حلقات ( اجمد عضو ) مع ( morshooo )

[Mo7aMaD 3aLa2]

اقتباس الاخ محمد علاء محايد جدا اشهدله صراحتا وحقاني جدا جدا وعمره مابيبدا بالغلط ابدا

اية دة بجد ؟ ,, تسلمى ع كلامكـ أكيد

نورتى يا حبر القمر

..

[Lost Pearl]

اقتباس المشاركة الأصلية كتبت بواسطة mo7amad 3ala2 الكلام اللى بتقولية دة كلآم طبيعى ومنطقى جداً اكيد يابني هو انا اي حد هههههههه ولسة انتو شفتوا حاجة =)) ,, انا عن نفسى رايح الجيش بنوركـ انا ملاحظة اننا لسة بنشوف اه ,, بس انت مش هتهرب مننا ههههههههههههه ,, نهائيا دة اية العظمة دى نورتى يا لوجى

نورك ,, و ابقي قابلني لو وصلت للرد ده و انت بترد كل 5 ساعات مرة

[morshooo]

بسم الله الرحمن الرحيم

اهلا بيكم جميعا

وحلقة جديدة من برنامجكم

اجمد عضو



كلنا قرينا خلال الايام الماضيه خبر رحيل ( king lion ) وهو احد اعضاء المنتدى الغالى

الــ بتمنالة الرحمة والمغفرة ويجعل مثواة الجنة .

وبتمنى من ادارة المنتدى ( تكريم ) المغفور لة عن طريق منحه ولو ( وسام )

نعبر لة عن حذننا لفراقة لاننا مش متواجدين فى مجرد منتدى ( ترفيهى فقط ) .

النهاردة حلقه جديدة من برنامجكم

ومعايا النهاردة ضيف مميز جدا

صاحب قلم مميز وفكر راقى

معاناالمتألق /

booody99


اهلا بيك

ودلوقتى تعالو نشوف

عناوين من الحوار
( عشان سيلفر يعرف مورشو ستايل )



booody99 : متابع احداث المنتدى وزى باى الاعضاء مش عاجبنى عدم تقديرنا لبعض وعدم الاحترام

من حق الادارة تشيلنى من اشراف القسم العام لتغيبى فترة كبيرة وصعب الرجوع للاشراف الفترة الحالية

بستفيد جدا من النقد سواء نقد بناء او جارح ولو جارح بيقلب الموضوع لشخصى

جميع الى ذكرتهم فى برنامج كشف المستور اعترضو وكان ليهم الحق وكنت متوقع دا

غلطى فى برنامج كشف المستور ان كان لازم اعمل الموضوع فى جزء واحد فقط

دا سبب حظرى من المنتدى وسبب الحظر ( الاستهزاء بالادارة )

مش شايف جديد فى المنتدى الفترة القادمة والى شايفةان البعض اصابة الخمول

وسام شاعر المنتدى افض وسام لانى كنت ضد كبار المنتدى

فى حد سمع شعار ( الاسلام هو الحل ) بعد وصول الاخوان للحكم والاعلام المصرى سىء جدا

كلمتى الاخيرة للاعضاء مهما كان الخلاف الفكري فليس من حق أحد الحجر عليك



ودلوقتى تعالو نتابع الحوار .

س / اهلا بيك بودى فى اجمد عضو ؟

اهلاً بيك مورشو وبشكرك على الدعوة الجميلة
وبعتذر عن تأخري بسبب وفاة عمي رحمه الله

س / دائما انتا معروف بصراحتك هتكلم بصراحة النهاردة كمان ؟

والله إن شاء الله بما إن الموضوع يتطلب كده

س / متابع احداث المنتدى الفترة الاخيرة والا لا ؟ واية رئيك فى الاحداث ؟
متابع إلى حد ما وبسمع كلمة من هنا على كلمة من هناك
أكيد زي أي عضو مش عجبني الموضوع
وخصوصاً عدم تقديرنا لبعض والأحترام قل بشكل مفاجئ
ولكن قد يكون للأحداث دور في ذلك ولكن الأدارة بأطقمها أيضاً لها نصيب

