حلقات ( اجمد عضو ) مع ( morshooo )

[كبرياء رجل]

	المشاركة الأصلية كتبت بواسطة الإسلامبولي

	لكل الأعضاء ومن يُشاهدنا ولك أخي المصري الغالي ( كبرياء رجل ) أحييكم بتحية الإسلام ( السلام عليكم ورحمة ُ الله وبركاته ) مصر وطن لكل المصريين مسلمين ومسيحيين عُمرنا ما فكرنا أن هذا الشاب مسلم أو مسيحي عُمرنا ما نظرنا نظرة سلبية لشاب لدينه تربينا كمصريين ع أن مصر وطن ليس للمصريين فحسب إنما لكل زائر يريد ُ لها الخير والصلاح والشاب المصري الواعي هو الذي يضحد الفتن ويُحارب الفساد بكلمة بموقف بالقوة المهم أن يكون هناك محاربة للفساد ودرء ً للفتن ... وطننا كنز غالي يُحاول الكثيرين الحصول عليه بالإيقاع ما بين ذاك الشعب الذي كنا نرى فيه المسيحي يتقاسم رغيف العيش مع جاره المسلم كنا نرى ذاك الشاب المسلم الذي يصطحب صديقه المسيحي لنزهة أو لرحلة أخوية ومحبة وطنية ثم يفترقان للحظات من أجل ِ عبادة الله أحدهما يدخل المسجد والآخر الكنيسة ثم يُعاودان سيرهما ... كنا نرى وما زلنا وسنبقى لكل هذة الإمور ... أنا كشاب مسلم أعتز بإسلامي الذي علمني أن حترم كل الديانات والأطياف الذي علمني أن لا أكره أحد ع دين أو دنيا علمني أن المسيحي أخا ً لي وليس عدوا ً أنا أقدر لك تلك الإجابات النيرة التي تُعبر عن تلك الأخلاق الرفيعة ولكن إعلم أمرا ً أخي الفاضل :_ أن سقوط الشهداء سواء مسلمين أو مسيحيين هو كرب ٌ يُصيب الجميع ومصاب ٌ للوطن فأنا أبكي دما ً إن فارقني إبن وطني شهيدا ً بغض النظر عن ديانته ... وكذا كل فئات شعبنا سوى قلة تريد لهذا الوطن أن يغدو كجهنم والعياذ بالله من فتن وشقاق ...تريد أن تصنع مؤامرتها في كل القلوب ولكن شعبنا المصري واعي وعظيم يُدرك من معه ومن ضده بمسلميه ومسيحيه ... الإختلاف أمر طبيعي ... فكل دين يوجد إختلافات حتى في أركانه فكما عندنا سُنة وشيعة فعند المسيحيين بروتستانت وكاثوليك فما بالكم ما بين الديانات نفسها ... نحن كمصريين ننظر فقط لمصر الأم والوطن والهوى والهوية ولا ننظر لمسلم أو مسيحي ... بالنسبة لماسبيروا لم يكن الخلاف ما بين الأقباط والحكومة لا ... إنما ما بين المصريين الشرفاء وثُلة الغدر التي لا تريد لوطننا الغالي الرخاء والسلام ... بالنسبة لتعقيبك ع علاقة الإخوان المسلمين بالأقباط هي علاقة متينة ورائعة جدا ً وفي حزب الإخوان السياسي نضم أقباطا ً وهناك إمور سابقة ولاحقة لتوطيد العلاقات أكثر ولكن أنوه لك لامرا ً ما ... الدين لم ينحصر في الإخوان وحدهم لا سمح الله الدين مفهوم واسع وشامل ونحن شعب متدين بمسلميه و مسيحييه ولا يوجد أحد منا يُنكر ذلك فالإخواني والليبرالي والقبطي هم سواء طالما أن هدفهم رفعة الوطن وحمايته أنا أقدر أخي الذي يقف مع وطني وشعبي وإن كان قبطيا ً وأنبذ من يقف ضد وطني حتى وإن كان مسلما ً والعكس كذلك ,.. هكذا تربينا وع هذا نربي ابناءنا ... كلنا واحد ... من يجلب الضرر لأخي القبطي هو يجلب الضرر لي ولوطني وكذا العكس الدين مفهوم حياة ودين آخرة وليس دنيا فحسب وعندنا في الإسلام عقيدة وشريعة ومعاملة فأنا كمسلم إن حكمت مصر دولة ً فلا أنظر لها إلا بعين العدالة والمساواة شعبا ً دون النظر لطائفة أو دين ٍ وحزب كنا في عهد ِ حبيبنا محمد ص الله ع وسلم سواء وتسامح وإخاء ومحبة ومودة الإنسان المتدين سواء مسلم أو مسيحي عليه أن ينظر لزاوية الدين من مختلف جوانبها وأهم سماتها توطيد العلاقات الفكرية والمذهبية ونشر التعاون والتسامح ليبقى الوطن للجميع والدين لله أشكرك أخي أحمد ع حلقتك المميزة

