حلقات ( اجمد عضو ) مع ( morshooo )

[beautycat]

اقتباس المشاركة الأصلية كتبت بواسطة ashoshooo حمدالله على سلامتك برنامج جميل جدا

الله يسلمك يا جميل
نورتي البرنامج

[iiwowii]

ردى وبطريقة بسيطة
لانى تقريبا مقدرتش لحد دلوقتى اندمج اوى معاكم
بس حبيت اقول لاية حمدلله على سلامتك
وباذن الله خير ومفيش اى شر
بس محتاج اوجهلك رسالة عايزك تبقى اشرس من كده فى الرد على الاسئلة المحيرة يوه اقصد
الاسئلة المدمرة

وحمدلله على سلامتك والف الف مليون سلامة عليكى

وتقبلى امنياتى العاجلة بالشفاء التام من اى داء

[♥..pure]

اهلين بيكي يا آيه ..,,
منورهـ البرنامج ومنورهـ المنتدى كله .. فرصه سعيدهـ اننا نتعرف عليكي
شخصيه محترمه وباين دا في معاملاتكـ بين الاعضاء
اختيار مميز يا مورشو
اسئله رائعه واجابات اروع .,,
دمتي بخير حبيبتي ..,,
بالتوفيق دايما ,..

[beautycat]

اقتباس المشاركة الأصلية كتبت بواسطة iiwowii ردى وبطريقة بسيطة لانى تقريبا مقدرتش لحد دلوقتى اندمج اوى معاكم بس حبيت اقول لاية حمدلله على سلامتك وباذن الله خير ومفيش اى شر بس محتاج اوجهلك رسالة عايزك تبقى اشرس من كده فى الرد على الاسئلة المحيرة يوه اقصد الاسئلة المدمرة وحمدلله على سلامتك والف الف مليون سلامة عليكى وتقبلى امنياتى العاجلة بالشفاء التام من اى داء

شكرا ليك نورت التوبيك
وعلي فكرة انت بقيت واحد مننا اصلا
بس اشرس دي مش هعرف اعملها
الله يسلمك وميرسي ليك

[beautycat]

اقتباس المشاركة الأصلية كتبت بواسطة dr.pharma اهلين بيكي يا آيه ..,, منورهـ البرنامج ومنورهـ المنتدى كله .. فرصه سعيدهـ اننا نتعرف عليكي شخصيه محترمه وباين دا في معاملاتكـ بين الاعضاء اختيار مميز يا مورشو اسئله رائعه واجابات اروع .,, دمتي بخير حبيبتي ..,, بالتوفيق دايما ,..

تسلميلي يا حبيبة قلبي
انتي اللي منورة الدنيا كلها
ميرسي يا قمري لذؤقك الراقي

[احضان الحبايب]

(( أيــة ))
عااشت الاســامى >> اول مره اعرفه بقا ففرحاان :d
اجاابتك متواازنه الى حد كبيــر
و حمدالله على سلامتك ،، والله يرحم جدتك و يسكنها فسيح جنااته
بس فى حااجه غريبه انتى و كشخصيه معروفه فى المنتدى مش هتدلى بصوتك ،، و فى شخصياات كتيــر بردوا هتعــمل زيك ؟؟ امــال مين ال شاارك بقا ع كده
و كمــان هو انا فين موضوعى بتاع علمــاء العرب
ده كاان موضوع
انا تعبت فيه ااووووى و لما غيبت شوية جيت ما لقتهوش ،،

بس اسئله جاامده يا احمد
الله ينور
بالتوفيــق

[beautycat]

اقتباس المشاركة الأصلية كتبت بواسطة احضان الحبايب (( أيــة )) عااشت الاســامى >> اول مره اعرفه بقا ففرحاان :d اجاابتك متواازنه الى حد كبيــر و حمدالله على سلامتك ،، والله يرحم جدتك و يسكنها فسيح جنااته بس فى حااجه غريبه انتى و كشخصيه معروفه فى المنتدى مش هتدلى بصوتك ،، و فى شخصياات كتيــر بردوا هتعــمل زيك ؟؟ امــال مين ال شاارك بقا ع كده و كمــان هو انا فين موضوعى بتاع علمــاء العرب ده كاان موضوع انا تعبت فيه ااووووى و لما غيبت شوية جيت ما لقتهوش ،، بس اسئله جاامده يا احمد الله ينور بالتوفيــق

