حلقات ( اجمد عضو ) مع ( morshooo )

[SplendiD SouL]

:sml39::sml39::sml39::sml39:

نوكومنت

[فــــــــــرح]

نشرة اخبار مفصله
حسستنا ان( اجمد عضو ) بيصنف من خلال خلافاته ومشاكله ..!!
حلقه مهمة جدااا وطويلة جداااا انا خدت فكره بس
وجرجع استمخ عليها قبل ما انام ..


موفق يا احمد

[morshooo]

بسم الله الرحمن الرحيم



اهلا ومرحبا بكم


[IMG]http://upload.***************************/files7/12994129071.gif[/IMG]



وحلقه جديدة من برنامجكم


اجمد عضو


خلال الايام القليله الماضيه كنا كلنا شايفين الاحداث الى كانت


موجودة فى المنتدى وكلنا تابعنا المشاكل والاحداث الى كانت


بتحصل بين الاعضاء ويمكن بسبب الاحداث دى تم تنزيل


قوانيين جديدة تم تنزيلها والى بسببها احب اشكر كلا من ؟


[IMG]http://upload.***************************/files7/12994129071.gif[/IMG]



SiLver Spectra


misho


حنون


على وضع هذة القوانيين .


ولكن ايضا اثناء هذة الاحداث كان فى ايضا احداث سعيدة جدا بالمنتدى


وهى تمييز الاعضاء لشهر اكتوبر ولى كلنا شوفنا حفله التكريم الخاصه بيهم


وعشان دائما اجمد عضو بيهتم بكل جديد بالمنتدى


فالنهاردة هيبقى معايا بعض الاعضاء الى تم تميزهم لشهر اكتوبر .


وكان لازم نعمل معاهم حوار ونعرف منهم ايه شعورهم وايه الى ناويين يعملوة الفترة


القادمه هيبقى معانا النهاردة المتميزين .


عادل طه

عزب المشاعر

تعالو بسرعه ندخل فى الحوار على طول



ولاول مرة من غير عناوين ^_^


[IMG]http://upload.***************************/files7/12994129071.gif[/IMG]




وكمان هنشوف مع بعض الحوار مع الاعضاء



كل حوار منفصل عن الاخر وفى مشاركه



اتمنى الحلقه تعجبكم



تقبلو تحياتى



morshooo


[IMG]http://upload.***************************/files7/12994129071.gif[/IMG]

[morshooo]

تعالو نشوف الحوار الاول


مع المتميز


عادل طه





س / فى البدايه هي مبروك عليكم التمييز ؟

متشكر جدا الله يبارك فيك

واشكرك على التهنئه وعلى استضافتك لى وده شرف كبير ووسام على صدرى

س / ياريت تعرفو نفسكم لاعضاء المنتدى الغالى ؟

اسمى _عادل طه

البلد_ السويس

العمر_ 22 سنه

حاصل على بكالوريوس زراعه

عازب وغير متزوج

وعندى 12 عيل

ههههههههههههههه

بهزر طبعا

س / هنروح لبدايه معرفتكم بالمنتدى ؟ عرفتو المنتدى ازاى ؟

فى الحقيقه معرفتى بالمنتدى جت صدفه

كنت بدور على برنامج ولقيته هنا

وقولت اتفرج كدا على المنتدى واشوف نظامه ايه

بصراحه بهرنى المنتدى ونسيت موضوع البرنامج

وسجلت نفسى فيه على طول اوتوماتك

س / ايه الى لفت نظركم فى بدايه دخولكم المنتدى ؟

فى البدايه لفت نظرى ان فيه الفه بين الاعضاء هنا

وحسيت ان الكل هنا عباره عن اسره واحده متعاونه

وكنت لسه جديد لقيت الكل بيرحب بيه وشجعونى لما كنت بنزل مواضيع فى ردودهم ليه

وبالمناسبه ولله الحمد كل مواضيعى اللى بنزلها

بتكونى اما من صميم افكارى او من واقع الحياه

وبتكون هادفه وعبره وده من فضل الله عليه

مش بحب انسخ مواضيع من مكان تانى

سواء فى العام او المناقشه


[IMG]http://upload.***************************/files7/12994129071.gif[/IMG]



