حلقات ( اجمد عضو ) مع ( morshooo )

[دمعه حائره]

اقتباسالمشاركة الأصلية كتبت بواسطة فارس الكلمةالنجم أحمد
حوار راقى جدا وأسئلة ممتعة وأجوبتها أروع
معك نجمة من المع النجوم فى المنتدى
نشاطا وروعة مواضيع وتواجد مؤثر
دمعه حائرة
نورتى قسم الإبداعات بكدة أقلامنا هتبدع لوجودك فيه
تقبلا مرورى ودمتم بخير
وأشكرك أحمد على الدعوة الرقيقة

اشكرك يا فارس نورت الحلقه بحضورك وردك الجميل
وانت مبدع فى اى قسم تتواجد فيه
بالتوفيق ليك دايما
تحياتى وتقديرى لك

[ساحر الأحزان]

دمعة اخت فاضلة ومجتهدة جدا

ومحبوبة من الجميع

حوار جميل جدا منها

وضحت فية ما يشغلها

اتمنى لها كل توفيق فى حياتها

[دمعه حائره]

اقتباسالمشاركة الأصلية كتبت بواسطة • الـقـلب ღالـصامت •

حبيبتى :: منة ::
دايمآآ متالقة حتى وانتى زحلانة ’’

بس حلقة مميزة يا مورشيدى ’’ بدور انت على الخبر من اخر الدنيا
وان شاء الله موافقة دايما يا منونة
ومنتحرمش من تواجدك الدائمـــ ’’


اشكرك هموسه حبيبتى نورتينى بوجودك وردك الجميل
اسعدنى وشرفنى ومانحرمش منك ابدا تحياتى لكى وودى

[دمعه حائره]

اقتباسالمشاركة الأصلية كتبت بواسطة شاعر الإحساسالسلام عليكم ورحمة الله وبركاته

اولا الف شكر لــ موروشو على استضافة الابدع دوما

وعلى روعة البرنامج

وعلى التنظيم والنجاح الباهر للبرنامج

وهو حقا يستحق


وكل الشكر لاستضافة :

قلم من ارقى الاقلام بلا شك

وقلب من اطيب الناس بكل حق

وشخص انحني له احتراما وتبجيلا

لشخصه الوقور


شخصية تتمتع بالروعة في كل جوانبها

له من الجميل ملامح جمه

في كل ما تقدم

مواضيعا وردودا ومشاركة وادارة

بحق كانت وستظل قائده مميزه

لها بصمتها ووضعها الخاص

فهي خير رمز بكل صدق

لم نرى منها قط ما لا يعجبنا

وكانت تؤدي دورها على اتم وجه

ومن المؤكد اانا خسرناها في قسمنا

ولكن كسبناها في قسم الابداعات ايضا

وهو من ارقى الاقسام لاشك

فما ابدع اقلاما تكتب دون النقل وهذا ما نعشقه

في كل الاحوال اهلا بها في القسم الرائع مع الشخص الرائع البرنس رامي

وايضا قسم الشعر والخواطر هيا احدى اسسه

فستظل به

هي دمـــعـ هــ حــائرهــ

ولكـــ ن

دعنا نقول ان الاختلاف في الرأي لا يفسد قضيه

كما قالت

وهو نعم حقا

ولكن في الاخير كلنا اخوة وروح واحده بالمنتدى

وهدفنا الارتقاء بالمنتدى كعامة

فكل منا له وجهة نظره وهذا لم ولن يكن عيبا

وفي الاخير الجميع اخوه هنا




لكي انهي احب اقدم تهنئه للاستاذه دمعه حائره بالاشراف في القسم الجديد

وفقها الله دوما

ووفق كل من هو مسئول في كل الاقسام

ودام نبض الاخوه بيننا دوما


دومتم بكل خير

ودام نبض قلوبكم

وتقبلوا خاااالص تحياااااتي


"شــاعر الإحســاس"

اشكرك جدا اخى شاعر الاحساس على حضورك وردك الرائع
ورأيك فيا اخجلنى جدا اشكرك والله يبارك فيك اخى
انت من الشخصيات جدا محترم بوجودك ومواضيعك الجميله
نورت الحلقه ولك منى كل التقديروالاحترام

[دمعه حائره]

