حلقات ( اجمد عضو ) مع ( morshooo )

[فيصــــل]

اقتباسالمشاركة الأصلية كتبت بواسطة A7Med nemOممكن اوافق معاك فى جزء واحد
انه بيحذف من غير ما يقول للعضو
وبصراحه
الاول كنت بحب ادخل قسم النقاش
بعد كده
اتحذف ليه كااااام توبيك
حرمت ادخل
تاااااااااااااااااااانى
واريح دماغى



وهذا نموذج جديد

الحمد لله ان مش انا اللي بشتكي وبس هههههههها



شكرا ع مداخلتك

[فيصــــل]

اقتباسالمشاركة الأصلية كتبت بواسطة morshoooفى البداية انا سعيد جدا بالحلقة

وطريقة الحوار ودا هدف البرنامج

الى بسعى الية دائما وهو توضيح وجهات النظر

ومحاولة ادارة الحوار امام الجميع

ولية عودة ان شاء الله

عشان حابب اقول رائيى فى الموضوع

وفى كلام الاخ فيصل فى ادارة المنتدى



مداخلتك مهمه جدا بالموضوع

وفي إنتظار رأيك

[فيصــــل]

اقتباسالمشاركة الأصلية كتبت بواسطة ماتركسموضووع جميل يا مرووشو وعضو كمان ضيف اجمل معك

بس انا شايف انكم متحملين كتير جدا عن الاداره والمشرفين والمراقبين

كل واحد يقوال اصلا المشرقين بتستخدمه سلطته علي اسا انو احنا مسكين رئسا دول يعني

طيب ليه كل شخص عارف انو الموضوع بتاعه اتحذف بدون سبب

المنتدي فيه قسم للشكاوي ليه متدخلوش وتقوالو الموضوع اتحذف وعايزين نعرف

السبب ويووم متلقوش الاداره ردت عليكم ابقي قوالو كده بس كل عضو

بيبقي عارف سبب حذف الموضوع بيبقي عامل نفسه مش عارف

ويقوال اصلا المشرف فلان متعمدي وحاطني في دماغه

علي اساس ايه مشرف والا مراقب والا اداري هيحط عضو في دماغه

انتا فاكرين الموضوع انو المنتدي دوله كبيره والمشرفين والمراقبين والاداريين

كل واحد واخد قطعه ارض فيها ومستوالي عليها بالغصب

الموضووع مش كده يا جماعه الموضووع بالعقل ليه كل واحد متحصلش معاه مشكله ميروحش ليه

بالادب والاحترام يقوال في الشكاوي اني في كذا كذا حصل

عمرو الموضوع ما هيتحل بالعصابيه والخناق كل مشكله وليها حل

واحنا هناء مش دايمين الدايم هوه الله سبحانه وتعالي

وعلي العموم حلقه جميله كالعاده

ومنور يا فيصل البرنامج


منور أخي ماتركس لو قرأت الموضوع كامل تدرك ان المشكله مش حذف للمواضيع فقط

نقدر جهود جميع المشرفين فهم يعملون حسب القوانين والتعليمات ولو ان البعض يتجاوز هذه الصلاحيات

نحن نناقش سياسة المنتدى بشكل عام وليس فقط حذف المواضيع

نُدرك تماما ان هناك قسم للشكاوي ولكن الموضوع ليس شكوى بقدر مايكون مناقشه وتقريب وجهات النظر مابين الإدارة والاعضاء .
انا شخصيا لو اضطريت لتنزيل موضوع بالشكاوي لا أمتلئ هذا القسم من مواضيعي ههههههها

..

[عاشقة الهدوء]

السلام عليكم ورحمة الله وبركاته

بصراحه من أجمل وأرقى وأفضل الحلقااات الى شوفتها

لبرنامج أجمد عضو استضافة مميزه جدا جدا

لشخصيه فعلا رائعه الاخ فيصل أسعدنى بجد ردك على الاسئله

بما فيها من اتزان وحنكه ورقى فى الاسلوب والتحاور بشكل

سليم لا يخرج عن الحدود وثقافتك وفكرك العالى

وبجد مش هتكلم كتير لانك بجد ردودك بينت حجات كتير

يمكن كتير من الاعضاء كانت حاسها وعلى درايه بيها

تماما وكلامى ليس على قسم النقاش بعينه انما على أمور أخرى

أيضا وطبعا الاستاذ محمد الشريف انسان خلوق

وكلنا بنحترمه جدا ربنا يوفقه وان شاء الله ربنا يهيىء بينكم

كل خير وتتفهم وجهه نظرك أخى فيصل مع الاستاذ

محمد الشريف بشكل سليم موفقين جميعا وتسلم يامورشو

على الحلقه بجد قيمه جدا

فى أمااااااااااااااااااان الله

[SiLver Spectra]

