حلقات ( اجمد عضو ) مع ( morshooo )

[♥..pure]

حلقه جميله وحادهـ جدا يا جماعه ,,
انا حسيت اني في خناقه اصلا ..
اجابات حلوهـ يا عكاشه .. بس كان ممكن تجاوب بمهارهـ وذكاء أكتر من كدا
عشان مديش فرصه ان حد يعلق عليكـ ,,
عموما نايس أسئله يا مورشو .
بالتوفيق دايما ,, ودوام النجاح ..

[خارج عن القانون]

اقتباس
المشاركة الأصلية كتبت بواسطة beauty angel





حلقة جميلة ياأحمــد واختيار مميز كالعادة
عوكش منور الحلقة وألف حمد الله على السلامة ،،
اجاباتكـ جميلة يامحمــد
ليا تعقيب صغير على جزئية قوانين الادارة دى يامحمد
فعلا زى ما مورشو قالك فى سؤاله
الادارة مش بتمشى الاقسام ومش بتجبر ابدا مشرف على عمل حاجة معينة
لو تقصد أنها بتعطى ملاحظات للمشرفين فبتبقى عامة على الجميع
وبتنزل فى قسم المشرفين ومجرد ملاحظة مش تنبيه صارم
زى مثلا تلوين عناوين المواضيع و انت شوفت الموضوع بنفسك ،،،
ولما تكون حاجة تخص القسم بتاعك بتعطيك الحرية المطلقة
للتصرف ، لانك الشخص الوحيد الادرى بقسمكـ ،،
مش مجاملة والله ده فعلا الى بيحصل
مجرد توضيح ياعــوكش ^_*
استمتعت بالحلقة الاسئلة والاجابات
ربنا يوفقكـ ياعكاشة ،،
دوام التميز يامورشو

الحقه منوره بتواجدك يا بيوتى

وشكرا لتوضحيك بخصوص الاشراف

بس لكل واحد وجهة نظره فى قراءه الامور

وانا بحترم وجهة نظرك طبعا

بس انا برضو كنت مشرف قبل كده وعارف

معنى الاشراف كويس وعشان كده سبت الاشراف بعد اسبوعين:ju6:

شكرا لتواجدك يا بيوتى منورانى والله

[خارج عن القانون]

اقتباس
المشاركة الأصلية كتبت بواسطة مشتاقه للجنه





حلقه رووعه ... أحلى حاجه فيك يا عكاشه انك واثق من نفسك

ربنا يوفقك

وعايزه أقول لك سعدنا جداا برجوعك للمنتدى .

حلقه جامده من اجمد عضو

الاروع هو انتى يا ساره

الحمد لله انها ثقة مش غرور زى ما فهمين بعض الناس

انا اسعد بتواجدى فى هذا المنتدى الرائع

وميرسى ع تواجدك يا ساره

[خارج عن القانون]

اقتباس
المشاركة الأصلية كتبت بواسطة dr.pharma





حلقه جميله وحادهـ جدا يا جماعه ,,
انا حسيت اني في خناقه اصلا ..
اجابات حلوهـ يا عكاشه .. بس كان ممكن تجاوب بمهارهـ وذكاء أكتر من كدا
عشان مديش فرصه ان حد يعلق عليكـ ,,
عموما نايس أسئله يا مورشو .
بالتوفيق دايما ,, ودوام النجاح ..

ولا حاده ولا حاجه

كلام عادى خالص مفهوش اى حاجه

طيب ما اللى يعلق يعلق مه انا هنا علشان ارد ع اى حد يعلق

وميرسى لتواجدك

[ĶǎnDO̳̿uChǎ ツ]

بــــــــــــــــــجد حلقة تووووووحفة
واختار جـــــــــــــــامد
و كنت منور يا عكاشة

ثانكس يا احمد على الحلقة
وفي انتظار الحلقة النيو
تقبلو مروري

[DR.SMA]

جميله الحلقه والله

ههههههههههههه

حوار ساخن جدا

حاسه اني بتفرج على الجزيره

برنامج الاتجاه المعاكس كده يعني

محدش فيكم قام ضرب التاني ولا حاجه ^^

نايس اسئله ونايس اجابات

خالص ودي ,,

[دمعه حائره]

حلقه جميله جدا لاجمد عضو فى المنتدى اختيار رائع موروشو
اشكرك واشكر عكاشه اجاباته وضحت حاجات كتير ليا
نورت من تانى عكاشه واوعى تسيب المنتدى ابدا مهما حصل
تحياتى واحترامى

[عاشقة الهدوء]

السلام عليكم ورحمة الله وبركاته

لا بجد حلقه جميله جدا ورائعه مع عضو مميز واجابات

بجد كانت جامده جدا من محمد وقويه وأكيد اتعرفنا على شخصيته

أكتر وأسلوبوا منور يامحمد الحلقه ربنا يوفقك ويحفظك ح
فى أمااااااااااااااااااااااااان الله أختك

[۩۩ elMagic ۩۩]

حلقه جميله جداااااا
تسلم يا ابو حميد
وعمو محمد منورنا هنا
واجاباتك طبعا جميله جدااا ومنطقيه
بجد نورت يا غاااااااااالى
وبالتوفيق ليك

[SiLver Spectra]

حلو الحوار و الاستضافة
بالنسبة للمسابقات
الاشكالية دايما في مسابقات الغموض
انت يمكن اكتر واحد مجرب مسابقات كتير ليه و ما شاء الله لامم جوائز بالهبل :icon26:
ان كانت المسابقة الكبرى الأولى او التانية أو الفضاء او الذكاء الخارق أو اشارات المرور أو السي في
و أعتقد كلهم اخدت قيمة الجايزة فيها كامله