اقتباسالمشاركة الأصلية كتبت بواسطة شاعرة الرومانسيه

والله أسوأ خبر سمعته يوم ماعرفت ان دمعه تركت القسم الخاص بالخواطر

لانه القسم المحبب لقلبى والى برتاح فيه وبذهب وبعود من تانى ليه

كانت دمعه أخت قبل ان تكون مشرفه

وكانت قريبه منى جدا فى حزنى كانت بتسأل عليه فى مرضى كانت بتسأل عليه

حتى اى مشكله كانت بتواجهنى فى القسم

كانت بتحلها بدون ان يدرى احد

لم يحزن على فراق دمعه مثلى حزنى لتركها القسم

والله انا بكتب وانا فى حاله سيئه ونفسيتى تعبت لتركها القسم

كلمه من قلبى للاخت الغاليه دمعه

لن تبعدى عننا ابدا فأنتى دائما بين حروفى شمعه تنير متصفحى

وستظلى اخت لى طول العمر

وأتمنى ان تحظى بكل الخير والحب

فى اى مكان تطأ اليه قدميكى

اختك شاعرة الرومانسيه

ربنا يخليكى ياحنون حبيبتى وانتى عارفه غلاوتك عندى قد ايه
نورتى الحلقه وشرفنى واسعدنى حضورك وردك ومانحرمش منك ابدا
تحياتى لكى وودى

[(طائر الشرق)]

السلام عليكم ورحمة الله

الراقى والرائع دائمآ

أستاذ ( احمد )

صاحب الحلقات الجميلة والمميزة

الشخص الراقى والجميل

حلقة بكل المعانى جميلة مع شخصية

لها كل الأحترام والتقدير لها مكانة جميلة

أشكرك يا منه على كلامك الجميل فى حقى

وده مش غريب ولا بعيد عن شخصك الراقى

ومش معنى أنك فى قسم الأبداعات يبقى خلاص

كل واحد راح لحاله قبل أى شئ بيجمعنا مكان واحد

وهو بنات مصر والأسم ده لازم يكون له كل الأحترام

والحب والتقدير فى أى قسم من أقسام المنتدى كلنا أسرة

ولازم يكون فية أختلاف ولازم نتناقش ولازم نوصل للأفضل

وبعد كل ده لازم يزيد تمسكنا ببعض لأننا لو بنفكر لصالح

المنتدى يبقى تفكير صح لكن لو تفكير فردى أو شخصى لمصالح

يبقى كل واحد أدرى بتفكيرة صعب كلنا نفكر زى بعض صعب كلنا

نمشى فى أتجاة واحد لكن لكل فرد وجهة نظر لابد أن تحترم مع

مراعاة أنا علاقتنا ببعض تكبر وتكبر وتستمر لكن لو الخلاف

ممكن يضر بمصلحة المنتدى وهيبعدنا عن بعض يبقى وجودنا

هنا ملوش أى لزمة

دعواتى للجميع بالتوفيق والسعادة ودعواتى لشخصك بدوام التألق

عصام

[morshooo]

بسم الله الرحمن الرحيم

[IMG]http://upload.***************************/files7/12994129071.gif[/IMG]

اهلا ومرحبا بكم

وحلقة جديدة من برنامجكم

اجمد عضو

فى البداية احب اعلن مرة تانية من خلال

اجمد عضو

ترشيحى لمنصب ( الادرى المنتخب )

واحب اقول من هنا ان التوفيق فى الاول والاخر من عند الله

يعنى الى هيكسب هنقولة مبروك والى مش هيتوفق يكفية شرف المحاولة

لو انا كسبت مش معنا كدا انى افضل من المرشحين ولو حد من

المرشحين كسب يبقى هو افضل منى الموضوع فى الاول والاخر

توفيق من عند الله

ندخل على حلقتنا النهاردة

بعد الحلقة الماضية وتوضيح ( دمعه حائرة ) لموقفها من تركها

الاشراف لقسم ( الخواطر ) كان لازم نجيب مشرف قسم ( الخواطر )

عشان هو كمان يوضحلنا وجهة نظرة فى بعض الامور الخاصة بالقسم

وبعض الامور الى حصلت الفترة الاخيرة

هيبقى معانا النهاردة

المتالق / احمد الحلو

اهلا بيك

ودلوقتى تعالو نشوف

عناوين من اللقاء

احمد الحلو : انا مد امير الحلو تربية انجلس ولاعب كورة واحب الشعر واحب الحياة ومتواضع جدا جدا

احب اقول لحبيبتى ربنا يوفقك فى حياتك العلمية والعملية

هو مفيش خلافات والا حاجا ولكن هو نقاش وبود وطرح وجهات النظر

اتناقشت كتير انا وسكرة عن قسم الخواطر واتفقنا على ان كل 48 ساعه ينزل موضوع

دمعه حائرة اخت عزيزة ودى وجهة نظر هى مش عارفاها ومين قال انها سابت القسم

دمعه حائرة لا يوجد خلاف بينا وهى انسانة رائعه وانا بعتز بيها

موضوع 48 ساعه طارق وافق علية وسكرة وبعديهم انا يعنى مش انا الاصل دى موافقة الادارة

انا معنديش حاجا اخاف منها او عليها عشان اسيب حاجا بحبها

البرنامج دا من انجح البرامج الموجودة ووافقت على الدعوة عشان اوضح وجهى نظرى للاعضاء

