حلقات ( اجمد عضو ) مع ( morshooo )

[morshooo]

اقتباس حلقة جامده يا احمد بس بيتهيقلى العنوان بتاع الموضوع فيه شو اعلامى كبير جدااااااا لو كان اهدى من كده كان هيبقا احسن

عكاشة ^^

حبيب هارتى

هو انتا ياض دخلت التوبيك لقتنا بنكلم عن

رحلة او عن مبارة كرة قدم عشان تقولى

شو اعلامى ^^

[SiLver Spectra]

انت سرقت نجمة الحلقة الاخيرة بتاعتي يا احمد
حوار رائع ,,متمكن يا ابني و الله ,,اعلامي 100% للمنتديات
انت بتثبتلي دايما انك ما أختش الوسام عالفاضي
بس برضو كوين ميرو دي بتاعتي أنا الي اكتشفتها ههههههههههههههه

كوين ميرو
اجاباتك واعية كتير ,,
بس أنا ليه وجهة نظر في الشعور بالظلم
أنا معاكي و مع كلامك الي قولتيه ,,الظلم موجود لأننا شعوب مش منصفة
و صعب تلاقي شعب منصف
يعني اقولك مثلا ,,برا في البلاد الي فيها أم الديمقراطية
ساعات مسؤول بيخسر انتخابات ولاية عشان اصله مسلم او هو نفسه مسلم
فهي العنصرية موجوده طبع في البشر ,, كانت ملحوظه في العصور الوسطى
مع التقدم الوعي انتشر أكتر فقل المفهوم ظاهريا ,,لكن فضل في القلوب و لو بنسبة ضئيلة حتى

دايما الاقلية في اي دولة بيشتكي
سواء اقلية شيعية أو كردية أو غيره
بس هنا في مصر ,, أعتقد العنصرية اقل من غيرنا
احنا على الاقل عندنا حكومة بيبقى فيها نسبة للمسيحيين ,,اقل حاجه بيبقى في وزير قبطي
غير كدا ليهم مناصب و ليهم مشاريع و ليهم رجال أعمال كبار
رامي لكح أو نجيب سويرس أو غيرهم,,
عارفه لو كنا دولة عنصرية بحته ,, كان هيبقى الوضع مختلف خالص
لا كنتي هتشوفي مفكرين اقباط و لا رجال اعمال مثلا
لكن المشكلة هي مشكلة فكرية بس مش أكتر
حاجات في النفوس

و أنا معاكي في التضييق على بناء الكنائس
انا بصراحه اي كنيسة بشوفها ,,دايما بشوفها متشمعه ,,مش عارف ليه
في الغالب بتبقى متشمعه عشان هتدهن او هتتجدد
و بتعد بالسنين كدا و حواليها الخشب!!

بس انا برضو بشوف ان في سلبية نوعا ما
مش بس من الحكومة لأ من الاقباط برضو ,, فكرة ان انا مظلوم و مش واخد حقي و كدا ,, و دي بتخليه مهما ياخد يحس انه برضو مظلوم لأنها باقيت قناعة مترسخه في عقله


بالنسبة لكلمة التكفير ,,
بصي الشيوخ السلفيين مش بيستخدموا كلمة تكفير بغرض الاساءة
فهما قالوا انت كافر بديني و انا كافر بدينك
يعني مش الغرض منها الاهانة ,, بس أنا طبعا متحفظ على المصطلح ,, لأن دا مش هيفيدنا بحاجه غير انه ممكن يؤجج الفتن

عايزك تتفاءلي خير
و الأحداث إلي حصلت هتعلمنا كتير
احنا زمان ماكناش بنتعلم ,,كنا بنضرب بس
فهي العملية هتاخد وقت شوية عشان نبدا نتعلم بقناعة مش بالضرب

المصريين بطبعهم طيبين
حتى هنا في المنتدى هتلاحظي الكل بيبادلك حب ,,و صدقيني دا حب صادق
لأن كلنا نفسنا نحقق شعار (مسلم مسيحي ايد واحده)

الاديان كلها بيكون غرضها هو نشر الحب و الخير بين البشر
و العدل و رفع الظلم

[sa7rat el klop]

