حلقات ( اجمد عضو ) مع ( morshooo )

[Mo chahin]

شكلها هتبقى حلقه من نار ..

لانى هعترض طارق فى نقط كتير ..

ومش هرد على اى حاجه من اللى قالهم غير اما الحوار ينزل ..

فى الانتظار ..

[احساسى صحيح]

يا جااامد يا مورشووو ههههههه
حلقة شكلها نار
بس الاجابات الجاهزة مش بتكون مفيدة
لازم كان التوبيك دة يكون مباشر
وفية تواصل
لان من شكل الاسئلة اللى انتا كتبتها يا احمد
تحتاج اخذ ورد وتوضيح
موفقين ومنتظرين الدك

[єLмσsħαx]

شكلها حلقة ناااااار

[جبل عالي]

مممممممممممممممممم

إنه عنصر التشويق أيها الإخوة

منتظرين يا مورشو ياجاااااااامد على رأي الأغلبية

انت جدع وانت عارف ان انت جدع

بس ليه ماقلتليش انك جايب إسمي وإنه مكتوب ؟؟

عموما مجرد توضيح بسيط جدا انا مش ضد الإدارة

كإدراة لا أنا ضد الأسلوب وإنت عارف طبعا ولا اييييييييييييه ؟


في إنتظاااااااااار الحلقة الناااااااااااار


بكل التوفيق يااااارب

[حنـــــون]

الحمدلله اسمى مش موجوده ههههههههههه
منتظرين اهو ياسى مورشو

[Silver Flower]

انتا بتعمل ثوره ضدي ياااااأااااااااض وﻻ ايه
ﻻ ماحدش يقرب مني انا بنت المنتدى وراح ضل بنتها لحد ما اصير عجوزه او فرعونه المنتدى ان شالله
ليك يوم يا مرشدي

[ŖemǾǿ]

بالتووفيـــق

[❀ ЯeRōŎō ❀]

اوووووووووووووووبس من الاسئله واضح كده انها هاتبقي حلقه ناااااااااااار

كفايه تشويق لغايه كده بقي ونزل الحلقه ^ ـــــــــــــــــــــ ^

[♥..pure]

من كتـر مآ جبت طآرق فـ آجمد عضو بقيت متوقعه آجآبآته :d
آسئله حآدهـ وآكيد طآرق هيرد عليهآ بمنتهى الهدوء والمنطقيه زي كل مرهـ
منتظرين الحوآر يـ مرشدي

[morshooo]

بسم الله الرمن الرحيم

اهلا بيكم جميعا

وحلقة جديدة من برنامجكم

( اجمد عضو )

طبعا كلنا شوفنا اعلان الحلقة وعرفنا ان ضيف الحلقة

SiLver Spectra

دلوقتى هسيبكم مع الحوار

س / اهلا بيك فى اجمد عضو ؟

أهلا بيك يا أحمد ..
فكرني دي الحلقة الكام ليه في البرنامج

س / هبدء معاك الحوار بــ شايف الاعضاء فى المنتدى متفقين على الادارة واسلوبها فى التعامل مع الاعضاء ؟

طبيعي مش هيكون الكل متفق معاك
من اول العضو الجديد لغاية الاداري زميلك
بمعنى ..لو ميزت عضو اللي مش اتميز مش بيكون معاك,,لو خليت حد مشرف التاني مش هيكون معاك . و برضو الرقابة و الادارة

لو حكمت في شكوى بين خصمين هتلاقي واحد راضي بالحكم و التاني مش راضي لأن مافيش شخص بيشوف نفسه خطأ

حتى الحرامي بيشوف نفسه انسان كويس
بس تقدر تقول ان في قبول نوعا ما

س / الفترة الاخيرة شوفنا الادارة دائما فى موقع اتهام من بعض الاعضاء وتقريبا معروفين بس الملاحظ ان العدد بيكبر ؟ اية الحكاية ؟