س / شايف ان حكاية التقدير دى قلت اليومين الى فاتو والا من فترة ؟

هي من فترة طبعاً لما أعضاء كبار خرجوا
وتواصل مسلسل الرحيل ولكن بزيادة كمان
وأتوقع يمكن عدم التقدير المطلوب
نوع من أنواع الإقصاء الغير مباشر

س / الادارة ليها نصيب ازاى ؟

بعض الأحيان بشوف الإدارة متعنتة أو بتتلكك
ده بجد أنا مش عشان اختلاف معاهم هنقدهم
ولكن هو ده الحال بجد بشوف إن الكافة مش فيها توازن
ساعات الإدارة بتميل لحد على حساب حد
وأيضاً المسافات بين تبادل الآراء مع الأعضاء ضيقة جداً

س / انتا طبعا كنت مشرف فى المنتدى ؟ اية سبب خروجك من الاشراف ؟

اه كنت مشرف على القسم العام وكان الي عيني ضياء قبل ما يخرج
ولكن رحيلي من الأشراف
كان تقريباً عشان غبت لفترة كبيرة بسبب نزولي مصر وغيابي عن المنتدى
ومفيش سبب تاني وللأدارة الحق في ذلك

س / انتا بتزعل من ان حد ينقدك ويهاجمك والا لا ؟

بالعكس بستفيد سواء جارح أو غير جارح
لكن لو جارح ساعات بيتقلب الموضوع شخصي
ولكن لو بناء وهو قاصد النقد للنصيحة بحترمه طبعاً

س / بتعرف منين ان الى بينتقدك بيكون كلامة صح ونقدة بناء ؟

والله إذا كان صادق وشوفت بيتكلم صح أكيد بناء
ولكن لو كل ما يدخل الموضوع ينتقد بس
فباخد الحلو وأسيب الوحش

س / احنا شوفنا اعضاء هجمتك فى توبيك ( كشف المستور ) ؟ اية هدفك من الموضوع دا ؟

اه تقريباً جميع الي ذكرت أسمائهم اعترضوا وليهم الحق
ولكن كانت فكرته الي وضحتها وهي
إن ليس كل ما يقال حقيقة مهما كان الشخص الناقل
فلابد من التأكد قبل تصديق المعلومة

س / مين اكتر حد استغربت لرد فعلة ؟ لية ؟

يمكن في أعضاء استغربت من تعليقاتهم
لكن يمكن أشد واحد كان تعليق طارق
ويمكن أنا رديت عليه في نفس الموضوع

س / فى اعضاء قالو احنا مقولناش كدا وكلة دخل يدافع عن نفسة كنت متوقع دا منهم ؟

أكيد كنت متوقع ده منهم
وأنا محبتش أكبر الموضوع أكبر من كده
لأن كل الي هاجموا بشكل قوي كنت متوقعهم بالذات
ولذلك أنا نقلت تعليقاتهم بالمعنى وكنت هكبر الموضوع
وهجيب التعليق الحقيقي وأقارنه بالمزيف
كنت هتلاقي أنهم نفس المعنى
ولكن في ناس كمان قالتلي
انصدمنا لما لقينا أننا فعلاً هو دا المعنى الحقيقي لكلامنا!!