ودلوقتى تعالو نشوف

الحوار الرائع

س / فى البداية اهلا بيم فى اجمد عضو ؟

اهلا بيك يااحمد وانا تشرفت بمعرفتك وببرنامجك الرائع

س / ياريت تعرف الاعضاء مين هو ( احمد الحلو ) ؟

احمد امير الحلو تربية انجلس ولاعب كورة واحب الشعر واحب الحياة ومتواضع جدا جدا

س / يمكن انتا كاتب البلد ( قلب حبيبتى ) معنى كدا انك عايش حالة حب فى الوقت
الحالى ؟ تحب تقول اية لحبيبتك من خلال اجمد عضو ؟

انا دايما عايش جوا قلبها واحساسها واقولها من هنا ربنا يوفقك في حياتك العلمية والعملية

س / احمد الحلو مشرف قسم الخواطر احكيلنا بدايتك مع قسم الخواطر كانت ازاى ؟

بص اخي الكريم انا من زمان اوي احب اكتب الكلمات الحلوة

واما عشت الغربة في بلاد الغربة تطورت علاقتي بالكلم الجميل

وابتديت انسق كلمي واكتب كتير عندي كتابات لازالت بين طيات دفاتري

لم ترى النور بعد وانشاء الله بتنزل تباعا كل فترة

واي منتدى بادخل ليه اول ماروح لقسم الخواطر احب اشوف العرض بتاعهم

ايه نوع الخواطر عيني على طول تروح على الاعضاء المبدعين

لاني بجد انا اقدر جدا جدا اللي بيتعب ويكتب بقلمو واحساسو هو

لانو شيء جميل ان الانسان يترجم احاسيسو على الورق

والاجمل انو فيه حد بيقرا له وانو فيه مكان يحط عصارة تعبو فيه ويقيم

س / الفترة الاخيرة شوفنا خلافات فى قسم الخواطر او اختلاف فى وجهات النظر بمعنى
اصح ؟ اية اسباب اختلاف وجهات النظر دى ؟

لا لا لا الحمد لله هي مش خلافات بقدر ماهي نقاش بين احباب

واكيد اما يكون موضوع فيه نقاش لازم المشرفين بود وانا اقول بود

يتناقشو ويطرحو وجهات نظرهم وانا احترم كل وجهات النظر

وهاوضحلك النقطة دي بالزات 000

تناقشت انا وسكرة ربنا يوفقها في حياتها الجديدة على كثرة العرض بالنسبة للخواطر

المطروحة

في قسم الخواطر

يعني انت اما تشوف زخم كبير من الخواطر وكل عضو بينزل 3 مواضيع كل يوم

واغلب المواضيع بتروح دون ان يُرد عليها بولا كلمة

وانا اغلب الاحيان والله اروح للمواضيع اللي فيها الردود صفر وارود عليها

اكيد لازم يكون تشجيع للاعضاء قولت لسكرة ان ده كتير

احنا ممكن نخلي العضو ينزل بس موضوع واحد كل 3 يوم عشان باقي المواضيع تاخد حظها من الردود

وعلى فكرة اغلب الاعضاء موجودين في منتديات كتيرة ويعرفو ان اغلب المنتديالت عندها نظام اوتوماتيكي

ان العضو في الاسبوع الواحد بينزل موضوع واحد بس وازا عاوز امثلة انا هاوريلك

مين دي المنتديات وفيه منتديات كل 5 يوم

موضوع واحد بس وفيه كل 3 يوم واحد بس ع العموم خدت راي سكرة اللي

هي بمثابة حلقة الوصل بيننا وبين الادارة

ده بعد مااخدت رايها اني انزل تنبيه ان العضو ينزل موضوع واحد كل 3 يوم وافقت طبعا

وبعد فترة اتناقشت مع الاستاز طارق وئالها العضو بينزل موضوع واحد كل 48 ساعة

وبدورها هي قالت لي كده وانا نفزت طبعا وممكن سكرة ترجع وتسالوها 000

س / اية حكاية اسرارك على ان كل عضو ينزل توبيك واحد كل 48 ساعه ؟

اوك انا جاوبت بس هاجاوب تاني

بص يااحمد هو مش اصرار بقدر ماهو فايدة للقسم ايه فايدة اني انزل موضوعين او 3 في

اليوم دون ان يرود عليهم حد ؟؟؟

كل 48 ساعة اعتقد ان الموضوع ممكن يقراوه الاعضاء اللي عندهم فترة 48 ساعة

بعد مانزلو موضوعهم ممكن اوي يرودو على المواضيع عشان الاعضاء اللي اترد على

مواضيعهم

هما كمان يروحو ويرودو اعتقد ان الفكرة وصلت

س / انتا صحيح كنت بتحزف التوبيكات ؟

ايون وده مش خافي على حد ده موجود في الموضوع اللي اتحزف

ان احمد الحلو حزف الموضوع وكاتب فيه اسف اخي الكريم القوانين كل 48 ساعة

س / يمكن انا دخلت القسم بالصدفة لقيتك سايب الاعضاء تنزل موضوع كل يوم وفى الى منزل موضوعين فى اليوم ؟ منين بتطالب بتنزيل موضوع كل 48 ساعه وبتسمح بدا فى قسمك وانتا بنفسك رادت على التوبيكات دى ؟

