حلقات ( اجمد عضو ) مع ( morshooo )

[شفق القمر]

وايات تانية كتير بس انا اكتفيت بعرض هذه الايات فقد

[SiLver Spectra]

الآيات مالهاش علاقة بكلامك
فين الآيه الي بتقول ان المسيحيين ما يبنوش كنائس؟
و هاتي اي دليل بيؤكد دا
لكن الايات الي ذكرتيها مالهاش اي علاقة بكلامك العنصري
دي حاجه ,,حاجة تانية في حاجه اسمها اسلوب الحوار
تفتكري الاسلام لو كان انتشر بالمنظر دا و بطريقة التكفير و الكره كان حد دخل فيه!!
عارفه اكيد قصة الحبشة
لما الرسول و الصحابه هاجروا للحبشة بسبب كفار قريش و راحوا لملك الحبشة النصراني الي استقبلهم كويس و امنلهم المكان
تفتكري لما قابلوه قالوله ازيك يا كافر!!
و لا قابلوه كويس و ذكروله آيات عن النصارى كويسه ؟

لازم تكوني عارفه انتي بتقولي ايه و لمين
مش فجأة تحصل فتنة و نقول ايه سببها!!
سببها هو الكلام الي بتقوليه دا الي بينشر كره و تعصب و بالتالي بتولد ردة فعل في الطرف الآخر
فكرك مثلا مش عارفين الآيات الي ذكرتيها؟
عارفينها بس الفرق بينا و بينك اننا عندنا اسلوب الحوار و انتي مش عندك غير الكره
قوليلي كدا الي استفدتيه من كلامك دا؟
غير انك بتنشري الكره و العنصرية , بمعنى انك كدا بتضري دينك و بلدك اكثر مش بتفيديه و لا بتنصريه
النصر بيكون لما بتحبب غيرك في دينك ,,و كلامك دا مافيش فيه اي تحبيب ,,فيه كره فقط
المسيحيين دول مش ناس اجانب و لا عمالة وافدة ,,دول جزء من نسيج الوطن
لو مافيش كلام عن الخير عندك فالافضل انك تسكت

[عذب المشاعر]

مورشو
احب احييك على الحلقه دى بجد متميزه وعرفتنا على شخصيه محترمه جدا وله كل الاحترام والتقدير
كبرياء رجل
انا حابه اوجه لك كلمه كلنا بنؤيد مصر مسلم ومسيحى مفيش تفرقه واى كلام غير ده غير منطقى
بيكون ناتج عن ناس بتحاول تعمل فتنه سواء من مسلم او مسيحى علشان كلامى يبقى على
مستوى الجميع ودى ناس بتركب الموجه ومتعرفش يعنى ايه بشر يعنى ايه الدين المعامله
وبالنسبه لمتطلباتك او متطلبات الاقباط ككل
فاانا حابه اقول كلمه وهى دى الحقيقه المفروغ منها
فى بعض النقط متفقه معاك فيها والبعض الاخر ليا تعليق بسيط كدا ارجو قبول كلامى بصدر رحب

الطلب الاول
حريه العقيده المواطنه
ودى حاجه اكيده ومن حقكم ان يكون فى اطار من الحريه فى العقيده
الطلب التانى

انشاء دور عباده

نفس الاجابه من حقكم

الطلب التالت
عدم تهميش الاقباط في المناصب العليا وغيره
كبرياء رجل انا احترم وجهة نظرك او وجهة نظر الاقباط كلها بس الاقباط مش مهمشين
وده طلب صعب تطبيقه صعب لسبب وده مش كلام بقوله وخلاص لاء كلامى بناءا على مضمون وواقع مفروغ منه ( مصر) دوله اسلاميه يعنى لابد من تطبيق الشريعه الاسلاميه
لازم السلطات تكون مسلمه يعنى مينفعش تطبيق الدين المسيحى فى مصر وارجو تقبل كلامى بصدر رحب بس كلنا عارفين مصر دوله اسلاميه مش قبطيه وده طبعا ميلغيش حريتكم ولا يمسكم فى ضرر بالعكس لو رجعت للقرون الاولى فى مصر هتلاقى القبطى دفع جزيه مقابل انه يعيش فى مصر وده كلام موثوق منه مش من فراغ