الاخ الخلوق خالد
طبعا جذبت انظار الكثيرين من المنتدى
باخلاقك الرفيعه وحسن ردودك
وعقليتك المميزه
يمكن انا قولت يا اخي اني بامانه زعلان على بلدي اكتر ما زعلا على الضحايا
نفسي بلدي طبعا تبقي احسن بلد في الدنيا
وده مش هيبقي غير بتوحد شعبها
مهما اتغيرت الحكومه مش هتقدر تغير حاجه في البلد
عشان دائما حظنا سئ في الحكومه
والكويس هو اللي يمشوه
ربنا يعدي الايام دي على خير
اشكرك لحسن ردك
دمت بخير تحياتي لك

[كبرياء رجل]

	المشاركة الأصلية كتبت بواسطة arco baleno

	الضيف منور واول مره اعرف ان معنى قبطي مسيحي وهم لهم حق طبعا لان هذا دينهم وهذي عقيدتهم لا هم ضالينا ولا احنا ضالينهم ومن حقهم يعبدو وتعبدو لان هذا دينهم وهم رضيين فيه واحنا لنا ديننا ورضيين فيه وبنسبه الى اختي شفق انا معاك في نقطه وحده هو احترام الدين وعدم التعدي على سيد البشريه محمد صلى الله عليه وسلم وعدم شتم الدين لانه دين منزل من عند الله ________ لكن نتيجه الشتم يا اختي ولا تعتبريه هجوم لااااااا لكن تحليل منطقي هم حسو بالظلم بالقهر ان المسلمين عندهم مساجد وهم ماعندهم مكان يتعبدو فيه فهنا تنتج شراره الكره والغيره ويشتمو لانهم لم يجدو الامان في بلادهم اذا اين سوف يجدوه ؟؟؟ اين العدل هناك خطوط حمراء لا احد يتجاوزها وهي ديني لي ودينك لك وكل واحد مقتنع بعقله وراضي به ونقطه قتلهم الى البنت التي اسلمت شي طبيعي عارف ليه ؟؟؟؟؟؟ لو بنت مسلمه اتنصرت راح يعملو فيها ايه ؟؟؟ قطع بالسيف او رجم حتى الموت لانها ارتدت عن دين الاسلام لذلك لازم نحكم بالعدل والانصاف ولازم كل مسلم وكل مسيحي يحترم ديانه الاخر لان دينهم ماياثر على ديننا طوال ما احنا مقتنعين بديننا وهم نفس الشي الحلقه المفقوده هي العدل والانصاف والاحترام الى الديانات لان الانسان لايهدي من احبب بل الله يهدي من يشاء اتمنى لكم التوفيق وان يعود الحب والامان الى القلوب المغتربه والنفوس المكتئبه

نورتي الحلقه اختي العزيزه
وليس بعد حديث كلمات اخري
فانكي تكلمتي بمنتهي العقلانيه
اشكرك لحسن حضورك
واديكي عرفتي ان معني قبطي مسيحي
الحمد لله الموضوع جاب معلومه
نورتي الحلقه
تحياتي لكي

[كبرياء رجل]

	المشاركة الأصلية كتبت بواسطة جريح وسط الصحراء

	حوار رائع .. استمتعت بالقراءة ،،

نورت الموضوع اخي
دمت بكل خير
تحياتي لك

[كبرياء رجل]