انت كمان عاشت الاسامي يا عبد الرحمن
ربنا يخليك والله يسلمك ونورت التوبيك
الله يرحم جميع اموات المسلمين
بس انا قلت اسباب عدم ترشيحي لحد
اظن انه سبب مقنع الي حد ما بس بالنسبة ليا مقنع وجدا
وموضوعك ده كان من زمان يا عبد الرحمن في مواضيع جديده نزلت
اكيد رجع في الموضوعات اللي في الصفحات اللي ورا
تحياتي ليك يا عبدالرحمن

[sokara]

حلقه رائعه من الممبدع مارشو
واجابات رائعه ومتميزة من عضوة اشهد لها بالابداع والرقى
واتمنى من كل قلبى لها الشفاء العاجل
وتكون دايما بينا منوره
دمتم بخير تقبلوا تحياتى

[sokara]

دوما مارشو تمتعنا بالحوار مع اجمل الاعضاء
واليوم فعلا هى حلقه خاصه وجميله من عضوة محببه لقلبى
وهى اول انسانه اتعرفت عليها عند دخولى المنتدى
فهى من اجمل وانقى العضوات واحبهم الى قلبى
الف مبروك حبيبتى وربنا يخليى لك بنوتك العسل
صورها زى السكر ربنا يحفظها يارب
استمتعت بالحوار واتمنى لكم التوفيق والتميز دائما

[morshooo]

بسم الله الرحمن الرحيم





[IMG]http://upload.***************************/files7/12994129071.gif[/IMG]

اهلا ومرحبا بكم






وحلقة جديدة من برنامجكم






اجمد عضو

الفترة الاخيرة بالمنتدى يمكن شاهدت حاله من النشاط كبيرة جدا


وكان سببها العمليه الانتخابيه الى تمت والى اكيد استفاد منها الجميع



المنتدى والمترشحين والاعضاء .


[IMG]http://upload.***************************/files7/12994129071.gif[/IMG]


المنتدى استفاد من حاله النشاط الى حصلت والى اعتقد ان هتفضل لفترة كبيرة بسبب



تطبيق المرشحين للبرامج الانتخابيه الى اعلنو عنها .



المترشحين استفادو ان كل واحد فيهم عمل انتشار فى المنتدى وفى الى استفاد انه دخل اقسام مكنش يعرف عنها حاجا



وفى الى استفاد وعرف ان فى اعضاء مؤيدين ليه سواء فاز او خسر الانتخابات.



الاعضاء استفادو بأن كان فى حاجا خلتهم يرجعو تانى زى الاول كنشاط وكمتابعه لاحداث المنتدى وكان فى



اهتمام كبير من معظم الاعضاء ومالذالت المتابعه حتى الان واعتقد لفترة كبيرة ايضا .



عشان كل الحاجات دى كان لازم يبقى لينا لقاء مع صاحب فكرة



( الادارى المنتخب )



وهو



SiLver Spectra

المدير العام





اهلا اهلا


فى البدايه تعالو نشوف


عناوين من اللقاء


فريق عمل


[IMG]http://upload.***************************/file2/13174136885.gif[/IMG]


SiLver Spectra : أنا زبونك دايما دي الحلقة الخامسة لينا ,,المفروض تسميها أجمد سيلفر :biggrin:



فكرة الادارى المنتخب هى استكمال لفكرة متحدث بأسم الاعضاء الى مكنش حد متحمس ليها


الغرض الأساسي من الادارى المنتخب ان اداري مننا بلون أحمر وظيفته يرد على الأعضاء و بالأخص الأعضاء الجدد الي بيحسوا باهمال


مكنش فى بالى حد يترشح اول لما نزلت الموضوع واستغربت ان محدش رشح نفسه فى اول 10 مشاركات


اتفأجات بترشيح مورشووو لانه فى الغالب موجود فى اليوميات وساعات فى الاقلام


المنتدى استفاد لاكثر من سبب منهم خلق جو تنافسى والاعضاء حسو بديمقراطيه وجو مختلف عن أى منتدى


معنديش مانع اعمل انتخابات على أدارة المنتدى ولكن الى هيمنعنى هيثم لان اى خطأء فى لوحه تحكم الادارة يخرب الدنيا


الهدف من المناظرات هو اننا نشوف طريقة رد و اسلوب المرشح سواء على الأسئلة العامة أو على النقد