بيكبر فين ؟
المعارضة باقيت عضو واحد و حتى حاولنا نعمله رشوة و ميزناه بس مش نفع برضو هههههههههههههه

((في ناس بتصدق اي حاجه على فكرة ,,بس خليهم يعيشوا الجو ))

س / هههه يعنى المعارضين واحد بس ورشتوة كمان ؟ افهم من كدا انك سكت شاهين ومحى وجبل عالى بقى ؟

ما بتصدق انت هههههه
اه شاهين لسه مديله مفاتيح العربية البي ام

و محي شاريله جالاكسي اس 4 اللي لسه ماطلعش

س / صحيح انتو فى تفرقة بين الاعضاء يعنى بتقفو على الواحدة لبعض الاعضاء خاصة ( احساسى صحيح ) ؟

و الله يا عم مورشو انا و لا أعرف عنه حاجه
حتى مش بدخل في مواضيعه هو اللي بيدخل

يبقى بقفله على الواحده ازاي !

أنا بكلمك عني شخصيا ..معرفش نوايا المشرفين التانيين ايه
بس أنا أول ما بحس و الله بإن في استهبال ضد عضو بكون أنا أول واخد آخد موقف ..و أكيد انت شوفت التنبيه في قسم المشرفين الأخير عن عدم التزام بعض المسؤوليين عن قوانين القسم اللي بتفرض على الأعضاء
و في حالة استمرار عدم الالتزام دا هاخد موقف ..أنا حاكم ما بعرفش ابويا

لكن ياسر مهما اختلفنا في النقاش فدا مش بياثر عليه في سلوكي عامة اتجاه العضو
وقت ما هشوفله حاجه عجباني او رد هتلاقيني بديله لايك
حتى العضو اللي بيكون واخد حظر نهائي كذا مره بسبب تصرفات غير اخلاقية ..لما بيرجع تاني بعضوية جديدة و ببقى عارف انه فلان مش بعمله حاجه لاننا في النهاية بشر و بنغلط كلنا ..فحلو انك تدي فرصة لشخص بيحاول يبدأ من جديد
و دا بحد ذاته بيعكس اني مش باخد اي موقف بشكل شخصي

س / واد حبيب الفترة الاخيرة شبة مختفى من المنتدى وكلنا شوفناة كان بيدخل مواضيع ويكلم عن الادارة بوجهة نظرة الخاصة اية سبب خلاف واد حبيب مع الادارة ؟

و الله مش عارف . بس هو بيزعل دائما لما بعمل اي تكريم
و تلاقيه راح باعتلي في الزوار تعليق كدا

زي مره كنت بكرم حد و بقول انه من اكثر الناس المحترمين ,,يعلق و يقول : آه فعلا مافيش حد محترم غيره

و الأوسمة اللي تم منحها(اوسمة النسور) ..كانت بناء على النشاط حسب الاحصائيات لأعلى اربعه خلال سنة و كان في تكريم تقديري محدود اختارنا من خلاله اكثر الناس ابداعا و الاختيار بيكون نسبي و بيرجع لوجهة نظرنا و تقديرنا مش شايف في كدا عيب نهائيا
فهو كان مضايق من وقتها و لمح بالتجاهل كل شوية و لحاد ما في يوم وصلني لمرحلة الانفجار ..و زعقت معاه جامد في رسالة خاصة و غلط فيه
و عامة أنا أدامكم أهو بعتذرله عن اي اساءة مني . بس انت كعضو حاول مش يكون تركيزك في انك لازم تتكرم أو تاخد تكريم . انت بتكتب لنفسك و لمتابعيك

س / بعض الاعضاء بتشتكى من تجاهل الادارة ليهم ودا انا بشوفة كتير فى الحوارات الى بعملها مع الاعضاء ؟ مش شايف انكم مقصرين فى حق بعض الاعضاء ؟