س / كتير مننا بيشترك فى منتديات بس مش بنكمل فيها ؟ اية سبب استمراركم بالمنتدى والاهتمام بالشكل دا ؟

قولت لحضرتك قبل كدا احساسى بأن الكل هنا اسره واحده وده اهم حاجه والدليل

على كدا لما بكون تعبان

وبغيب عن المنتدى بلاقى كم من الرسايل من الاعضاء بيسألوا عن سبب غيابى

واقرب حاجه لما عملت الحادثه الاخيره بعربيتى وبعد رجوعى للمنتدى

حسيت من سؤال المعظم هنا انى فعلا فرد من افراد الاسره كان غايب عنهم

وانا كمان بعمل كدا لو حد عارفه غاب وكدا

بالاضافه بقى لحبيب الكل هنا والشخصيه الظريفه

اخى العزيز طارق المدير العام

شخصيه ظريفه جدا متواضعه تحس فى حوراته مع اى حد ان كل كلامه طبيعى وغير مصطنع وبيحب يطور فى المنتدى


[IMG]http://upload.***************************/files7/12994129071.gif[/IMG]


س / كنتو متوقعين التمييز والا لا ؟ ليه ؟

بصراحه لا مكنتش متوقعه

لانى بدخل المنتدى وانا بعتبره بيتى الثانى

وبعتبر الكل هنا اسرتى الثانيه

بدخل ارد على مواضيع وانزل مواضيع على اساس انى افيد واستفيد وده بيصب مننا كلنا فى صالح المنتدى

زى مثلا فى بيتنا كل واحد بيبقى عايز بيته يكون احلى بيت

كذلك المنتدى بيتنا الثانى عايزينه احلى منتدى

بصراحه وبدون مجامله الكل هنا شخصيات جميله ظريفه

بحس ان فيه تعاون ما بين الجميع

خليه نحل شغاله ليل ونهار عشان تصب العسل بتاعها

وتجمل بيه المنتدى

س / لما عرفتو ان تم تميزكم حسيتو بأيه ؟

كان احساس وشعور جميل بجد

حسيت ان كل مواضيعى ومشاركاتى فى كل هذه المده

لم تذهب هباء يعنى تحس كدا والكل بيباركلك

انك عريس مع ايقاف التنفيذ

تحس كدا انك نجحت نجاح عظيم بالتقدير

النفسى والمعنوى شعور رووووعه بجد


[IMG]http://upload.***************************/files7/12994129071.gif[/IMG]


س / تفتكرو سبب تميزكم ايه ؟

شوف اخى الحبيب

لكل مجتهد نصيب النشاط بتاعك هنا بيكون هو الاساس

والاهم من ده كله ان اخونا طارق والمسؤلين هنا

بيقدروا نشاطك هنا ومواضيعك عشان كدا

بيكافؤك على كدا

وده اعتقادى

س / ايه الاقسام الى بتهتمو بالتواجد فيها دائما ؟


المواضيع العامه

والمناقشه والنكت دول فى الاول

وباقى الاقسام بكون مجرد ضيف فيها بشاهد المواضيع وبرد على بعضها

س / ايه عيوب الاقسام دى من وجهة نظركم ؟

شوف عزيزى

الاقسام كلها مفيهاش عيوب

وزى الفل كأقسام لكن لو طلع فيها عيوب

بيبقى مننا نحن ومن غير ما نقصد طبعا


[IMG]http://upload.***************************/files7/12994129071.gif[/IMG]


س / تفتكرو التميز الى حصلتو عليه من الادارة بدايه طريقكم للاشراف ؟

هو ممكن بدايه طريق الاشراف لغيرى اما انا فلا

اولا لانى فعلا عمرى ما فكرت ولا هفكر فى الاشراف

مش هروبا من مسؤاليه طبعا

وثانيه بحكم شغلى مينفعش لان المفروض

الاشراف عايز تفرغ كامل

س / لو اطلب منكم تختارو قسم تشرفو عليه هتختارو قسم ايه ؟

منا لسه قايل لحضرتك انى مش بفكر ولا هفكر فى الاشراف

نظرا لظروفى بس بصراحه وبدون مجامله كل الاقسام جميله

س / الفترة الجايه هتعملو ايه فى المنتدى خاصه بعد التمييز ؟

هواصل نشاطى المعتاد ان شاء الله وهحاول ابتكر حاجه جديده واعرضها على السيد المدير

اولا ثم على اخوانى واخواتى المشرفين والمشرفات

وربنا يقدرنى على ذلك

س / حاطين قدامكم مكان معين بالمنتدى توصلو ليه يعنى مثلا ( الادارة - المراقبه - الاشراف ) ؟ طبعا الوصول لهدف معين مش عيب ومش عيب ان يبقى طموحكم الادارة ؟