الأول بالنسبة لسارة

اقتباس ~ الســلامــ علــيكمـــ ~ حلقة نقاشية مهمه ومميزه يا أحمد بوجهة نظري الشخصيه بصراحة بتفق مع كل كلام أستاذ فيصل ،، وللأسف موضوع المجاملات والايهام أن العضو بالمشاركات بقا زايد الفتره الراهنه وبردو للأسف المشرفين أو بلأصح اغابية المشرفين بيتخذوا مبدأ الأقرب أحق أن يتبع وللأسف لازم الأحق أحق أن يتّبع ،، مش الأقرب وللأسف ده كمان الي بيحصل مع الادراين لازم يكون في تأني في القرارات ،، ولازم يكون في أحترام للجميع وللأسف بكل صدق أنا شخصيا كتجربة مواضيع لا يدخلها أي شخص من الادراين والسبب أن علاقاتي معاهم سطحية جدا طيب هو أنا مش عضوة زي الأعضاء ،، ومقابل كده مشرفين وأعضاء تانين تلاقي توبيكاتهم الادراين كلهم فيها!!! ولكن أنا بجد بنّوه للأدراة تهتم بالموضوع ده لأن فعلا في الأونه الأخيره مجهودات الأعضاء قلت بسبب كده ،، وبالتوفيق ان شاء الله(:

شوفي يا سارة انتي بتقولي هنا ان لازم يكون في احترام للجميع
باعتبار اننا ما بنحترمش بعضكم ,,ممكن تجيبي أدلة ليكي شخصية؟
يعني مثلا انتي ليكي لقب اتغير قبل كدا 10 مرات ,,دا يدل على عدم الاحترام مثلا!!

فكرة ان المشرف مش بيرد على مواضيع كل الاعضاء
طب ما دا طبيعي
هل انتي مثلا بتردي على مواضيع كل الأعضاء!!
هل مثلا بترحبي بالأعضاء الجدد بشكل دائم؟

انتي بنفسك بتقولي الادارة مش بترد على مواضيعي عشان علاقتي بيهم سطحية
طبيعي ,,لما تكون علاقتي بشخص سطحية طبيعي مش هيكون في رد
و مش معنى العلاقة يعني صحوبية ,,معنى العلاقة يعني تفاعل
ماحدش هنا يعرف اي عضو معرفة شخصية غير نادر جدا

أنا شخصيا مافيش تعمد في عدم الرد على اي موضوع
بالعكس ابحثي هتلاقي ردودي متنوعة ,,بس في الاصل مشاركاتي قليلة

انتي مثلا ممكن اقولك و الله مش بشوفك في قسم الاقلام
مش بشوفك في قسم الابداعات!!
دا في النهاية ميولك الشخصية ,,عارف انك مش بتتعمدي ما ترديش هناك زي ما الاداري مش بيتعمد ما يردش على فلان

الإدارة ليها مشاغل كثيره حرام تظلموها و تساووها بالأعضاء
انتي مثلا عضوة مميزه ,,ردك على أي موضوع لعضو جديد هيفرق معاه
فخلي بالك مش لازم الإدارة تعمل كل صغيره و كبيرة ,,في الآخر هما بني آدمين

و في ان شاء الله سياسة جديدة و خطة متبعة لتحفيز الأعضاء الجدد
من غير ما تقولوا أنا حاسس إننا فعلا محتاجين نجذب أعضاء جدد

أما بخصوص رد فيصل

اقتباس ياطارق يا باشا انا ماليش مشاكل مع حد انا بتكلم عن مشكله عامه واعتقد وافقني عليها اغلب الاعضاء