انت بتحط الاداري المنتخب مع الادارة و لا بيتفصله ؟
و الله يا مرشد انا سبق و ذكرت مليون مره ان الاداري اللي بيهتم بالاعمال الفنية صعب انه يتابع كمان المواضيع كلها

و بالتالي احنا بنوكل المهمة للاداري المنتخب في انه يتابع الاعضاء من حيث الرد عليهم او في توصيل اي ملاحظات

و بصراحة حوراء مش مقصرة و كل شوية بتبعتلي رسالة خاصة بالجديد او بالاقتراحات و خلافه و بحاول ارد قدر المستطاع
و الحمد لله قسم الشكاوي و صوت الاعضاء بيتم الرد عليهم بشكل فوري
اما التميز و الاشراف فدا امر راجع لتقديرنا و حاجتنا
العضو ليه انه لما يطلب حاجه بتخص عضويته زي تزويد مشاركات من مسابقة او تركيب اوسمة او مساعدته في مشكلة اننا ننفذها
لكن مش له انه يفرض علينا اننا نميزه و نكرمه و الا نبقى بنتجاهله !
بخصوص الرد على موضوعه فدا بيرجع لشطارة العضو نفسه و قدرته على جذب القراء و تفاعله المتبادل

س / ( نور ) قال انك مش عايز تخلية مشرف على قلم الاعضاء وفى امثال كتير فى المنتدى بالشكل دا ؟ انتو ممكن فعلا يبقى عضو مميز فى قسم ويتم تجاهلة ؟

الموضوع تقديري يا احمد
انا مش عايز اتكلم بصراحة فاخلي ناس تزعل زي ما زعلت واد حبيب كدا . بس اللي أقدر اقوله هو اننا مش محتاجين مشرف في قسم قلم الاعضاء

س / الفترة الى فاتت شوفنا حركة ترقيات فى المنتدى وتعيين مشرفين منهم ( جبل عالى - شاهين - محى ) .... الخ ؟ مش الاعضاء دى كانت ضد الادارة ؟

طيب و ايه المشكلة

س / وقتها اتقال انك رقتهم عشان تسكتهم ودمعه اكدت ان اختيارات الاعضاء كان بينك وبينها ؟

بص يا أحمد ..أنا مش دماغي صغيره . و أظن المفروض انتوا حاسين بكدا
بمعنى اني لما حد يختلف مع الادارة مش باخد الموقف بشكل شخصي و ابقى عايز اقتل العضو دا

و انت بنفسك هتلائيك اختلفت معانا قبل كدا كتير و بعاملك معاملة عادية جدا زي اي مشرف تاني
طالما هو شخص كفاءة و حاسس انه هيضيف للمنتدى بديله اشراف
بغض النظر بقى هو معارض و لا مؤيد

بس مش يبقى شخص بتاع مشاكل يعني عشان مش يطلع عيني بعد كدا من شكاوي

المهم يكون متزن و مبدع يبقى اهلا وسهلا بيه

أنا لو مش عينتهم مش هيحصل حاجه .بمعنى مش هيفرق معايا شخصيا يعني
لكن هيفرق مع المنتدى

س / محمد شاهين من مشرف على النقاش لمشرف على صفحات الاعضاء ؟ انتو اكتشفتو ان اختياراتكم للمشرفين كان غلط ؟

قسم النقاش ماكنش عليه مشرفين متفاعلين و للاسف مش كنا لاقيين حد ينفع عليه . فدا خلانا نلجأ اننا ناخد من الناس اللي بتكتب في الأدبي لأنهم كثير و يفوقوا ما نحتاجه للقسم الأدبي + اننا نكون ضامنين انهم بيقدروا يكتبوا و يدوا رايهم
فكان الخيار في تعيين اتنين من الادبي و هما ميرو و جبل عالي