اولا احب ابدي اعجابي الشديد بالبرنامج و بكل حلقاته
الصراحة الحوار عجبني جدا واعجبت اوي بصراحتك وطريقة ردودك واتفق معاكي في الرأي بس انا كان ليا بعض التعليقات البسيطة
اولا :بناء الكنائس للاسف عندنا في مصر الحصول علي تصاريح لبناء اي مبني دة شئ صعب للاسف ودة علي كل المستويات مش بس الكنائس ، يعني المشكلة مش في بناء الكنائس في حد ذاتها انما هي مشكلة عامة
ثانيا :بالنسبة للمناهج الدراسية : لو رجعنا للكتب الدراسية هنلاقيها بتشتمل علي فصول بأكملها عن الحضارة القبطية في مصر ، في اولي اعدادي درس كامل وفي اولي ثانوي فصل كامل عن الحضارة القبطية
ثالثا :انت قولتي في كلامك ان المسيحيين مظلومين قبل وبعد الثورةفأين مظاهر الظلم او الاضطهاد؟ انا شايفة ان مفيش في بلدنا اي فرق بين مسلم او مسيحي سواء كان في المدرسة او الجامعة او العمل او الحقوق والدليل علي كدة ان علي طول التاريخ لم يحدث فتنة طائفية الا في هذا الوقت مما يؤكد ان هذه الفتنة مصطنعة من قبل اشخاص معينة لها المصلحة في تدمير البلد
رابعا : للاسف تعاني مصر الي حد كبير من بعض الخلل في الحوار الديني وذلك اري في وجهة نظري ان المتسبب الاول فيه والمغذي له هو النظام السابق فهو عمل لمدة ثلاثين عام علي افساد عقول المواطنين وادخال المفاهيم الخاطئة وذلك حتي يصبح سهل التوجيه وهو ايضا ما يحدث الان وهو السبب الرئيسي لما يعانيه الناس من التطرف او التعصب الديني
واخيرا احنا فعلا بحاجة لكي نتفهم اكتر ونوسع مداركنا ونقدر نميز
انا بجد بتمني تكون البلد احسن ونحط ايدينا في ايدين بعض بجد عشان نقدر نعدي
وبجد انا بشكرك مرة تانية
دمتم بخير

[M@HMOUD]

حوار جميله والضيفه اجمل
وان شاء الله حال مصر بكرهـ يتصلح

[Sєяєєη●•ʚɞ]

منورة من تانى يا مارى ،،:cv35:
بيعجبنى فى اسلوبك الدبلوماسية والذكاء فى الرد ودة ان دل على شىء فبيدل ع شخصية عاقله وناضجة ،،
اتكلمت فى الموضوع دة مسبقا وحتى النقط اللى كنت حابة اوضحها لاقيت طارق وخارج عن القانون وضحوها فى ردوهم،،،
عاوزة اقولك حاجة ،،
ان فعلا الناس فى مصر مسلمين ومسيحين بيتعاملوا مع بعض بحب وعمر اما حد بيبص للتانى بكرة بسبب ديانته !!
انا شخصيا صاحبه الدراسه والديسك الواحد كانت مسيحية وكنا بنحب بعض دايما ولا حسيت معاها ولا حست معايا بأى حساسيات ،،
ووقت استلام كتب الدين فاكراها لما قالتلى لاء ياختى روحى استلمى كتاب الدين بتاعك وانا هستلم بتاعى وكنا بناخد المواضيع بهزار ،،
واكيد انتى حاسة بنفس الكلام اللى بقوله دة لان صاحبتك مسلمة ،،،
يعنى فعلا عمرى اما حسيت ان حد نبذ حد تانى بسبب دينة ،،
لا مسيحى نبذ مسلم او اضطهده وكرهه بسبب دينة ولا مسلم نبذ مسيحى او اضطهده وكرهه بسبب دينة ،،
مش زى مابيحصل فى الدول التانية.!!
علشان كدة الاحداث الاخيرة دى فتنة فعلا وحاجة جديدة ع المصريين كلهم وع الديانتين مسيحية واسلامية ،،
اهم حاجة يكون عندنا وعى وثقافه بللى بيحصل حوالينا علشان نعرف نتخطى الموقف ومانخليش حد يفرقنا ويشتتنا ويدمر البلد،،،
ربنا يعديها ع خير وترجع مصر تانى بلد الامان،،،
وانتى فعلا منورانا جدا فى المنتدى واسعدنا الحديث معاكى ،،
وعاوزينك بقى تنتشرى وتتوغللى فى كل حتة فى المنتدى ههههههههه
نورتينا فعلا
وشكرا يا مورشوا ع الحلقه ...

[حنايا الروح]

ماري ان شاء الله ترجع الأمور بخير
بغض النظر عن اني اختلف معاكي في تلات اربع عشر نقطات
وشايفه فيه اعضاء كتير وضحو ده
الا اننا لازم نفتكر ان مهما كان اي حد في الدنيا حاول يتكلم بحياديه
لازم ولابد واكيد هيكون متحيز لديانتو
شايف حاجات يمكن غيرو مش شايفها
ومش شايف حاجات غيرو شايفها
وده الطبيعي مش حاجة غريبة سواء مسلم مسيحي او حتى في امور غير الديانات

احترامي وتقديري ... دمتي بخير

[كوين ميرو]

حقيقى بشكركم جميعآ على مروركم الرائع وكلماتكم الجميله

اسعدنى تواجدكم واهتمامكم

عارفه انى هيبقى فى وجهات نظر مختلفه معايا بس طبعا الاختلاف فى الراى لا يفسد للود قضيه