بخصوص قسم النقاش فتم الحديث امس مع الأستاذ محمد الشريف
و اتفقنا اننا نفتح مجال أكبر للحرية في طرح المواضيع بعيدا عن السب و خدش الحياء و التطرف فقط
و بخصوص عدم الرد ,,فأنا بدأت حملة للإهتمام بالأعضاء الجدد في قسم المشرفين و لو بتابع مثلا موضوعي الي نزلته أمس في استضافة لعضو جديد
و في ردود على قسم الترحيب و مواهب و غيره
نتمنى منك انك تشاركنا في الحملة و الكل يشارك مش بس يعلق التهم على الادارة و خلاص
لأني من النهارده هتابع و هشوف مين بيرد على موضوعات الترحيب ,,لأن لو جه عضو و اتهم الادارة بعدم الرد و هو أصلا مش بيرد هيكون في كلام تاني

اقتباس لما اذكر إدارة المنتدى فانا اتكلم عن طارق لانه ع رأس الهرم ما قولت انت شخصيا حذفت لي مشاركة والا موضوع ولو قولت كدا اعطيني رابط المشاركة والاتهام لك شخضيا فقط انا انقد سياسة منتدى بعيدا عن الاسماء طبيعي طارق وشريف وغيرهم جزء من الادارة

انت مشكلتك في قسم النقاش بس دا مش معناه ان الادارة ككل متعسفة
لأن اتهامك دا موجه للكل ,,يعني برنسيسة مراقبة عامة تعتبر جزء من الإدارة و غيرها و غيرها ,,انت حكمت على محمد الشريف و عممت على الكل

يعني مثلا لو أنا في شركة و رئيس القسم بتاعي كان سيء بنظري دا مش معناها إن الشركة كلها بكل أعضاءها سيئين

أديهالك مثال اقرب
لو واحد من عيلة آل سعود مثلا كان سيئ هل دا معناه ان كل العيلة سيئة!!
أكيد تشبيه جائر

دا طبعا بالقياس بوجهة نظرك

المهم
ايه المطلوب دلوقتي عشان نكون ناس عملية
عايزين حرية أكثر في قسم النقاش؟
ليكم الحرية

لو لسه عندك طلبات تانية حابب تطرحها قولها و هسمعها بكل ترحاب

[حياتي ذكريات]

اقتباس يأختــي الكريم انا لا اختلف مع اشخاص وكررت هالكلام في اكثر من موضع ذكرت محمد شريف بالأسم لانه جزء من منطومه محور الحديث ليس حول الخلاف مع أشخاص نحن نناقش سياسة منتدى طريقة التعامل فقط لا اختلف معكم كاشخاص اتمنى ان لا يفهم كلامي انه شئ شخصي او النيل من اسماء .

فآهمة قصدك يآ آخ فيصل ،، وانآ بحترم رآيك وكلآمك دي وجهة نظرك وليك الحق
انك تعترض على آي حآجه مش عآجبآك او متضآيق منهآ ،،

اقتباس اختلف معاك في هذه الجزئيه هو اصلا في مواضيع سياسيه في القسم ؟ ! اذا فيه الأن اذكري لنا واحد منها .. !

فيه موآضيع بعد الثورة نزلت سيآسية ومآ حذنآهآش كتير

وفيه منهم موضوع ليك دآ

معركة إنتخاب الرئيس الجديد بين طموح الشباب والوبي الصهيوني .. !

وفيه دآ

المظاهرات العربية .. اريد من كل واحد رأيه بصراحة

وفي الموضوع دآ

نقاش للمثقفين ......عن البوظه فى الثوره والشطه والليمون

وفيه دآ

لكل مصري هل لديك إجابة لأسئلتي

وفيه موآضيع سيآسية نزلت كآنت بتشتم في الريس وتستهزآ فيه
مهمآ كآن الإسلوب دآ مآ ينفعش نسيبه كده وكل وآحد يدخل يشتم ويقول كلمتين مش كويسين
وغير كده في أعضآء مؤيدين ليه ،،

اقتباس اذا اغلب الردود هنا تعبر عن شكوى في التعامل والطريقه الا ستفزازيه من قبلكم ماذا نفسر ذلك ؟ !!