محبتش اركز على البرامج الانتخابيه فى المناظرات لاني موضح المنصب وظيفته الاساسية التفاعل و الرد على الأعضاء في الاقسام المختلفة


مورشو وماتركس كانو شغاليه كويس فى الحمله الانتخابيه كنتظيم برناج وأفكار مختلفه ودا ميقللش من باقى المترشحين


دى من وجهة نظرى عيوب ومميزات الـــ 5 اعضاء الى وصلو لمرحله التصويت


مفيش أى نيه فى الفترة الحاليه لتعيين أدارى دائم وكفايه الادارى المنتخب الفترة الحاليه


ادارة المنتدى اصبح عندها مناعه من الهجوم عليها وكل واحد حر فى انطباعه وصعب تقرب وجهات النظر


اجمد عضو برنامج زى الفل كالعادة وبيعجبنى أدارتك للحوار وبحس انى بعبر وبطلع الى جوايا ودى اهم ميزة فى البرنامج


ودلوقتى تعالو نشوف


الحوار الرائع


[IMG]http://upload.***************************/files7/12994129071.gif[/IMG]



س / فى البدايه اهلا بيك فى ( اجمد عضو ) ؟


يا أهلا وسهلا ,,دا أنا زبونك دايما

دي الحلقة الخامسة لينا ,,المفروض تسميها أجمد سيلفر :biggrin:

الحلقة الي قبل دي كانت عن الاستايل و طارت مع العطل

و الله شوف ,,هو عشان انت محاور جيد فبقبل استضافاتك دايما و بحس اني بعبر و بطلع الي جوايا

و دي أهم ميزة في البرنامج دا

س / البدايه كانت مع توبيك ( مطلوب أدارى ) ؟ جاتلك ازاى الفكرة ؟

و الله بص هي الفكرة تعتبر تطوير لفكرة المتحدث باسم الأعضاء

لكن مع الفارق ,,المتحدث باسم الأعضاء كان عليها اقبال ضعيف شوية و تحس ان

ماحدش كان قابل الفكرة أو متحمس ليها ,,فكانت النتيجة هو ضعف التنافس و كمان

كان الفائز بيمطر المنتدى بمسابقات لا حصر لها ,,و أعتقد دا مش بيفيد المنتدى بالشكل

المتصور ,,على عكس لو ركزت في مسابقة أو حملة واحده أو اتنين ,,هتقدر تتقنها أكتر

و هتختار فكرة مرتبة و منظمة و أكثر جدية

مثال بسيط أنا ممكن أمطر كل الاقسام بمسابقات

بس وقتها هتحس بملل من مسابقاتي ,,لكن لما تعمل مسابقة كل فترة كبيرة و تعملها

بشكل و باسلوب مختلف فيه فكرة جديدة أعتقد بيكون أفضل للعضو

نكمل الإجابة مع السؤال التاني :biggrin:

س / كان الغرض من توبيك ( مطلوب أدارى ) ايه ؟

فالمهم أنا فكرت في اننا نطور فكرة المتحدث و نخليه اداري منتخب

كان الغرض الأساسي منه هو ان يبقى في اداري مننا بلون أحمر وظيفته يرد على الأعضاء

و بالأخص الأعضاء الجدد الي بيحسوا باهمال

أنا شخصيا مش هقدر اقوم بالمهمة دي لأن عمري ما عملتها ,,من ساعة ماسجلت و برد على اشياء معينة

و على فكرة انت لو راجعت ردودي هتلاقيني برد على مواضيع لناس مش أعرفهم على عكس ما ناس بتقكر

أنا طبعا عارف ان في بعض المشرفين بيردوا على مواضيع اصحابهم بس و ساعات ببقى

زيهم ,,لكن لو عندي وقت بتجول في الاقسام و برد على الحاجة الي تلفت انتباهي

و ليك انك تبحث في مشاركاتي و تشوف

لكن في النهاية مش هقدر ارد على 200 موضوع من الي بينزلوا في اليوم!!