لالالالالالالالالالا اطلاقا والله

س / ايه رائيكم فى اجمد عضو ؟

فى الحقيقه شدنى اسم البرنامج

وشدنى اكتر محاور البرنامج لانه محبوب من الجميع وشخصيه لامعه هنا عشان كدا

وافقت بسرعه بالاضافه

انها فكره جميله جدا جدا وبتشجع باقى الاعضاء

انهم يجتهدوا اكثر عشان التميز وعشان يحصل ليهم الشرف ويجوا فى احلى واجمل برنامج( اجمد عضو)

س / كنتو متوقعين الدعوة للتواجد بأجمد عضو ؟

اطلاقا وكانت فعلا مفاجئه جميله وبادره اجمل من شخصيه زى حضرتك


[IMG]http://upload.***************************/files7/12994129071.gif[/IMG]


س / اخيرا انتو وافقتو على الدعوة ليه ؟

لان ده شرف كبير ليه ووسام على صدرى

وعاجبنى اسم البرنامج والمحاور بتاعه اللى هو حضرتك طبعا

واخيرا اشكرك اخى الحبيب على دعوتك ليه والاستضافه الروعه دى واتمنى انى

اكون كنت ضيف خفيف عليك

وعلى اخوانى واخواتى اللى ان شاء الله هيشرفوك ويشاهدوا هذا الحوار


[IMG]http://upload.***************************/files7/12994129071.gif[/IMG]

[morshooo]

ودا الحوار الرائع مع

عزب المشاعر

س / فى البدايه هي مبروك عليكم التمييز ؟

فى الاول انا عايزه اقولك شكرا ليك يامورشو على اهتمامك بتميز الاعضاء

الله يبارك فيك ميرسى

س / ياريت تعرفو نفسكم لاعضاء المنتدى الغالى ؟

:yuck: بنت جدعة اوى وطيبة عاطفية وحنونة ايجابية ببعد دايما عن اللامبالاة والسلبية

شخصيتى قوية واثقة من نفسى اوى وكمان معرفش اجامل عنيده حساسة جدا بزعل

بسرعة بس بروق بردو بسرعة عندى طموح فى الحياة عندى اصرار احققه ده تحليلى الشخصى باختصار

[IMG]http://upload.***************************/files7/12994129071.gif[/IMG]

س / هنروح لبدايه معرفتكم بالمنتدى ؟ عرفتو المنتدى ازاى ؟

يووووه المنتدى ده له حكاية غريبه اوى معايا ودى اول مره اتكلم عن حاجه زى كدا

بص فى البدايه كنت بعمل search عن منتدى يكون مصرى فاااالقيت منتدى

بنات مصر دخلت من غير تسجيل فى الاول عجبنى اوى افكاره سجلت فيه وقتها

مكنتش لسه اتعرفت على اى حد فيه وبعدها على طول حصل عندى ظروف

وفاة بابا حبيب قلبى الله يرحمه غبت فتره عن المنتدى ومكنتش بدخل خالص لانى

مستحملتش الصدمة مرضت وبعد كدا الحمد لله صحيت بعدها بفتره حسيت ان لازم

اساعد نفسى واخرج من الحاله اللى انا فيها ودايرة الحزن دى اثرت فيا فكرت ان

ادخل المنتدى من تانى افيد واستفيد واغير من جو حياتى ونفسيتى شويه وبالفعل رجعت

من تانى وابتديت وحده وحده اتغير وافوق من الصدمه العصبيه المنتدى بقى غير

جوايا حاجات كتير وابتديت ارجع لنفسى من تانى واهوه الحمد لله بقيت احسن من الاول

س / ايه الى لفت نظركم فى بدايه دخولكم المنتدى ؟

التعاون بين الاعضاء وروح المنتدى خفيفة كدا انا بعتبر المنتدى زى الاماكن مكان يضمك

