مذكرات رجل مهزوم

[Mo chahin]

بسم الله الرحمن الرحيم ..


رغم حزنى على خسارة الاهلى .. ومستواه اللى مش معهود ,,

الا انى فرحت جدا من عوده النشاط الرياضى ,,

وواحده واحده هترجع المياه لمجاريها بأذن الله ..

لكى الله يا مصر ..




لكى وحـــــــــــدك ..



لو حكينا يا حبيبي .. نبتدى منين الحكايه

داحنا قصه حبنا .. ليها اكتر من بدايه



صدقت يا حليم

[Mo chahin]

بسم الله الرحمن الرحيم

اقتباس المشاركة الأصلية كتبت بواسطة المنشــاوى من زمان كدا حبة صغيريين كنت بعامل كل الناس معاملة واحدة وبنيه صافية وطيبة وحب وثقة شديدةبدئت آخد صدمات في حياتى كتيرة من معظم الناس اللي ثقت فيهم اوي قامت الصدمات دي علمتني اكون اعامل الناس وواخد حظري منهم ومدهمش الثقة الكاملة اللي ممكن تخلينى اتصدم لو اكتشفت انهم مش تمام ولما مشيت ع المبدء دا في حياتي مبقتش اتصدم لو حد فكرته كويس وطلع مش كويس بمعنى اصح منتظر منه يطلع مش كويس في اى وقت وواخد احتياطاتي وعارف رد فعلي هيكون ايه يمكن لما اخدت الصدمات دي خلتني لو قابلنى حد كويس فعلا من جواه وصادق ..اشك فيه ! بس فـ نفس الوقت ادتني خبره كبيرة فـ كشف المستخبي وعشان كدا مش بتفرق معايه حاجة وممكن آهيئ للي قدامي اني مصدقه مليون فـ الميه وواثق فيه بس من جوايه مش مديله الآمان الكامل برضه دي حاجة الحاجة التانيه انا فيا عيوب كتير ..وبرضه فيا مميزات وآي آنسان فينا كدا وممكن اضحك واهزر وابقى فوق المعيلة بمراحل بس ممكن تيجي عليا لحظة آكون فيها شخصية تانيه بكل المقاييس حد تانى فعلا انا ذات نفسي مبعرفش نفسي بعد ما بتحول للشخصية دي ناس كتيرة كانت بتاخد انطباع عني اني وحش بس لما قربو مني عرفو اني شاب زي اى شاب مبيتمناش من ربنا غير شوية احلام على قده آحلام بسيطة علي اد مستواه ..عرفو اني تلقائي وهو دا اسلوبي عرفو اني مش وحش بس ممكن اتفهم غلط مبحبش اتصنع شكل مش شكلي ولا حياة مش هي حياتي ..انا واحد بسيط اتربيت وعيشت جوة منطقة شعبيه ابويا الله يرحمه كان راجل غلبان وامي من الستات اللي زي آمينة في بين القصرين كدا جوة شقة ضيقة محندئة على قدنا ..ولما ابويا اتوفي ..نزلت اشتغلت صرفت على نفسي وانا عندي 12 سنة كنت بشتغل وبدرس في نفس الوقت ومحدش صرف عليا جنيه لحد وقتنا هذا .ولما كبرت شوية 17 سنة كدا كنت شايل مسؤليتي ومسؤلية بتنا ومسؤلية آخواتي ..تعبت اوي في فترة نشآتي دي في كل حاجة كان بيجي عليا وقت محتاج ابويا فيه ملقهوش ..ودا في حد ذاته آحساس صعب في سن معين محتاج فعلاً لضهر وسند الآب آي نعم كنت بلاقي خالي ورايه بس الآحساس بتاع الآبوة نفسه في الوقت اللي كنت محتاجه كنت فاقده بكل معانيه امي عندي هي روحي وهي كانت ليا الآب والآم واللي ليها الفضل عليا بدعاوتها ليا ورضاها عني في آني آحقق شوية من آحلامي وآكون آنسان صاحب هدف وطموح وناجح في حياتي وعارف يعني ايه مسؤلية لفيت كتير وقابلت كتير واتعاملت مع كل البشر وكل الناس الوحش والكويس والغني والفقير والصايع والمحترم واكتسبت خبره في الحياة كبيرة آوي في سن صغير آوي ووصلت لمرحلة برضه كويسة آوي في سني حالياً دا يمكن الحمدالله رب العالمين حققت في سني دا اللي كتير من شباب مرتاحيين وناشئيين فى عيشة مرتاحه وحالة اهاليهم المادية كويسة معرفهوش يحققو نصه ..ودا فضل من ربنا عز وجل عليا وبعد ربنا آمي بدعاوتها ليا انا مش عارف بكتب الكلام دا هنا ليه ..بس انا لقيت نفسي حابب افضفض مع نفسي قصة الهزار والضحك بتاعي بقة ..يمكن اللحظات اللي بضحك فيها وبنسي كل هموم الدنيا وبرميها من جوايه هي لحظات دخولي هنا وكلامي معاكم , ويمكن مش بتتنسي بس اهو بحاول اخرج من زهقي , المهم في النهايه انا ممكن يتاخد عني انبطاع اني وحش بس لو اللي بيتعامل معايه فكر فيا كويس هيلاقي فيا الوحش والحلو زيي زي اي بني ادم نيته خالصة لربنا وبيحب كل الناس مبخفش من حاجة طول عمري وممكن اقف قدام القطر فـ سبيل سعادة ناس آخريين الاندفاع عندي كبير والتضحيه عندي كبيرة ..ومبخفش من آي حاجة غير ربنا لآن من يوم ما انولدت على وش الدنيا عارف ان هيجي اليوم عليا وهسبها وهموت اموت بآنهي طريقة بقة دي بتاعة ربنا ..بس مبخفش من الموت فا دا لوحه يخليني مخفش من آي حاجة فى الدنيا وبقول ع الصح صح والغلط غلط حتي لو هتحط فى مشاكل كبيرة وبقول للغولا عينك حمرا في وشها خلاصة الكلام عشان شكلي طولت اوي بقصة حياتي دي ههههه انا بعيد عن تفكير آي حد ميعرفنيش كويس وآي حد ميعرفنيش فعلا عن قرب عمره ما هيقدر يوصل ويحلل شخصيتى وممكن يتفاجئ بيا فى مواقف كتيرة ميتوقعهاش مني فا انا يمكن آكون مختلف والناس شيفاني مختلف شوية ..عشان انا فعلاً عشت الآختلاف مع نفسي غيرهم خالص