انت عارف رد العضو صاحب اللون الأحمر بيفرق كتير مع العضو

في حين انت بتشتغل شغل فني زي مثلا امبارح قاعدت ساعات اركب في رسالة الترحيب بالزائر

فاستحالة اقدر ارد و اشتغل شغل فني و شغل اداري و اشرافي و كل حاجة

فمن هنا جت فكرة اننا عايزين اداري يكون نشيط بالردود
بعيدا عن الشغل الرقابي

يعني أنا أول ما طرحت و قولت بفكر أعين اداري جديد على طول جابولي اسماء مراقبين ,,

في حين أنا مش عايز اداري يشتغل شغل رقابي لأن الى حد ما الشغل الرقابي ماشي كويس ,,عايز اداري متفاعل

يمكن زمان كان في غسان الي هو عاشق الأحزان كان بيرد تقريبا على كل المواضيع الجديدة

أي موضوع أدخله كنت بشوف رده عليه ,,بغض النظر بقى عن قيمة رده أو ان رده كوبي

و بيست لصور و فيها شكر ,,لكن كانت بتدي حافز قوي للعضو انه يشارك

و بعده كان في همس الروح ,,كانت عين ساهرة في المنتدى

شغل رقابي و مشاركاتي كمان

و بعد همس كان في ضياء ,,كان مراقب بس كان عين ساهرة و بيرد على مواضيع كثيرة جدا خاصة في قسم الترحيب


[IMG]http://upload.***************************/files7/12994129071.gif[/IMG]

س / انتا فعلا فكرت فى التوبيك دا عشان تيكنيكال متغيب عن التواجد ؟

غياب تكنيكال أثر فعلا خصوصا اني كنت في الفترة الاخيرة قبل ما يتغيب موكله بمهام

كثيرة منها تعيين المشرفين فلما تغيب ساب فراغ كبير

للأسف حاليا مش عارف عنه حاجه و حاولت اتصل بيه موبايله مغلق دايما ,,بدعي ربنا انه يكون بخير
س / مين الى كنت متوقع ترشيحه ؟ ليه ؟

أنا عملت الموضوع و ماكنش في بالي مين هيترشح

يمكن حتى في الاول استغربت ان ماحدش رشح نفسه و كلو دخل يشكر الفكرة

خفت لحسن تبقى زي فكرة المتحدث باسم الأعضاء و يكون الاقبال ضعيف ,,بس برضو

اللون الاحمر مغري و شد ناس كتير بعدها :biggrin:

أما توقعي في النهاية بالفائز فكنت أتوقع انه ماتركس لأن له قاعدة جماهيرية كبيرة بسبب

نشاطه الدائم في المنتدى

و أعتقد برضو دي شطاره منه انه يحبب الناس فيه لأن دي مش حاجة بتيجي بالساهل

أنا مثلا شوفت رسالة له لعضو كان كاتب موضوع انه هيسيب المنتدى عشان مافيش اهتمام

بالرد على موضوعاته ,,فكانت رسالته تشجيع للعضو و دا قبل الاستفتاء ,,فبتلاقي النتيجة

ان العضو دا صوتله ,,يبقى هو هنا كسب صوت من غير ما يقوله تعالى صوتلي ,,

و أعتقد الصوت دا صوت شرعي و حق ليه

و واقعيا الي بيفوز في اي انتخابات لازم بيكون له قاعدة جماهيرية بيكتسبها من احتكاكة و حبه للناس

س / كنت متوقع اعلان 12 عضو للترشيح والا كنت متوقع عدد اكبر ؟

زي ما ذكرت في الأول كنت خايف مافيش حد يرشح نفسه لما وصلنا لعشر ردود بدون ولا مرشح

لكن بعد كدا ظهر مرشحين و في بعضهم انسحب بسبب ظروفه الخاصة

فصفت في النهاية على 11

من أصل يمكن 14

س / اثناء عمليه اعلان الاعضاء لترشيحهم مين الى اتفاجئت بترشيحه ؟ ليه ؟

ممكن مورشو

ما كنت أتوقع انه هيشارك ,,لأنك في الغالب موجود في اليوميات و ساعات في الأقلام

لكن نادر لما بشوفك في قسم تاني

فماكنتش أتوقع ان الفكرة هتثيرك و ترشح نفسك
س / بعد اعلان ( مورشووو ) الترشيح بعد يومين من اعلان التوبيك انتا شخصيا قولت ايه او حسيت ساعتها بأن الانتخابات اخدت شكل تانى والا كان وضع طبيعى دخوله بعد يومين ؟