	المشاركة الأصلية كتبت بواسطة on my body

	فى البداية يا استاذ مورشو بيتهيقلى ان اسم البرنامج فيه عنصرية شويه علشان مافيش فرق بين قبطى ومسلم كلنا مصرييين مع احترامى الشديد للعضو كبرياء رجل اللى انا معرفوش انا متفق معاك فى معظم الكلام اللى انت قولته بس ليا تعليق على حاجة بسيطة مين قالك ان المناصب مش للمسحيين؟؟؟ انت نسيت وزير السياحة؟؟؟ انا معاك ان الحكومة مش تمام وانا واحد من الناس مش موافق على قرارتها بس مش معنى كده انهم حلوين مع فلان ووحشين معايا لا مش كده خلاص وظيفه الحكومة هى انهم يبقو وحشين على طول الخط معاك او معايا عايزك تتاكد تماما ان اى قرار الحكومة تاخدوه فهو فى مصلحتها هى فقط وليس فى مصلحة الشعب ما سبق فهو يحسب عليك اما ما هو اتى فهو يحسب لك مافيش خلاف بين مسيحى ومسلم فالخلاف بين مسيحى وحكومة انا متفق معاك فى تلك الكلمة تماما واتمنا ان يفهمها ويعمل بها باقى افراد الشعب كله مسلم كان او مسيحى لكى يفهمو اين هى اسباب المشكلة وحلها من الجذور وكلامك بخصوص ان الاخوان المسلمين احسن لو مسكو البلد فكرنى بواحد زميلى كنت بناقشه قالى ان معظم المسيحيين وانا منهم عايزنها دولة مدنية اسلامية وفى الاخر ارفع يدى الى السماء وادعو الله بما فيه من خير ومصلحة للشعب المصرى وبلدنا الحبيبة

ماشي وزير السياحه الحمد لله ابتدت تمطر
المعيدين الدكاتره في الجامعات
المحافظين (محافظ قنا؟؟ المسيحي السابق المحذوف
مناصب الشرطه
مجلس الشعب وعلى حسب خيارات الحكومه يعني في الاخر .........
المناصب العليا في الدوله
وان كانت بعض المناصب العليا التي زكرناها في الدوله التي يتولاها المسحيين فهي ضئيله جدا
(اقصد التوضيح ليس اكثر ولا احب ان اظهر باضهاد كما اسمع كلام من ذلك)
..............

طبعا اسعدني ردك وحبك لابناء بلدك
فنحن كلنا دم واحد وقلب واحد
اشكرك لجمال ردك دمت بكل خير
خالص تحياتي

[كبرياء رجل]

[QUOTE=بقــايا أنثى;2762120]حلقه بجد رائعه morshooo
وضيفك تعليقاته رائعه على الاسئله حسيت فيها وجعه فعلا كشاب مصرى مسيحى
بس والله وقسم احاسب عليه ان مافيش فتنه فى مصر طول عمر كل مصرى يحب الاخر او يكره بحسب تصرفاتهم الشخصيه وليست الدينيه اطلاقا
عمر ما كان الدين او التدين يدعو للتطرف او العصبيه
لينا جار مسيحى قسيس اقسم بالله فى رمضان اول كلمه كل سنه وانتو طيبين بتكون منه
وكمان بيجهز معانا فوانيس رمضان والزينه ال بتتعلق
وفى الاعياد الاطفال الصغيره بيديها عيديه
وفى اعيادهم احنا كمان بنقول كل سنه وانت طيب وبنبقى مبسوطين معاهم
عمر ما كان الدين سبب لتطرف ابدا
بس هيا المصالح الشخصيه او فى نفوس ضعيفه زى الاستاذ ال زاع البيان وبيضحك
هما دول ال بيضيعو دمنا هدر سواء مسلم او مسيحى
ربنا يعدي الايام على خير
ربنا يرحم شهدائنا جميعا
اسفه للاطاله [/QUOTE

نورتي الحلقه اختي
وبالعكس انا كان نفسي ردك يطول اكتر من كده
ربنا يرحم الجميع
وشكراعلى ردك الرائع الذي يحمل الكثير من الحب
لابناء الوطن اجمع
سواء مسلم او مسيحي

[كبرياء رجل]