يمكن من أجمل المشاركات اللى شوفتها للمنشاوى .. ان لم تكن أجملها ,,

طول عمرى مؤمن جدا بالانسان المكافح اللى بيتعب عشان خاطر غيره ..

حتى ان كان ميعرفوش ..

لان الانسان اللى زى دا .. بيعمل الخير ويرميه البحر ..

الانسان اللى زى دا مبيحبش يعيش بوشين .. دوغرى ميخافش ..

لانه مؤمن بان العمر واحد .. والرب واحد .. فا يخاف من ايه ؟

مؤمن بانه فى اى لحظه هيتوفاه المولى .. فا يموت راضى عنه ربنا .. ولا العكس ؟

أحييك جدا يا منشاوى على مشاركتك دى ..

حقيقي انبسط منها جدا ..






لكى وحـــــــــــدك ..




اتمنى دائما ان اكون الرجل الذى طالما تمنيتيه وحلمتى به ,,

اتمنى سيدتى ان اكون عند حسن ظنك دائما ,,

أحبك فى الله ..

[Mo chahin]

بسم الله الرحمن الرحيم ..


الواحد بقاله فترة كده بعيد عن ساحه السياسه ..

لا بتابع اخبار ولا بقرا جرايد زى زمان ولا حتى بتكلم فيها مع حد ..

بس تصدقوا ؟؟

أى نعم انا مش عايز دا .. لكن كده أريح كتير ..

زى ما بيقول الكنج منير .. المرغوب مرفوض .. حقيقي صدق فى تعبيره ,,

الحمد لله النهارده نمت الساعه سته .. مع انى كنت فى البيت من وحده بعد نص الليل ,,

لكن مكانش جايلى نوم وكنت تعبان جدا من كتر التفكير ..

لكن لما قومت صليت الفجر كده حسيت براحه جمييييييييله جدا ..

حلو جدا ان يكون الله راضى عننا .. ونكون قريبين منه عشان نحقق مرادنا ,,

وهو ايه مرادنا غير رضى المولى عز وجل ؟

الحمد لله والشكر لله أولا واخيرا ..




لكى وحــــــــدك ..



اتمنى ان يُكافئنى الله بكى حبيبتى ..

[Mo chahin]

بسم الله الرحمن الرحيم ..


حصل موقف بايخ معايا فى صلاه المغرب ..

سمعت الاقامه وروحت جريت على الجامع وكنت مستعجل جدا ,,

عشان الحق صلاه الجماعه ..

المهم دخلت وهما فى نهايه الركعه الاولى .. فا دخلت فى صلاتى على طول ,,

مع العلم انى متوضعى من صلاه العصر ..

المشكله بقى انى بعد ما دخلت فى الصلاه اكتشفت انى شارب سجاير ..

قلت اكمل صلاتى عادى .. لان مينفعش اخرج من الصلاه ,,

وبعد ما خلص الإمام .. روحت اتوضيت من تانى وصليت المغرب تانى ..