س / مجبتش لية تعلقيات الاعضاء وقارنتها فعلا طالما انتا بتقول انها متطابقة لكلامك ؟

عشان الموضوع مش يكبر وقولته ألمه أحسن
وبعدين أنا وصلت لهدفي
مكنش هدفي إني أقول الكلام ده صح ولا غلط ولا مطابق ولا لا
لأن أصلاً فكرة البرنامج تزيف التعليقات

س / قولت اية لنفسك لما الاعضاء هاجموك فى التوبيك وذعلو منك ؟

قولت المفروض كنت عملت الموضوع من جزء واحد
ولكن يمكن غلطي إني قسمته لأثنين

س / لما اعلنت فى التوبيك التانى فكرة الموضوع فى اعضاء عارضوك بشدة وكانو بيقللو من فكرتك ؟

والله الي قلل من الفكرة هما الي إتذكر أسمائهم وليهم الحق
ولكن الفكرة انا ناقشت فيها عدة أشخاص وكان مشجعين ليها
ولكن زي ما قولتلك انا مقتنع إني قدرت اوصل فكرة بشكل مختلف
لو إنت شايف إن كان ليا هدف تاني ايه هو ؟؟

س / انتا كان هدفك هو الموضوع بالشكل دا بس والا كنت ناوى تعمل حلقات للبرنامج ؟

هي دي ثاني حلقة وكان الأول عبارة عن لقاء عادي
ولكن الفكرة دي كانت كشكل جديد في إيصال الفكرة



س / انتا تم حظرك قبل كدا من المنتدى ؟ كان اية السبب ؟

بكل صراحة بما إن أنا في البرنامج بتاعك ومكنتش حابب أفتح الموضوع
بكل وضوح نشرت موضوع عن اتهامي للقضاء بعدم الإنصاف
وإنه حكم على عبدالله بدر بالإيقاف والتغريم في حال تغاضيه عن الآخرين ممن يسبون الرئيس وشخصيات أخرى
وقولت إن أنا ضد عبدالله بدر والأسلوب الهمجي بتاعه
ولكن ضد القضاء الغير عادل بالمرة
وبعد عدة مشاركات جيدة من الأعضاء كانت كلها بالتأكيد لفكرة الموضوع
دخلت مساءاً فوجدت الموضوع محذوف ولدي رسالة من الإدراة طارق
أنه كتب لي رد في مجمله أنه هناك فرق بين القذف والسب
وكان اسلوبه بضحك يعني بهزار
فأنا عشان أعدي الموضوع كلمته بطريقة هزار بردو
قولتله طب ما إنت قولتلي طائفي وانا قولت بحترم رأي المسيحين ههههههههه
وقولتله مكنتش أتمنى إنك تحذف الموضوع وتكتفي بالرد
وكان فوق في تحذير تقريباً بيقول من لا يعرف الفرق بين القذف والسب فليرجع لحدود دينه
فأنا قولتله بالنص (لا عرفت حدود الإسلام دلوقتي هههههههه)
وكان السياق بالضحك والرسالة موجوده
وانا رديت عليه بأسلوب ضحك ولا اتهامته ولا حاجه
ولكن لقيت نفسي محظور بعدها
والسبب الإستهزاء بالإدارة!!

س / يعنى انتا كمان بتشتكى من حزف المواضيع وكان سبب فى حظرك ؟ لو انتا ادارى هتعمل اية لو موضوع فية شد بين الاعضاء ؟

لا عفواً الموضوع مش سبب الحذف
الرسالة هي سبب الحذف
ولو أنا إداري
والله أنا بحب النظام والترتيب
يعني لما أشوف حاجة كده
هراجع التعليقات وهدخل وهعمل شبه مناظرة داخل الموضوع نفسه
وهاخدها نقطة نقطة ودي الوسيلة الوحيدة لللإقناع
لكن حذف أو قفل أكيد بيزعل جامد وممكن يكون شخصي كمان

س / مش شايف ان الادارة ليها عزرها فى حزف المواضيع بسبب عدم حدوث المشاكل بين الاعضاء ؟

بس ده لو من الجانبين
لكن الإدارة بتحذف المواضيع الي مش بتعجبها في رأيها
والدليل إن في مواضيع بعد عدة مشاركات من الأعضاء بالقبول
تقوم الإدارة بحذفها

س / شايف المنتدى ازاى الفترة الجاية ؟

مش شايف فيه حاجة جديدة
ولكن شايف إنه أصابه بعضاً من الخمول
رغم تجديد دماء المنتدى بالمشرفين المجتهدين

