حلقات ( اجمد عضو ) مع ( morshooo )

[البرنس رامى]

بسم الله الرحمن الرحيم
السلام عليكم ورحمة الله وبركاته
الأخ الفاضل مارشو احييك على اجمد عضو روعه بالفعل
الأخ الغالى أحمد الحلو طبعا انا تابعت الحوار وتابعت ردك القيم
وانت بأمانة ماقصرت وأسلوبك باين انك مهذب وعلى خلق
وليس بجديد عليك اسلوبك الجميل فأنا أعرفك من زمن بعيد
ونحن اخوة فى الله وعلاقتى بيك تزيد يوم عن يوم
طبعا انت لست مشرف وأيضا الأخت المحترمة سكرة ليست مشرفة
فأنتم مراقبين على القسام الأدبية
وانا أكن لكم كل الأحترام اما عن موضوع
الخلاف بينك وبين دمعه انا شايف ان
ردك بيقول انه لاخلاف نهائى بينكم فنحن جميعا أخوة
ويربطنا مكان واحد
نتنفس به عن أنفسنا الا وهو منتدى بنات مصر
كلنا طبعا بنحبه بالنسبة لموضوع
ان كل عضو ينزل موضوع كل 48 ساعه الوحيدة
اللى كانت رفضاه هى دمعة وطاقم الأشراف
كله كان موافق على هذا الأقتراح وبالتالى أغلبية
طبعا ولابد من تطبيقة بدون ان يزعل أحد
الموضوع كان موجه لمشرفى الأقسام الادبية
وتم التصويت بالأغلبيه فيه
وانا ايضا رديت بالموافقه عليه ولابد من تعميمه
فى القسام الأدبية انشاء الله
المهم انا حسيت ان الموضوع واخد مساحة فى كلامك
فحبيت ادخل اولا أحييك علىروحك الجميله وأيضا أبشرك
ان الموضوع منتهى حتى لو دمعة كانت رافضة فلابد من تطبيقة
وانا واثق انها مش هتزعل لأن الحق مايزعلش أى حد
وأكيد الأخ عصام كان موافق ايضا
المهم فى نهايه كلام أتمنى اكون مش خرفت
فى ردى وقلت اللى يرضينى من ربى
وشكرا لك أخى مارشو على الموضوع
وشكرا لك اخى احمد الحلو
جل الأحترام للجميع

[البرنس رامى]

بسم الله الرحمن الرحيم
السلام عليكم ورحمة الله وبركاته
بداية اشكرك أخى مارشو على أجمد عضو جاااااامد فعلا
الأخت الراقية دمعة حائرة عجبنى حوارك اختى الكريمة جداا
طبعا جزيل الشكر على ردك الجميل وعلى اسلوبك
السلس فى الحوار
وأيضا على كلمتك فى حقى اولاً
وفى حق كل ماذكرو فى الموضوع ثانياَ
وانتى ماقصرتى فى روعة اسلوبك وردك
ولن اعقب على موضوع الــ 48 ساعه
اللى اصبح مشكله العصر
والموضوع اصلا مش مستاهل خلاف بين الكبار
والموضوع اصلا منتهى من البدايه
فى نفس الموضوع لأنه كان اقتراح
واغلبيه وافقو عليه يبقى مفيش داعى لذكره
ولابد ان يتطبق فورا وبدون اى زعل طبعا
وكل اللى ذكرناه من اجل اثراء الاقسام الادبيه الزخارف والمد
وكتابه اسم العضو فى العنوان كل شىء سوف يتطبق انشاء الله المهم انا مش داخل غير علشان اقولك ابدعتى فى ردك الجميل الأنيق
وبتمنى نكون جميعاَ أخوة فى الله ولا يربطنا سوى
الحب فى الله ونراعى الله فى تعاملاتنا جميعا
جزيل الشكر لكى دمعة حائرة
واشكرك اخى الغالى مارشو وبالتوفيق فى الانتخابات
محسسنى انكو فى مجلس الشعب هههههههه

[M@HMOUD]

حلقه حلوهـ وجميله
ومنورهـ يا احلى زملكاويه المنتدى
بالتوفيق للجميع

[morshooo]

بسم الله الرحمن الرحيم

[IMG]http://upload.***************************/files7/12994129071.gif[/IMG]

اهلا ومرحبا بكم

وحلقة جديدة من برنامجكم

اجمد عضو


النهاردة هتبقى حلقة خاصة جدا جدا جدا


الحوار هيبقى هادى جدا وهيبقى حوار أموى ^_^


حلوة أموى دى صح :004:

يمكن ضيفتى الحوار معاها كان جميل جدا لانة بسيط


والكلام طالع منها بكل مصداقية وسهولة الضيفة الغالية


يمكن اختفت فترة كبيرة بس كان ليها اسبابها الخاصة


وكان من اهم الاسباب مرحلة الولادة الى مرت بيها


وهو دا الى بعدها عننا لفترة ربنا رزقها بطفلة ماشاء الله عليها


جميلة جدا وربنا يخليهالها .