كما يدرس الدين الاسلامي لكل الاطفال في المدارس
سواء مسلم او مسيحي يدرس الدين المسيحي

طب مهو فى تدريس فى المدارس الدين المسيحى انت تقصد مكان صح
لوتقصد المكان او فصل طبعا من حقكم وبشده ده حتى من قبل الثوره
ولما كنت فى المدرسه كنت بستغرب ليه ميكونشى فى فصول لتدريس
للدين المسيحى بس ده دور الحكومه

او يلغوا الاثنان

كبرياء رجل
انت لولغيت دراسة الدين الاسلامى يبقى كدا بتقضى على مصير مصر
وكمان نفس الكلام على الدين المسيحى لازم تدريسه فى المدارس
مصر مش هتكون اقوى الفتره الجايه غير بالايمان بالله ورسوله
احس فى كلامك عبارة ان مصر تكون بدون هويه وبدون ديانه
يعنى ايه طالب مش بيدرس دينه فى المدرسه هيكون فى تشتت دينى
من الطرفين

الغاء مسلم او مسيحي من البطاقه

دى حاجه مفيهاش ضرر لكم ولا لنا

يعنى هى مجرد تكميل بياناتك الشخصيه او هويتك
بدون هويه ولما نلغى اسم الديانه من البطاقه
هتكون البلد فى خطر جسيم جدا
مصر مش هتكون وقتها مسلم ومسيحى بس لاء هيكون اليهودى او ... او....
وكتير من الاديان يعنى الاجيال الجايه هيختلط عليهم الامر وهتختلط الاديان والانساب والذريه وده مينفعش لازم كل انسان يلتزم بدينه وتعرف هوية غيرك انسان بدون بطاقه ذكر ديانته فيها
انسان بدون هويه
انسان بدون معرفة دينه
صعب وده مش لصالح الجميع
مسلم _ مسيحى

عدم التعدي على الكنائس

بالتاكيد التعدى امر غير مرغوب فيه والللى حصل ده كانت فتنه

عدم تواطئ الحكومه في ما يخص الاقباط

سواء من متطلبات

او من احكام

ازاى مصرى ميطبقش عليه الاحكام او المتطلبات

مش انتم مصريين زى مالكم حقوق عليكم واجبات

اكيد لو انتم كنتم حاسين انكم مضطهدين من الحكومه

وانكم كنتم بتتعاملو معامله غير المسلمين تاكد ان ده مش صحيح

بدليل ان الاخوان المسلمين كانو بيعتقلو فى السجون
يعنى كانت المعامله واحد ه مش متجزئه
كلمه اخيره
فكرو فى اللى جاى خلاص زمن الاهانه انتهى
ابدؤ معانا من جديد رجعو الثقه من جديد
مسلم مع مسيحى
ايد واحده

شعار واحد

حرية اديان

اسفه للاطاله بس حابه اطرح وجهة نظرى

ارجو تفهم مضمونها

مع ارق تحياتى

[misho]

قريت الردود وليا رد للعضوة شفق القمر
انتي جبتي أيات من القرءان و فسرتيها واستشهدتي بيها
و هي فعلا من القرءان لكن فين روح القرءان
و فين الايات دي

"لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون"

"لا اكراه في الدين قد تبين الرشد من الغي "

"لكم دينكم ولي دين"