	المشاركة الأصلية كتبت بواسطة ساحر الاحزان

	حقيقة كبرياء اخ فاضل اعتز بصداقتة منذ ان انتسب للمنتدى ورغم انة عصبى فى فترات ولكنة انسان متزن وكلماتة عقلانية جدا ونحن اخى جميعا اخوة فى هذا الوطن نورت الحلقة كبرياء ولا اقول على اسمك مجهود قيم احمد تحياتى علية

حضرتك اللي منور يا اخ ساحر
بالنسبه للعصبيه
من منا كامل في الدنيا
فلا يوجد فيها كامل
وان كانت عصبيتي تاني في بعض الاحيان
فهي حماسه زائده
وتكون ايضا بعقل
نورت الحلقه
تحياتي لك

[كبرياء رجل]

	المشاركة الأصلية كتبت بواسطة عذب المشاعر

	مورشو احب احييك على الحلقه دى بجد متميزه وعرفتنا على شخصيه محترمه جدا وله كل الاحترام والتقدير كبرياء رجل انا حابه اوجه لك كلمه كلنا بنؤيد مصر مسلم ومسيحى مفيش تفرقه واى كلام غير ده غير منطقى بيكون ناتج عن ناس بتحاول تعمل فتنه سواء من مسلم او مسيحى علشان كلامى يبقى على مستوى الجميع ودى ناس بتركب الموجه ومتعرفش يعنى ايه بشر يعنى ايه الدين المعامله وبالنسبه لمتطلباتك او متطلبات الاقباط ككل فاانا حابه اقول كلمه وهى دى الحقيقه المفروغ منها فى بعض النقط متفقه معاك فيها والبعض الاخر ليا تعليق بسيط كدا ارجو قبول كلامى بصدر رحب اولا اهلا وسهلا بيكي اختي ومنوره الحلقه الطلب الاول حريه العقيده المواطنه ودى حاجه اكيده ومن حقكم ان يكون فى اطار من الحريه فى العقيده الطلب التانى انشاء دور عباده نفس الاجابه من حقكم الطلب التالت عدم تهميش الاقباط في المناصب العليا وغيره كبرياء رجل انا احترم وجهة نظرك او وجهة نظر الاقباط كلها بس الاقباط مش مهمشين وده طلب صعب تطبيقه صعب لسبب وده مش كلام بقوله وخلاص لاء كلامى بناءا على مضمون وواقع مفروغ منه ( مصر) دوله اسلاميه يعنى لابد من تطبيق الشريعه الاسلاميه لازم السلطات تكون مسلمه يعنى مينفعش تطبيق الدين المسيحى فى مصر وارجو تقبل كلامى بصدر رحب بس كلنا عارفين مصر دوله اسلاميه مش قبطيه وده طبعا ميلغيش حريتكم ولا يمسكم فى ضرر بالعكس لو رجعت للقرون الاولى فى مصر هتلاقى القبطى دفع جزيه مقابل انه يعيش فى مصر وده كلام موثوق منه مش من فراغ اولا ما هو تعريف الجزيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!! هي دفع اهل الزمه مقدار من المال مقابل حمايتهم وابقائهم في الدوله على دينهم . ثانيا تم الغاء الجزيه في عهد سعيد باشا ثالثا كيف يتم دفع الجزيه للمسيحي وهو شارك في تحرير بلاده من ايام الاستعمار حتى الاستقلال الذي نجده يشارك في الجيش ويختلط دماء المسلم والمسيحي في تحرير البلاد من بدايه العدوان الى حرب 73 فكيف احرر بلدي بدمائي وابقي غريب وادفع جزيه دفع جزيه عشان اعيش في بلدي اللي هيا من الاصل بلدي مش عارف اقولك ايه بصراحه منتهي العدل والحكمه كلامك طيب نعمل ليهم وظائف حسب النسبه يعني 10% على كلام البعض نخلي ليهم وظائف 10% اظن ده عدل ولا حضرتك ليكي وجهه نظر تاني كما يدرس الدين الاسلامي لكل الاطفال في المدارس سواء مسلم او مسيحي يدرس الدين المسيحي طب مهو فى تدريس فى المدارس الدين المسيحى انت تقصد مكان صح لوتقصد المكان او فصل طبعا من حقكم وبشده ده حتى من قبل الثوره ولما كنت