معانا النهاردة


أم العيال


قصدى


المتالقة دائما


مشتاقه للجنه




اهلا بيكى


ودلوقتى كالعادة


تعالو نشوف


عناوين من اللقاء الجميل





مشتاقه للجنه : لما عرفت انى حامل فرحت جدا وجوزى طار من الفرحة وكان عندى تلبك معوى


اول شهور الحمل كنت فى شبة غيبوبة كنت نايمة على طول وفى اى مكان


والدتى واختى كان ليهم دور كبير فى بداية حملى ربنا يخليهوملى وبجد مكنتش بدلع والا بستهبل ساعتها


مع بداية الشهر الخامس كنت مترقبة معرفة الجنين ومكنش ظاهر فى الاول وكنت اتمنى يكون ولد


كانت نصائح الدكتور ليا الراحة فى الشهور الاولى والاكل المفيد


لما دخلت الشهر التاسع حسيت انى هموت من وانا بولد وكان عندى احباط وكنت بفكر فى بينتى


فرحت جدا لما قالولى والدة الطفلة تيجى تشوف بنتها لانها دخلت الحضانة بعد الولادة


هنون اول الولادة مكنتش بسمعلها صوت دلوقتى بقت قردة وصوتها عالى وعارفا باباها اوى ودا غايظنى


من بداية ولادتها لحد دلوقتى فى اختلاف حصل فى الانتباة والحركة وان شاء الله هنزرع فيها الوازع الدينى


زوجى ماتغيرتش معملتة معايا بعد الولادة واقولة ربنا يخليك ليا وانتى يا هنا هقولها تبطل عياط شوية


اعضاء بنات مصر ربنا يسعدكم جميعا وبشكر الاعضاء دى الى سئلت عليا واتمنى مانساش حد


اجمد عضو احلا برنامج ودى مش مجاملة ووافقت على الدعوة عشان اعضاء المنتدى وحشنى جدا





ودلوقتى تعالو نشوف الحوار الرائع


س / فى البداية اهلا بيكى وبهنا طبعا فى اجمد عضو ؟

أهلا أهلا يا مورشو وهنا بتسلم عليك

س / بصى انا هبدأ معاكى من الاول خالص ^_^ ؟ اول لما عرفتى انك حامل كان اية شعورك وكان اية رد فعل جوزك ؟

يلا أبدا زى ما تحب .

كان عندى تلبك معوى هههههههههههههه

لما عرفة انى حامل فرحت جداا وجوزى طار من الفرحه

هيكون أب

س / يمكن اول شهور الحمل بتكون صعبة مرت عليكى ازاى ؟

مرت عليا الشهور الاولى بشبه غيبوبه كنت نايمه علطول وفى أوقات غريبه ..

وفى أى مكان ممكن أنام

س / اكيد الوالدة كان ليها دور كبير فى اول شهور الحمل ؟ احكيلنا كانت بتعمل معاكى اية ؟

طبعا ربنا يخليها ليا يارب ويخلى أختى كانت بتساعدنى كتير

س / طبعا انتو اول لما تعرفو انكم ( حامل ) الدلع بيشتغل ؟ كنتى بتدلعى والا لا يام هنا وجوزك كان بيقولك اية ؟

لا والله هو مش دلع ولا أستهبال هو فعلا تعب

حماده كان متفاهم خالص ومش بيعصبنى يعنى تقدر تقول كان واخدنى على اد عقلى ..

س / مرحلة شهور الوسط فى حملك كانت عبارة عن اية ؟

اللى هى من الخامس لطالع دى كانت ترقب لمعرفة نوع الجنين

مكنتش ظاهره فى الاول وكان عندى احساس ويمكن تمنى ان يكون ولد ... !!





س / طبعا كنتى بتابعى مع دكتور ؟ كان دائما بينصحك تعملى اية ؟ واهم حاجا كان بينبهك بيها كانت اية ؟

عاادى أهم شئ الراحه فى الشهور الاولى والاكل المفيد اللى

يكون صحى

س / لما دخلتى على اخر شهر فى الولادة كان تفكيرك بيدور فى اية الفترة دى ؟

بصراحه كنت حاسه أنى ممكن أموت وأنا بولد وعندى خوف واحباط

س / كان تفكيرك فى يوم الولادة ومدى صعوبتة والا كنتى مش بتفكرى فى حاجا ؟

كنت بفكر ببنتى وبدعو من الله ان ربنا ينجيها ليا

فكان الضغط مرتفع جداا ..

س / يوم الولادة كان يوم صعب عليكى جدا والا كان اسهل من تخيلك لية ؟

صعب طبعا وخاصه انى بولد قبل الميعاد الطبيعى والطفل فى خطر ..

س / دلوقتى بقى هندخل على الاستاذة ( هنا ) اول لما شوفتيها كان شعورك اية ؟

هنا راحت الحضانه بعد الولاده وظلت على جهاز بالتنفس لمدة 3 أيام ..

وطبعا لما قلولى ام الطفله هنا تيجى علشان تشوفها فرحت جداا ..