بعد كدا ميرو طلب انه يتنقل منه . و أنا ما اقدرش أجبر مشرف على قسم

س / عايزك تكلم عن قسم الابداعات والخواطر وحاسس ان فى خلاف بين اعضاء القسمين ودا حسيتة من خلال موضوع ( بهدووء ) ؟ اية حكاية اتهامكم انكم سبب تراجع قسم الخوأطر وانكم بتميزو الابداعات ؟

أنا مش شوفت الحلقة دي
بص يا أحمد ..من زمان وكانوضع الخواطر و همس القوافي دا مش عاجبني

و كنت عايز ادمجهم مع بعض بس هيثم رفض عشان وقتها كان اسم القسمين ممسوكين في جوجل

الكلام دا كان في 2009
فسبتهم و عملت الابداعات الادبية ..لاني وقتها كنت حابب اكرر التجربة الناجحة لقسم (قلم الأعضاء) اللي فتحه ابو أدهم لكن مع الاقسام الأدبية
و كان ملاحظ ان التفاعل فيه ماكنش زي الخواطر . برغم ان الخواطر فيه منقولات كتير الا ان ناس برضو بتروح تكتب هناك عشان عليه زيارات أكثر
و كان ملاحظ كمان هو الخلط بين القوافي و بين الخواطر
تخش همس القوافي تلاقيه خواطر . ماكنش في تمييز بينهم !
فدا كان بيضايقني شخصيا و بحس ان القسمين شبه بعض دا غير ان القوافي كمان كان التفاعل فيه محدود

بعد كدا كان في اهتمام أكبر بالاقسام اللي تختص بالمواضيع الحصرية . فعملنا القسم العامي و دا كان اقتراح من ايمن
و بناء عليه تم عمل قسم منفصل حطينا فيه الخواطر و القوافي في قسم لواحدهم بحيث اننا مش نعمل تزاحم في الرئيسية

و على فكرة لو القضية في انهم يظهروا في الرئيسية فممكن ادمج القسمين مع بعض و يبقى اسمه الخواطر و القوافي و يكون قسم رئيسي
لكن بقى في اقتراحات برفضها زي اللي يقولك خلي القسم متراقب او فرع منه قسم للمنقولات ,,لأن كدا فكرته هتتشابه مع الاقسام التانية (الخاصة بالاقلام)
دا غير ان الاقسام دي فيها الاف المواضيع و صعب انك تفرق و تميز بين اللي كتبه العضو بقلمه و بين المنقول عشان احول القسم للحصري بعد خمس سنين من فتحه !

عشان كدا انا سايب الخيار للمشرفين ينظموا القسم بالطريقة المناسبة (زي انهم يجبروا العضو على كتابة منقول اسفل القصيدة مثلا)

س / اية رئيك فى فترة حوراء حتى الان ؟

عايز الصراحة و لا ابن عمها ؟
حوراء أكثر ادارية منتخبة اشتغلت في التصاميم . دايما تلاقي مواضيعها فيه شغل متعب . بس تقدر تقول ان تفاعل دمعة و لوست بيرل كان اكثر حيوية شوية بالرغم من اني ساعات بحس اني ظالمها لما ببحث في مشاركاتها و بلاقيها راده في مواضيع كثيرة ... ممكن عشان مش بترد بكثرة على المواضيع في الأقلام ..بس مش عارف . أنا بقولك احساسي شخصيا ان العيب في الحيوية و دا بيرجع للشخصية نفسها

س / الاعضاء شافت حوراء ونائبها فى اول 10 ايام من خلال افكار جديدة بعد كدا مفيش اى ظهور ليهم ودور حوراء اصبح خدمات فقط تركيب بنرات وعملها تزويد مشاركات تركيب اوسمة ؟ شايف ان فترتها من افضل الفترات حتى الان ؟

أنا بقول يفضل اني أحكم في النهاية عن طريق شهادة التقدير الاداري اللي بنزلها
بس عامة ..انت أو الأعضاء عامة مش بتشوف هي بتعتلي ايه

هي يويما بيتعتلي اشياء بتخص المنتدى من اقتراحات او حاجه عايزه تتظبط أو مشكلة و خلافه من الامور و بتحاول تجتهد جدا في طرح افكار جديدة

يعني البنت بتتعب يا احمد . و مش معنى اننا ننتقدها في المقارنات يعني ان البنت تطلع على مافيش

س / ساد ايز شايف ان دورة فعال مع حوراء والا قليل التفاعل وسبب من اسباب تراجع حوراء حتى الان ؟

اه فجأة اختفى محمود
مع انه بصراحة عقلية متزنة جدا و كنت و مازلت شايفله مستقبل كويس هنا في المنتدى

جايز تكون الظروف عنده مش مساعداه على التفاعل
و اكيد نشاط النائب بيساعد الاداي المنتخب
و خير مثال كان دمعة مع ساحر و لوست بيرل مع دمعة

اما انت مع الماجيك فكنت نائب اداري فاشل ههههههه

و مدي تقييم كويس للماجيك ليه و لمجهوده مش ليك انت
انت مش بتختلف سواء في المنصب او خارجه ..و بعذرك برضو لاني حاليا مدي للنائب صلاحيات مراقب

س / قسم صفحات مكشوفة تقريبا قسم المشاكل دلوقتى شوفنا تدخل من المشرفين والمراقبين والادارة ومفيش اى جديد حتى مفيش تفاهم بين المراقبين ومشرفين القسم والا بين المشرفين وبعضهم ؟ دا سببة اية ؟

القسم بقى حيوي جدا
و زي ما ذكرت قبل كدا ,,خاصية الاعجاب قلبت موازين القسم

انت عارف احنا قاعدنا فترة كبيرة كمان ماكنش في خاصية التقييم ..فكان الواحد لما يكتب حاجه يحس انه بيكتب في صحرا غير دلوقتي بتلاقي في تقييمات و اعجاب

و لما قسم يزدحم بتبدا تظهر مشاكل نوعا ما ..خاصة ان القسم مش بيسمح لحد انه يرد فالعضو بيكتب براحته و هو مش خايف من حاجه . فيمكن دا هو اهم عامل بيخلي المشاكل تظهر هناك
و كمان انت مابتقدرش تدخل في نية كل عضو
يعني واحد كتب كلام ..اعرف منين دا واقع و لا منتدى !
غير الكلام الظاهر اللي بيكون فيه وصف لعضو او اسمه
غير كدا فالمفروض تكبر دماغك و لو حد حاسس انه بيكتب عنك بدون ما يوصفك و لا يقول اسمك فمش تدخل صفحته

احنا بنحاول ندي توجيهات على أد ما نقدر بحيث ان كل واحد يراعي ضميره قدر الامكان في الكلام المكتوب

س / لما بيتم حظر عضو وبيشارك بعضوية جديدة بتسبوة لية ؟

عشان أنا بحاسب العضوية مش بحاسب الشخص نفسه

س / محمد الشريف و بيوتى انجيل و محمد علاء و سيلفر فلور و ماتركس ؟ اية رئيك فى نشاطهم الرقابى ؟

محمد الشريف وعدني اكتر من مره انه هيدخل و مش دخل
حتى اخر مره كنت بشاور عقلي اشيله لاقيته باعتلي رسالة انه هيرجع فسبته ساعتها و مش رجع
بيوتي انجل ليها نشاط متواضع و بتشتغل في قسمها
محمد علاء عنده ظروف جيش
سيلفر فلور اختفت فجأة مش عارف ليه
ماتركس كان في بيات شتوي و كل شوية يقول انا رجعت و هكسر الدنيا و ماتركس بتاع زمان رجع و يوم واحد و تلائيك بعدها سامع شخير بياته الشتوي تاني هههههههه
هو النهارده داخل سخن اما نشوف ..

س / مش شايف ان فى اعضاء تستحق الحصول على المراقبة ومنتدى زى بنات مصر يبقى فية 9 مراقبين الى شغال منهم حوالى 4 فقط ؟

حاليا مافيش فراغ رقابي
أنا بعين وقت ماأحس ان في فراغ رقابي بس
و في حد مرشح انه يبقى مراقب بس مش هقول اسمه

( اقول انا )

س / لم اخد قرار بتعين المراقبين الــ 9 كانو فعلا منتشرين فى جميع الاقسام والا تم ترقيتهم على اساس ابداعتهم فى المنتدى ؟

في كدا و في كدا
بس الشروط المهمة هو انه يكون شخص متزن مش بتاع مشاكل و مش بيعصب بسرعة و مش مستفزعشان يعرف يتفاهم و يكون مرن في التعامل ..

س / امتى هنشوف الادارة توافق على استقالة المشرفين كل يوم فى قسم المشرفين عضو يطلب التخلى عن الاشراف ونفس الى بنشوفة من باقى المشرفين والردود كلها واحدة خليكى استحمل كلنا بنمر بدا ؟ شايف ان دا صح من الادارة ؟

احنا بنديله فرصة يراجع قراره لاننا لما بنفذ الطلب على طول بيتفهم اننا ماصدقنا او مش قدرناه
و دي حصلت معايا قبل كدا مره و المشرفة زعلت عشان قبلت الطلب على طول
انت عارف بقى البنات بيحبوا يحسوا بقيمتهم و يا حبيبتي زعلتيني منك ليه ماشيه و الكلام دا ههههه
في ناس بيكون لها ظروف فعلا و بتكون حابه انها تتخلى عن المسؤولية
بس عامة احنا بنشيل لواحدنا بعد فترة من عدم تفاعل المشرف

س / بس فى مشرفين مش كفائة وموجودين زى ماهم فى اماكنهم ؟ او بمعنى اصح فى افضل منهم ولسة اعضاء عاديين ؟

كل فترة بنشيل الغير فعالين
و في نفس الوقت انا سبق و ذكرت اننا عندنا ضعف في عدد الاعضاء الجدد و دا اثر بالسلب على المنتدى ككل و السبب كان في ضياع ارشفتنا في محركات البحث
فبحاول اعمل توازن شوية بين المميزين و المشرفين و الاعضاء عشان مش يبقى كل المنتدى مشرفين ..لأن بسهولة اقدر كل يوم احط مشرف جديد
بس وقتها هتحس ان الاشراف ماعتش له هيبة
غير لما تخلي التعيين في اوقات معينة و كل فترة

س / لية الى بتطرحة بيتم تنفيذة يعنى لو فكرة طلعت فى دماغك بتعرضها وبيتم تطبيقها زى مثلا فكرة دمج اقسام الاغانى واليوتيوب ؟

دا مش دمج
دا كان موضوع الملكية الفكرية
و طرحت الفكرة في صوت الاعضاء قبل اتخاذ القرار و الكل تقريبا كان موافق عليها
و أظن ان اغلب القرارات اللي بتتخذ بتكون مقبولة للأعضاء
و وقت ما بلاقي رفض او رغبة في التعديل بنعدل
و دا حصل مثلا لما قررت احد من المشاركات في الصفحات المكشوفة

س / مش شايف ان ( محمد سعد ) اصبح مشرف مميز و ( ضيف شرف ) ؟

هو طلب انه يتشال بعد ما شيلنا اقسام الاغاني
و قبل ما اشيل الاقسام دي انا كنت مبلغه و هو قالي عادي اللي تشوفه و طلب اليوتيوب بعدها
و بعدين قولتله اننا هنفرع اليوتيوب و هنخصص اقسام للاغاني فيه فتراجع عن الاستقالة
و ناوي ان شاء الله افرع اليوتيوب و الصور بس شوية كدا عشان عايزه ترتيبه حلوة

س / هو لو انتا غلط مين من حقة يعارضك يعنى لو حظرت عضو وانتا غلط فى الحظر دا او عرفت انك غلطان بتعمل اية ؟

كتير بيبلغوني و بيقولولي و اولهم الاداري المنتخب
انا اصلا نادر لما أحظر
مش ظاهره يعني
يمكن اخر عمليات حظر كانت ايام الاعلان الدستوري و بعدها عملنا مراجعة للناس دي و كلهم رجعوا بدون استثناء
يمكن في عضو بس اللي تحظر بعد المشكلة دي و رجع تاني بس مشكلته ماكانتش معايا انا

س / المواضيع السياسية البعض قال انك مكنتش بتسمح بيها ايام مبارك وبتقول لا انا كنت بكلم ضد مبارك؟ بس شايف انك اكلمت عنة بالشكل الى بتكلم عن مرسى دلوقتى بية ؟

أكيد لأ لأن الجو زمان ماكنش سياسي
بمعنى ان في حاجه اسمها (الربيع العربي) المصلطح دا بيعبر عن ان العقلية العربية اتغيرت خلال فترة الثورات
بعد ما كانت السياسة مش بتشغل دماغ الناس ..باقيت السياسة كل حياتهم
و أنا واحد من الناس كنت بحب السياسة زمان بس الجو ماكنش بيساعدك انك تكتب في السياسة كتير و كانت تعتبر حاجه مملة شوية
و كنت بتضايق من ان الناس مش بتتكلم غير في كورة و فن
و على فكرة برضو دلوقتي الموضوع بقى ممل شويتين تلاته
و اتضح ان الهيافة بتكون حلوة برضو
بمعنى ان مش لصالحك ان المجتمع بتاعك تبقى دماغه بعيده عن الاغاني و الافلام و الجيمز و كدا
لأنك لو منعت عنه الحاجات دي هتخليه يفضالك و مش يبقى وراه حاجه غير انه يتكلم في السياسة و دا بيعمل نوع من عدم الاستقرار
و تلاحظ ان في رمضان بيبقى التلفزيون مليان برامج و مسلسلات بتخلي الشهر دا يبقى اكثر الشهور استقرارا سياسيا
و هو كذلك لو روحت اي بلد اجنبي هتلاقي التلفزيون مثير هناك
لكن تعد من غير افلام و لا برامج جديده ترفيهية و لا اي حاجه غير شوية مسلسلات تركي مملة ..و في نفس الوقت مش عايز الناس تتكلم في السياسة و تخف
طب بالذمة تيجي ازاي دي !!
رفه عن الناس باي حاجه لو كنت عايزهم يخفوا في السياسة شوية,,لأن أنا فعلا شايف لازم يكون في اتزان بين الترفيه و السياسة

س / لو انتا من مؤيدين مرسى كنت هتوافق ان يتم تنزيل مواضيع عنة بالشكل دا ؟
بص .. انا استحالة أكون من مؤيدي رئيس بشكل مطلق
و لو شايف ان معاه حق في قرار معين ممكن اشوفه خطأ في قرار تاني
أما المواضيع اللي بتتكلم عنها فعادي جدا

في نظريات كدا لو رحت اي مجتمع هتلاقيها فيه
زي : الليبرالي عمره مابيزعل من انتقاد الرئيس او الشخص اللي بيايد مواقف ليه
و على العكس ..اليميني دايما بيزعل من انتقاد شخص بيايده و بيتعصب جامد و تلاقيه بيدافع عنه باستماته
أي مجتمع هتلاقي فيه النظرية دي بتطبق
بما أني ليبرالي الفكر فعمري ما هزعل من الانتقاد

س / بما انك مدير المنتدى هو لو انا نزلت موضوع ضدك وحللت سياستك فى المنتدى وقولت انك كومبرس وانك بتجرى ورا ادارة المنتدى هتوافق ان الاعضاء تعمل دا ضدك ؟

لو في أدلة بتبثت دا يبقى استاهل
و أظن ان ليه بصمتي في الادارة سواء التنظيمية أو الفنية
لكن عامة ماينفعش تقارن بين الحقيقة و المنتدى
لأنك في الحقيقة بتعاني اقتصاديا و ماديا و حياتك بتضرب و ممكن روحك تضيع بسبب سياسات خاطئة و تقصير من الجهة الحاكمة
لكن المنتدى دا و لا يجي ذرة من الواقع ..احنا بنخش المنتدى نلعب..و بناء عليه بيكون في قواعد عامة للحوار بينا كأعضاء
لكن دا مش يمنعك من انك تتكلم عن ظواهر سيئة او من اشخاص سيئين في الواقع
زي اللي يقولك دي جبهة الخراب و اللي يقولك الغرب ولاد الكذا و اليهود احفاد كذا و الشيعة كذا . مش هاجي اقول للعضو انت قولت عن ظاهرة في المجتمع او طائفة انها كذا يبقى انت كمان هنطلق عليك اللقب دا !
اذا كان القرآن نفسه كان بيذم

لكن احنا كأعضاء لازم يكون لينا قواعد بتحكمنا ,,لأن لو مافيش قواعد فهتلاقي اول واحد جاي يشتكي هو العضو نفسه
لانه لما بيحس ان حد جرح فيه بيضايق
اما لما تنتقد شخصيات عامة او سياسية فانت بتوصل رؤية و نظرة من خلال النقد دا . و بالتالي فحساسية التجريح مش موجوده هنا و هو دا الفارق في المقياس
و اي نقد انا بكتبه عن الرئيس أو أي شخصية كانت بيكون لها مضمون مش مجرد كلام

س / عايزك تعرف الاعضاء اية الصعوبات الى بتواجة ادارة المنتدى ؟

انك تراضي الاطراف دي بتكون اصعب حاجه خاصة ان الاضواء بتكون مسلطة عليك
و الإدارة مش بتكون مجرد لون احمر او حد بيحكم
الموضوع اوسع من كدا بكتير
و احيانا بعد يوم بحاله اعمل في كود معين او حاجه انت مش بتشوفها و لا بتحس بيها

س / شايف انك متفاهم مع حنون فى ادارة المنتدى والاقسام ؟

نوعا ما مافيش خلافات بيني و بينها

س / تحب تقول اية لمعارضين سياسة طارق فى المنتدى ؟

أنا سعيد بيكم
أتمنى دائما ملاحظاتكم تبعتوها في رسائل خاصة . لأني لما بحس ان الشخص دا مش عنده حب ظهور او استعراض بحترمه اكثر و بحاول أتفاهم معاه بدرجة أكبر
و اللي مش مصدق يجرب

س / تحب تقول اية لاعضاء منتدى بنات مصر ؟

أحبكم في الله

س / مفيش اى جديد هتقدمة الفترة الجاية سواء حاجا فى المنتدى او حاجة خاصة بيك كمسابقة مثلا ؟

عم هيثم اشترالكم فتحة في احد المنتديات و ناوي يشتري فتحه تانية و هنشتغل شوية في اعلانات الفيس بوك خلال الايام اللي جايه و نشوف اذا كانت هتجيب أعضاء و لا لأ
أما المسابقات
فناوي أعمل مسابقة كبيرة عالصيف أو ممكن عالعيد بس لسه مافيش اي فكرة ..مجرد مشروع و بنفكر في اساسه
هتبقى من نوعية مسابقات الغموض و الألغاز (على شاكلة حلم الشيطان) لانها بتكون الأكثر امتاعا حسب آراء الأعضاء ..بس بفكر في مشروع لعبة تكون كبيرة و طويلة عشان نعمل بيها رقم قياسي في المجهود

س / شايف ان الحوار قولت فية حاجا كنت حابب الاعضاء تفهمها ؟

فوتكم بعافية

وبكدا بتخلص حلقتنا النهاردة

استنونى وحلقة جديدة

وضيف جديد فى توبيك

( اجمد عضو )