آه حسيت بجو تنافسي عالي

و رديت وقتها و قولت شكلها هتولع

فكنت مبسوط أكيد لأن المنافسة هتتحقق

س / هندخل على المترشحين والدعايه الانتخابيه بتاعتهم ؟ كنت متوقع الدعايه بتاعت المترشحين تبقى بالشكل الى ظهرت عليه ؟

أنا كان أملي انها تكون كدا

نشوف تواقيع و دعوات و الحمد لله اتحقق الأمل

لأني كنت عايز منافسة قوية

س / تفتكر المنتدى استفاد من فكرة الانتخابات وعمل دعايه للمترشحين ؟

أظن انه استفاد لأكثر من سبب

أولها هو خلق جو تنافسي ,,يعني الناس حست بديمقراطية و حست ان في تنافس و جو مختلف عن أي منتدى

و كان في اهتمام كبير من قبل الأعضاء على المتابعة

ثانيها و هي ان المرشح لما بيفوز بيحس انه تعب و بذل مجهود في المنافسة على الأفضل ,,

يعني العملية مش بالساهل و مجرد تعيين و خلاص و بالتالي هيحس بمسؤولية أكثر اتجاه نفسه و اتجاه الأعضاء الي رشحوه


فريق عمل

[IMG]http://upload.***************************/file2/13174136885.gif[/IMG]




س / انتا ممكن فى وقت نلاقيك عامل انتخابات على أدارة المنتدى ؟ واعلان مترشحين امامك وعمل انتخابات ؟

هههههههه أعمل ماعنديش مانع بس ممكن الي هيمنعني هو هيثم و لسبب أعتقد انه له حق

فيه ان الإداري بصلاحيات كاملة في لوحة تحكم الإدارة ممكن يخرب الدنيا ,,

أقل خطا يبوظلك كل حاجة

انت بتحتاج شخص ذو خبرة فنية

أنا مش عايز أقولك اني قاعدت في الإدارة سنة تقريبا بدون صلاحيات

كنت بدخل بعضوية محمود عشان اعدل اسم أو أركب بنر

و كصلاحيات كاملة كليا ما أخدتهاش غير بعد الثورة

قبل كدا كانت شبه كاملة باستثناء أول سنة ماكنش في عندي غير تعديل أسماء بس و

كنت بدخل بعضوية محمود بمعرفة هيثم ومحمود

و انت عشان تتعلم الإدارة بتاخد وقت كبير و عايزه واحد متفرغ ليها لأنك بتتعامل مع لغات زي css و html

فصعب اني كل فترة مثلا اعمل انتخابات على ادارة المنتدى بالكامل ,, يعني مش معقولة

كل شهرين تلاته هعد اعلم شخص جديد ازاي يستخدم اللوحة بشكل بدائي

و في النهاية احتمال كبير مش يفيدك فنيا لأن دي عايزه ممارسة طويلة

و زي ما ذكرتلك أنا قاعدت سنين ,,و لحد دلوقتي بتعلم فيها حاجات

فلو هيثم موافق أنا ماعنديش أي مانع لأن هو في النهاية صاحب الموقع و حقه كمان يمشيني

لو عايز ,,بس هيخسر جامد (شوية غرور بقى هههه)

س / افهم من كلامك ان مش هيتم تعيين ادارى الفترة القادمه ؟

و الله يا أحمد هي حسب الظروف

أنا معرفش المستقبل فيه ايه

لكن أقدر أقولك دلوقتي الي هو الأيام دي

لأ مافيش نية و كفايه الإداري المنتخب

لأن كشغل رقابي و اداري ففي حنون و ميشو شغالين

أنا لما بدخل اداري أو مراقب جديد بدخله لوجود فراغ في منصب

س / فكرة المناظرات الى حصلت كان ايه الهدف منها ؟

الهدف منها أنا طرحته في الموضوع

هو اننا نشوف طريقة رد و اسلوب المرشح سواء على الأسئلة العامة أو على النقد

و تفنيده للتهم مش مجرد برامج مثالية بتعرض للأعضاء أنا هعمل و هسوي

لأ أنا عايز الناس تشوف شخصية المرشح الي هتكون ادارية و هترد عليهم بعد كدا باللون الأحمر

س / تفتكر فى اعضاء خسرو اصوات بسبب المناظرات ؟

أعتقد انها ما اثرتش أوي

كنت متوقع انها تاثر أكثر من كدا ,,بس في النهاية القناعات عند كل ناخب مش اتأثرت بدرجة كبيرة