ومكان ينفرك وده بالظبط اللى حسيته فى المنتدى بالانتماء

س / كتير مننا بيشترك فى منتديات بس مش بنكمل فيها ؟ اية سبب استمراركم بالمنتدى والاهتمام بالشكل دا ؟

افكاره مميزه ومنتدى شغال معظم الاعضاء والاداره والمراقبين والمشرفين معانا بيعتمدو

على مجهودهم وكلنا بنكمل بعض

س / كنتو متوقعين التمييز والا لا ؟ ليه ؟

اكيد كنت متوقعه ده لانى نشاطى ملحوظ ومتعاونه

س / لما عرفتو ان تم تميزكم حسيتو بأيه ؟

حسيت بفرحة جهنميه :biggrin:

س / تفتكرو سبب تميزكم ايه ؟

اكيد لانى بحاول على قد مااقدر انزل افكار جديده ومميزه لها مضمون ومعنى وكمان

لانى بتفاعل مع الاعضاء فى مواضيعهم وده لانى علاقاتى كويسه الى حد ما مع

الاعضاء حتى لومش اعرفهم

[IMG]http://upload.***************************/files7/12994129071.gif[/IMG]

س / ايه الاقسام الى بتهتمو بالتواجد فيها دائما ؟

كل الاقسام بدخلها بس الحقيقة فى بعض الاقسام كدا مش بدخلها مش علشان اقسام

مش شغاله لاء بالعكس كل الاقسام تمام بس انا عندى دايما ميول واهتمام اكتر

لقسم النقاش والتنمية البشرية والمواضيع العامه دى الاقسام اللى بقدر استفيد منها

وكمان لانها بتعتمد على المواضيع الهادفه اكتر لكن فى النهايه الاقسام كلها فيها جديد

وبتعجبنى وبغير فيها من الروتين اليومى اللى بدخله فى الاقسام الجاده

س / ايه عيوب الاقسام دى من وجهة نظركم ؟

انا ليا تعليق بس على قسم النقاش وده لسبب منطقى ان فى بعض الاعضاء ومش كلهم

معانا اعضاء ماشاء الله عليهم عندهم خبرة كويسه اوى لكن انا بتكلم عن الجانب

اللى بيدخل ويكتب شكر على كتابة الموضوع وخلاص وده مينفعش القسم ده

بالتحديد محتاج كلنا نقول راينا فى طرح الموضوع اومشكلة ما ونناقش فيه خلينا نبقى

ايجابين نمنع ندخل ونكتب كلمة موضوع رائع والكلام ده مفيش مانع نكتبها بس

يكون بعد الراى لان الاراء كلها هنستفيد منها ونحاول نوصل لراى ايجابى مقنع

ونعرف افكار بعض والدماغ فيها ايه شغاله ولا فاصله

س / تفتكرو التميز الى حصلتو عليه من الادارة بدايه طريقكم للاشراف ؟

ليه لاء كل شىء ممكن

[IMG]http://upload.***************************/files7/12994129071.gif[/IMG]

س / لو اطلب منكم تختارو قسم تشرفو عليه هتختارو قسم ايه ؟

لو اطلب منى بص كل الاقسام تمام بس لوفكرت ممكن اممممم قسم التنمية البشرية

س / الفترة الجايه هتعملو ايه فى المنتدى خاصه بعد التمييز ؟

اكيد التميز بيرفع من الروح المعنوية للعضو خصوصا لما اكون استحق الفتره اللى

جايه هيكون فى اصرار على تميز اكتر وكمان اصرار على نجاح المنتدى وعلى تميزى

شخصيا واثبات كفاءتى

س / حاطين قدامكم مكان معين بالمنتدى توصلو ليه يعنى مثلا ( الادارة - المراقبه - الاشراف ) ؟ طبعا الوصول لهدف معين مش عيب ومش عيب ان يبقى طموحكم الادارة ؟