فين الإستفزآز دآ انآ عمري مآ رديت على حد بإسلوب مستفز او عآملت حد بأسلوب يدآيقه
واستآذ محمد الشريف شخصيته مش من النوع دآ خآلص وانت آدرى
انآ مستعده لو كآن اسلوبي مش عآجبكم او طريقتي في عملي اسيب الإشرآف
وانتو تختآرو برآحتكم اللي ينآسبكم وتحسوه يقدر يمشي القسم على مزآجكم
يمكن اكون انآ فآيته عليآ حآجه او مش منتبههآ على شيء معين بعمله
انآ مش غرضي اني امسك القسم وأدخل فيه اللي يعجبني واشيل البآقي
كلآم الموآضيع السيآسية احنآ كنآ متفقين عليه مع الإدآرة من زمآن
لمآ كآن طآرق نزل موضوع في قسم المشرفين وبينآقش الموآضيع السيآسية
اعترضنآ في البدآية وقلنآله انه بتحصل فيه تجآوزآت واتثبت القآنون دآ
لمآ جت الثورة قلت لإستآذ محمد الشريف نسيب السيآسة ونحذف اللي مش منآسب ليهآ
لاننآ لقينآ كتير وآعيين ومش معقول نحذف موآضيع سيآسية واحنآ في عز ثورآت قآيمة !!

اقتباس كثير من الاعضاء لا يدخل هذا القسم بسبب انه يواجه قمع وتحذف مواضيعه فأين الصواب في ماذكرتي بأن فيه مواضيع سياسة لم تحذف ؟

انآ قلتلك في الرد اللي قبله اي حد عنده موضوع اتحذف يذكر العنوآن هنآ
وانآ أقله السبب او استآذ محمد الشريف ،،
يعني مش الكل مثلآ يخش ويقول ان القسم في قمع ومآ عندوش اصلآ موضوع اتحذف !!
ومش معقول يعني هنحذف كده سبهلله وخلآص ولآ ايه
:smile:
القسم مفتوح ليكم عآيزينه سيآسي نزلو موآضيع موآضيع سيآسية المجآل مفتوح

ان شآء اكون وضحتلك اللي عندي ،،
بالتوفيق ليك ،،

[حياتي ذكريات]

اقتباس
المشاركة الأصلية كتبت بواسطة A7Med nemO





ممكن اوافق معاك فى جزء واحد
انه بيحذف من غير ما يقول للعضو
وبصراحه
الاول كنت بحب ادخل قسم النقاش
بعد كده
اتحذف ليه كااااام توبيك
حرمت ادخل
تاااااااااااااااااااانى
واريح دماغى

هو الأول في المنتدى لمآ كآن الموضوع يتحذف
كآنت بتيجي رسآلة تلقآئية فيهآ سبب الحذف للعضو ،،
في الآيآم الجآية لمآ يتحذف حآجه يبقى نرسل رسآلة نوضح سبب الحذف
عشآن مآ حدش يجعه دمآغه ولآ يدآيق
:smile:
ان شآء الله مآ يبقآش فيه حذف من الآسآس

بالتوفيق ليك ،،

[۩۩ elMagic ۩۩]

اقتباسالمشاركة الأصلية كتبت بواسطة SiLver Spectraطيب بالنسبة للأخوة الي بتتهم بالديكتاتورية بدون اسباب
خارج قسم النقاش ياريت توضحولي الأسباب
عشان نعرف الديكتاتورية فين بالظبط ,, و على اساسها ممكن نغير السلوك
فياريت توضيح من الأخوة و أنا مستمع

بجد ردك دا مستفز جدا يا طارق
انا مش بألف وبقول اى كلام
وكل اللى هنا فى المنتدى عارفين الكلام دا
وانا حصل معايا اكتر من مشكله هنا فى القسم دا
دا غير بقى انه تقريبا كان لبعض الاعضاء
وعلى فكرة يا طارق الكلام اللى قولته فى ردى الاول على الموضوع دا
كمان بيطبق عليكوا انتوا كمان كإدارايين يعنى بالعقل كده ازاى هتتحل المشكله
وانتوا اصلا بتمارسوا نفس المشكله
على العموم يا عم طارق وانا مش هتكلم تانى هنا
وياعم المنتدى منتداك براحتك يعنى تعمل فيه اللى انت عايزه
مش فارقه معايا انا
ومش تاخد كلامى بحساسيه