فى المدرسه كنت بستغرب ليه ميكونشى فى فصول لتدريس للدين المسيحى بس ده دور الحكومه انا قصدي من اللغه العربيه ووضحتها في اكتر من رد او يلغوا الاثنان كبرياء رجل انت لولغيت دراسة الدين الاسلامى يبقى كدا بتقضى على مصير مصر وكمان نفس الكلام على الدين المسيحى لازم تدريسه فى المدارس مصر مش هتكون اقوى الفتره الجايه غير بالايمان بالله ورسوله احس فى كلامك عبارة ان مصر تكون بدون هويه وبدون ديانه يعنى ايه طالب مش بيدرس دينه فى المدرسه هيكون فى تشتت دينى من الطرفين الغاء التدريس الدين في اللغه العربيه او نقوم بجمع الاثنان ده قصدي او ايات من الانجيل بنسبه ضئيله الغاء مسلم او مسيحي من البطاقه دى حاجه مفيهاش ضرر لكم ولا لنا يعنى هى مجرد تكميل بياناتك الشخصيه او هويتك بدون هويه ولما نلغى اسم الديانه من البطاقه هتكون البلد فى خطر جسيم جدا مصر مش هتكون وقتها مسلم ومسيحى بس لاء هيكون اليهودى او ... او.... وكتير من الاديان يعنى الاجيال الجايه هيختلط عليهم الامر وهتختلط الاديان والانساب والذريه وده مينفعش لازم كل انسان يلتزم بدينه وتعرف هوية غيرك انسان بدون بطاقه ذكر ديانته فيها انسان بدون هويه انسان بدون معرفة دينه صعب وده مش لصالح الجميع مسلم _ مسيحى على فكره الدوله الوحيده اللي في العالم مصر اللي فيها مكتوب مسلم ومسيحي يعني على كلام حضرتك الدنيا المفروض دلوقتي تبقي خربانه !!! عدم التعدي على الكنائس بالتاكيد التعدى امر غير مرغوب فيه والللى حصل ده كانت فتنه عدم تواطئ الحكومه في ما يخص الاقباط سواء من متطلبات او من احكام ازاى مصرى ميطبقش عليه الاحكام او المتطلبات مش انتم مصريين زى مالكم حقوق عليكم واجبات اكيد لو انتم كنتم حاسين انكم مضطهدين من الحكومه وانكم كنتم بتتعاملو معامله غير المسلمين تاكد ان ده مش صحيح بدليل ان الاخوان المسلمين كانو بيعتقلو فى السجون يعنى كانت المعامله واحد ه مش متجزئه كلمه اخيره فكرو فى اللى جاى خلاص زمن الاهانه انتهى ابدؤ معانا من جديد رجعو الثقه من جديد مسلم مع مسيحى ايد واحده بالنسبه للاخوان المسلمين الحكومه كانت تعتقلهم بالنسبه لنشاطهم اللي حضرتك عرفاه وبدايه من الكشح ونجع حمادي والاسكندريه واحداث كنيسه صول من هدم وحرق وعدم تدخل الجيش وطرد المسيحيين من البلد وكنيسه اسوان واحداث ديروط واخيرا ماسبيروا وما زالت صفخاتنا تنتظر لسطر باقي الاحداث لتطوي في دفاتر داخل الاداج ويغلق عليها فلماذا كل هذا شعار واحد حرية اديان سعدت معكي بالحوار نورتي الموضوع ارجو ان تتقبلي كلماتي بصدر رحب دمتي بخير اسفه للاطاله بس حابه اطرح وجهة نظرى ارجو تفهم مضمونها مع ارق تحياتى

نورتي الحلقه اختي العزيزه دمتي بخير

[janajo]

انااول ناس بتتصل بية في العيد الا خوةالمسحيين قبل اقاربي

[Aya 7ekaya]

حوار ولا اروع وبجد وصل فكرة جميله جداا
تسلم ايدك

[misho]

عذب المشاعر
كبرياء رجل

الرد الاول من عذب و الرد عليه من كبرياء
مكنش فيه اي حاجة
وكان حوار جميل وتوضيح لرأي كل واحد
من غير اي اساءة
ليه التغيير بعد كدة !!
مفيش اي سبب للردود اللي بعد كدة
ياريت يبقي الحوار يبقي بطريقة افضل
هنختلف لكن بطريقة كويسة