في كلامك قلتي ان مينفعش يبقي فيه كنايس في مصر
علي اساس ان دي مش بلدهم برضه اللي عاشوا فيها هما واجدادهم
و حرية بناء دور العبادة مكفول لجميع الاديان
و دة مش هيتعارض ابدا علي كوننا دولة ماشية علي الشريعة الاسلامية
و عايزة افكرك بالعهدة العمرية
و لو متعرفيهاش هقولهالك
الفاروق عمر بن الخطاب خليفة المسلمين و احد العشرة المبشرين بالجنة
و احد صحابة رسول الله -ص- و اللي اتمني الرسول انه يدخل الاسلام
لما فتح بيت المقدس _اللي اهلها كانوا نصاري _
أعطي الامان لأهل بيت المقدس و قال العهدة العمرية المشهورة
"فلا تسكن كنائسهم و لا تهدم و لا يكرهون علي دينهم و لا يضار منهم احد"
اداهم الامان في كنائسهم و صلبانهم و اموالهم و اداهم الحرية
لو فعلا مينفعش نبني كنيسة في بلد هيحكمها الشرع الاسلامي
كان اولي بسيدنا عمر انه يهدم كل الكنائس بمجرد دخوله بيت المقدس
و اظن انه يدعي الفاروق !!
و برضه زار كنيسة في بيت المقدس و لما دخل وقت صلاة الظهر
اول من قاله انه يصلي لان الظهر أذن كان قـس
و قاله يصلي في الكنيسة لكن سيدنا عمر رفض
ولسبب واحد فقط حتي لا يتخذها المسلمين من بعده مسجد لهم
ودة اكبر دليل ان الاسلام احترم الاديان الاخري وكفل ليها العبادة بل وحماها ايضا
و طبعا شئ مرفوض ان اي دين يتهاجم سواء اسلام او مسيحية
و مش كل المسيحين عندهم العنصرية و كره الاسلام
ولا برضه كل المسلمين عندهم عنصرية وكره للاديان الاخري
الرسول -ص- تعايش مع جاره اليهودي و كان بيسال عنه لما يغيب
و تزوج من مارية القبطية
كل حاجة في الاسلام واضحة لكل اللي هيشوفها بقلبه و فطرته
الاسلام تسامح مش عنصرية

[حنـــــون]

على فكره انا عزراكى لان واضح جدا
من كلامك انك سنك صغير ومش قادره تستوعبى
مدى خطورت الى بتقوليه
ياحببتى الايات الى انتى جيبها دى مالهاش اى علاقه
بحقوق انسان عايش فى بلده لو كل واحد اتخذ اسلوب
دا مش على دينى يبئه احرمه من انو يعيش
الدنيا تبئه غابه واعتقد الدين وظفته الاول هيا اعطاء
كل زى حق حقه وحتى انتى لو فسرتى الايات الى انتى جيبها
هتلاقيها كلها بتنهى الامر كله ان ربنا بس هو الى من حقه يكفر ويعذب
ويقول مين هيدخل الجنه ومين لا
وبعدين انتى بتستشهدى بايات نزلت فى مواقف واحداث معينه
انتى كد عملتى زى الى قال ايه ولا تقربوا الصلاه وراح ساكت
ما كملش الايه
مشكلتك انك بتكلمى من غير وعى ودرايه كافيه
وانصحك انك قبل ما تكلمى تقرى وتفهمى كويس
لان للاسف كلامك دا كلامى عنصرى مش بيادى غير لطريق الكره وبس
وانتى لسه صغيره عشان يكون دا مفهومك للحياه وللدين
ربنا يهدى الجميع

[كبرياء رجل]

اولا شكر خاص الى المدير العام
لردوده المميزه في الموضوع
شكر الى الاخت حنون
على حكمتها وعقلها الناضج
شكر الى الاخت ميشو
على عودتها والرد مره اخرى
ومعلهش لو ازعجتكم معايا
انا كده مكان ما بروح ببقى قلق شويه
والحقوا مارشو عشان بيدور على حد تانى في المنتدي مسيحي
ربنا يستر


ابدي اعجابي بكل الردود في اموضوع سواء مع او ضد
سعيد لنشاط الموضوع ونسبه كبيره من الاعضاء
واالمشرفين والمرقبين والاداره
عبرت عن رايها
اخيرا شكر خاص الى الاخ مورشو على الحلقه الجميله
والاخ واد حبيب والاخ جراح المشاعر على ردودهم
ومن هنا تبدا رحله الرد على تعيقاتكم
تحياتي لكم

[كبرياء رجل]