يبقى الاشكالية فين؟
في مسابقات الغموض
و انت عاصرت مسابقتين
بيت الرعب و منظمة القناع الاسود

أولا انت مجرب مسابقة بيت الرعب و وقتها قولتلك اعتبر دا قانون في مسابقاتي
المسابقة الي بيحلها 40 عضو قيمة جايزتها بتقل

المسابقة بتاعت منظمة القناع الاسود انا كتبت فيها شرط الافضلية لافضل شرح مصور
حلها 40 عضو برضو و كلهم اخدوا مشاركات الي هي 200 مشاركة
فين بتقول مش هاخد مستحقاتي!!
ما انت أخدت مشاركات
بس الهدف من اي مسابقة في العالم هو اخراج الافضل
عمرك شوفت مسابقة بيفوز فيها 40 واحد يعملولهم 40 كاس!!
اكيد مش هتبقى منطقية و لو حصل هيبقى الكاس مالوش قيمة
لازم بيكون في تدرج في الجايزة
يعني ماديليات و في اعلى منها كاس لاصحاب المراكز

لكن الجائزة القيمة لازم تفضل قيمة
و هي جائزة الصورة الرمزية الكبيرة مثلا

في ناس كتير فعلا كان عندها امل و زعلت
قالت يعني يوم ما احل المسابقة ما اخدش الصورة
بس انا شرطي كان واضح و هو افضل شرح ,,ما تقدرش تقول المسابقة كسرت القواعد
لأني تعمدت اسيب شرطها مفتوح لأني مش عارف الغيب
فمش هقدر اقيم المسابقة أو هقدر اعرف هل تستحق جايزة كبيره او لأ لأن خلي بالك دي مش مسابقة حسابية صعبة ,, مسابقات الغموض بتكون نتيجتها زي اسمها (غموض)

المسابقة الجديده الأخيرة أكدت فيها الشرط عشان ما يكونش في حجة
لو عدد الي حلوا صح اقل من 5 هتفضل الجائزة الاضافية موجوده
و طبعا في جايزة ثابته و هي المشاركات
يعني الي هيحل هياخد جايزه ,, و طالما في جايزه يبقى مافيش ظلم
و بالمناسبة مافيش غير واحد الي حلها و مش من الي بيفوزوا كل مره :icon26:
و هتتقفل قريب اقصاها الخميس الي جاي
الناس بتشد في شعورها و مش عارفين يجيبوا حلها
فهنا المسابقة دي وضح انها تستحق جايزة كبيره


لكن مسابقة و يحلها 40 شخص يبقى ما تستحقش قيمتها العالية
و دا بيحصل في اي مسابقة بضطر انزل قيمتها
منها مسابقات اعضاء بلاقي المسابقة سهلة جدا فبطلب من العضو تقليل قيمة الجائزة عشان قيمة الجايزة تفضل قيمة و بتعبر عن استحقاق صاحبها لتميزه الفريد

خصوصا لو جايزة مثلا بتتكسب من مسابقات صعبة
زي المسابقات الكبرى الي بتكون 10 مسابقات في بعض
ما اقدرش اساويها بمسابقة سهلة

و في العكس
زي مسابقتك كدا
انت كتبت الشروط الي هيفوز هياخد 200 مشاركة
و اتضح بعد كدا ان المسابقة فيها 4 جزئيات
كل جزئية فيها عمليات حسابية ,, يعني مش سهلة
و عدد الي حلوها قليلين
طلبت مني انك تضيف اوسمه للفائزين
و ما رفضتش ,, وافقت عادي

ممكن لو عضو خسر في المسابقة يعمل زيك كدا و يقولك انت كدا كسرت القاعدة و ظلم و ما قولتش ان المراكز ليها اوسمة و كان ممكن احل افضل!!

و نفس الوضع للأكاديمية
مورشو طلب مني تزويد قيمة الجايزه ل400 مشاركة و طلب اوسمه
شوفت المسابقة قيمه و متعوب عليها و تستاهل فوق قيمتها فزادت قيمة الجايزة

العملية نسبية في النهاية و ماحدش هيقدر يقيم الجايزه بشكل قاطع
بس المهم ان الي بيفوز بيتكرم ,,يبقى خلاص الامر مفروغ


اما ردي عليك دا فاعتقد انت بعتلي اوف لاين تقولي هنعمل اعتصام و اضراب او حاجه زي كدا على ما اتذكر
و دا طبعا بعد ما وضحتلك في موضوع المسابقة و اقتبست شرط الافضلية الي كنت كاتبه في موضوع المسابقة
فعشان كدا رديت عليك بالجملة دي الي واضح انها زعلتك
بس الموضوع مش مستاهل دا كله
مش فلوس و خسرتها و لا وظيفة هتوكلك عيش

و مافيش مشاكل عندي اعتذرلك ادام الناس مش عشان موقفي غلط
أنا شرحت وجهة نظري ,, بس عشان الكلمة كانت غير موفقة و ان كانت ردا على كلامك

الاعتذار مش هيخسرني حاجه و لا هيصغرني
أنا في النهاية عضو زي اي عضو يمكن لوني احمر مع شوية صلاحيات بس ,, و قبلها انسان زي اي انسان

فطالما انت زعلت فمعلش يا ريسنا حقك علينا
و هات راسك نبوسها :icon26: