حلقات ( اجمد عضو ) مع ( morshooo )

morshooo · منذ /03-24-2010, 10:51 PM

اهلا ومرحبا بكم

وحلقة جديدة من حلقات

اجمد عضو

فى البداية احب اشكر جميع الاعضاء المتابعيين للبرنامج

والى بجد بشكرهم على التواجد الدائم

اليوم معى ومعكم ضيفة غاية فى الجمال

صاحبة لقب الكاتبة المميزة

صاحبة الجنسية السويسرية معى ومعكم

المتالقة دائما

رحيق الجنه

اهلا بيكى غاليتى

والان تعالو نشوف ضيفتنا قالت اية

رحيق الجنه : انا مهتمة بقسم قلم اعضاء بنات مصر لانى حاسة انى عايزة اعمل حاجا مختلفة

مستحيل افكر انى اعيش فى مصر وعلاقتى باهل والدى مش اعرفهم خالص

كنت بحب ولكن بفكر انى ارتبط بعربى

لم يتبقى لى من افراد اسرتى غير اخ وعايش فى كندا ولم اراة من سنوات

وافقت على الدعوة لن دا شرف لية من منتدى جزء من حياتى

والان تعالو نشوف الحوار الرائع

س / الاسم السن الدراسة ؟

اسمى : رحيق الجنة

السن :21 سنة

الدراسه :علوم ادويه (صيدله بالمصرى)

س / فى البداية كدا مشاركاتك اكثر من 2000 مشاركا ؟ انتى بتفيدى المنتدى بمشاركاتك دى ؟

والله ده مش انا اللى بحكم عليه الموجودين فى المنتدى هما اللى يقولوا

س / انتى مهتمة نوعا ما بقسم ( قلم اعضاء بنات مصر ) ؟ مافكرتيش تشرفى علية ؟

انا مهتمه بيه لانى حسيت انى المفروض اعمل حاجة مختلفه كنت فى فترة

فى قسم النقاش بس حسيت ان التشجيع على الكتابه والقراة مهم جدا

الاشراف عليه لو هيفيدنى اكتر ويفيد المنتدى اكيد هفكر فى الاشراف

س / انتى استفدى من المنتدى ؟

كتييييييييييييييييييييييير جدا شفت ثقافات مختلفه وافكار مختلفه فادتنى كتير

س / دعيتى حد قبل كدا لدخول المنتدى ؟

دعيت ناس اعرفهم بس هما ليهم فكر معين فى دخول المنتديات ومش لقوه هنا وده

افضل بكتير

س / تفتكرى المنتدى ناقص اية من وجهة نظرك ؟

المنتدى جميع اقسامه رائعه بس فيه اقسام محتاجة تنشيط يمكن مسابقات يمكن منح

اوسمه الاشراف بتاع بعض الاقسام محتاج يهتم اكتر

س / انتى تستحقى الكاتبة المميزة ؟

انا احب التميز ولى فخر انى الكاتبه المميزة فى المنتدى الرائع ده

س / اية علاقتك بــ 42 صديق الى عندك ؟ والا قبلتى صداقتهم فقط لعدم الاحراج ؟

الصراحه فيهم ناس كتير اتعرفت عليهم شخصيا واصبحنا اصدقاء

وفيه ناس قبلت صداقتهم من باب انى حابه اتعرف عليهم بس لسه مجاش الوقت المناسب

س / لو روحنا بعيد عن المنتدى اخبار دراستك اية ؟

نحمد ربنا والله الدراسه هنا متعبه جدا بس يا الله

س / حاسة انك عايشة حياتك حاليا ؟

بمعنى ايه؟؟؟؟

س / بمعنى انك حاسة اك عايشة حياة طبيعية زى اى شخص والا فى اختلاف ؟

بحاول

س / مفكرتيش انك تيجى تعيشى فى مصر ؟ وسط اهل والدك والا اصبح من الصعب ؟

مستحيييييييييييل

س / اية علاقتك باهل والدك رحمة الله ؟

مش اعرفهم خالص

س / اية علاقتك باصدقاءك فى الكلية ؟

انا فى الكليه كلنا 5 طلاب لاننا هنا الكليه دى مجرد درجه علميه زياده مش بيهتم بيها

الا الاثرياء ومحبى العلم

اصدقائى علاقتى بهم رائعه جدا

س / انتى بتحبى والا لا ؟

كنت بحب بس خلاص الموضوع مش سهل لانى بفكر فى الارتباط بعربى

س / اية مواصفات فتى احلامك ؟

حنون قوى جرئ قوى لى وحدى فقط مسلم طبعا مش شرط الجنسيه
(عندك عريس؟)

س / انتى مصرية مقيمة فى سويسرا ؟

لا انا سويسريه الجنسيه والدى رحمه الله كان مصرى بس كان عايش هنا متجنس

بالجنسيه السويسريه

يعنى لى جدى مصرى والباقى سويسريين

س / اية الفرق بين الحياة العربية والحياة الاوروبية ؟ بما انك عيشتى الفرق دا ؟

انا مش عشت الفرق انا زرت البلاد العربيه سياحه فقط كل اللى اعرفه عن طريق المنتديات