لكن ممكن نقول انها أثرت بس مش التأثير القوي


[IMG]http://upload.***************************/files7/12994129071.gif[/IMG]

س / كان ايه الفائدة من انك تعرض على الاعضاء فى المناظرات العيوب الى شايفنها المترشحين فى بعض ؟

برضو اننا نشوف شخصياتهم سواء في طريقة النقد أو في طريقة تفنيد التهم

زيه زي سؤال انتقاد الإدارة ,,و لا هي بس الإدارة الي تنتقد ,,اشربوا شوية انتوا بقى :biggrin:

انت عارف من كتر ما الإدارة ما بتنتقد جاتلنا حالة تبلد ,,بقى عندنا مناعة (أنتي انتقاد)
:sml39:
س / فى ظل الهجوم الى على الادارة وان بقى عندكم مناعه :sml39: طيب ليه مش بتحاولو تقربو وجهات النظر ؟

أصل بص في ناس بتهجم عشان تهجم ,,دا مهما تقوله هيقولك لأ انت كذا ,,

طب أنا هعمله ايه ,,هو حر في انطباعه

و أحيانا بتقوله هات دليلك يقولك بحس ,,هو بحس دا حكم!!

يعني أنا ممكن اقول بحس فلان انه وحش و علان انه قليل الادب

طيب بتحس من ايه ,,اقولك مش عارف مش شوفت حاجه بس بحس

فدا انطباع مش اكتر ,,مجرد ما بيشوفك احمر و اداري بتلاقيه خايف منك و بالتالي اي

كلمة بتقولها بيشوفها من زاوية شريرة شوية فيجيله الاحساس دا

أنا كتير بلاقي رسالة من عضو أو عضوة أول مره أكلمها بلاقيها خايفه مني و بيكون فيها

نوع من التوسل و لما برد عليه بشكل عادي و بهزر حتى بلاقيه و دايما يقولي على عكس

ما بنحس و ما بنسمع انك منفعل طلعت اليف اهو

فدا يدل على ان الانطباع جاي من فراغ و بدون اي تجربه سابقة

حتى لو حكم عليك من تجربة سمعها ,,انت لو سمعت من طرف واحد اكيد هتحس ان

الطرف التاني هو الغلطان ,,لان مافيش طرف هيحكيلك و هيقولك انه غلطان ,,

الإنسان مهما اقترف لازم بيشوف نفسه مظلوم ,,حتى لو سرق

و أنا بحكم منصبي بيبقى مطلوب مني اني احكم في القضايا

و لما تحكم لازم طرف بيرضى و طرف بيزعل من الحكم

دا شيء بديهي ,,لكن انا عندي ضميري و ربنا يشهد عليه اني بحاول بقدر الامكان كانسان اني اكون محايد و أحكم بعدل

فأنا من ناحية اني اقرب وجهات النظر اعتقد اني كنت برد كتير جدا بشكل موضوعي ,,

بس ممكن ماعدتش بتابع برامج اليوميات خاصة في رمضان

يعني مثلا لما حد يقولي انت بتجامل

هتقوله ايه؟

أو ايه الي هقدر اقربهوله مع اني رديت مثلا قبل كدا على موضوع المجاملات ,و اعتقد ناس

كتير عارفه ان النظام هنا مش بالمجاملات و لا بالمعارف ,,فقط بعملك و نشاطك في

المنتدى ,,أنا تلت تربع المميزين مافيش بيني و بينهم كلام نهائي !! و في نفس الوقت مش

هقدر اعين و اميز الكل و دا وضحته مليون مره

لكن عارف انت تزعل و تنتقد لما مثلا اعين اداري غريب ,,ناس ما تستحقش و ليها

عدد ضعيف من المشاركات الي مالهاش قيمة ,,المجاملات بتبان و بتبقى مفضوحة

و حصلت قبل كدا قبل ما اكون اداري ,,لاقينا عضوة ردودها كلها صور تسلم ايدك

و باقيت مشرفة نقاش و ابو ادهم شالها و حصل خلاف مع اداريين وقتها

س / يمكن انا لاحظت ان مكنش فى اى برنامج انتخابى تم عرضه من المترشحين فى المناظرات ؟