اقتباس المشاركة الأصلية كتبت بواسطة silver spectra انت طلعت قبطي!! لا احنا نشيل منك عضوية التميز:biggrin: حوار رائع يا كبرياء رجل و يا مورشو و سعيد جدا بحضورك يا كبرياء (معلش مش عارف اسمك) و نتمنى الخير دايما لبلدنا,,

خدها يا عم شهاده التقدير لسه عندك
انا سعيد ان الموضوع يعرفني على شخصيات محترمه
واسمي ايه ايه
تصدق نسيت
شكرا اخ طارق على مرورك وعلى خفه ظلك
تحياتي لك

[كبرياء رجل]

اقتباس المشاركة الأصلية كتبت بواسطة واد حبيب تسلم يا مروشو علي الحلقه الجميله وكبرياء طبعا منور الحلقه بس عوز اقول حاجه كبرياء رجل من احسن الناس اللي عارفتهم هنا في ****************** فعلا يا مروشو والله مفيش فرق خالص من مسلمين واقباط كلنا دم واحد ومن بلد واحده هيه مصر انا عرفت كبرياء من المنتدي وعرفت من اول يوم انه مسيحي بس والله من احسن ما عرفت هنا انسان بمعني الكلمه واحترامه فوق ما تتخيل وممكن يعمل كل حاجه علشانه ولو عوزت اي حاجه تطلبها منه عمره ما يتاخر عنك وتقعد معاه انسان فوق متتخيل من الصدق وصاحب صاحبه بجد كلنا واحد ومفيش فرق بين مسلم ومسيحي ابداااااااااااااا وان شاء الله يهدي الامور في مصر وترجع زي الاول واحسن تسلمو علي الحلقه الجميله الحبيب

والله يا اخي احرجتني بكلماتك الرائعه
وبجد مش عارف ارد عليك اقولك ايه
واذا كنت انا كده معاك فادبك وزوقك
يجبرني اني ابقي معاك كده
سعيد جدا لمرورك وكلماتك الرائعه
دمت بود الاخوه دائما
تحياتي لك

[كبرياء رجل]

اقتباس المشاركة الأصلية كتبت بواسطة ♥ حـــــنــون ♥ حلقه مميزه كالعاده يااحمد حوار جميل جدا اكتر كلمه عجبتنى وبصراحه جابت اعماق الموضوع ان لو كل انسان متدين على حق عمره ما هيضر اى حد مسلم بئه ولا مسيحى وبعدين فى حاجه احنا مش ربنا عشان نصنف الناس ونقول المسلم كويس والمسحيى معرفش ايه او العكس ربنا بس هو الى هيحاسب كل الناس انما المفروض اعامل الى قدامى على حسب افعاله وتصرافته معايا او فى المجتمع فى النهايه كل الى بيحصل دا بسب غباء فى تصرفات الحكومه ومش من انهارده دا من زمان معملتهم الغبيه دى وافكارهم وطريقه ادارتهم للامور هيا الى وصلت البلد لكدا بس ان شاء الله كل دا هينتهى قريب اكييييييييد طول ما مصر بيحميها المصرين سواء بئه مسلم ولا مسيحى كلنا مصرين فى النهايه بشكرك يااحمد ع الحلقه ونورت يا كبرياء رجل تحياااااااتى

سعيد جدا لتعرفي على شخصيه محترمه وخلوقه
زي حضرتك وصدقيني يا اختي والله
انا زعلان على البلد اكتر ما زعلان على اللي ماتوا
شكرا لردك الرائع
تحياتي لكي

[كبرياء رجل]

اقتباس المشاركة الأصلية كتبت بواسطة نانـــــو اولا اتمنى ان الموضوع يعدى على خير وان شاء الله هنعرف مين السبب وراء ذلك بس تعليقا على نقطة فى برضه كتير اووى من الجيش انصابوا وفى مات كمان منهم يعنى مش المقصود هو قتل الاقباط فقط ولكن المقصود هو زرع فتنة ليس اكثر وربنا يرحم جميع امواتنا يارب

هو فعلا المقصود زرع الفتنه
لمصلحه مين الله واعلم
بس عاوز اعرف قد ايه مات من الجيش
مقابل العدد اللي مات من المسحيين
شكرا لمرورك اختي تحياتي لكي