بص ده الكلام ئالو اكتر من عضو وغريب ان الاعضاء بالزات دول يئولوه

هاقولك ممكن انت بنفسك تروح وتشوف انا انفز القوانين ازا راح علي موضوع او اكتر

فده مش معناه اني سايب الاعضاء تنزل اكتر من موضوع كل 48 ساعة

احتمال سهوا والدليل تصفح القسم وهاتلائي اني احزف اي موضوع خارج اطار القانون

س / مش ملاحظ انك سبت الامور كدا وسمحت بتنزيل على الاقل كل يوم توبيك بعد ما ( دمعه حائرة ) سابت القسم ؟

ههههههههههههههه سؤال زكي فعلا اوك يااحمد ده من صميم عملك ولانك رائع

اولا دمعه حائرة اخت عزيزة لي ودي وجهة نظر هي مش عارفاها اكيد

انا طرحتها في نقاش مع الاخت سكرة وتبقى دوما عزيزة ورائعة

وبعدين مين اللي ئالك سابت القسم هي معانا وهاتفضل معانا في القسم الادبي

لانها رائعة ومجتهدة وانا اعتز بيها ككاتبة قبل ان تكون مشرفة

واللي مطلع اكتر ع القسم هايشوف اني متواجد دايما في القسم

واللي قالك الكلام ده اعتقد انو بعيد عن الواقع !!!

س / بمنتهى الصراحة انتا فى خلاف بينك وبين ( دمعه حائرة ) ؟

كما قلت سابقا ابدا والله لايوجد خلاف بالعكس هي انسانة رائعة وانا اعتز بيها كما

اسلفت سابقا

وانا اعتبرها مكسب حلو لاي قسم تروحو حتى هي مرة دخلت على احد مواضيعي

وطلبت مني اغير صورة فيه

وانا غيرتها فعلا لكن اعتقد بعد كده انها ابتعدت عن القسم فترة

معرفش يمكن عشان باباها تعب ربنا يسلموا وربنا يوفقها في كل الاقسام

[IMG]http://upload.***************************/files7/12994129071.gif[/IMG]

س / يمكن شوفنا ردك عليها فى توبيك ( خاص لمشرفى الاقسام الادبية ) كان واضح ان فى اختلاف فى وجهات النظر بينكم ؟

هو نقاش ليس الا وجهات نظر واكيد ان الاختلاف في وجهات النظر لايفسد في الود قضية ابدا

س / تفتكر سبب اختلاف وجهات النظر كان حكاية توبيك كل 48 ساعه فقط بينك وبين دمعه حائرة ؟

هههههههههههههههه ايه يااحمد انت مصر ع ال 48 ساعة

طيب روح اسال الاستاز طارق هو اللي وافق على كده وكمان سكرة

موافقة واعتقد انا بعديهم يعني مش انا الاصل دي موافقة ادارة 000

س / ازاى يبقى معاك مشرفين فى القسم ولو عملت تعديل للقوانين متبلغهمش ؟

بص يااحمد التعديل ده انا لست وحدي من عمله انا خدت رايي مرئوسي في عملي

يعني سكرة اللي هي رئيسة القسم

يعني مش انا بكيفي وعلى مزاجي اعمل حاجة وازعل اعضاء

وبعدين النقاش الاخير بين سكرة وطارق وضع النقاط على الحروف وده المهم

بس فى كام سؤال وخلاص كدا

س / يمكن سكرة هى مراقبة الاقسام فى بينكم محادثات تخص القسم والا الرسائل بينكم تخص مواضيع فى القسم فقط ؟

طبعا سكرة دي اخت عظيمة انسانة رائعة

توقف للكل احنا دايما نتناقش في امور القسم دايما

وكمان هي لاتبخل باي جهد في سبيل اي مشكلة تعترض الاعضاء وانا اشهد بزلك

س / كان فى رسائل ايضا بينك وبين دمعه بخصوص تطوير المنتدى والا مكنش فى اى رسائل خاصة بينكم ؟

بالعكس فيه مناقشات برسائل خاصة تخص المنتدى اكيد بيني وبينها

في المسابقات واي شيء يجد هناك مسابقات وغيرو او راي اخر في حاجة معينة

س / اية علاقتك بطائر الشرق ؟ بما انكم مشرفين على قسم واحد ؟

اكيد علاقة رائعة لاني اصلا احترم الشخص ده جدا لانو انسان متواضع واخلاق عالية

جدا جدا وانا اكن ليه كل احترام

س / طائر الشرق كان موقفة اية فى حكاية ان كل عضو ينزل توبيك كل 48 ساعه ؟

كل انسان يشوف زحمة المواضيع اللي نازلة اكيد هايوافق على ان كل عضو ينزل

موضوع واحد كل فترة ده طبيعي

س / مش شايف ان كثرة المشرفين على القسم الواحد ممكن تسبب اختلاف فى وجهات النظر بينهم ؟

ابدا ابدا والله كلما زاد عدد المشرفين كل ما يكون راي كتير في المواضيع واعتقد ان الرسائل

موجودة بين الاعضاء ممكن يتناقشو في كل شيء المهم انو يكون فيه تواصل !!!