ياريت محدش يكون زعل من كلامى وارجع واقول صدقونى انا نفسى نكون افضل

ميرررررررسى يااحمد على الاستضافه حقيقى كنت سعيده بوجودى معاك فى الحلقه

رغم انك طلعت عينى باسئلتك بس كانت اسئله جميله

ميرسى ياقمر يارب من تميز لتميز ان شاء الله

[كوين ميرو]

اقتباس
المشاركة الأصلية كتبت بواسطة misho

حلقة جميلة جدا يا احمد
واجابات ماري عاقلة ورائعة
وهي عارفة غلاوتها عندي
وان شاء الله اللي بيحصل دة يعدي علي خير
و يتحاكم كل اللي كان السبب في الفتنة دي
منورة يا ماري الحلقة والمنتدي
تحياتي

ميرسى ياقمر وحقيقى ياميشو انتى من الاشخاص اللى بيسعدنى وجودها فى مجتمعنا

انسانه خلوقه ومحترمه جدآ وحتى لما كنت بعيده فتره عن المنتدى كنت بدخل اتابع بس كتباتك لاانك

فعلا موهوبه ربنا يحافظ عليكى ياقمرايه

[دمعه حائره]

حلقه جميله جدا موروشو والضيفه ماشاء الله مثقفه وعاقله
وكتير بتحب بلدها رغم غضبها
ومارى احنا كلنا اتربينا سوا ماعرفناش مين فينا مسلم ومين مسيحى
انا احب اصدقائى ليا ولوالدتى مسيحين وبنشارك بعض فى الحزن قبل الفرح
بيوتنا مفتوحه لبعض اخوات وحبايب معرفناش فرق ولا فتنه ابدا
وكل اللى بيحصل الايام دى محنه ولازم نقف جمب بعض لحد مانعدى
واكيد دى مواقف فرديه مش كتير
وربنا يصلح حالنا جميعا
نورتى الحلقه ميرو ونعتز جدا بتواجدك ومواضيعك
تحياتى وودى

[yasmine refat]

أهلا ياماري منوره الموضوع واجباتك جميله وبتدل على عقلية مثقفة وواعيه

هقلك حاجه يابنتي زي مافي عنصريه اتجاه المسيحين في مصر ففي برضو عنصريه اتجاه المسلمين في الغرب

في كل مكان هتلاقي عنصريه اتجاه الدين او اللون او حتى الاصل

إذا حتى اللبس احيانا بيخلق عنصريه والماده كمان مش هتجي حاجه حساسه زي الدين تخلق شيء من العنصريه

مش بعممها طبعا لإن طبعا الاعتدال في كل شيء بيزيل العنصريه والتفتح كمان

اي حاجه فيها تشدد هتبقى مصحوبه بتعصب وعنصريه

وصدقني التفكير المتطرف الغير معتدل نادر تلقي وزي ماذكرتي انت اصحابك مسلمين وتمام معاكي

فخندي انت بالغالب ومش بالحجات دي

واكيد في مسيحين مصريين عنصرين وكارهين للمسلمين

فأنت بلاش تاخدي بالحجات دي

مش كل الناس تفكرها متطرف وخطره على غيرها

من ناحية الاهتمام بالتفكير طبعا مهم جدا ولازم تكون في مرونه

احنا عندنا مشكله بسبب سوء التعليم المبني على التلقي عدم مرونة العقلية

فلما انسان يتربى طول حياتو على الرأي الواحد صعب جدا يكون في مرونه

ودي حاجه لمستها فيه والي هنا كمان

لما يجيلك شخص بفكر واحد ويدافع عنو بدون اما يطلع على افكار آخرى ويقلك كده انا بفكر

فحكاية تمكن الناس على تقبل الاختلافات عيزلها شغل كبير وتنظيف فكما حصلت ثورة على الفساد لازم تحصل ثورة على القيم والسلوكيات الفاسدة

((بس برضو هقلك التفكير المتطرف مش الغالب مش الاغلبيه قتيلة قتله:Ts_011)

بس على فكره هقلك الاسلام بيقبل التعدد مش زنب الاسلام بعلماء لهم مصالح ولا بعلماء متاخرين عن العصر ولا بعلماء غير متفهمين ولا بعلماء داعيين للروحانية الزايدة والاهتمام بالجانب المعنوي اكتر من التطبقي والمتفتح

الاسلام بيقبل ففيه مبدء الشورى هو بيضع اطار حتى يصبح سلوك الفرد ليه اهميه

مش بيترك الامور سايبه كما يدعو بعض المفكرين بان للفرد حريته ولو كان ضرره على نفسه فمفيش اي سلطة اتجاه اي شخص في حدود ذاته

الي انا ضدها تماما

وكل الاديان حتى المسيحي بتهتم بكده واكيد انتم كمسيحين غالبيتكم متقبلين لينا

فمتخديش بالاعلام كتير والتهويلات شوفي واقعك والنسبه الي مرت عليكي عنصريه وحكمي

ومنوره المنتدى