وهو يا عم طارق الحوار عن قسم النقاش او المنتدى ككل
فى الاخر مضمون الحكايه كلها واحد

[خارج عن القانون]

اقتباس





تآني حآجه بقى للي بيقولو عن القسم انه سجن !!
عذرآ يعني بس مش هقبل ان القسم يتقآل عليه كده
او يتهم أي حد من مشرفين القسم او الإدآريين انه بيخلي الموآضيع على هوآه وبرآحته
هو احنآ كنآ مآسكين عصآيآت على البآب وأي عضو ينزل توبيك يخآلف هوآنآ
هنضربه على ايده مثلآ !!
القسم ليه قوآنين صريحة ،،
بس مآ حدش عآجبه حآجه وفعلآ رضى الجميع غآية لآ تدرك

الكلام ده موجه ليا انا صح << مش محتاج فقاقه يعنى^^

ممكن اسئل سؤال واحد هو القسم اسمه ايه

النقاش والحوار الجاد مش كده برضو والا انا غلطان؟؟؟

طيب فيه ايه اكتر من السياسه جدية؟؟؟؟

بيتهيقلى مافيش

وانا اللى خلانى اقول عليه سجن

انى قبل الثوره ويجى من بتاع 10 شهور

كنت عملت موضوع سياسى هناك وتم حذفه

مع ان اللى بيتابع مواضيعى عارف انى عمرى ما هشتم حد شخصيا

حتى لو كان الرئيس السابق

انا ممكن اتهكم ع طريقته فى اداره الدوله بس مش اجرح فيه هو شخصيا

طيب ليه الموضوع يتحذف وهو اساسا مافهوش تجريح؟؟؟

علشان النت اصبح كعالم الواقع

والقسم اصبح كجريده الحكومه

اما ان اكتب فيها ما يناسب الحكومه

او ان يتم سجنى وحذف كتاباتى

ياريت ما ابقاش ضيف تقيل

بسالحق أحق ان يتبع

[Mo7aMaD 3aLa2]

اقتباس صحيح الكلام دا وجهه نظر تحترم طبعا فعلا المشرفين والاداريين يستخدموا نفوذهم لاغراضهم الشخصيه ومش اى مواضيع بيدخلوها لازم يكونوا على علاقه بصاحب التوبيك للدخول فيه انا معرفش ليه كده اما غير ذلك ولا بيعبروا الموضوع دا حتى كمان بيتحذف ودا طبعا لغرض التملك على القسم وجعله ليه واصحابه فقط وفعلا المشرفين بيحذفوا المواضيع اللى مش بتيجى على هواهم اما مواضيعهم حتى لو تافهه مثلاً بيسيبوها وكمان ممكن تتثبت وهو دا العيب الكبير اللى فى المنتدى وممكن امشى خالص بسببه ياريت فعلا المسؤليين يتصرفوا ويزيلوا التفرقه دى اللى بين الاعضاء ولازم يتيقنوا ان كلنا واحد وزى ما بترد ل دا رد ل دا

اتهام قوى جدا بس لازم يكون بناء على دليل

مينفعش تحكم حكم عام كدة

طيب سؤال ...هو قسم الشكاوى معمول لية

عشان الحاجة اللى مش عاجباك تطرحها بكل شجاعة وبيتم النقاش معاك وتوضيح الاسباب

ودة بيتناقض مع معنى الديكتاتورية

مش هقولك ان المشرفين معصومين من الغلط ولا بدافع

بس النقد يكون على اساس

و حتى لو حصل معاك موقف حسيت انك اتظلمت فية من مشرف

مش معنى كدة ان كل المشرفين ظالمين

ونفسى الحاجز بين المشرفين و الادارة بصفة عامة وبين الاعضاء يتكسر

لان بجد بحس ان المشرفين دايما فـ موضع اتهام

مع ان العضو اللى بيتهم دة لو بقى مكان المشرف يوم هيحس فعلا انة تحت ضغط

وانة بيحاول يرضى الكل

ويمكن يكتشف انة كان ظالمة