س / من وجهة نظرك القسم كان يلزم اشراف 3 مشرفين علية مع مراقبة الاقسام ؟

طبعا واكتر كمان لان المشرف هايكون ملزم انو يرود على اغلب الاعضاء ويدي وجهة

نظرو في اللي نازل وممكن يسد عن اي مشرف اخر ازا كان عندو شغل او اي حاجة كالمسابقات مثلا

س / لو دمعه كانت مطلبتش انها تسيب القسم كان عندك اى استعداد انك تطلب بترك
القسم بعد الخلافات الى حصلت ؟

انا يااحمد ماعندي حاجة اخاف منها او عليها عشان اسيب حاجة انا بحبها

وبعدين انا متاكد اني ابدا مااغلط في حق احد ابدا وماعندي اي خلاف مع اي حد

لاسامح الله

س / اية الجديد الى ناوى تعملة فى القسم الفترة القادمة ؟

والله انشاء الله هايكون تفرغ تااام للقسم بعد رجوع سكرة

لان عندنا حاجات كتيرة اتناقشنا انا وهي عليها

ممكن نخلي الاقسام الادبية يشار لها بالروعة اكتر من الان وان غدا لناظره قريب

س / تحب تقول اية لاعضاء المنتدى المهتمين بقسم الخواطر ؟

اكتبو احاسيسكم العظيمة ترجموها لروائع تخلد في الاقسام الادبية

لان ايه فايدة العمل ان لم يكن موجود في الاقسام ويرود عليه الاعضاء

ممكن عادي يتكفن في الورق وده اهدار لاحاسيسك وفكرك الجميل اللي بيطلع

الروائع دي ترجموها لاعمال عظيمة

س / تفتكر ترك دمعه حائرة للقسم ممكن يأثر على القسم ؟

هي مش تركت هي اتحولت لقسم تاني في اطار القسم الادبي يعني هي موجودة بيننا

وانا اعتز بكتاباتها جدا

س / لو قولتلك انا حابب يبقى فى تقريب لوجهات النظر بينك وبين ( دمعه حائرة ) من خلال ( اجمد عضو ) هتقولها اية ؟ اامام الجميع ؟

اقولها انك انسانة جميلة وروحك عظيمة واحاسيسك الجميلة موجودة بيننا

واوعي ياثر في طريق كتاباتك اي شي فقط اكتبي واكتبي لانك رائعة فعلا

س / فى سؤال معتاد فى البرنامج وهو اية رائيك فى اجمد عضو ؟

هههههههههههه اممممممممممم هريتني دمرتني هههههههه

بجد يااحمد البرنامج ده من انجح البرامج الموجودة بيننا اتمنى ليه الاستمرا واتمنى اشوف

روائعك دايما ايها النبيل

س / تفتكر بعد استضافتك انتا ودمعه وعرض وجهات نظركم تفتكر اجمد عضو بيعمل
مشاكل بين الاعضاء زى ما البعض متخيل ؟

بالعكس اخي الكريم ده يبان وجهات النظر الجميلة ويطبع الود بين كل الاعضاء

وبعدين احنا في بنات مصر وهو من انجح واروع المنتديات في العالم العربي

ده مش رايي انا بس والله كل من دخلو

واتمنى التوفيق ليه ولبرنامجك الراقي

س / اخيرا وافقت على الدعوة لية ؟

حبيت اوضح وجهة نظر للاعضاء ممكن تكون غايبة عنهم

ولان من وجهلي الدعوة انسان نبيل انا اعتز بيه جدا ولان موضوعو مثار اهتمام

من كل الاعضاء

[IMG]http://upload.***************************/files7/12994129071.gif[/IMG]

وبكدا تنتهى حلقتنا النهاردة

اتمنى ان تنال اعجابكم

انتظرونى وحلقة جديدة من

اجمد عضو

تحياتى

morshooo

[IMG]http://upload.***************************/files7/12994129071.gif[/IMG]

[مِسكُ الشَهادة]

حلقة جميلة وتوضيح رائع
هنيئا ً لنا ....( بالأحمدين )
ضيفا ً ومضيفا ً
دمتم بخير

[سَـلمَى]

حلقهـ جميلهـ يآ أحمدز
وأحمد منور
وإجآبآت صريحهـ
تشكرآآت على الحلقهـ
ومنتظرين ال بعديهآ

[الرحــاال المٌتَمرد]