والناس اللى اتعرفت عليهم من الانترنت والاخبار العربيه

س / فاكرة ايام الطفولة والا لا ؟

طبعا مش ممكن انساها

س / تفتكرى اية منها ؟

افتكر كل حاجة

بس ححكيلك على موقف حصلى وانا صغيره

كنت مع والدى وخارجين واخويا الكبير سال بابا بعفويه الاطفال ليه احنا مسلمين بابا مش

اتكلم واخدنا ودخلنا المسجد واول مرة كنا نسمع القران ومن يومها مش اتكلمنا معاه فى الدين

س / اعتقد ان الى عملة والدك معاكو ودخولة المسجد اجمل رد على سؤال اخوكى ؟

اكيد لانه كان بيعلمنا الدين بالافعال مش بالكلام

س / اية علاقتك بافراد اسرتك ؟

لم يبقى لى من اسرتى سوى اخ مقيم بكندا لم اراه منذ سنوات بس بنتكلم فى التليفون

س / لسة على علاقة باصدقاء الطفولة ؟

لا للاسف لان والدى كان حابب ان اصدقائنا يكونوا عرب ولما بداوا يكبروا تركوا البلد

س / تقولى اية لمنتدى بنات مصر ؟

لك منى كل احترام وتقدير فقد خلقت منى شخصيه اقوى مما كانت عليه

فلك منى كل التقدير ادارة واشراف واعضاء

س / تفتكرى بتواجدك فى اجمد عضو الاعضاء هيتعرفو على باسكال اكتر ؟

اتمنى

س / كنتى متابعة حلقات اجمد عضو ؟

فيه حلقات تابعتها وكان اهمها بالنسبه ليا الحلقه مع ( جزائريه تحب مصر)

س / كنتى متوقعة وجودك باحد حلقات البرنامج ؟

لا خالص بس ده شرف لى خلا يومين اخد عضوة مميزة وكمان اكون موجوده فى حلقه

اجمد عضو كتير جدا عليا

س / اعتقد حصولك على الكاتبة المميزة واختيارك باجمد عضو ؟ دا تكريم لمجهودك الرائع بالمنتدى ومش كتير والا حاجا ؟

يارب يخليك مفيش رد عندى

س / انتى وافقتى على قبول الدعوة لية ؟

الدعوة شرف ليا من منتدى جزء من حياتى فيه

وبكدا تنتهى حلقتنا النهاردة

انتظرونى وحلقة جديدة من

اجمد عضو

تحياتى

morshooo

nooody · منذ /03-24-2010, 11:14 PM

الحلقه جميله كالعادة يا أحمد

وطبعا منورة الحلقه رحيق الجنه

وشكرا لك يا أحمد أنك أتحت لنا الفرصه

اننا نتعرف على رحيق أكتر

smsma666 · منذ /03-24-2010, 11:17 PM

حلقه جميله باجابات رحيق الجنه
بجد انسانه محترمه جدااا اجابتها تدل على انها شخصيه جميله
تستحق كل احترام وتقدير وبالتوفيق ليكى يا رحيق فى دراستك ربنا يعينك
وتفضلى منوره المنتدى بمواضيعك وردودك الرائعه

اتيتو · منذ /03-24-2010, 11:20 PM

حلقة مميزة لكاتبة مميزة قلمها اكثر من رائع وعجبني تصرف والدها جدا الله يرحمه فعلا الدين افعال مش كلام

شكرا .......

حياتي ذكريات · منذ /03-24-2010, 11:34 PM

رحيق الجنة
اختيار رااائع جداا
بجد حلقة أكتر من رائعه
لإنسانة فوق الوصف
بحترمها جدا وقلمها المبدع احساسه
بيوصل لكل القلوب .. بتمنالها كل التوفيق
في حياتها ..

big bốss · منذ /03-25-2010, 01:16 PM

حلقه جميله يا ابو حميد

وعضوه مميزه بفكر مميز وقلم مبدع

دوام التالق والتوفيق

اسعدتنى الحلقه

dr.marmar · منذ /03-25-2010, 03:04 PM

حلقه جميله جدااااا جدا ياحمد
وبجد اختيار رائع
رحيق الجنه عضوه مميزه وكاتبه بارعه
كلنا بنحترم وجودها معانا في المنتدي
بس نتمني انها ترجع مصر وتعيش في وسط المصرين
لانها واحده مننا
ربنا يوفقك يارحيق

đΘόđΘό · منذ /03-25-2010, 08:21 PM

حلقه جميله جدا

وعضوه اجمل واسلوبها رااائع جدااا

تسلم على الابداع

countess · منذ /03-25-2010, 09:37 PM

نورتي يا باسكال

وحلقه حلوه

وحلوه موصفات الي حاتحبيه فعلا يا رحيق الحنيه اهم شي

نورتي مره ثاني يا سكره

ماتركس · منذ /03-25-2010, 10:56 PM

تسلم ياا احمد
علي مووضوعك الجميل ده
وحلقه متميزه مع عضووه متميزه جدااا
رحيق الجنه منوره الموضووع والحلقه

الذين يشاهدون محتوى الموضوع الآن : 7 ( الأعضاء 0 والزوار 7)

..{ فع‘ــآآليـآآت المنتــدى }..

الإهداءات

حلقات ( اجمد عضو ) مع ( morshooo )

أرشيف برامج اليوميات