكن يبقى العيب فيك وانت مش عارف !











لكى وحـــــــــدك ..



حتى لغه الصمت ما بنا .. أعشقها ..

[Mo chahin]

بسم الله الرحمن الرحيم ..


حوار بيني وبين جمال مبارك ..

جمال .. ازيك يا محمد

محمد .. كويس ازيك انت يا جمال .. وخير اتصالك مش مريحنى !

جمال .. ابدا والله كنت عايزك فى موضوع كده وحبيت اخد رأيك ..

محمد .. مش قلتلك خير ؟ .. قول يا جمال

جمال .. انا هسيب خطيبتى

محمد .. ليه كفانا الشر حصل حاجه ؟ .. طب انا ممكن اتدخل يابنى ونحل اى مشاكل ..

جمال .. لالا مفيش مشاكل بس مش عايز اتجوز بالسرعه دى .. دا فاضل شهرين بس ..

محمد .. يابنى انت مش بقالك سنتين خاطب البنت ومحدد مع اهلها معاد الجواز ؟

جمال .. ايوة بس !!

محمد .. اااااااااه انت هتبسبس .. يبقى زهقت يا معلم وعايز تغير صح ؟

جمال .. مش موضوع زهقت والله بس !!

محمد .. يا جمال محدش هيعرفك اكتر منى .. وربنا انت زهقت وعايز تعيش عيشه العذوبيه تانى !

وبعدين انت فاكر اللى عملته مع خطيبتك الاولى ؟ .. طب وفاكر اللى عملته مع التانيه ؟ !!

جمال .. يا عم انت هتقطمنى ولا ايه ..

محمد .. لا بس بفكرك بانه كده حرام عليك وبنات الناس مش لعبه او شوخشيخه فى ايدك ..

كل ما تزهق من وحده تغيرها !!

طب ذنب البنت دى ايه ؟ .. ذنبها انها وقفت جنبك سنتين وحبيتك فعلا ورسمت طريقها المستقبلى معاك ؟

ذنبها ايه تستناك سنتين بحلوك ومرك ومتحملاك وفى الاخر تقولها مع السلامه !!

يا اخى اتقى الله جاتك القرف فيك وفى اشكالك ..

جمال .. يا عم محمد اهدى انا قلت اتكلم معاك واخد رأيك ..

محمد .. اهدى ايه وبتاع بس انت كده هتخلى نفسك قليل الأصل وانا محبش اعرف قُلالات الأصل ..

راجع نفسك يا جمال وافتكر كويس ان اللى بتعمله مش صح ..

وروحت قافل السكه لانى مقبلش بكده ابدا .. مع العلم ان جمال مبارك دا اخويه الصغير ..

وبقالى اكتر من سنتين .. لانى عايش فى القاهره وهو لسه فى المنصورة ..

ومبيعرفنيش الا ما يكون عايز مصلحته ..

وانا مش اسف انى بتكلم عن اخويه بالطريقه دى لانه يستحق طريقه اسوأ ..


نقطــــــه ..


زى ما بتعمل فى الناس هيجي اللى يعمل فيك نفس اللى انت عملته واكتر ..

فا حاول يكون عملك دا خير مش شر ..

وافتكر ديما ان كما تُدين تُدان ..

وارضى ديما بما قسمهولك ربنا ومتتبطرش ع النعمه .. عشان بعد كده مش هتلاقيها ..











لكى وحــــــــــــدك ..



صباحى انتى ومسائى انتى .. وربنا يحميكي ..

ويخليكي ليا ..