هل انا صح أم غلط فى الحاله دى ؟

يارب يتقبل منا ..

ويرحمنا ويغفر لنا جميعا ..





لكى وحــــــــــدك ..



مستحيل ابيعك ابدا حبيبتى ..

بس أبيعك وابيع الدنيا بحالها .. لو فى ماتش للأهلى

[Mo chahin]

بسم الله الرحمن الرحيم ..


الحاله النفسيه الحمد لله احسن كتير ..

أنا لستُ مثالى اطلاقا ..

بل انا مجرد انسان ابسط من البساطه ..

يقول ما يعجبه ويقول ما لا يعجبه .. بمعنى أدق ..

أقول ما لى وما علي .. أليست هذه العداله ؟

أعتذر ان اخطأت .. وأُسامح فى حقى ان أُخطأ في ..

فا دائما لى رب كريم .. يعلم ما فى نفسى ..

والحمد لله ..

وعجبـــــــى !


رســـاله إلى .. محمود محي

بت مدمنا على سماع صوتك وضحكاتك التى تجعلنى تلقائيا .. أضحك



لكى وحـــــــــــدك ..



الدنيا كلها وما فيها وما عليها .. يمكن


انتى وحدك حبيبتى .. الأكيد

أحبك ..

[Mo chahin]

بسم الله الرحمن الرحيم ..


الحقيقة ليست مايقوله الآخرون عنك بالظن والاعتقاد

لذلك لا تكترث لما يقال عنك إن لم يكن فيك

فلست مجبرا ً على ان تثبت للآخرين عكس ماقيل عنك


منقول من صفحه فــــــــرح ع الفيس بوك

حقيقي صدقتى يا فرح ..




لكى وحــــــــدك ..



ما يشغلنى عنكى سيدتى هو .. أنتى

أحبك ..

[Mo chahin]

بسم الله الرحمن الرحيم ..


مش لاقى حاجه عدله فى حياتى .. كل حاجه حاسس انها ماشيه .. عكس

نفسى اعمل حاجه كل ماشوفها ارتاح .. حاجه افتخر بيها ..

نفسى ابسط حد .. كل مايشوفنى يدعيلى بجد من قلبه ..

مش أكيد ان ربنا راضى عنى .. ومش اكيد انى راضى عن نفسى ..

لكن أكيد ان فى شخص فى حياتى راضى عنى ..

متأكد ان نفسى زلانى .. وبدعى ربنا ينصرنى عليها ..

وبالرغم من انها زلانى .. ورغم انى جدا ضعيف ..

الا انى ديما بقوى عليها ..

أكيد انا غلطت كتير جدا .. لكن والله فى قلبى الخير ..

يارب قــــــويني ..

لانى حاسس انى ماشى .. بالعكس ..





لكى وحــــــــــــــدك ..




عبد الحليم ياما قال موعود .. وفريد الاطرش ملك العود

وأم كلثوم قالت .. أطلال

وانا بقول ..

لو كان الزمان غير الزمان .. والمكان غير المكان

لحاربت الدنيا عشانك وجعلتك ملكه متوجعه عليها كلها ..

ومن قبليها ملكه متوجه على عرش قلبى ..

بحبك فـــــــــرح ..

[Mo chahin]

بسم الله الرحمن الرحيم ..


عارفين ليه القســوة مليتنا ؟

والزمن دا قاسى علينا ؟

عشان أكيد الدنيا عميتنا .. والخيــر موتناه بإيدينا ..

حقيقي نفسى نرجع ونفوق .. لأننا خلاص .. أصبحنا سلعه .. فى سوق

ادعوا وارفعوا ايدكم للسما .. نطلع منها على خير ..

وبألف ســـــــــلام ..





لكى وحــــــــــــــــدك ..




عندما يُخطىء شخص فينا .. ونبادله بالسماحه والمسامحه ,,

هذا شىء يحسب لنا .. وليس علينا ..

[Mo chahin]

بسم الله الرحمن الرحيم ..

اقتباس المشاركة الأصلية كتبت بواسطة تيتشر نفشهـ♥’ هوا انا بحسه غلبان قوي ,, آه والله مع انه متسرع وعصبي بس تحسوه طيب جدااااا وع فكره دي نظريه مثبته علمياً ان الناس الاكثر عصبيه هما الاكثر طيبه وهتفضل مكانته كبيره عندي مهما حصل .. أ/محمد شاهين حقيقي لما قرأت خاطرتة سيدة عمري ومش دي بس عامةً يعني من كلامه واشعاره وكلامه كله تحس انو انسان صادق ف نبضه لحبيبته وهيا كمان حبيت الحب منكو والله ربنا يفرحنا بيكو قريب يارب ويجمع شملكو بالفرحه وتفضلو دايما بتحبو بعض كدا ومخلصين لبعض كدا كمان واعرفو اني بدعيلكو بالتوفيق دايما لانكو حب نادر في الزمن دا

عارفين ؟

أحيانا بتحصل مواقف كده بتبين لينا من اللى صح ومين غلط ..