اقتباس
المشاركة الأصلية كتبت بواسطة morshooo

بسم الله الرحمن الرحيم

[IMG]http://upload.***************************/files7/12994129071.gif[/IMG]

اهلا ومرحبا بكم

وحلقة جديدة من برنامجكم

اجمد عضو


بعد الاحداث الاخيرة الى حصلت فى توبيك


اجمد عضو


احب اعتزر لجميع الاعضاء على حزف التوبيك ثم ارجاعة مرة اخرى


النهاردة هتبقى حلقة ساخنة جدا من وجهة نظرى


ضيفتى يمكن مش بتظهر فى اى برنامج ولكن وافقت


على التواجد معنا عشان نعرف رائيها فى الاحداث الاخيرة


الى شوفناها فى ( الاقسام الادبية ) وزى ما شوفنا كلنا


تركها الاشراف لقسم ( الخواطر ) ولكن ذهبت الى قسم اخر


وهو قسم ( الابداعات ) هنعرف اية اسباب الاحداث دى كلها


فقط فى ( اجمد عضو )


معنا صاحبة القلم الرائع والمميز دائما


دمعه حائرة



اهلا بيكى


وتعالو دلوقتى نشوف


عناوين من اللقاء

[IMG]http://upload.***************************/files7/12994129071.gif[/IMG]

دمعه حائرة : انا انسانة عادية بحب الهدوءة وكنت بحب الوحدة جدا ولكن قبل ما اشترك بالمنتدى


من صغرى بحب قراءة القصص والشعر وكان ليا تجارب بس مكنتش بوريها لحد


تركت قسم الخواطر لانى مش موافقه على تعديلات حصلت فى القوانين


خلافى كان على تنزيل موضوع واحد كل 48 ساعه وحزف المواضيع ومكنش موافقة على كدا


انا طلبت انى اسيب الاشراف واعتز بتمسك الادارة بيا ولما اتعرضت فكرة النقل رحبت بيها


الله اعلم انا عملت اللى عليا طول فترة الاشراف غير كده معرفش لو مش مرغوب فيا هايبقى ليه


وجودى كامشرفه على الابداعات شىء جميل ومناسب ليا وخصوصا انى بحب القسم ده وبعدين قوانيه ثابته مابتتغيرش


دى الكلمة الى احب اوجها لكل من البرنس رامى وسكرة وطائر الشرق واحمد الحلو


البرنامج جميل جدا والاسئلة صعبة وفرحت جدا بالدعوة لان اجمد عضو هو البرنامج المفضل عندى


ودلوقتى تعالو نشوف


الحوار الرائع

[IMG]http://upload.***************************/files7/12994129071.gif[/IMG]

س / فى البداية اهلا بيكى فى ( اجمد عضو ) ؟

اهلا بيك يا موروشواشكرك على الدعوة

س / فى البداية عرفينا مين هى ( دمعه حائرة ) ؟

دمعه حائره انسانه عاديه بتحب الهدوء

كنت بحب الوحده جدالحد ما اشتركت فى المنتدى

اتعرفت على ناس كتيروبقى بيشكل جزء مهم جدا فى حياتى

س / اية سبب اختيارك لـــ ( دمعه حائرة ) ؟

هيا صدفه كنت بقرى بيت شعر( اضحك ودمعى حاير وسط عينى)

حبيته وحسيت كلماته ففكرت فى النيم ده وسجلت بيه

ودى كانت اول مره اسجل فى منتدى

س / اهتماماتك هى ( الشعر والقرأءة ) ؟ حسيتى بدا ازاى وامتى ؟

انا من صغرى بحب القراءة قصص او شعر

وكان ليا تجارب فى الخواطر بس ماكنتش بوريها لحد

واول عرضها كان هنا فى المنتدى يمكن ظبطتها شويه قبل ماتنزل

وبدأت اكتب بعد كده جديد

س / ياريت توضحيلنا اية اسباب تركك الاشراف على قسم ( الشعر والخواطر ) ؟

تركت قسم الخواطر لانى مش موافقه على تعديلات حصلت فى القوانين ماكنش

عندى علم بيها لانها كانت تنبيهات واتشالت

ممكن تؤدى الى ركود القسم بعد ماكان انشط قسم فى المنتدى الادبى

س / انتى فى خلافات بينك وبين مشرفين القسم ؟

اختلاف فى كيفية ادارة القسم لكن خلاف شخصى لا طبعا

كلنا اخوات وبنحترم بعض

س / انتى اية التعديلات الى رفضاها فى القسم ؟

كانت كل عضو له الحق فى ادراج موضوع واحد كل ثلاثة أيام فى القسم

[IMG]http://upload.***************************/files7/12994129071.gif[/IMG]