بص يامورشو الانسان بيخد السلم وحده وحده من اوله مش بيتسلق السلم من اخره بس

ده بردو ميمنعش اننا نتميز ونوصل للمركز الاول وهى الادارة بس انا اقصد يعنى

البداية دايما بتبتدى من الاشراف مش من الادارة بص انا دايما بنؤمن بالمقولة اللى

بتقول "ضع الانسان المناسب فى المكان المناسب" يعنى فى اعضاء مجهودهم اعلى

منى وهما اقدم منى اكيد هما لهم الاولوية بالمراقبة او الادارة ودى لازم يكون كل

مافى المنتدى دارس خبرة وكفاءة العضو المرشح للادارة يستحقها ولا لاء واكيد لازم

يكون فى خبرة اكتر ودى بنخدها مع الوقت والاستمرار ودى حاجه متزعلش حد يعنى

لما هفكر هفكر فى الاشراف ودى البداية

س / ايه رائيكم فى اجمد عضو ؟

برنامج كويس جدا واكتسح الشاشة وكمان برنامج شغال بيعجبنى من ناحية الاسلوب

فى طرح الاسئلة وكمان اجابات الاعضاء بتميل للصراحه يعنى هو برنامج مكمل

نفسه وناجح

[IMG]http://upload.***************************/files7/12994129071.gif[/IMG]

س / كنتو متوقعين الدعوة للتواجد بأجمد عضو ؟

الحقيقة لاء

س / اخيرا انتو وافقتو على الدعوة ليه ؟

ايه يامورشو :biggrin: شوية وهتقولنا انتو جيتو ليه

اكيد علشان بحب التواصل دايما مع الاعضاء وعلى تواجدى فى برنامج ناجح ومحبوب

اسعدنى استضافتك ليا يامورشو ميرسى اوى

[IMG]http://upload.***************************/files7/12994129071.gif[/IMG]

[morshooo]

وبكدا تنتهى حلقتنا النهاردة







اتمنى ان تنال اعجابكم





انتظرونى وحلقة جديدة من





اجمد عضو





تحياتى





morshooo




[IMG]http://upload.***************************/files7/12994129071.gif[/IMG]

[مِسكُ الشَهادة]

السلام عليكم ...
حلقة جميلة جدا ً ورائعة
الأخ عادل طه إنسان مميز وأنا بحترمه وبقدره
كأخ وصديق وأختي الفاضلة عذب المشاعر
( علا ) إنسانة محترمة لأبعد الحدود فرضت إحترامها
ع الكل ...كل الإحترام ليكم وإنتوا بتستحقوا التميز بجدارة والله
وأشكرك أخي الحبيب أحمد ع هذة الحلقة المميزة
دمتم بألف خير

[ماتركس]

حلقه جميله

اول احب اقوال الف مبروك علي تميزك يا عادل طه

والف مليون مبروزك علي تميزك يا عذب المشاعر ومن تميز لتميز

ومنورين الحلقه بجد واتعرفنا عليكم اكتر ومنتحرمش منكم يارب

نورتووو

[beauty angel]

حلقة جميلة واستضافه مميزة يامورشووو
أولا ألف مبروووك على التميز عادل وعذب المشاعر
دائما بقول ان التميز هنا ليهـ شعور خاص جدا غير اى ترقيه بعد كدهـ ،،
احساس رائع بجــد
نورتوا الحلقة اجاباتكم جميلة وتلقائية
وان شاء الله من تقدم لتقدم
ميرسى يامورشوو على المجهود
دوام النشاط

[ندى الجورى]

حلقة فى منتهى الابداع و الروعه
عادل طه و عزب المشاعر الاتنين احلى من بعض والله
شخصيات رااائعه بتعرف عليها كل يوم
فعلا برنامجك رااائع يا مورشو و اتمنى انه يبقى دايما مميز
و البقاء لله يا عزب رغم انها جت متاخر اوى طبعااا
انا فعلا اتعرفت عليكى دلوقتى و بتمنى لك كل التوفيق
و عادل طه عضو مبدع فعلا و مواضيعه رائعه
شكرا ليك يا مورشو دايما بتقدم حاقات رااائع جدا

و اخييرا و ليس اخرا احب ابارك لعادل و عزب على التمييز الف الف الف مبروووك
يارب دايما تكونوا مبدعين و مميزين و توصلوا لاعلى اهدافكم يااارب
منتظرين منك حلقة جامده يا مورشو كالعاده طبعااا