س / فاكرة اول كلمة قالهالك زوجك بعد الولادة والا مكنتيش فايقالة ^_^ ؟ واول لما شاف هنا قال اية ؟

كنا بندعو الله ان يخليها لينا





س / احكيلنا عن هنا فى بداية ولادتها ؟

هنون كانت صغنونه خالص وعايزه تدفئه ورعايه خاصه

بس كانت هاديه أووى مش بسمع صوتها

س / بعد مرور 5 شهور على ولادتها شايفاها ازاى دلوقتى ؟

دلوقتى راحت قرده صوتها عالى وبتناغى وعارفه باباها أووى

وبتنطق بببب قبل ماممم لما انا متغاظه ههههههههه

س / فى اختلاف حصل من بداية ولادتها لحد دلوقتى والا لسة زى ماهى ؟

طبعا اختلافات كتيره بالحركه والانتباه وكل شئ

س / يمكن بداية الولادة وبما ان دى اول مولود ليكى ؟ شايفا تربيتها هتبقى ازاى ؟

انا نفسى أربيها أحسن تربيه وأعلمها فى أحسن مدارس

س / خايفة من تربيتها والا حاسا ان تربية الاطفال عادية ؟

طبعا خايفه بس ان شاء الله أنزرع فيها الوازع الدينى

لان التربيه فى عصر السموات المفتوحه مش سهل خالص





س / عندك احساس ان زوجك معاملتة اتغيرت بعد ولادة هنا ؟ والا الامور زى ماهى ومفيش تغيير ؟

لا زى ماهى ... بس بقت هنا واخده حته كبيره من قلب أبوها

ده اول ما يدخل من باب الشقه بينادى يا هنون ..

ويدخل يدور عليها بسريرها

س / عايزك توجهى كلمة لزوجك ؟

ربنا يخليك لينا يارب

س / وتوجهى كمان كلمة لـــ ( هنا ) ؟

هنا بطلى عياط بقى وهاخلص واديكى الفاره ههههههههه

س / تحبى تقولى اية لاعضاء منتدى بنات مصر ؟

أعضاء بنات مصر يا أغلى منتدى وأحب أعضاء الى قلبى

ربنا يسعدكم جميعا يارب .. وبشكر كل من سأل عليا بغيابى

سومه حبيبت قلبى .. ميشو .. دكتر نور .. البرنسيسه .. وحبيبتى فلور

دنيا .. ودمعه حائره ومحدش يزعل لو نسيت حد .. فأعضاء المنتدى كلهم غالين عندى

س / السؤال الدائم اية رائيك فى اجمد عضو ؟

طبعا من غير كلام أحلى برنامج بجد ودى مش مجامله

س / انتى وافقتى على الدعوة لية ؟

علشان أعضاء المنتدى وحشنى خالص وعايزه أفضفض معاهم

والدعوه جات من صديق عزيز اللى أنت يا أحمد





ودلوقتى هنشوف مع بعض صور هنا


الحصريا فقط لبرنامج


اجمد عضو


واكيد ضيفتى خصت البرنامج ليكون ظهور اول صور لـــ ( هنا )

وبكدا تنتهى حلقتنا النهاردة

اتمنى ان تنال اعجابكم





انتظرونى وحلقة جديدة من





اجمد عضو





تحياتى





morshooo




[IMG]http://upload.***************************/files7/12994129071.gif[/IMG]

[P R ! M O]

حلقه جميله يا مشتاقه للجنه

واجابات بسيطه ومن القلب

وربنا يخليك هنا وابو هنا ^_^

[тoкα..♥]

هههههههههه
عجبتني آوي شيلوني بحنيه دي
متخـآفيش يـآختي هنشيلك بحنيه )
عسل مآشآء آلله
وآجـآبـآت جميله خـآلص ي سـآرتي
آو ي آم هنوشه
ربنـآ يخليهـآ ليكي ويخليكي ليهـآ ي رب ,,
نـآيس حلقه ي آحمد ,, تغيير شويه بعيدآ عن جو آلمشـآكل :d
ودي ,,

[countess]

مشاء الله الله يخليها لبابها ولكي ياقمر

وحلقه لطيفه وفيها حنيه ماهو جو امومه بقى

[دمعه حائره]

بسم الله ماشاء الله ربنا يخليهالك يا حبيبة قلبى
بجد حلقه رائعه ياموروشو وسارة نورتى بجد كنا مفتقدينك جدا
وانا كنت قلقانه عليكى خالص ربنا يوفقك دايما
ويحفظلك بنتك وجوزك من اى شر
وتفضلى معانا كده ماتغيبيش ابدا تانى
تحياتى للجميع

[βεšħδ]

يا خلاسي ع العسل يا ناس
ربنا يحميها ويخليهالك يا مشتاقة الى الجنة يا قلبي
بجد عسولة زي مامتها اكيد
واجابتك في منتهى الجمال واستمتعت بيها جدا يا قلبي
شكرا موروشو
دايما الجديد والحصري عندك
تسلم ايديك يا جميل

[nano.syria]

كتير حلوة الحلقة يسلمو
البنوتة تئبش البي بتجنن الله يخليلك اياها
وتكوني ام صالحة إلها