س / انتى شايفا ان القوانين فى القسم بتصدر دون اخذ رائيك فيها ؟

اخر قوانين نزلت انا وافقت عليها بعد مانزلت

ورديت فى التوبيك قبل التعديل

لكن التنبيهات ماكنش عندى علم بيها غير لما نزلت

س / انتى الخلاف الوحيد كان على ان كل يوم عضو ينزل خاطرة ؟ لكن المشرفين عايزين يبقى كل 48 ساعه ؟

ايوة كان على النقطه دى وكان بيتم حزف مواضيع للاعضاء

وانا اعترضت وبعت لمشرفة القسم الادبى سكره

لكن هيا موافقه

ولما ميشو نزلت توبيك لتظبيط القوانين قولت رائى

موضوع واحد فى اليوم حل كويس

هما وافقوا على واحد كل 48ساعه وده مش من مصلحه المنتدى عموما

من وجهة نظرى على الاقل

س / انتى شايفا ان دا سبب كافى انك تسيبى القسم عشانة ؟

ايوة سبب كافى وخصوصا تكرار الاختلاف فى ادارة القسم

ودخول تنبيهات للاعضاءكل شويه من غير سبب كافى دون استشارة باقى المشرفين او

اخد رائى على الاقل

س / صحيح انتى طلبتى بترك الاشراف خالص صح ؟

ايوة طلبت

س / اعتقد رفض الادارة انك تسيبى الاشراف كان ابلغ رد ليكى انك مجتهدة ؟

وانا اعتز بتمسكهم بيا ولما اتعرضت فكرة النقل رحبت بيها

لانى متمسكه بالمنتدى وبحبه حتى لو مش مشرفه

س / طبعا انتى شوفتى التوبيك الخاص بــ ( ميشو ) فى قسم المشرفين ويمكن انتى سبتى رد يعنى وافقتى على اقتراح ( ميشو ) لية طلبتى انك تسيبى الاشراف بعديها ؟

وافقت على اقتراح موضوع واحد فى اليوم لكل عضو او عضوة

عرفت بعدها ان قانون موضوع كل 48 ساعه

هايتنفذ بحكم ان الاغلبيه عاوزة كده

لكن مش هايتنفذ غير على قسم الخواطرفقط وده ظلم للقسم اكيد

وانا مش مقتنعه بالقانون ده

س / بما ان رائى الاغلبية كان تنزيل موضوع كل 48 ساعه مش يمكن انتى الى غلط ؟

والله اسألوا الاعضاء اللى بتنزل مواضيع هناك

واعرفوا اذا كان رأيى غلط ولا لا

وبعدين الاغلبيه اتنين فقط

طائر الشرق ماقالش رائيه فى القانون ولابيحزف مواضيع

يعنى اعتقد مش عجبه ولو موافق ليه ماحزفش ؟

وعلى فكره فى اعضاء بينزلوا موضوعين فى اليوم لسه

او موضوع كل يوم وفيهم كتير بقلمه مش منقول

س / منين رأى الاغلبية كان موضوع كل 48 ساعه ؟ ودلوقتى فى اعضاء بينزلو موضوعين كل يوم ؟


لان القوانين لما نزلت كانت موضوعين فى اليوم

حصل التعديل ومحدش عرف انه ممنوع فابينزلوا المواضيع عادى

[IMG]http://upload.***************************/files7/12994129071.gif[/IMG]

س / وكمان مفيش حزف مواضيع ؟

يعنى رجع القسم تانى موضوعين فى اليوم بعد ماسيبته

والمشرف بيرد عليهم عادى

و بكده انا مبسوطه جدا ان رأيى طلع هوا الصح

وبينفذوه دلوقتى لو اعرف كده كنت سيبت القسم من يومها

بس لسه ماتغيرتش القوانين

تفتكرى ان وجودك فى القسم مكنش مرغوب فية ؟

الله اعلم انا عملت اللى عليا طول فترة الاشراف

غير كده معرفش لو مش مرغوب فيا هايبقى ليه

س / اتنى حاسا ان دورك مهمش فى قسم الخواطر ؟

لا ابدا مش مهمش مش معنى ان مشرف يعمل حاجه من غير ماياخد رأيى يبقى

مهمش ده تصرف فردى وموقف واحد

وخصوصا ان ميشو ادارة الاقسام فتحت موضوع

مخصوص تاخد رأى المشرفين فى القوانين

وان سجلت رأيى فيه

س / وجودك كمشرفة على قسم ابداعات الاعضاء شايفاة ازاى ؟

وجودى كامشرفه على الابداعات شىء جميل ومناسب ليا وخصوصا انى بحب القسم ده

وبعدين قوانيه ثابته مابتتغيرش

س / اية الفرق بين قسم ( الخواطر ) وقسم ( الابداعات ) ؟

قسم الخواطر مسموح فيه بالمنقول

لكن الابداعات لا

س / قوليلى انتى فى حاجا جديدة هتقدميها فى القسم والا لسة مش فى دماغك حاجا دلوقتى ؟