لكن فى اللى موقفه بيكون ثابت .. وفى اللى بيتهز موقفه من مجرد كلمه ,,

فيه ناس بتقدر المواقف .. وناس لا ,,

لكن مهما اختلفت أزمان المواقف دى وقوتها ..

انت موقفك نفسه بيكون ايه تجاه ناس احترمتهم ؟

هل ما بتصدق وبتبعد وبتقفل باب انفتحلك فى يوم لمجرد موقف ؟

ولا موقفك بيكون ايه ؟

فى كلمتين لفتوا نظرى كده منـ ..

تيتشر نفشه ..

حقيقي مش عارف ارد على كلامك دا ..

لكن اثبتيلى انك حد كويس جدا وان نظرتى فيكي مخابتش ابدا ,,

يمكن لأول مرة بتحصل مشكله بيني وبينك .. وصحيح كانت المشكله كبيرة ,,

الا انى بظل احترمك جدا وبعتبرك اختى الصغيرة ..

ومش انا اللى يهزنى موقف معين حصل ما بيني وبين اى حد ..

ومش بهد ثقتى فى شخص من مجرد موقف عابر ..

اشكرك جدا تيتشر على نبل اخلاقك وكلامك الطيب ..

خالص تقديرى لشخصك الكريم ..




لكى وحـــــــــدك ..



مش ديما بنكون صح .. ومش ديما بنكون غلط ..

[Mo chahin]

بسم الله الرحمن الرحيم ..


دا تانى اقتباس على التوازى ..

اقتباس المشاركة الأصلية كتبت بواسطة 3805620 انا ياجماعه عندي مشكله عويصه اووي ان في اعضاء ف المنتدى لما اجي اقرألهم في مدونتهم مثلا او مش شرط المدونه بس ممكن اي مواضيع تانيه...بكون مش فاهمه اي حاجه في الحماده.. فهل المشكله فيا انا ؟؟؟ يعني هل انا مثلا مش بفهم :d:d ولا العيب فيهم هم؟؟؟ ولا هل هم مش عندهم القدره انهم يوصلو المعلومه للقارئ مثلا بكفااءه؟؟ احنا لازم ندرس الموضوع دا ونضع حل للمشكله العويصه دي الناس لما تتكلم ف حاجه توضحها يعني راعو ربنا فينا شويه ...انا خلاص هتجنن كل شويه يقابلني بتاع موضوع ولا حتى حد كاتب في صفحته كلام ملوش اي معني في مخي الجمجمه هتفرقع من كتر مانا مش عارفه استوعب الكلام ... واحب اقول ان من اكتر الناس اللي مش بفهم منها نص كلامها silver spectra mr. M ! R o تلاقوني ممكن افهم نص كلامهم والنص التاني بستنتجه من فهمي للنص الاولاني وعلى مزاجي هههههههههه يعني بجد خفو عليا شويه ...انا كل ماشوفكو في مكان اتعقد واسجل خروج انا في ثانويه عامه ياجماعه ...ومش خايبه يعني انا الحمد لله متفوقه بستر ربنا المكان الوحيد اللي بحس فيه اني غبيه هنــــــــــا :d احنا ان شاء الله لازم نعمل قعدة عرب ونتشاور ونحل المشكله دي لازم نوضع حد بقى عشان يبقى في قابليتي بينا ... انتو يمكن تلاحظو انا مبدخلش مواضيع خالص للعضوين دول رغم انهم مسيطرين يعني بس كل مادخل اتعقد اقسم بالله واخرج تاني ههههههههه دا حتى المسابقات اللي طارق بيعملهاا ...والله عمري مافهمت فيها حاجه المسابقه الوحيده اللي كنت شفتها وقولت الله دي سهله اوووي كانت اختلافات واني اطلع اختلاف واحد مفيييييش ولا اي اختلاف قابلني

اولا انا فطست من الضحك وربنا .. ومتقوليش يعنى ايه

ماهو مش ذنبى بقى انك مبتفهميش عربى ..

وحاضر هحاول ابسطهالك .. بس انا اللى بسأل بقى .. ازاااااااااااى

عموما .. اكيد شرف كبير ليا انك تنوريني ومتفهميش برده ههههههههههه




لكى وحـــــــــــــــدك ..



مبنفكرش ليه قالت سيده الشرق أم كلثوم .. واثق الخطوة يمشى ملكا . !!