أنا مش حبيت اركز على البرنامج أوي في المناظرة لسبب

هو أني موضح في البداية ان المنصب وظيفته الاساسية التفاعل و الرد على الأعضاء في

الاقسام المختلفة دا الهدف الأساسي و الرئيسي ,الي يجي بعد كدا فهو زيادة من

المرشح ,,عايز يعمل مسابقات و حملات و غيره ,,ومش بقولك ان دي حاجات مش

مهمة بس انت بتشوف قسم صوت الأعضاء مليان افكار و حملات

أنا كنت بدور على الشيء الي ناقص الإدارة بشكل اساسي و هو الرد

عشان كدا ماكنتش بدور على برنامج المرشح بشكل أساسي


[IMG]http://upload.***************************/files7/12994129071.gif[/IMG]

س / يمكن الكلام بعد مشاهدة المناظرات كتر بخصوص تجريح بعض المترشحين فى بعض استغربت من الاسلوب دا فى المناظرات ووالا شايف ان دى من حق اى مترشح ؟

أنا مش شايف ان كان في تجريح بمعنى التجريح

هي مجرة انتقادات و المرشح بينفيها عن نفسه ,,مش معنى انك منتقد بإنك كذا يعني انت

كذا لأ إنت ليك حق الرد و الناس برضو المفروض بتقرا الإنتقاد و ردك

و أنا موضح من البداية ان في مناظرات هتتعمل و المناظرات في أي انتخابات بيبقى

فيها انتقادات للأطراف المرشحة و بتكون قوية

فلازم المرشح يكون متوقع حاجة زي كدا و ان ما توقعش المرادي يتوقع المره الي جايه (هطفش الناس كدا :sml39

س / مش غريبه انك بتقول مكنش فى تجريح مع ان الجميع شاف وقال ان كان فى تجريح فى المناظرات وفى اعضاء زعلت بسبب المناظرات دى ؟

التجريح من وجهة نظري هو انك تسب و تشتم و تقول انت كذا و كذا ,,مش لازم

اقول الفاظ التجريح بتكون عامله ازاي لأن كلنا عارفينها

لكن المناظرة كانت انتقادات

يعني لو هي تجريح يبقى كلام اي منتقد عن الادارة تجريح للإدارة!!

احنا التجريح بنمنعه عن اي حد لكن الانتقاد مسموح بيه

س / من وجهة نظرك الشخصيه كان مين شغال كويس فى الحمله الانتخابيه يعنى حسيت انه مختلف عن المرشحين التانيين ؟ لية ؟

انت و ماتركس

كتنظيم برنامج و أفكار مختلفة

لكن دا مش يقلل من باقي المرشحين

و على فكرة أنا مش صوت في الإنتخابات و سبت الأعضاء هي الي تختار و فضلت

أكون محايد كمنظم للإنتخابات :biggrin:


س / وقت فترة الترشيح ليه تم عدم اعلان النسب لكل عضو اثناء فترة التصويت ؟

ليها اسباب كتير

أولا عشان أعمل حماس بين المرشحين و الناخبين

ثانيا عشان المرشح ما يحسش باحباط

ثالثا عشان أحبط أي محاولة تزوير ,,انت عارف لما تكون النتيجة مكشوفة المرشح بيبص :

ايه دا بيني و بين الخصم 5 اصوات مثلا . فيحاول يجيب الخمسة دول بأي شكل

((مش بشكك فيكم بس بتكلم بصفة عامة))

لكن لما تكون مخفية هو مش هيبقى عارف النتيجة رايحه لفين و وصلت لايه

فالنفرض انه جاب صوتين تلاته غير شرعيين ,,بس هو في النهاية مش عارف هي كام كام

فمش هيتحمس لكدا و ممكن يحس انه فايز اصلا


[IMG]http://upload.***************************/files7/12994129071.gif[/IMG]

س / طيب بعد اعلان الاستفتاء ليه تم عدم عرض الاعضاء الى صوتو لكل مترشح ؟

كنوع من الخصوصية

اصوات الاستفتاء كانت بتتم مراجعتها أول بأول

و الحمد لله ماكنش في تجاوزات

لكن اني اعرض الاصوات أعتقد ممكن يكون في زعل من البعض ,,و دا شيء وارد

فالخصوصية افضل هنا

س / ايه الخصوصيه فى انك تعلن الاعضاء صوتو لمين وايه الى يزعل اى مرشح من عضو صوت لمرشح اخر ؟