انا عندى افكار كتير بس لسه هاتفق مع البرنس رامى

وننسق الموضوع سوا

ده غير ان القسم كويس

لان فى ناس كتير بتحب تكتب بقلمها وتفصل مواضيعها عن المنقول

س / قدام عندك افكار جديدة لقسم الابداعات لية مش طرحتيها قبل كدا ؟

لانى مش مشرفه فيه وماحبتش اتدخل فى قسم فيه مشرفين شغالين كنت بعرض افكارى

فى القسم اللى انا مشرفه فيه

[IMG]http://upload.***************************/files7/12994129071.gif[/IMG]

س / يمكن معاكى المشرف ( البرنس رامى ) اتعاملتى معاة قبل كدا والا هيبقى الاشراف هو بداية التعامل ؟

تعاملى معاه فى حدود الردود على المواضيع

بينت انه انسان محترم وبيقدر كل من له موضوع جيدبرد جميل

و من اسبوع كده ساهمت معاه فى مسابقه وكانت مسابقه جميله

وان شاء الله يتم تعاون بينا يكون فى مصلحة القسم

س / بعتلك تهنئة بوجودك معاة فى القسم والا لسة ؟

ايوة بعتلى تهنئه برساله

ورحب بوجودى معاه فى اشراف القسم

س / حاسا انك هتبقى مستريحة فى قسمك الجديد والا الامور بالنسبالك عادية ؟

ان شاء الله هاكون مرتاحه

س / عايزك تفتحى قلبك وتوجهى كلمة لكل من

البرنس رامى
ان شاء الله نتفق على نظام لادارة القسم ومش هانختلف بإذن الله
وانا سعيدة جدا بإنضمامى لقسم الابداعات
وبترحيب حضرتك بيا بالتوفيق دايما

سكرة
ربنا يسعدك فى حياتك الجديدة وترجعى بالف سلامه
تنورى المنتدى من تانى بمواضيعك وردودك الجميله
وربنا يوفقك

طائر الشرق
كنت سعيده جدا انى مشرفه مع حضرتك فى قسم الخواطر
لانك مثال المشرف المجتهد بردودك ومواضيعك المميزة
واتعلمت من حضرتك كتيرربنا يوفقك

احمد الحلو
حضرتك من الكتاب اللى بتعجبنى جدا مواضيعهم
مميز فى ردودك وكلامك
و الاختلاف فى الرأى لايفسد للود قضيه
واى مكان لازم اللى فيه يتفقوا ويكون هدفهم الاول
المصلحه العامه والتعاون
واختلافى معاك كان على قوانين فى القسم مش اعتراض وخلاص
والدليل انى وافقت على بعض تنبيهات لحضرتك الا النقطه دى
اتمنى ليك التوفيق دايما

[IMG]http://upload.***************************/files7/12994129071.gif[/IMG]

س / تحبى تقولى اية لاعضاء منتدى بنات مصر ؟

اتعاملوا مع بعض بأخوة اكتر

وخافوا على منتداكم لانه اعظم منتدى شفته

وابعدوا عن اى مشاكل ومواضيع تفتح باب للخلافات

وانتشروا وانطلقوا فى كل الاقسام

واقول لبعض منهم ابعدوا خلافاتكم الشخصيه

عن صفحات المنتدى

س / السؤال المعتاد اية رائيك فى التوبيك ؟

جميل جدا والاسئله صعبه شويه

س / صحيح هو اجمد عضو بيعمل مشاكل من وجهة نظرك يعنى ؟

هوا بيوضح وجهة نظر فى بعض المشاكل اللى بتحصل فى المنتدى

وكان السبب فى حل مشاكل والصلح بين الاعضاء

لكن بعض الردود من بعض الاعضاء ممكن هيا اللى تعمل مشاكل

واعتقد الهدف من البرنامج غير كده

هوا متنفس للعضو اللى بتستضيفه يوضح ويعبر عن نفسه

وآراءة فى المنتدى

اتمنى ليه مذيد من النجاح

س / انتى وافقتى على الدعوة لية ؟

مش هاقولك لان ماينفعش ارفضها

لأ هاقولك لانى فرحت جدا بيهاده البرنامج المفضل عندى

ومن انجح البرامج فى المنتدى صعب جدا تترفض

بالتوفيق دايما ومن نجاح لنجاح موروشو

[IMG]http://upload.***************************/files7/12994129071.gif[/IMG]

وبكدا تنتهى حلقتنا النهاردة





اتمنى ان تنال اعجابكم





انتظرونى وحلقة جديدة من





اجمد عضو





تحياتى





morshooo

[IMG]http://upload.***************************/files7/12994129071.gif[/IMG]

حلقه ولا اروع
من ضيفه دائما هى الاروع
اجابات جميله وصادقه
خرجت لنا من شخص نبيل ومبدع
تحياتى ليك يا موروشو
وتمنياتى لك بدوام التوفيق وحسن الاختيار