س / مش زعلان انك لما رجعت مرجعتش مشرف تانى ؟

لا طبعاً لأن أنا مش زي الأول
وبعدين القسم العام محتاج دماغ وشغل جامد
وأنا بسبب عدم استقراري صعب عليا حالياً الرجوع للقسم العام

س / لسة عايز تبقى مشرف على القسم العام والا كدا خلاص ؟

لا بصراحة حالياً بقى صعب عليا حتى أتابعه
بعكس الأول الواحد كان متفرغ ليه

س / انتا ماشاء الله كلك اوسمة ^_^ اية اكتر وسام تعبت فية ؟

هههههههههه حلوة كلك أوسمة
ربنا يخليك ده من زوئك
ممكن وسام شاعر المنتدى
عشان كنت لسه جديد في وسط كبار هنا

س / من الاتحادية للمصحة النفسية موضوع معبر عن حال البلد ؟ شايف الاحداث ازاى ؟

والله هي بتمثل الي بيحصل بس بواقع عقلاني
لو مش تواحدنا قريب قول على مصر السلام
البلد ماشية على حافة الإنهيار التام
وتلك القصة تصف حال أسرة تفككت بل تمزقت
بسبب السياسة الغشيمة وهذا حال مصر
فهي أسرة سوف تتمزق إن لم نتدارك الوضع

س / شايف الاخوان ودو مصر فين ؟ واية رئيك فى الرئيس ( مرسى ) هو فعلا زي ما وعدنا عمل ؟

بكل حيادية وصراحة
أنا بسأل سؤال دلوقتي
بقالنا 80 سنة بنسمع الإسلام هو الحل لما راسنا وجعتنا
طيب حد مننا سمع الشعار ده بعد ما طلعوا من الظل للنور؟؟
وشايف إنهم لعبوها صح ولبس الكل العمة وضحكوا عليهم
السلفيين بالشريعة والثوار بإعادة المحاكمات وغيره وغيره
ولكن دايماً الي بيستخدم الأسلوب ده مش بيطول
أنا كنت داعم ليهم لصالح مصر عشان ننتشلها قبل الغرق
ولكن واضح إن هما جماعة الظل مينفعش يشتغلوا في النور
ينفع يبقوا معارضة كويس عليهم
والدليل لما جتلهم الفرصة مش كانوا قداها كانت كبيرة عليهم
وحتى لو في ناس ضدهم طب ما انت مفكر إنك هتاخدها بالساهل
ولغاية إمتا هتفضل تعلق بطئك على الآخرين
ولكن زي ما قولت من اول يوم
قد تكون نقمة وليست نعمة للإخوان



س / اية رئيك فى الاعلام المصرى حاليا ؟ شايف انهم سبب فى بعض الاحداث الى بتحصل فى البلد ؟

الإعلام المصري المعارض منه أو الإسلامي
إعلام سيء بجد وبيحاول إشعال المواقف
وتبادل الإتهامات والشائعات والحقائق المزيفة
وهو فعلاً نفس الإعلام السابق لم يتغير
إعلام يندى له الجبين حسرة عليه
ومن المؤكد أنه يلعب دور هام في بعض القلاقل في البلد

س / قبل ما نختم الحوار تحب تقول اية لاعضاء المنتدى ؟

أحب أقول مهما كان الخلاف الفكري فليس من أي أحد الحجر عليك
ولكن إن تعدى الخلاف الفكري لخلاف شخصي فهذه هي المشكلة
وبقول للإدارة نقدي ليس إلا نصيحة تحتمل الخطأ والصواب
وياريت نقدر بعضنا أكثر من كده ونرجع زي الأول
ونعتبر السياسة دي مجرد نقاش حتى لا تفسد علاقتنا ببعضنا
وبشكرك مورشو على هذه الاسضافة الرائعة
وأفصحت عن ما بداخي من خلال هذا البرنامج المتميز
كل الأحترام والتقدير لك ولكل من مر هنا