بص لو انت مش هتزعل ممكن غيرك يزعل

أنا اقولهالك بصراحة. لو أنا كان اسمي معاكم هحس بشوية زعل و فرح للناس الي رشحوني

دي حاجات بتبقى جوا النفوس ,,مش لازم تظهر لكن في نفسك هتحس ان فلان معاك

و علان مش معاك و بيفضل غيرك

فالأفضل ان يكون في خصوصية عامة

بحيث حتى بعد كدا الناخب مستقبلا يقول رأيه بكل صراحة بدون ما يخاف من أي محاسبة على صوته

س / لو حد من المترشحين طلب مساعدة الادارة فى تنفيذ برنامجه ؟ هيبقى فى اهتمام من الادارة ؟

و دا بيحصل فعلا و لسه رادد على ماتركس في فكرتين طرحهم عليه منهم قسم جديد

هيتم عمله هيبقى فيه مواضيع الشروحات

س / عايزك تقولنا انتا ايه ميزة الـــ 5 كترشحين الى وصلو لمرحله التصويت ؟ وايه عيوبهم من وجهة نظرك ؟

شاعر و اسير الحب

هيتفاعل لكن تواجده الفترة دي مش دائم زي غيره من المرشحين

واد حبيب

نشيط و ممكن أقل واحد في الخمسة بينفعل و اعتقد انه مش بيثير مشاكل نهائي غير نادر جدا

عيوبه ممكن في برنامجه ,,في برامج اقوى من حيث التحضير و التجهيز و الافكار

مورشو

أعتقد كان هيقدم برامج و افكار قوية ,,دا حسب توقعي

عيوبه هو انه صعب كان ينتظم في الرد على الاعضاء بصفة مستمرة لانه من النوعية الي

بتحب تركز في شغل محدد و دا بيناقض الهدف من الاداري المنتخب و هو التفاعل الدائم قبل الافكار

ماتركس

نشيط جدا و متفاعل في اقسام كثيرة من زمان

و اعتقد هيوظف نشاطه بشكل جيد و عنده افكار

عيوبه انه بينفعل بسرعة


[IMG]http://upload.***************************/files7/12994129071.gif[/IMG]


س / تصويت 211 عضو فى الاستفتاء من وجهة نظرك عدد كبير والا قليل ؟ وايه السبب ؟

عدد كويس بالنسبة للمنتدى هنا

و كمان الاستفتاء اتعمل لمدة يومين بس
س / دلوقتى خلاص تم اعلان الادارى المنتخب ياريت توضح للاعضاء هتكون ايه مهامه خلال فترة الشهرين ؟

متابعة الأعضاء

سواء المتفاعلين أو المشاركين أو المشرفين

و يدينا تقرير اسبوعي

هعتمد عليه بدرجة كبيرة في التمييز بالاضافة لآراء المشرفين طبعا

و يتفاعل مع الأعضاء بالردود و خاصة الأعضاء الجدد

و لو في حاجات حابب يطرحها أو اراء اعضاء اي حاجه

س / انتا ممكن تعمل مطلوب ادارى مرة تانيه والا الموضوع كان صعب وفى مشاكل كتيرة ؟
آه هعملها

المرشح ليه انه يفوز مرتين ورا بعض

يعني كمان شهرين هنعمل انتخابات و تصويت بين المرشحين الجدد و نطلع واحد منهم و

بعدين الفائز من المرشحين الجدد هينافس ماتركس لو أعلن رغبته في الترشح لفترة تانية

و هنشوف اذا كان هيقدر يسقطه من الإدارة أو لأ

لسه في حماس يعني :sml39:

س / كالعادة اية رائيك فى اجمد عضو ؟

زي الفل كالعادة

س / تحب تقول ايه لاعضاء منتدى بنات مصر ؟

نتمنى نشاطهم يستمر بقوة

و يبدعوا بافكارهم المختلفة لان روح المنتدى هي ارواحهم

س / وافقت على الدعوة ليه ؟

عشان بتعجبني طريقة ادارتك للحوار


[IMG]http://upload.***************************/files7/12994129071.gif[/IMG]




وبكدا تنتهى حلقتنا النهاردة








اتمنى ان تنال اعجابكم






انتظرونى وحلقة جديدة من







اجمد عضو







تحياتى







morshooo




[IMG]http://upload.***************************/file2/13174136885.gif[/IMG]