وبكدا بتنتهى حلقتنا النهاردة

نتظرونى وضيف جديد وحلقة جديدة من

اجمد عضو

تحياتى

morshooo

[الرحــاال المٌتَمرد]

استضافه أكثر من رائعه لــ قلم موهوب
مشهود لك أيها القيثار بأنك من أفضل أقلام المنتدي أدبياً
وها أنت الأن لــ تٌعبر عَن شخصك الخلوق ,,
بعيداً عن ما يدور من مشاكل فى المنتدي
تحياتى لك مورشو على المجهود الطيب
والاختيار الموفق

[βÄşmα ♥]

بجد حواآر راآأإأئــــــــــع
مع شخص محترم اوووي ومميز
مشششكور اخي

تحياآتي

[طِيشْ !]

الأخ بودي

أولا قلم رائع ومميز يستحق متعابعته بجداره

و ضيف متميز بإجاباته العقلانية و المنطقية

ثانيا

بالنسبة لموضوع كشف المستور وأجزاءه

فأنا الحقيقة مقرتش الموضوع ومعرفش الحوار كان عن أيه بشكل عام

و لكن الأساليب في الحوار بتختلف

وتقبل الأعضاء بغض النظر عن المنصب للكلام حتى و إن كنت حضرتك شايفه عادي

بيختلف من شخص لآخر ...

وبردو زي ما إنت قلت منكبرش المواضيع ^^

عبدالله بدر دا قضية شائكة متنازع عليها و الآراء في تضارب شديد

نكون واقعيين شوية

مهما كان الإنسان مش محترم ....

فمش من حقه التشهير بالسمعه و السب و القذف علنا وعلى الملأ !!

حتى و إن كان جزء من كلامه صح و الله أعلم

مش من حقه إنه يتكلم عن الناس بالطريقة دي

.......

إجابات جميلة منك أخي

وكالعاده موروشو متألق على كرسي المستضيف

تحياتي للجميع

ودي ووردي

[شاعرة الرومانسيه]

موفق قوى يا أحمد فى اختيار عبدالله فى أجمد عضو

لأنه بجد شخصيه محترمه وخلوق

وكلنا نكن له كل احترام وتقدير

وعبد الله من الأقلاام التى لا يستهان بها

قلم صارخ بالحق دائما

لا يهاب ولا يخشى فى الحق لومة لائم

اما عن شاعر المنتدى فهو فعلا يستحقها

لما قدمه من ابداع يُحسد عليه

نتمنى من الله ان يوفقه الى مايحبه ويرضاه

[شاعر واسير الحب]

حوار رائع في حلقة جامدة
مع شخص رائع
مع محاور يجيد فن المحاورة
دمتم بخير

[فــــــــــرح]

استضافة طيبة فعلا ..
ولم اتوقع استاذ عبدالله مليء بالمشاكل

شخصية هادئه تتسم برجاحة العقل وسددا الموقف
لذا استغربت قليلا بعض المواقف التي تعرض لها
بحكم ماهو ظاهر لي ..


اجابات رائعة استمتعنا فيها بمعرفة
جزء من شخصية استاذ عبدالله ..


اما احمد فأنا لا استطيع سوى ان ازيد
من حصيلة اعجابي بشخصيتك الحوارية
رغم انك ( حرامي مشاركات برضو )


شكرا للضيف وللمضيف
على قيمة حوارية راقية منبعها

( اجمد عضو واستضافة بوودي )

[نور حبى]

حلو اوى الحوار ده

عجبنى جدى

فعلاً الاسئلة يا مورشو كانت متميزة و منتقاة

و الأجوبة طبعا ذات طابع متميز

و جعنى أتعر اكتر على booody99
حوار كان شيق جدا

متميز أنت دائما يا مورشو

شكرا على المجهود الرائع

و يدوم النشاط

تحياتى